*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *شرقي.الهوا.🤤♥️.tt* *❴🔢❵☟الـــبـــــــــــ❴2️⃣والأخير❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ .#ليان_الشامي #شرقي_الهوا #السابع_الثامن_التاسع_العاشر_الحادي_عشر_أنتهت ياسر:ورد ......أنت طالق (مضى أربع شهور تعرفت فيهن على دكتورة نفسية كانت مسافرة معنا وبلشت اتواصل معها لقدرت اتحسن شوي وبهالفترة خالتي كانت عم تزبط وراقنا مشان نطلع لعندها على السويد .. كانت ليلة من ليالي الشتا ...والجو بارد كتير كانت ماما عم تطمن على بيتنا يلي بالشام من جارتها ... وخبرتها انوا ياسر خطب بنت خالتو تسنيم ...نزل عليي الخبر متل طعنة السكين بالقلب قدام اهلي عملت انوا مو هاممني الخبر وكملت سهرتي معن بس بعد ما نامو الكل بلش الوجع والقهر يزيد ...الغريب انوا ما نزل من عيوني ولا دمعة .. نطرت الصبح لطلع ونزلت شوف رانيا الدكتورة النفسية بما انوا صرنا صحبة ... أول مافتحتلي الباب ... ورد:صباح الخير. ..بدي خبرك خبرية بتجنن رانيا:يا صباح النور ...خير أن شاء الله ورد:ياسر خطب (اطلعت عليي نظرة استغراب وكملت على المطبخ لحقتها لقيتها عم تحط دولة القهوة ورد:بتعرفي ...هالخبر بجنن يعني وأخيرا حل عني ...ومعد حس بتأنيب الضمير ... انا كنت مفكرتو. ... رانيا:شو مفكرتي .... ورد:ولا شي ... (طلعت أعدت بالصالون ...بعد شوي إجت وعطتني فنجان القهوة رانيا:بالنهاية كل واحد بدو يكمل حياتو ورد:اي ... بعرف رانيا:بعدين انتي مسافرة ...هيك خبرتني أمك ...بجوز الأسبوع الجاية ورد:هو ما بحب تسنيم رانيا:السويد كتير حلوة صح أنها باردة بس فيها مناطق بتجنن ورد:انا متأكدة هو مابحبها رانيا:بجوز يكون حبها ورد:ايمت ....وكيف ...مالحق ...ههههه على فكرة مالح يكون مبسوط لح يعيش معها تعيس انا بعرف رانيا:متل ماعشتي معو تعيسة ورد:بس ..انا ماكنت تعيسة معو ..،انا ماقدرت حبو رانيا:خلص معناها تركي يعيش حياتو سواء أن كان تعيس او سعيد ورد:هو لو لف الدنيا مالح يحب حدا قدي .... رانيا.... ورد:هو بحبني لأ لي ومستحيل ينساني ...بعد فترة لح يتركها رانيا:ورد ...انا دكتورتك قبل ما نكون رفقات صح ورد:اي صح ... رانيا:لح قلك شغلة بس لاتزعلي مني ...انتي معك جنون العظمة ...حب التملك ياسر حبك وكان شخص حنون وشهم صح انوا غلط بقصة التحاليل بس انا بظن انوا هو كان خايف يعملهن كان متوقع انوا تطلع النتيجة سلبية ...بس انتي شو ..شو عملتي لازم تعرفي انك أنانية ...وعترفي انك حبيتي لياسر وتعلقتي في بس غرورك رافض هاد الشئ تركتها عم تحكي ونزلت من عندا .... أسبوع واحد كان كفيل انوا يخليني حس بأكبر غلط عملتو ... جهزنا غراضنا ...وكانت طيارتنا الساعة 12 الضهر ... الساعة 6 الصبح ...دقيت لبابا وخبرتو اني قطعت الحدود اللبنانية وأني لح أرجع لعند ياسر .. كان صوت أمي موصل للسما وهي عم تصرخ وتقلي مالح يرجعك ياغبية ... طلبت منن يسافرو وانا بلحقن بعدين ... سكرت الخط وبلشت أحلم كيف لح تكون ردة فعل ياسر بس يشوفني وصلت بحدود الساعة 8 ..وقفت على الباب كانو أديي عم يرجفو سمعت صوت ولاد جاية من جوا ...رنيت الجرس وبقيت ناطرة..أول حدا فتحلي هو محمد اخو لياسر قبل مايحكي ولاحرف دخلت لجوا ....وساد الصمت كانت ريم ورنيم ومرة عمي ومرة محمد قاعدين عم يشربو قهوة بقيو عم يطلعو عليي ومو مصدقين ..