*كنت فى قناه على تليجرام فيها تقريبا 60 الف فالمهم صاحب القناه دى فى كليه هندسه وكان بيشجع الطلاب على المذاكرة وكدا فافى يوم نزل لينك قناته على الواتس وانا دخلت فكان بينزل صوره فيها وفيديوهات ليه وعادى يعنى فأنا بصراحه اعجبت بيه اووى وكانت عجبانى شخصيته جدا وانو فى فى كليه وبيشتغل وبيشجع الطلبه فكنت شيفاه شخص كويس جدا المهم جه فى يوم ونزل رقمه فأنا كان عندى قناه فى نفس المستوى بتاع قناته فبعته اعمل تبادل معاه والصدفه انو رد عليا 😳 مكنتش مصدقه ولا متخيله بجد انو ممكن يرد عليا المهم عملت تبادل معاه وسجلت رقمه ونزلت استورى عادى طبعا مبنزلش صورى ولا حاجه المهم اكتشفت انو سجل رقمى😳 فرحت جدا انو الشخص اللى معجبه بيه سجل رقمى🐥 المهم انو سالنى انتى فى اى فقولتله فى كليه وكدا وعرفت انو معايا فى نفس الكليه وانو اكبر منى بسنتين فرحت جدا مكنتش مصدقه نفسي بس طبعا متكلمتش معاه والكلام وقف بينا على كدا فجه فى يوم نزلت انى فى الكليه فلقيته باعتلى فى نفس الوقت انو فى نفس المكان فالمهم شوفته وهو شافنى😳 ايوا شوفت الشخص اللى كنت معجبه بيه صدفه كدا طبعا سلمت عليه كدا من بعيد ومشيت وكنت فرحانه ومكسوفه فى نفس الوقت وكنت هطير من الفرحه مش بس فرحانه فالمهم بعدها بقيت بشوفه كتير صدفه طبعا مبنقعدش مع بعض ولا بنتكلم فالمهم جه فى يوم لقيته بيرن عليا وقالى انزلى فى المكان كذا عشان عايزك استغربت جدا بس نزلت ولقيته بيقولى بصى هجيب من الاخر أنا معجب بيكى وبحبك وكدا فالمهم اتخطبنا واتجوزنا ودلوقتي معانا احمد وإيمان 🐥*