*#بت_الرحمة《18》* *#بقلمي_عفراء_محمد_مكي* ❤️❤️❤️❤️ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏ اها طبعا الزمن ضايق بعد دا و رحمة جهزت حاجات دق الريحة كلهن ما خلت شي و ظبطت الريحة ال ما خمج و كانت داخرة ليها قريشات لليوم ال زي دا مشت دقت لمودة داك يا الخاتم و قالت ليها دي هديتي في عرسك يا مودة ربي يكتب السعادة من حظك و من نصيبك عافية و راضية عليك عفوّاً يعليك ما يدليك و يقدّمك على المابيك و ما يشمت العدو فيك و دعّت ليها زيييين و اخدت ليها جعرة طويلة 😭 قالت ليها وحات الله انا بعد دا راقدة قفا و مطمنة و بسأل الله بعد دا أن داير يشيل روحي ال يشيلها اتقالدن هن و بتها و فتحنّو بيت بكا 💔 اها بعد يومين كدي من دق الريحة طوالي رحمة نزّلت مودة دخان قالت ليها بتي الزينة ماشاء الله عليها ما محتاجة دخان ينضفها لكن أهلنا الكبار بيقولو ( عشان نغير بيهو ريحة الفتوات😁) و ريحتك تبقى مرا مرا و كشحت ليها حبة كمون و قرض جوة الحفرة حتى قالت كدي ولعت ليها حطبة وحيييييدة في جمرة وااااحدة و الجمرة تنوني ساااااعة😁 بعد يومين ذادتهن حطبتين و معاهن (شافاية) و مودة مغتغتة الليل و النهار وصتها و قالت ليها عين الدخان دخلتها على العدو يا مودة يا بتي اوعاك من تتكشفي للنسوان اها و شغالة ليها كورة مهلبية و كورة نشأ و جك العصير دا ثاااابت بعد كل بوخة و بالليل لازم كباية لبن كبييييرة قالت ليها عشان النضاااارة😁 المهم شوشوتها تماااام و عصام كل ما يتصل يلقاها في الحفرة قال ليها يا ولية هووووي بتحرقي عليا خلاص كفاك وقفي البتاع دا 🙈🙈 بعدين ياااخي انتي سمحة خلقة ما محتاجة الحاجات دي سمعتو خالتو رحمة لانو السماعة حقت مودة زي الفيها مكبر صوت يا كافي البلاء و حايد المحن😁 قالت ليهو شن عرّف الحمير ب أكل الجنزبيل ها ود هاااااااا وحات الله بعدين تشكرني جنس شكر🙈 عصام مات من الخجل و قال لمودة كان تنبهيني ياااخ بدل ما انا شايت شمال هسي اضافري وقصقصتهن اخش وين يا ودتي🤣🤣 غايتو حق الكُبر كعععععب😁 خالتو رحمة قالت ليهو سكت دهراً و نطق كفراً انت وقت بتعرف قدر دا بتتعولق على البت مالك يا ولد🤣 ما تراكا بتعرف تقول كلام سمح 😌 قال ليها العفو يا خالتي مودة ذاتها ما بتنبهني هههههه خلتني خاشي شايت شمال و الكورة جات في رأسك 😁 قالت ليهو لالالا أن بقت على راسي هينة ابوي انا المهم انتو شُدااااد و طيبين و غير سعادتكم مانا دايرين ❤️ المهم مودة طبعا بعد وقّفت الدخان بدأت عروكات و لخوخات طبيعية و بقت ماشاء الله تبارك الله زي المنقا المقشرة😘😘😘 حاجة كدا تشرح النفس في الفترة دي العلاقة بقت ظااااابطة ماشاء الله تبارك الله و لا حول و لا قوة إلا بالله بين جوز اللوز و جانا اليوم اللي كلنا بننتظره يوم ال زفاف ❤️ و ما ادراك ما الزفاااااف😉 العرس بناءاً على طلب مودة كان ابسط من بسيط و راقي في نفس الوقت و ام العروس و ام العريس كانو نجمات الحفلة و طفو العرسان مرة وااااحدة☺️ مودة كانت لابسة زفاف إسلامي ابيض و عاملين ليها مكياااااج خفيف و عناب كانت شبينتها فكانت لابسة فستان كبدي ب دهبي حاجة كدا خراااافية اما اخوات عصام البنات فكانو لابسين تياب و كلهن نفس اللون( لون فيروزي) ❤️ اول ما العرسان دخلو الصالة و ضلموها للرقصة بتاعة الاسلو🙈 عصام وقف قدام مودة و باسها في رأسها و مسك يدينها و باسهم و الصالة دي انشقت بالصفافير طبعا مودة انجلطت في اللحظة دي ☺️ و ما عرفت تتصرف تقول شنو بعد شوية بدأت الأغنية و مودة شغالة ليهو انا ما بعرف ارقص يا عصام انا متوترة و هو يقول ليها اتمايلي و اعملي زي ما انا بعمل 😉 الموضوع ساهل حبيبي❤️🙈 غايتو الاسلو عدّا على خير وبعد شوية ولعو الأنوار و النساوين ديل شقّن السما شق بزغاريدهن عصام كان متألق جدا بالبدلة الكحلية و كان الصلاة على النبي في كامل وجاهته و اناقته و مودة ما كانت أقل منه ❤️ كانو فعلا لايقين على بعض و مفروض بعد الحفلة مباشرة يمشو المطار عشان يلحقو يعسّلو ليهم اسبوعين قبال ما عصام ينزل الشغل نحنا ح نخليهم يمشو شهر العسل و يجونا راجعين بالسلامة على بال ما نايلة كمان تبدّع و تورينا دراماتها خليكم قرااااب😉 ❤️❤️❤️ -------------------------------------- --------------------- *☆يتبــــــــــــــــــــــــــــــــــــــــــــع☆☆* *بــــــــــــــيــــــــــــــــــــجــــــــــــــة*