*_⦓ ~ࢪ໑ايـة~ `سـحـر الــعيــون`🖤📓⦔_* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ *~_اࢦـࢪابُـطِ اࢦـخـاص۪🖤📓_~* `https://whatsapp.com/channel/0029VaQX3LNH5JLu13mj6Z0R/7105` الجزة الاول  ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏هو السحر ممكن يجنن الإنسان فعلاً ولا دي إجتهادات؟ علي حسب حالات عدت علينا أقدر أقولك أن السحر ممكن يقلب حياة الشخص ويحولها لجحيم حرفيا الشخص المؤذي بيخرج الكره والغل في السحر وده بيزيد من قوته.. وفعلا ممكن توصل للجنون ... كنت راجع من الشغل زي كل يوم.. وقفت قدام الشقة وقبل ما أفتح الباب سمعت صوت القرآن الكريم شغال جوه أكيد مراتي مشغلة التليفزيون.. وقبل ما أفتح الباب الصوت سكت ومعاها صوت صرخة مفزعة.. ده صوت مراتي، فتحت الباب لقيت اللي مكنتش اتوقعه اتنين.. أيوة مراتي واقفة ووراها واقفة مراتي نسختين طبق الاصل.. والاتنين في نفس واحد بيقولوا كنت مشغلة التليفزيون والفيشة اتشالت لوحدها مكنتش عارف مين مراتي فيهم.. حاجة كده قلتلي معرفش هيا اي شغل التليفزيون.. قربت وحطيت الفيشة تاني وبمجرد ما أشتغل سمعت صرخة هزت البيت اتلفت ورايا وكانت المفاجأة... .... #سحرالجنون #الجزءالأول سامحيني.. سامحيني يا حببيتي.. أنا السبب في موتك أنا السبب.. كان نفسي كل ده ميحصلش كان نفسي تكوني معايا دلوقتي.. معرفش أزاي سمحت لنفسي لحظة أني اشك فيكي.. أنا أسف سامحيني أرجوكي سامحيني أنا أخدتلك حقك والله أخدتلك حقك وهجيلك قريب وهنبقي مع بعض كنت منهار والدموع مغرقة وشي قدام قبر زينب مراتي وحاسس بالذنب اني أنا السبب في موتها في الوقت الشرطة اقتحمت المقابر وقبضت عليا.. بصيت للظابط وقولتله _ أتأخرتوا ليه أنا مستنيكم من بدري؟! واتقبض عليا.. وصلت قسم الشرطة واترميت في الحجز عشان أترحل للنيابة بكرة ... عاوزين تعرفوا الحكاية.. عاوزين تعرفوا أنا هنا ليه؟ أنا أسمي إبراهيم مالك.. عندي 28 سنة بشتغل رجل أعمال.. اه زي ما سمعتوا كده، أنا وارث شركة من أبويا الله يرحمه، شركة دعايا وأعلان كبيرة حالتي الاجتماعية متزوج من زينب حب الاربع سنين جامعة البنت اللي وقعتني من أول نظرة واحنا في كلية علوم قعدت 3 سنين أحبها من غير ما أقولها مكنش عندي الجرأة أني اقولها الحقيقة لحد ما أتشجعت في يوم وروحت وقولتلها أني بحبها وعاوز أتقدملها رسمي.. أتكسفت في البداية لكنها وافقت وحددت ميعاد مع أهلها عشان أروح أتقدملها ودي كانت أول مرة أشوف حماتي سعاد.. بصراحة شخصية لا تطاق.. عندها تكبر وغرور ميتوصفش.. مرتحتلهاش ولا هي ارتاحتلي ... وحاولت كتير انها تبوظ الجوازة لكن أنا وزينب كنا بنحب بعض ومتمسكين ببعض جداً.. ولما أتجوزنا حاولت كتير انها تخرب الدنيا ومش فارق معاها بنتها تتطلق وبالذات لما موضوع الخلفة اتأخر وهي بدأت تتكلم معاها وتزن على ودانها عشان نروح نكشف.. وأنا في الحقيقة مكنش فارق معايا ده علي قد ما زينب كانت