*#بت_الرحمة《20》* *#بقلمي_عفراء_محمد_مكي* ❤️❤️❤️❤️ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏ بعد المساااااج داك 😁 عصام بقى مشغلها لمودة و هي ماشة و هي جاية و الله لكن طلعتي خطييييييرة و لا يستهان بيك يا زولة كان عندي فلايت من عمري سنتين مرقتيهن لي في ٥ دقايق😁 و مودة تفور و تتدفق و تتخجل ❤️ غايتو جوز اللوز الله يسعدهم بركة من صلى و قال يا الله و الأسبوع التاني جرى سريع بس الجميل في الموضوع انهم استمتعو بأي دقيقة فيهو لفو و اتفرجو و اتفسحو و انبسطو وقت بقو على الجية خالتي رحمة شالت حاجات مودة كلهن و ودتهن ليها و بخّرو ليها بيتها و ظبّطوه و ماشاء الله تبارك الله البيت ما كان ناقص غير ستو تشرّف😍 اها نايلة طبعا الفار لاعب في عبّها و ما عارفة تتأكد كيف قالت لرحمة يا رحمة تتخيلي فقدتا لي خاتم ايام العرس و ما عارفة الشالو منو ما بتعرفي لي شيخ يحوّوطو لي😟 انا ما قطعتا منه العشم صراحة و الخاتم دا كان هدية من ابو عصام 💔 خاتم عزيز عليا ما تتخيلي كيف و رمت ليها دمعتين بتاعي تمساح😏 خالتي رحمة قالت ليها ابدا و الله يا حاجة نايلة انا ما لي في سكة الشيوخ دي لكن اقري يس بنيّة انو يتلقي لو الله مقوّي قسمتك فيهو بتلقيهو كر عليا يا نايلة ربي يجمع بيهو و يعوضك يا رب و نايلة شغالة تطنطن ب تحت ما معروف بتقول في شنو اها بقو منتظرين العرسان يشرفو و نايلة بس نفسها تمسك طرف خيط يأكد اوهامها و أوهام نعيمة على المساء كدا عصام و مودة جو و ماشاء الله تبارك الله كانو عاملين ليهم عشاء حكااااااية فيهو ما لذ و طاب و مالين ليهم تلاجتهم فوق عشان طبعا ( العرسان لازم يتغذّو😁) و كانت لمة ظريفة و حنيييينة أصبح الصباح قبال ما يقشو عينهم من النوم ناس نايلة تحت كانوا مشنقلين ليهم خروفين ضابحينهم كرامة و مودة بطبعها زولة هميمة ما عندها حركة تنوم لما الشمس تشرق دي بتصحا بدري تتوضا تصلي و ترتب حالها اها طبعا دا اول يوم ليها في بيت ناس عصام رتبت غرفتها و خلت عصام فوق نايم و لبست ليها توب ظريف وشالت الهدايا اللي جابتهم لام عصام و نزلت تحت لقت امها ماشاء الله تبارك الله يد ب يد مع الطباخ وشبه انتهو من تقطيع اللحمة و توضيبها لاحظت انو خالتو نايلة ما مع امها في المطبخ و صراحة ما حبّت تركز مع الموضوع كتير ام عصام كانت في غرفتها بتتكلم في التلفون مودة طوالي ب وشها مشت لغرفة ام عصام و دقت الباب نايلة كانت بتتكلم مع نعيمة قالت ليها كدي دقيقة برجع ليك شكلهم دايريني برة و قفلت الخط من نعيمة و قالت اتفضل مودة دخلت و سلمت على نسيبتها و مدت ليها كيس الهدايا و قالت ليها دي حاجة بسيطة يارب تعجبك يا خالتي نايلة شالت الكيس و قالت ليها مقبولة هديتك حبيبتي و انتي احلى منها أن شاء الله مودة قالت ليها تسلمي يا خالتي نايلة طوالي قاطعتها تأني مافي خالتي قولي يا ماما نايلة ✋ احلي كتير من كلمة خالتي مودة عاينت ليها في خجل و قالت ليها حاضر يا ماما نايلة و قالت ليها عن اذنك و لغاية ما طلعت من غرفتها نايلة مراقباها و تعاين ليها سااااااي ب عين ( القرف) ديك 😎 مودة طبعا طوالي مشت لأمها في المطبخ و قدر ما رحمة حنستها انها تطلع فوق أو تطلع تقعد برة قالت ليها و اخليك هنا تشتغلي براك عارفاني مابقدر