*#بت_الرحمة《21》* *#بقلمي_عفراء_محمد_مكي* ❤️❤️❤️❤️ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏ *في مكان ما من ضواحي الخرطوم* نايلة شكلها خايفة و أعصابها بايظة و تقّدم رجل و تأخر رجل و من خلفها نعيمة تلز فيها لز يا نايلة خشي ما في حاجة 😒 كدا بنتاخر على الشيخ و في انفعال واضح قالت ليها ( انتي ما دايرة ولدك يفتح و يشوف الحقيقة) تمتمت نايلة بكلمات غير مفهومة و في الاخر خشّت لقت كمية من النسوان قاعدات بالصف و الشيخ قاعد جوة في اوضة كدا و حوليهو ورق و عروق و دواية و الغرفة بخورها يصارع السحاب نعيمة مشت على البت البتسجل الناس و غمتت ليها قريشات ✋قالت ليها اقعدو لما الناس الجوة ديل يمرقو قعدو و نايلة دي لما مسكتها حمى ام برد ترجف زي القصبة ☹️ و نعيمة هاجراها و مقعداها بالقوة اها مرت الدقايق دي و كأنها سنوات بعد الناس مرقو البت أشرت لنعيمة يعني تعالو دخلن و هن سامعات اعتراض النسوان البرة ليه يعني هم جو هسي و تدخليهم قبالنا و وو عملو نفسهم لا بيسمعو لا بشوفو و دخلن للشيخ و الشيخ اول ما قعدن قدامو قال ليهن امركن مقضي أها أن شاء الله خير نعيمة بدأت تحكي ليهو و قالت ليهو البت دي اكيد مشت لشيخ و هسي نحنا دايرين نخليهو يطلقها لانو ود اختي دا لا سامع لا شايف غيرها و هدد امو قال ليها لو ما وافقتي عليها بطفش من البلد عشان كدا امو وافقت الشيخ قال ليهم اسمها منو قالو ليهو مودة طيب و اسم امها قالو ليهو رحمة قال ليهم الشغل دا بيكلفكم كتيييير نايلة بخوف قالت ليهو بندفع بس ولدي يبقي كويس قال ليها تمام بعد ٧ يوم حتجيني راجعة تتمي لي المبلغ و تديني البشارة انو ولدك طلقها و قنع منها هسي تديني نص المبلغ و بعد يطلق تجي اختك دي تتمو لي عاينو ل بعض و قالو ليهو تمام ✋ على صعيد آخر خالتو رحمة بعد الكرامة رجعت بيتها لكن شكلو تعب العرس على تعب الكرامة و هي ما ارتاحت نهائي بدأ يظهر عليها و تعبت فاتصلت على عصام عصام ما كلم مودة و من الشغل وداها الدكتور بس الشي اللي قالو ليهو الدكتور ما طمنو كله كله عرض عليهو انو رحمة تاخد كيماوي لانو السرطان انتشر بسرعة هم ما كانو متخيلينها و انو ضروري تبدأ تاخد جرعات الكيماوي في أقرب وقت عصام قال ليهو طيب ممكن نسافر بيها مصر هناك في مستشفيات متخصصة قال ليهو انو الطب هنا كمان اتطور و كل الرعاية اللي حيلقوها برة ممكن يلقاها هنا بس عصام أصر و قال ليهو اكتب لي تقرير عن حالتها و انا ح ارسلو لدكتور صحبي هناك المهم طلع من هناك و الدنيا مسخانة عليهو و ابا كله كله يبيّن لخالتو رحمة حاجة رغم انو غصب عنو ظهر في وشو الحزن و رحمة شبه عرفت انو خلاص معناتها حاصلة معاها حاجة خطيرة و هم في العربية رحمة قالت لعصام الدكتور قال ليك شنو عصام اتلهوج في الكلام و ما عرف يقول شنو قال ليها قال لي دا شوية تعب و إرهاق لكن عشان انا بريييييدك زي عيوني و انتي عارفة طبعا قررتا انو نسافر مصر عشان نطمن اكتر و منها انتي ذاتك تغيري جو شويتين رحمة عاينت ليهو و عيونها مرقرقات قالت ليهو يعني خلاص 💔 عصام قال ليها خلاص شنو يا خالتي رحمة قالت ليهو خلاص ايامي قربن💔😭😭و ح اموت عصام وقف العربية و من غير ما يشعر قلدها و بقى يبكي زي الطفل الصغير قال ليها بإذن الله تعيشي و تشوفي أولادنا و اولاد أولادنا يا خالتي ما تقولي كدا كل الحكاية كل الحكاية انو حتاخدي علاج من نوع تاني علاج مؤلم شديد حتتعالجي بالكيماوي هو ف الاول حيألمك شديد و حتفقدي شعرك و لونك حيتغير لكن اول ما ينتهي من المرض في جسمك كل حاجة حترجع زي ما هي و مصر فيها مستشفيات متخصصة في مرض السرطان حنمشي معاك انا و مودة رحمة قالت ليهو انا ما خايفة من الموت 💔💔 لكن كنت بتمنى اشوف عيالكم حتى أموت عصام قال ليها الجاب سيرة الموت منو أن شاء الله يا خالتي تتعالجي و ترجعي احسن من اول كمان و فضلو ساكتين بعدها لغاية ما وصلها البيت و قال ليها شيلي اللي يلزمك انتي حتمشي معاي البيت تاني ما ح اسيبك هنا براك قدر ما اعترضت و رفضت عصام ما خلاها و قال ليها ما بتحرك من هنا الا و انتي معاي لغاية ما اعمل إجراءات السفر انتي حتكوني قاعدة معانا و على كدا جهزت ليها شنطة صغيرونة و اتحركو على البيت مودة فرحت فرحة شديدة بانو امها حتكون قاعدة معاهم بس لما عرفت السبب الحقيقي ورا جيبة عصام لأمها الدنيا مسخت عليها و الليل ما نامتو تبكي و تدعي انو ربنا يرفع عن امها و يهون عليها ألم الكيماوي و يديها الصحة و العافية و يشفيها و يعافيها اها طبعا الشيخ ادا نايلة شراب و كشحة َو حاجات تتخت في الأكل و بخور تعملو بطريقة معينة ✋ يعني ظبّطها على الآخر و قال ليها بعد تخلصي ديل حنعمل ليهو الشغل التاني بتاع بت اختك عشان يعرسها البت مودة دي تاني سيرتها ما حيجيبا في لسانو لكن ياربي موقف رضوي شنو من المهازل دي و هل عندها بيها علم 🙄 حنشوف ابقوووو عاااافية ❤️❤️❤️❤️ -------------------------------------- --------------------- *☆يتبــــــــــــــــــــــــــــــــــــــــــــع☆☆* *بــــــــــــــيــــــــــــــــــــجــــــــــــــة*