سمعت صوتوجاية من بعيد ياسر:مين أخد المي السخنة قضيت نص حمامي متلج (كان حاطت البشكير على راسو ورد !!! وفجأة الكل انفجر مرة عمي :انتي شو جابك لهون ....شو رجعك ريم:لك الله ياخدك ماصدقنا ايمت خلصنا منك ومن شرك سمعت شي مليون كلمة بدقيقة .... ورد:بكفي (صرخت بوشن ) شو صرلكن ماحدا دخلو فيني رنيم:ليكي شو وقحة ....لعمه (ياسر يلي كان واقف عم يراقبنا دخل لجوا بكل هدوء ولا كانو شافني ..،وأنا بعدت الكل ولحقتو ..فتحت الباب كان قاعد على التخت ... مرة عمي:انتي مجنونة شي ...،وين لاحقتي ... ورد:بدي احكي معو بموضوع وبعدها بروح ريم:انتي في بمخك شي ....انتي طليقتو. ...واليوم تلبيس المحابس هو وتسنيم ورد:مالح طول كم كلمة وبروح رنيم:اي طلعي لبره أخي مابدو يشوفك (مسكوني وصارو يطلعوني ياسر:بس ....بكفي ..خلوها تحكي يلي عندها ريم:بس ياسر ياسر:ريم ...طلعو لبره مرة عمي:اي لا مالح اطلع لشوف هالعقربة شو بدها ياسر:معلش ماما كرمالي بعدين مالح ننزع فرحتنا اليوم مرة عمي :متل مابدك (بعد ماطلعو الكل ...رحت سكرت الباب وقفلتو ...كان داير ضهرو وعم يطلع تياب من الخزانة ياسر:لا والله جريئة .... ورد:..... (رجع أعد على التخت وصار يلعب بشعراتو .... ياسر:ليكي ما معي وقت كتير ...لح تحكي ولا لا ورد:شو يلي عم يصير هون ياسر:متل مو شايفة ورد:انا مالي شايفة شي .....انا بدي اسمع منك ياسر:(اطلع على ساعتو ) لسا طيارتك ماراحت ورد:.....ياسر (رجع وقف وشلح كنزتو ... ورد:شو عم تعمل ياسر :متل مو شايفة .....بدي حضر حالي ..مشان خطيبتي ورد:يعني مزبوط انك خطبت ياسر:هلق جاية من بيروت ....وراحت عليكي سفرت السويد ...بس مشان هيك ورد:اي ...بس مشان هيك ياسر:هههههههه طيب الحمد الله. .. طالمة سمعتي الجواب ...فيكي تطلعي. ...ولا عادي كمل شلح تيابي جنبك ورد:..... ياسر:ايه طالمة ساكتة معناها عاجبك الوضع ورد:ايه ....شو صرلك طالعة .... (فتحت الباب وطلعت ...توقعت لاقي الكل واقف عند الباب ... طلعت وشفت عمي قاعد ومعصب ورد:يالله سلام عمي:ورد .... وين يامهون. ..وين مفكرة حالك انتي ..كيف بتنزلي من بيروت لهون ورد:عادي ....شو يعني ريم:انتي مافيكي عقل ورد:مادخلك عمي:بكفي منك الها ...ابوكي دقلي وكان تعبان كتير ورد:بابا ....شوفي ..صرلو شي عمي:كنتي لازم تفكري قبل ماتعملي هالشي ياسر:بابا لا أتعب حالك ورد على طول هيك بتعمل كلشي من دون ماتفكر عقلها على طول عاطل عن العمل (بقيت واقفة عم حاول ما أبكي بس معد قدرت ..أعدت على الأرض وانهرت عمي:لا حولا ولا قوة إلا بالله ....قومي يابنتي ...يلي صار صار ورد:انا بدي أرجع لعندي اهلي ....الله يوفقك خليني روح عمي:لح تبقي عنا لبين مانلاقي شي حل مرة عمي : لا والله مالح تبقى هون عمي: بس مابدي اسمع أي اعتراض ...هدى تعي خديها خليها تغسل وشها وترتاح شوي هدى :متل مابدك عمو ورد: انا بدي روح (وقفت مسحت دموعها وبنظرة تحدي عمي:لوين بدك تروحي لح تبقي هون ورد:بدي روح على بيتنا عمي:ورد ....لا تخليني عصب اكتر البيت فاضي والوضع صاير بخوف ورد:ماحدا دخلو فيني ياسر: ورد (صرخ بأعلى صوتو ) انتي يلي أجيتي لعنا ومشان هيك مالح تطلعي إلا بمزاجنا ورد:بالله ....عنجد ....هههههه ...ليش مين انت لحتى تأمرني ماحدا بمون عليي ياسر:(قرب ومسكني من ايدي وشد عليها بقوة) ليششش رجعتي ..مشان تخربي حياتنا متل أول عمي:ياسر ....بعد عنها ..ليكي ورد نحنا طالعين من البيت وياويلك إذا رجعت ومالقيتك (سحبني وخلاني أعد غصب عني ... ياسر:ياريت تعقدي هون بدون ولا صوت (كنت موجوعة من شدة ايدو ...