فارقة معايا كنت دايما اخرج من كل ده لما أتكلم مع صديق عمري اللي متربيين سوا أنا وهو عزيز.. عزيز مكنش مجرد صديق شغال معايا في الشركة.. عزيز كان أخ حقيقي وكان دايما بيرشدني للصح وبيخليني أقرب من ربنا.. وعمري ما اعتبرته موظف عندي في الشركة بالعكس أنا كنت بعامله زي ما يكون هو صاحب الشركة .. كل اللي فات ده نبذة عن حياتي لكن قصتي اللي جاي أحكيها دلوقتي بدأت من يوم كنت راجع فيه متاخر من الشغل.. الساعة كانت 1 بعد منتصف الليل والشوارع هادية وفاضية تماماً وصلت تحت البيت.. لكني لقيت ست قاعدة علي الأرض لابسة لبس غريب.. عاملة زي الجماعة بتوع الودع ووشوشة الحجر والكلام ده كنت هتجاهل وجودها وهطلع بيتي علي طول.. لكني لقيتها بتقول.. خلي بالك يا إبراهيم متثقش في حد ولا تدي أمان لحد.. بصتلها وأنا مستغرب ورجعتلها وأنا بقولها _ هو أنتي تعرفيني.. عرفتي أسمي منين؟ _ هات كفك يا ولدي اقرالك واشوف المكتوب _ يا ست أنا مش بآمن بالكلام ده.. واتفضلي أمشي من هنا _أنت خسران اي.. أنا مش عاوزة منك حاجة _خدي يا ستي كفي لما نشوف اخرتها _ طريقك واعر يا ولدي.. في ناس كتير حاقدة عليك وبتكرهك وفي ناس كتير هتحاول تأذيك قريب هتفرح بخبر كنت مستنيه بس للأسف فرحتك مش هتكمل ... وهي بتتكلم بصت في كفي اوي وبرقت وقالت أعوذ بالله من الشيطان الرجيم.. أعوذ بالله من الشيطان الرجيم. الست قالت كده وجريت من قدامي وأنا مش فاهم أي حاجة.. قولت أكيد ست مجنونة وطلعت بيتي وبصراحة الموضوع مشغلش بالي أوي.. لما دخلت البيت كان ضلمة مش شايف حاجة.. نورت نور الصالة ودخلت قعدت مكنش جيلي نوم.. شغلت التليفزيون عشان اتسلي شوية وفضلت قاعد قدامه شوية لحد ما عيني بدأت تغفل ونمت في الصالة.. صحيت علي ايد بتمشى علي وشي فتحت عينيا عشان اشوف اي ده.. اتفزعت ايد من 3 صوابع مش خمسة زينا.. مسخ قاعد قدامي شكله بشع دميم.. أعوذ بالله من الشيطان الرجيم بدأ يطلع صوت كأن حد بيدبح صوت طلوع الروح وعينيه الحمرا الدموية كانت زي النار اللي بتحرق في جسمي حسيت اني مشلول عن الحركة وفي لحظة كل حاجة اختفت ولقيت نفسي بفتح عينيا وزينب بتقولي _ انت نمت هنا.. وبهدوم الشغل قوم غير وارتاح شويه .. قومت وانا مش مطمن خايف وحاسس اني مش مظبوط في حاجة غلط.. دخلت الاوضه غيرت هدومي ونمت في سريري.. كوابيس كتير وفلاش باك لكل حاجة شوفتها في اليوم ده من اول ما قابلت الست بتاعت الودع .. قومت علي صوت رنة تليفوني كان عزيز وبيقولي أني لازم اجي الشركة دلوقتي حالا.. قومت ودخلت الحمام ولبست وركبت عربيتي عشان اتحرك علي الشركة وانا في الطريق وببص في المرايا لقيت الست بتاعت الودع قاعدة ورا وبتقولي أهرب يا أبراهيم.. أهرب يا أبراهيم دوست علي الفرامل والعربية اطوحت بيا يمين وشمال وكانت هتتقلب.. وقفت علي جمب وأنا باخد نفسي بالعافية .. اتحركت وشغلت الراديو على اذاعة القرآن الكريم ومشيت شويه بالعربية لكن فجأة.