* *لما تعمل حاجة لِـ حد ، بلاش تتكلم عنها بعدين ، حد طلب منك خدمة وأنتَ عملتهاله ، مش تفضل كل شوية بقى أنا عملت وعملت ، لما تتصدق على محتاج ، مش كل م تروح في مكان تقول أنا عطيته كذا وكذا وكذا ، وعملت معاه مش عارف اي والشغل دَه بقى ،* * *وفي الحديث الصحيح يقول النبيُّ " صلى الله عليه وسلم " : ( ثلاثةٌ لا يُكلِّمهم الله ، ولا ينظر إليهم يوم القيامة ، ولا يزُكيهم ، ولهم عذابٌ أليمٌ : المنَّان بما أعطى ، والمُنَفِّق سلعته بالحلف الكاذب ، والمُسْبِل إزاره ) ،* * *أنا عايزك تعيش الحديث وتشرحه لِـ نفسك وتتدبر معناه ، والله الموضوع في غاية الخطورة ،* * *لو حد طلب منك خدمة ، أو أنت عايز تتصدق على الفقراء والمحتاجين ، وتيجي بعد كده تِمِنّ عليهم ، وتقول لِـ كل اللي ماشي واللي جاي ، أنا عطيت دَه وتصدقت على دَه ، وعملت مش عارف اي مع دَه ، بلاش أحسن ، طالما أنتَ هتعمل وهتقول وهتتكلم عن اللي بتعمله ، فَـ بلاش أحسن ،* * *وحاجة كمان ، لما تيجي تدي حد حاجة أيا كانت هي اي بقى ، تديله وتنسى ، مش عايزك تنتظر رجوعها ، مش عايزك تنتظر المقابل ، المقابل بعدين ، المقابل ربنا هيفاجئك بيه يوم القيامة ،* *وربنا يهدي الجميع 🤲🏼'* > لِـ || عـمـرو خـالـد || ↻.