بقي واقف عم يطلع عليي مرة عمي :ياسر ؟...تعى بدي ياك عمي:ريم ...جيبي شي شغلة لورد مشان تأكل أكيد جوعانه ريم:ياريتها تموت ونخلص منها عمي:ريم ...بكفي (بقيت قاعدة عم أكتم وجعي ...كنت ضاغطة عليها بإيدي التانية ...كنت حاسة حالي زليلة مكسورة ...كنت مجهزة كلام كتير ..مابعرف شو صرلي فجأة بتحول لانسانة عدائية وبهاجم الكل ....قربت ريم وحطت الأكل قدامي (تفضلي تسممي ) ورد:خدي من وشي مابدي أكل ريم:كلي ومن تم ساكت بالهوقت كان طالع ياسر من الغرفة ومرة عمي عم تزلغط من وراه ..من قهري رميت الصحن على الأرض ريم:ييي لك ليش هيك عملتي ورد: قلتلك مابدي أكل .....ليش مابتفهمي مرة عمي:اي لاااااا بقى ...زودتيها كتيرررر ...هي البنت مالها قعدة هون ..دق لاخوك خلي يبدبرها ورد: ومين قلك اني حابة ضل هون ....اصلا انا بكرهكن. .. ياسر: لككككك بكفي (هجم عليي ..توقعت بدو يضربني ،بس بلش يكسر كلشي بشوفو بوشو ..) شو ررررررجعك شووووو رجعك صار الكل يحاول يهدي ....وأنا هدى سحبتني على غرفتها وسكرت الباب ..بعد شوي معد سمعت صوت حدا ..اطلعت على هدى كانت غفيانة مع ابنها ..طلعت من الغرفة ...تنهدت أخدت شنتايتي وقررت روح ..قبل ما اطلع لقيت غرفة ياسر مفتحوها دخلت عليها ...كانت تيابو بعدها على التخت ..وجنبها علبة البرفان تبعو. ..سمعت ابن هدى عم يبكي أخدت العلبة وطلعت بسرعة ..... (وصلت على البيت حاولت شغل الضو ..كانت الكهربا مقطوعة ..سكرت الباب وحسيت بخوف كبير أول مرة بكون لحالي وانا بكره العتمة ..أعدت على الأرض وصرت أبكي بعد شوي سمعت حركشة على الباب فتحت عيوني وقمت بسرعة ورد:مين ..؟؟ ام تامر:ورد ...انا يابنتي ورد:(هي جارتنا ..فتحت الباب ..كانت ماسكة شمعة ) اهلين خالة ام تامر:الحمد الله على سلامة ..عمك خبر جوزي بالن مشغول عليكي ورد:انا منيحة ام تامر:شو رأيك تجي تعقدي عنا ورد:لا خالة يسلمو ام تامر: الله يرضى عليكي ...إذا مارضيتي قلي عمك لح يبعت ياسر ياخدك ورد:هففف ماشي لح أجي (بعد يومين ..كنت عم نضف البيت ..رن جوالي وكان رقم خارجي ودغري عرفت انن اهلي كانت ماما ...حكت معي وصارت تبكي وخبرتني انوا بابا بالمشفى ..كنت لازم ارجع سافر لعندن بإي طريقة...اتفقنا انوا سافر على تركيا وبعدها لازم اطلع بقارب بالبحر على اليونان وبعدها بكمل طريقي بالبر كان في مهرب لح يتكفل بتوصيلي لعندن سكرت الخط ورجعت ضبيت كم غرض لألي ..بس ماكنت عم اقدر سيطر على دموعي رن جرس البيت ورد:تفضلي خالتي مفتوح الباب (مسحت دموعي ونزلت لشوفها. .بس ما كانت ام تامر ..بقيت واقفة عم اطلع فيه ياسر:كيف تاركة الباب مفتوح ... ورد:.... ياسر:جهزي حالك ..بدنا نرجع على البيت ورد:... ياسر:يالله ورد ...ولا بدك تبقي عند الجيران ورد:ياسر ...تركني بحالي وروح ياسر:لا تخليني صرخ ولم الناس علينا أمشي معي عم قلك (حاول يمسكني من أيدي بس انا صرخت من وجعي ...كانت بعدها عم توجعني ) ورد: اااااخ.....بعد عني ياسر:فيكي شي ...شبها إيدك ورد: خليك بعيد عني ..أيدي عم توجعني بسببك ...وبسببك وبسببك بابا بالمشفى ...وبسببك ابني مات ...وبسببك ...انا إنسانة تافهة ههه (كنت عم احكي واضحك وأبكي بنفس الوقت ...رجعت رفعت عيوني واطلعت فيه ) بسببي انااا. ..أنت مادخلك ... انا .. ياسر:انتي شو ..؟؟ ورد:(أخدت نفس ) انا لازم سافر بأسرع وقت ياسر:لوين .. (شرحتلو القصة كلها ياسر:مستحيل ...