*#بت_الرحمة《19》* *#بقلمي_عفراء_محمد_مكي* ❤️❤️❤️❤️ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏ شهر العسل كان في ماليزيا و طيارتهم وصلت فجر اليوم التاني ف كانو تعبانين و هلكانين آخر حاجة مودة طبعا يا حليلا 😎قلبها مقطوع من جنس الحكاوي ال بسمعوها العروسات عن ليلة الدخلة رغم أنها استعانت ب ( قوقل) ذات مرة من المرامير😁 و ما طلعت منه بأي جملة مفيدة غايتو في شوية إرشادات كدا قالتهن ليها امها وورتها الخمرة دي حقت كذا و الخمرة دي حقت كذا و لازم دايما تكوني على سنجة عشرة بخور و كبرييييت طبقت اي حاجة بحذافيرها لكن لسة في حاجات كانت خافية عليها عصام حس بيها متوترة لأنو كل ما يقرب منها يلقاها هبّطت و رجفت و قرّب يغمى عليها قريب ال ٣ يوم هم في العباطة دي 🙄آخر حاجة اتوصل ليها عصام انو قال ليها انا ما مستعجل يا ودة قدامنا العمر كلو حبيبي متى ما كنتي جاهزة انا جاهز بعدين بالجد مافي داعي للخوف الانتي عايشة فيهو دا الموضوع بسيط☹️ أو زي ما سمعتا انو بسيط غايتو😟 و ما حاجة بتخوّف أبداً و الانتي حاساهو دا شي طبيعي لكن تأكدي اني ما ح اجبرك على أي شي و لو حبيتي انو انوم في الاوضة التانية انا ما عندي مشكلة 💔 مودة عاينت ليهو و سكتت ما عرفت تقول ليهو شنو لكن بينها و بين نفسها أعصابها كانت بايظة و ميتة في جلدها من الخوف بس ما حبّت تتناقش في الموضوع دا معاهو 🙈 رابع يوم و بعد لفة كدا اخدوها و رجعو فطرو و طلعو غرفتهم عصام شكلو الوعد بقى عليهو صعب 😎 اول ما حاول يقرب منها مودة دي خشت في حالة تانية و أظنها غمرت عديل 😌 قرر انو يخليها على راحتها فعلا لكن الحاجة دي بالجد كانت مضايقاهو اي نعم هو وعدها انو ما يعمل اي حركة لكن كمان في لحظات كدا بتكون صعبة عليهو ☺️ اووووبا انا شكلي وقعتا و لا حد سمّي عليا مودة استمرت على الحالة دي كم يوم كدا و مع أول تلفون عشان تطمن فيهو على امها سألتها ليك السؤال اللولبي😎 اها؟ اها شنو يا أمي رحمة قالت ليها انتي فاهماني يا مودة قالت ليها ما حصل شي يا أمي 🙈 رحمة قالت ليها سجمي و سجم امي انتو ماشين على اسبوع و تقولي لي ما حصل شي 😒 يا بت ما تشرطي عيني بعدين ياهو العرس كدا انتي قايلاهو شنو يا بت بطني🙈 هسي نايلة ذاتها تكون فاتحة خشمها راجياكم تجوها راجعين ٣ مودة سكتت و صنّت مسافة رحمة قالت ليها بت ✋ قالت ليها معاااك طيب حاضر يمة انا فاهمة رحمة قالت ليها يا رب اشوف جناك و اشيلو مودة قالت ليها الله يديك الصحة و العافية يمة وخلصو تلفونهم و رحمة وصّت مودة بكلام كتير و مودة قالت ليها طيب يمة حاااضر و الله العظيم فهمتا 🙈 اها عصام مرق يجيب ليهم اكل و يجي لقى ليك البخور دا مصارع السما😎 و زولتنا قاشرة بالكبدي و ريحة البيت عروس عروس عاين ليها ب استغراب لكن مودة عملت راااايحة 🙈 ومشت المطبخ ظبطت الاكل و عملت كبايتين عصير و جات عصام ياكل لقمتين و يرفع عينو لمودة يعاين ليها خجّلها و بقت ما عارفة هل هي شبعت و لا ما اكلت من أصله اها بعد ما اكلو طنطت ليها بكلمتين كدا و هو ما سمعها بقى يقول ليها قلتي شنو 😁 اتعابط ليها مرتين في المرة التالتة قالت ليهو الجيران كلهم عرفو اني دايرة ادلكك و انت عامل اطرش يلا فرصة و راحت عليك 😒😎 اهااااااا شنو يا جماعة خلاااااااص بعد جلسة المساج دي حصل الحصل و اندفق العسل 😁 🙈 خلونا في اللي يخصنا نايلة طبعا بتجهز في الشقة الفوق لعصام و ظبطت اي حاجة و ما خلت شي الله يطراها بالخير لكن عندها أمور كدا ما بتخليها كله كله عناب كانت نازلة امتحانات وملخومة لخمة شديدة اها قامت رضوي جات هي و امها في زيارة تفقدية بعد العرس و نعيمة تشيل و تجيب لنايلة الكلام بفوق غايتو يا نايلة يا اختي بس وقعتو و ما سميتو انا بس ما رضيت اتكلم عشان عصام مايزعل مني لكن يا اختي رميتي ولدك رمية مممممممشم مخير الله هسي عصاااام النوارة ضو عويناتك تعرسي ليهو ال لا معروفة إنتاية و لا معروف ضكر دي 🙄 انا ما بقول كدا عشان وعدنا الزمان داك بتاع انو عصام لرضوي و رضوي لعصام و لا عشان رضوي ست البنات و انتي ست العارفين لكن اصلك ما استخرتي يا اختي و الجاتكم ما ختتكم يا كافي البلاء و نايلة كانت من جوة بتغلي و نعيمة عرفت ليك انها دوّرتها و غلغلتها ف واصلت في كلامها انتي عارفة يا نايلة يا اختي البت دي بتكون كتبتو اااي أقسم بالله انا عندي جارتي بتها كانت دايرة ليها ولد الصلاة على النبي مرتااااح و مليان قروش لحلقو علّقتو و ربّطت معاهو اها لما جو للتعارف ام الولد قالت اصلو ال بت دي مادايراها و عرّضتو العفو و البت أصلها بعد الولد كلّمها لا قالت جاي لا جاي سكتت ساااي اتاريها لابدالها فوق راي انقري يا نايلة ٣ يوم بس وحات اسم الله 👌 المرا ام الولد جاتها جارية و مسكت في كرعينها و قالت ليها عرّسي ولدي الكلام دا انا شفتو بعيني و سمعتو باضاني البياكلهم الدود ديل و ما ليك عليا حليفة 👌 اها بعد دا تأني في شي مضمون يا نايلة يا اختي 😒 طبعا نايلة هنا حساباتها جاطت كله كله و بعد ما كانت رايقة و مقتنعة انو الحكاية دي قسمة و نصيب مخها بقى يودّي و يجيب و الله يستر من ألفي دماغها 💔 كونو بخير ❤️❤️❤️ -------------------------------------- --------------------- *☆يتبــــــــــــــــــــــــــــــــــــــــــــع☆☆* *بــــــــــــــيــــــــــــــــــــجــــــــــــــة*