اقعد ساي اها وضبت ليك معاها كل الحاجات و ظبطتهن بعد فتتتترة كدا عصام جا نازل لقى نسيبتو و مرتو خلصو تقريبا سلم عليهم و مودة ظبطت ليهو كباية شاي و قعدو كلهم بيتونسو و الجو كان بسييييط و ظريف لغاية ما جات امنا الغولة خاشة 🙈 لقتهم قاااعدين و عناب ذاتها نزلت و قعدت معاهم و ونسة و ضحك و هظار كالعادة لما تجي الناس بتتكهرب لانو لازم ترمي ليها كلمة تعكر الجو أو تعاين ب نظرة تخلي الناس ما مرتاحة اتونسو حبة لغاية ما الاكل جا و الضيوف المعزومين الكرامة بدو يجو و قبل ما البيت يتملي رحمة قالت لمودة اطلعي غيري توبك بعد دا ضيوفكم بجو مودة قالت ليها تمام و انسحبت براااحة و طلعت غرفتها دخلت استحمت و غيرت و ختت ليها مكياج خفيف و لبست فستان كان حياكل منها حتة خاطف لونين وردي على بمبي فاتح 😍 و عملت من الخمرة المعتتتتقة ديك و نزلت و سبحان الله اول خلقة قابلتها تحت كانت خلقة نعيمة لكن رضوي ما كانت معاها سلمت و قعدت جنب عصام و نعيمة دي ما فاضل ليها الا تقوم تكافت مودة شدة ما محروقة منها و ما طايقاها حتى سلامها ليها كان بارد و سلام من دون نفس و بس شغالة تتوسوس مع نايلة و يرفعن عيونهم و يعاينن لمودة يعني وااااضحة حركة القطيعة و الحركة دي غاظت عصام شديد منهم قال ليها يا ام عصام شنو الحركات دي 😁 نقوم نطلع فوق و لا شنو يا جماعة نايلة قالت ليهو ابدا يا نوارة الفريق بس عندي شمار و موضوع مع خالتك نعيمة دي بديناهو بالتلفون و ما تميناهو لكن خلاص 😎 بنتمو بعدين طبعا رضوي اليوم داك و بعد رجعو لامت امها و كيف يا أمي تقولي لخالتي كلامك دا و منو القال ليك انا دايرة عصام انا حتى لو ما كان اتزوج ما كنت بعرسو و نعيمة قالت ليها و ما بتعرسيهو مالك يا شقية يا منحوسة دايرة تقولي لي لو ما حبيتو و لو ما بعرف شنو مش الحب ماشي يفتح بيتك و يبقى ليك اكل و شراب يا غبية؟ رضوي قالت ليها يعني اعيش معاهو و هو مغصوب عليا و اكون انا البحبو و هو لا قالت ليها في يدك كان تخليهو يحبك لكن انتي فاشلة زي ابوك ما بتقدّري النعمة الكانت في يدك و هسي ما فات شي انا بخليهو يجيك راكع رضوي قالت ليها افهمي يا أمي أنا ما عايييييزاهو و عصام ما عايزني 😭😭😭 نعيمة قالت ليها بيعوزك و حيعوزك غصب عنه وود اختي ما بخليهو للجربوعة دي و امها و جحا اولي بلحم تورو و نايلة اختي انا بعرف اقنعها كيف انتي بس نقطّيني بسكاتك 😠 رضوي قالت ليها مافي فايدة و انتي ما حتقتنعي و انا فترتا من الكلام معاك 💔 بس تأكدي انو حتى لو جا و قال عايزني انا ح ارفضو لاني ح اعرف الكلام دا ما حصل بارادتو نرجع نشوف جو الكرامة عامل كيف كل الناس دي كانت مبسوطة و شكرّو الأكل اللي كان ماشاء الله تبارك الله معمول ب حب ❤️ و عصام من جنب خالتو رحمة ما زحا و كل دقيقتين يدنقر فيها يقول ليها ربنا يقدرني على جزاك يا خالتي انتي عملتي فيني جميل عمري ما انساهو ليك ❤️❤️❤️ يا ام الحنان كله 😘😘😘 و نايلة و نعيمة من هناك مرااااقبين و متابعين و النية ال نوووها الله لا يتمها ليهم 💔 كونو بالف خير ❤️❤️❤️ -------------------------------------- --------------------- *☆يتبــــــــــــــــــــــــــــــــــــــــــــع☆☆* *بــــــــــــــيــــــــــــــــــــجــــــــــــــة*