هي الرحلة خطيرة كتير وانتي بنت لحالك ورد:بابا تعبان وانا لازم كون جنبو ياسر:كلو بسبب عنادك ورد:... ياسر: ليش رجعتي ... ورد:(تشجعت وقررت احكيلو ...بس بعدها غيرت رأيي وقت شفتو لازم خاتم الخطبة ) مادخلك ياسر:(ضرب ايدو على الطاولة واحتدت ملامح وشو ) بتعرفي خليكي هيك ...انتي الخسرانة. ..ولسا بدو يجي يوم كل الناس تكرهك ورد:(بضحكة مستفزة ) انا يلي بكره الناس مو الناس يلي بتكرهني ياسر:هههه برافو يعني جد انتي مريضة ولازمك علاج اصحي على حالك ... ورد:فيك تروح ....الزيارة انتهت ياسر:يا حرام ...بزعل عليكي ورد:الأفضل تزعل على حالك (تركني وراح ..وأنا بعدها نزلت حجزت ...كانت طيارتي تاني يوم الساعة 5 العصر ..مريت ودعت خالة ام تامر وخبرتها ..وتاني يوم جهزت حالي وانزلت مشان اخد تكسي للمطار ...أول مانزلت من باب العمارة كان ياسر واقف .. تجاهلتو ومشيت لحقني وسحب مني الشنتا وحطها بسيارتو ورد:ياسر ...هات الشنتا .. ياسر:تعي طلعي انا لح وصلك ورد:مابدي . ياسر:طيب ...كرمال العشرة يليى بينا .. (طلعت معو ...بقي كل الطريق ساكت ..وعم يهرب من نظراتي ورد: فيك تمشي أسرع ..إذا بقينا هيك مامنوصل للمسا ياسر: ولا نوصل شو يعني ... ورد:(لفيت وشي بأتجاه الشباك ) خلصنا ...هلق خلصت مني للأبد ... معد ازعجك. .معد في حدا تعصب منو .. (كانو دموعي عم ينزلو لحالن ) أنا رجعت مشان قلك آسفة آسفة على كلشي انا خسرتك وخسرت حالي .هه خسرت سندي رفيقي ..أخي و.... ياسر:(وقف السيارة ) وشو كمان ...هلق رجعتي بس مشان تعتزري ورد:ايه .. (مسحت دموعي واطلعت عليه ) بتتذكر مرة وقت قلتلي بتشارطي اني بعد عشر سنين لح أتزوج وكون سعيد مع مرتي ..هي أمنيتك لح تتحقق ياسر:...... ورد:بتتذكر شو كان جوابي انا هههه قلتلك ولا شي ..لأنوا عنجد انا حياتي مافيها شي فاضية ..لو سمحت خلينا نمشي بلا ما اخسر آخر حد بحبني (كملنا طريقنا ونحنا ساكتين ...بس قبل مانوصل بشوي ...اعتراض طريقنا حاجز كان في عشر أشخاص مسلحين ملتمين مو باين منن غير عيونن مجهول:هويتك ... ياسر:(اطلع عليي بنظرة توتر) تمام تفضل مجهول:طفي السيارة ونزل منها انت والبنت ياسر:انا بس بدي وصلها على المطار مجهول:(فتحت باب السيارة ووجه مسدس بأتجاه رأس ياسر ) عم قلك نزيل كنت لسا عم انزل وقت أجتني ضربة من وار على رأسي ومعد حسيت (كنت شامة ريحة بشعة ماقدرت ميز شو هي وجع راسي مسيطر عليي ومخليني مشوشة ..حاولت اتحرك بس أديي واجريي مقيدين وحاطين عصبة على عيوني بقيت شوي ..لقدرت أستوعب شو يلي صار ..كنت سمعانة صوت حدا عم يصرخ ..قدرت ميز الصوت كان صوت ياسر ... ورد:يااااسرر...يااسر....ياسر ياسر (بقيت عم نادي بس كان صوتي عم يختفي بالأخير معد قدرت أصرخ ..مابعرف قديش مر من الوقت ..سمعت صوت حركة دعسات حدا جاية بأتجاهي. ..كان قلبي عم يدق بسرعة ... مجهول:رمو لهالكلب بالأرض وجيبو البنت (سمعت صوت ياسر عم يأن من الوجع ... ورد: ياسر ...أنت منيح ..(فجأة ما لقيت غير واحد عم يشحطني ) تركوني. ...لككك تركوني ...ياسر ... (اعدوني على كرسي ...وشالو العصبة ...فتحت عيوني بالغصب اطلعت حواليي كنا بمكان متل المستودع المهجور ...وكان في واحد قاعد مقبالي عم يراقب حركاتي ورد:أن اا ..وين مجهول: انا بسأل وانتي بتجاوبي ورد:ش وو بددكن مين مين انتو (ضربني كف ...والتاني وبعدها مسك وشي وضغطت عليه ) أنا يلي بسأل هاد يلي بره زوجك ورد:(هزيت برأسي ) مجهول: ايوا هيك بدي ياكي (بعد عني ورجع أعد على الكرسي ) لوين كنتي مسافرة ورد: على تركيا مجهول:والسبب ورد:زيارة لعند اهلي (بقيت ساعة وهنن عم يسألوني ...بعدها دخلت سيارة ونزل منها أربع مسلحين مجهول: اهلين معلم المعلم:مين هي ... مجهول:لقطناها هي وزوجها ومعن سلاح ورد:كذاب (رجع ضربني كف ) خرسي ورد:الله ياخدكم. ... (قرب المعلم لعندي كان هو الشخص الوحيد يلي مو ملتم ملامح وشو بتخوف ) المعلم: لا قوية والله هههههه ....خلونا نمشي هلق وبس نفضى منرجعلن (رجعو شحطوني ....ورموني على الأرض ...رفعت وشي كان ياسر بتاني جهة ... زحفت على الأرض لوصلت ..كان عم يرجف وفي جروح بكل جسمو . ورد:ياسر ...أنت منيح ...رد عليي يا الله يالله .. ياسر:و و و و ووورد ورد:الحمد الله ... إذا صرلك شي مالح سامح حالي ...لك ياريتني موت وأخلص ..يارب ياسر:انا اا من ي ح لا تت تخافي (بقي يتوجع لساعات ...وأنا نهارت أعصابي ماكنت قدرانة اعملو شي .. بعد شوي ..بلش يدخل ضو الشمس ...من شباك صغير بلشت اتامل المكان ماقدرت حدد نحنا وين اطلعت على ياسر كان نايم .. سندت أيدي على الحيط لأقدر وقف كان جسمي منهك وأفكاري مشوشة ، رجعت لعند ياسر يلي كان عم يهلوس رفعت راسو ومررت أصابعي بين شعراتو العرق عم يتصبب منو بغزارة وحرارتو مرتفعة ..دقات قلبي عم تزيد أول مرة بشعر بخوف حقيقي خوف اني أخسر ياسر ورد:ياسر ..حبيبي ...رد عليي الله يوفقك عم تسمعني خليك قوي ولا تتركني انت رفيق عمري سألتني ليش رجعت ....انا رجعت لأني بدي كون معك ولألك ولأني بحبك ياربي ياربي (مسك أيدي وشد عليها تسارعت أنفاسي واطمنت انوا بخير ..) الحمد الله ياسر سمعني انا لح طالعك من هون لمحت باب صفير ركضت وصرت دق عليه ورد:في حدا هون. ..ردو عليي .. (بقيت عم دق لنفتح الباب وطلعلي واحد من الملتمين مجهول :شبك ...ليه عم تدقي ورد:الله يوفقك ساعدني ...عم ينزف وحرارتو مرتفعة مجهول:شو اعملك يعني ...خلي يموت منرتاح منو ورد:لك مافي بقلبكم رحمة عم قلك تعبان كتير مجهول:ليكي لا انتي ولا هو بتهمنوني مشان هيك رجعي مكانك احسن ماخليكي تموتي قبلو ورد: لكككك مشان الله ابوس إيدك ...طب خليني شوف المعلم تبعكن مجهول:مالو فاضي ورد:بدي قلو شغلة ضروري ....مالح تخسر شي مجهول:(صفن شوي ) ماشي ..،أمشي لشوف ..الظاهر انتي مستعجلة على موتك (مشيت معو بدون ما فكر ..شو لح يصير ) معلم هي بدها تشوفك المعلم:رجعها لمكانها مالي فاضي مجهول:سمعتي شو حكى يالله أمشي لشوف (سحبني من أيدي وانا بلشت صرخ ورد:أستنى. ..بس كلمة ...بعمل يلي بدك ياه بس سمعني المعلم:(وقف ..جيبها لعندي لشوف ..شحطني وخلاني أعد تحت اجريه ايه هاتي لشوف شو بدك ورد: ياسر ..تعبان كتير لازم ناخدو على المشفى او نجبلو دكتور المعلم:والله ومابدك جبلو حليب وتخت هزاز ورد: انت ماعندك ذرة احساس المعلم: (مسكني من وشي وشد عليي ) سمعي وليه لا تتجاوزي حدودك احسن ما احفر قبرك هون ورد:الله يوفقك. .بعمل يلي بدك ياه بس خلونا نساعدو المعلم:اها. ..هيك لكن ..طيب متل شو ورد:يلي بدك ياه اي شي انا موفقة المعلم:(قرب لعندي لدرجة حسيت بنفسو المقرف بوشي ) الظاهر عندك شي غالي لحتى عم تساومي ورد:(تلبكت ومعد عرفت شو بدي اعمل ) انااا قصدي إذا بدك مصاري المعلم:اممم وقديش بتدفعي ورد:قد مابدك مستعدة جبلك قطع حديثنا واحد من المسلحين ..معلم خلينا نخبر اهلن ونطلب فدية (بعد عني ووقف عرفت انوا الفكرة عجبتو المعلم:تمام ...بس لح نخليها هي تجيب المصاري لأنوا إذا خبرنا اهلن احتمال يخبرو الشرطة ..وينك معك أسبوع بس لتجيبي عشرين مليون ورد:عشرين !! المعلم:ههههه شبك ارتعبتي إذا مابدك فينا نتساوم على شي تاني ورد: لا لا خلص لح اعمل يلي بدك ياه المعلم:بتعجبني البنت يلي قد حالها ...جهزو حالكن لح نرميها على الشارع العام وهي بتدبر حالها ورد:(تنهدت وفرحت انوا وافق ) المعلم:بس وينك اي غلطة منك ...لح رجعلك زوجك جثة هامدة او قطع ورد: لاااا والله مالح اعمل شي بس وعدني انك لح تجبلودكتور المعلم:أي مو تكرمي (غطو عيوني وسحبوني معن ..بعد مدة نزلوني وطلبو ما قيم العصبة لبعد عشر دقايق بقيت متل الضايعة ..فتحت عيوني وبلشت أركض واشر لكل حدا عم يمرق ...ماكان حدا عم يرضى يوقف ..من تعبي والضغط النفسي وقعت على الأرض ..وبعدها حسيت حدا عم يحاول يصحيني مجهول:يا آنسة ...انتي منيحة ورد:(جلست حالي ..شفت مرا كبيرة بالعمر ومعها شب الست :يعليي شوف حالتها ..قومي يابنتي ورد:خالة الله يجبرك خديني لعند اهلي الست:طيب تعي (ساعدتني لحتى قوم ...ركبت معهن مجهول:شو يلي صاير معك ورد:كنت قصدي في حدا سرق سيارتي وبعدها ضربوني الست:لا حولا ولا قوة الا بالله الدنيا معد فيها أمان مجهول: لازم تبلغي الشرطة ورد: لاااا انا بس بدي روح لعند اهلي هلق بيكون بالن مشغول عليي (حسيت ماصدقو قصتي ....بس انجبرو يوصلوني ...نزلت على أول الحارة وصار الكل يطلع فيني ..كنت عم أمشي غصب طلعت على العمارة ودقيت الباب لسا ما انفتح الباب والكل صار فوق راسي ..مسكتني مرة عمي وبلشت تسب وتصرخ وتقلي وين ابني خلصوني من بين أديها بالغصب ..بعد ماهديت شوي خبرتن القصة وجن جنونهن حتى عمي ماخلصت منو ..جبروني أعد عندن مشان سلامة ياسر عيشوني متل السجينة يلي محكوم عليها بالإعدام بهالفترة صارو يجمعو بالمصاري وطلع معهن 5 مليون مضى يومين والكل رايح جاية عم يهيني والحق معهن انا السبب بقيت عم فكر لوصلت لحل ..طلبت منهم احكي مع اهلي بالبداية رفضو بس وقت قلت اني لح أمن بقيت المبلغ رضيو . حكيت مع بابا يلي أول ما سمعت صوتو انهرت خبرتو القصة وطلبت منو بيع البيت يلي سجلو بأسمي والمحل وكلت محمد يلي صار يدور على مشتري كان الوقت عم يمضى بسرعة والتوتر عم يزيد قبل يوم الموعد الكل قاعد على أعصابه اجه محمد وخبرنا انوا البيت والمحل انباعوب15 مليون بالبداية ماصدقت (يوم الموعد وصلني محمد وراح بقيت ناطرة ساعة وبعدها شفت سيارة جاية من بعيد وقفت ونزل منها المعلم المعلم:والله طلعتي اخت رجال ورد:وين ياسر المعلم:وين المصاري ورد:بدي ياسر المعلم:(طلع مسدسه ووجهو عليي ) هاتي المصاري ورد:بس انت وعدتني المعلم:ههه طيب (أشر للشباب ثواني قليلة نزلو ياسر كانو حاملينو رمو قدامي ...وأنا من الصدمة بقيت واقفة ..سحبو مني المصاري وهربو. ..بقيت عم اطلع على ياسر ماكنت مستوعبة شي ..نزلت لعندو لفيت وشو بأتجاهي ...كان ماعم يتحرك هزيتو ووصرخت مارد ... ----- أن لله وان إليه راجعون الله يصبر قلبك يابنتي هزيت براسي ... صفا:ورد ..حبيبتي روحي ارتاحي شوي هي آخر ست كانت عم تعزي ورد:.... صفا:يا روحي شوفي منظرك الشئ يلي عم تعملي حرام ورد:خالتي ليش الناس المناح بيموتو ونحنا السيئين منضل عايشين صفا:ياعمري مابجوز هالحكي ..الك يومين مافي على لسانك غير هالكلمة ..خليني أخدك ترتاحي (سطحتني على التخت أعدت جنبي وصارت تلعب بشعراتي ) لح اطلع وانتي نامي ورد:طفي الضو صفا:بس انتي بتخافي من العتمة ورد: العتمة والظلام صارو جزء مني وبطلت خاف (مرق شهر او شهرين بجوز أكتر معد عديت الأيام حياتي صارت على الهامش فاضية متل روحي كنت عايشة على المهدئات كوابيس بالليل وبكى بالنهار وحاولت مرا انتحر كنت قاعدة بره مع انوا الجو بارد بس ماكنت حاسة حسيت حدا لمس كتفي ..كانت خالتي اشرتلي على ايدها كان معها الموبايل ..رفعت حواجبي ..عرفت جوابي ..دارت ضهرها وبدها تمشي ..وقفت ومسكت فيها ..أشرتلا انوا تفتح السبيكر او السماعة صفا:ياسر سمعني ياسر:اي انا معك صفا:دخلت على الغرفة ولقيتها نايمة ياسر:نايمة ولا مابدها تحكي صفا:انت بتعرف انوا عم تمر بفترة صعبة وأغلب وقتها نايمة ياسر : بعرف بعرف ... انا مشغول بالي عليها صفا: ولايهمك نحنا عم ننتبه عليها ياسر:لو سمحتي خليها تحكي معي حابب اسمع صوتها صفا:تمام (سكرت الخط ورجعت لمكاني سندت راسي على الكرسي وسرحت صفا:كل يوم عم يتصل ...وانتي رافضة تحكي معو وبعدين ورد:.... صفا:طيب مابدك تحكي معو ليش بتخليني أفتح السبيكر ورد:ااااه لك لأنوا صوتو متل الدوا انا وقت بسمع صوتو بتحسن صفا:طيب احكي معو شوفي شو بدو ورد: مااا بحسن نحنا انتهينا قصتنا خلصت صفا:ورد ...احكيلي شو صار يوم التسليم ورد:مالي حابة أتذكر ...انا عم حاول انساه صفا:صار عندي فضول اعرف (غمضت عيوني ..نزلت دمعة متل الجمر .. ورد:يومها كان أسوء يوم بمر بحياتي وقتها الزمن توقف صوت سيارة الأسعاف وناس عم تبكي ماخلوني شوفو ..رجعت أعدت عند جارتنا ام تامر لأنوا مابقيلي مكان أعد فيه ..بس انا ماستسلمت بقيت عم حاول روح شوفو بقي بالعناية المشددة لأيام ترجيت الممرضة وصارت تخليني شوفو كم دقيقة صفا:وبعدين ؟ ورد:(رفعت عيوني واطلعت على السما ) بيوم رحت على المشفى ومالقيتو بالعناية ارتعبت سألت الممرضة وخبرتني انوا تحسن وطلعو على غرفة ..من فرحتي طلعت لشوفو بدون مافكروقفت عند الباب صفا: اي ورد:كانت تسنيم قاعدة جنبو ماسكة ايدو تخيلي بطلي وسندي ورفيقي وكلشي حلو صار لحدا تاني حسيت حالي حشرة متطفلة بقيت يومها بالطريق عم أمشي وابكي تاني يوم كان سفري يعني معد شوفو رجعت باليل ووقت مابيكون في حدا ..وقفت على الباب كان قلبي عم يدق بسرعة وانفاسي متسارعة بس تششجعت ..أول ما دخلت لمحت بوشو نظرات غريبة ورد: الحمد الله على السلامة (بقي ساكت واكتفى بالنظر ) قربت الكرسي وأعدت مقبالو كيف صرت ياسر:منيح ..انتي كيفك ورد:تمام انا بكرا مسافرة وحبيت ودعك ياسر:... ورد:فرحت اني شفتك بخير ياسر:.... ورد:ياسر انا آسفة (لف وشو بالأتجاه التاني ..قربت بدي أمسك ايدو بس ماقدرت كان غريب عني مو نفس الشخص يلي بعرفو. . ورد:بدي منك تسامحني قبل ما روح ياسر:.... ورد:احكي اي شي أي شي ياسر:(لف وشو واطلع عليي ) ورد انا رجل شرقي فهمي هالشي صفا:شو يعني ورد:يعني مالح يسامحني (كلشي عذاب تحملتو كنت انا السبب فيه ليهك صبرت وكنت قوية ..بس موت بابا نزلني لسابع أرض كسرني (بعد سنة ...كنت طالعة من درس اللغة ..وقفني الأستاذ ..استغربت شوي اياس:ازول فلاون. ..لاباس عليكي كيف كيدايرة فين باغي تمشي فين هاد الغبور ياورد توحشك بزاف ورد:(بقيت عم اطلع عليه متل الهبلة ) عفوا ههههههه اياس:أوه ماشاء الله على ضحكتك الزين ورد:أستغفر الله العظيم شو عم يحكي سنسكريتي ) اي الحمد الله كلنا بخير اياس:ههههه انتي لاتستطعين فهمي ورد:هههههه اي بصراحة اياس:انا مغربي وهكه لهجتنا ورد:ايوا اي قول هيك فكرتك عم تقرأ عليي سحر (طلعنا من الصف سوا ومشي معي لوصلت للمترو كل الطريق وانا عم أضحك اتفقنا انوا يعلمني مغربي وانا علمو سوري ..وصلت على البيت ورد: خالتي ....ماما ..وينكن صفا:انا بالمطبخ ... ورد:(وقفت شلحت جاكيتي وانا عم احكيلا عن الأستاذ ...دخلت ..صفنت شوي ورجعت كملت حديثي ...كانت خالتي عم تطلع فيني ومستغربة ورد: انا جوعانة كتير ...لح غسل أديي وبرجعلك (طلعت بسرعة ..دخلت وسكرت الباب حطيت أيدي على قلبي ... (فتحت الباب خالتي ... صفا:شو يلي عملتي ورد:شو عملت صفا:مجنونة ....لك اجه لعندك وعملتي حالك ماشفتي ورد:مين هو صفا:ورد ؟ لك ياسر كان تحت ورد:(ياااااسررر ....أكيد لا صفا:شو يلي لا ...روحي الحقي طلع من البيت ورد:(نزلت بسرعة فتحت الباب اطلعت يمين وشمال ماكان في حدا يالله ....أعدت بالأرض وصرت أبكي .. ياسر:ورد (انتفض جسمي من صوتو وقفت مسحت دموعي ...كان واقف ورائي مكتف اديه وساند ضهرو على الحيط ...ركضت لعندو ووقفت مقابلو وقرصتو من خدو ياسر:مجنونة شو عم تعملي ورد:لحظة (رجعت ضربتو على بطنو ) ياسر: اااخ لك شو صرلك ورد:هاد انتي ...يعني مالك شبح ياسر:ههههههه انتي عقلك طاقق ورد:(بقيت عم اطلع بعيونو واضحك ماكان مصدقة وبعدها تحول الضحك لدموع ياسر:ليه عم تبكي ورد:انا مابستاهلك ياسر:مين حكى هيك ورد:فكرتك نسيتني ياسر:معناها ما عرفت شو معنى كلمتي وقت قلتلك انا رجل شرقي ورد:فكرت بوقتها انك معد تسامحني وبدك تتركني وتكمل حياتك ياسر:الرجل الشرقي بموت ولا بيترك حبيبتو رفعي رأسك وحاج تبكي ... (بس ماكنت قدرانة وقف بكى ياسر:لك حاج هههه بتعرفي وقت قررت أجي لعندك أمي وأخواتي صارو يقلولي أكيد ساحرتك ...بس هنن مابيعرفوكي قديشك هبلة ورد:هلق ...انا هبلة ياسر:واحلا هبلة ورد خلينا نرجع لبعض ورد؛ اي بدي ياسر:بس مو متزوجين ورد:كيف يعني ياسر: خلينا نتعرف على بعض من أول وجديد ورد:مافهمت ياسر:عتبري حالك مابتعرفيني ... ورد:لك لاتجنني ياسر:ههههه طيب شوفي انا صرت جاركن وانا اليوم شفتي جارتي الحلوة وقررت اتعرف عليها ورد:اممم ماشي ياسر:تعي نجرب ..مرحبا انا ياسر جاركن الجديد وحضرتك ورد:ههههههه ياسر:يالله شو مجنونة بلا ضحك ورد:طيب يا هلا تشرفنا انا ...حبيبتو لياسر ومرتو وأم ولادو ويلي مابتقدر تعيش بلاه ولا يوم ويلي كانت كل يوم تتخيلو حتى انوا سرقت علبة البرفان تبعو مشان حس بوجودو معي ياسر:ورد ..بدي اعترفلك بشغلة انا رفضت نعمل التحاليل لأني كنت متأكدة انوا النتيجة سلبية كنت مالي مصدق انك لح تصيري إلي بس انا سألت وعرفت انوا فينا ناخد علاج (قطعت حديثو ) ورد:انا مابدي شي بس خليك جنبي لا تتركني لو سمحت ياسر:انتي خليتيني أقطع السبع بحور وعم تقولي لا تتركني ورد: جاري الحلو ..هههه ياسر:شو رأيك ياجارتي اعزمك على العشا ورد:اممم لا بدك تسأل اهلي ياسر:انا ليش عم أسألك أمشي معي لشوف (تغيرت وتغيرت حياتي تعرفت على ياسر من أول وجديد صح انوا ما قدر يصبر غير شهر وبعدها رجعنا تزوجنا ..بس بقى هو متل ماعرفتو شهم وحنون وزوج رومنسي ورجل شرقي ...ونسيت خبركن انوا ياسر طلع سمعان قصة الأستاذ وكل ما أحكي معو شغلة بقلي بزاف ههههههه #انتهت *الـــــــــ͢ـོ͓ـــنهـــــــــايـــــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```