*#بت_الرحمة《22》* *#بقلمي_عفراء_محمد_مكي* ❤️❤️❤️❤️ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏ لما ناس نايلة رجعو البيت اتفاجئو ب جية رحمة و قعادها في البيت و عصام قام كلمهم بحسن نية انو حيسفرها و كدا نعيمة قالت ليهو و الله يا عصام لو عندها ولد ولدتو من بطنها دي ما بيعمل ليها البتعملو ليها دا 😏 غايتو الله يديني راجل بت يسوي لي سواتك دي😒 عصام ما ركز مع كلامها كتير و وجه كلامو لامو قال ليها انا ماشي اظبط ليهم أوضاعهم و ح اقعد اسبوع و ارجع يا أمي امو قالت ليهو الله يقدرك يا ود حشاي و لولوت خشمها نظام الكلام ما عاجبها و اول ما عصام مشي منهم قالت لنعيمة و الله صحي الشقى يلقى العضم في الفشفاش شوفي بالله حظها من السما كيف و الله دي شيخها كارب لما غلط حنأكلها كيف و حنشربها كيف و هي طايرة مع امها 🤔 نعيمة قالت ليها يفزعني و ينجدني و نحنا شيخنا ما بيتصاقع بتصل عليهو و اوريهو ما تشيلي هم و الله لو في هدومهم بنخت ليهم حاجاتو و محل رهيفة ينقدّ و على كدا قفلو النقاش في السيرة دي عشان مافي زول يركز معاهم رضوي طبعا جات بدري من الشغل و لقت امها ماف الفار لعب في عبها و بقت مخيطة السكة ماشة جاية لغاية ما امها جات سألتها ماما كنتي وين انتي انا بتصل من الصباح ما بتردي قالت ليها كنت بفتش لمصلحتك و مصلحتنا و كلها مسألة وقت لغاية ما الشوم دي تتطلق و انتي تجي محلها زي الملكة رضوي بقت منططة عيونها و بتعاين لأمها و في خلعة سألت امها انتي مشيتي وين يا ماما قالت ليها شلتا من خالتك سعاد الوصف بتاع الشيخ حقهم و سوقتا نايلة و مشينا... رضوي ختت يدينها في رأسها و بقت تتحسبن قالت ليها ليه يا أمي ليه بتعملي فيني كدا... ليه بترخصيني و ترخصي نفسك كدا 😠 عصام خلاص شاف حياتو و انا ما لازماهو و لا انا عندي ليهو شي خليهو في حالو و خليني انا كمان في حالي نعيمة قالت ليها أبداً وربي ما اسيبها تتنغنغ في النعيم دا و لا شهر بعد دا و انتي حتعرسي عصام رجلك فوق رقبتك ما على كيفك و لا بمزاجك و اوعك تقولي لي معز و سجم رماد تقدري تقولي لي هو وين حاليا؟ و ليه ما شفنا وشو لغاية هسي🙄 و حي و لا ميت؟ انتي ما عارفة عنه شي لانو ما قادرة توصلي ليهو انتي قايلاني ما عارفة رضوي بقت تكورك في هستريا انتي ما فاهمة حاجة حرااااام عليك البتعمليهو فيني دا و الله العظيم حراااام انتي ال خليتيني كدا انتي ال عملتي فيني كدا حرااااام عليك يا ماما حسبي الله و نعم الوكيل شوفي انتي تاني ما حتمشي للشيخ دا و الا و الله العظيم انا ح امشي لعصام و احكي ليهو اي حاجة و اصلا خربانة خربانة نعيمة ضربت رضوي كف لما اضانها صنت قالت ليها بكتلك و بشرب من دمك و عارفة اني ممكن اعمل كدا عادي من غير ما يرف لي جفن ح تعرسي عصام يعني حتعرسيهو ✋ دا ما موضوع قابل للنقاش فاهمة و لا لا و طلعت خلتها في فجتها ديك مموتة نفسها بالبكا على صعيد آخر التجهيزات ماشة على قدم و ساق و عصام رتب ليهم اي حاجة و خلاص بقو ناس سفر حتى عناب قررت تمشي معاهم كانت اخدت اجازة من الجامعة بعد خلصت امتحاناتها و قالت طالما عصام ح يجي راجع و انتو حتقعدو حبة يبقى انا ح اكون مع مودة و خالتي رحمة لغاية مانتطمن و ربنا يطمننا عليها اها نعيمة رجعت للشيخ ورتو المستجدات قال ليها الورقة دي تختيها في نص هدومهم و دي تشربيها للولد و حتشوفي ال بيحصل شنو لكن بما انو دا تسريع للأمور يبقى كدا تكلفة شغلكم ذادت نعيمة قالت ليهو بنديك الدايرو بس حلنا من البت دي و من امها قال ليها يبقى تمام عمل ليهو طلاسم كدا في ورقتين و ناولهم ليها و قال ليها ديل بخرات تفكوهم مع المغرب ✋ و الطلاق بيحصل بيحصل و على كدا نعيمة شالت الحاجات و جات فرحاااانة لنايلة يا ربي تاني بيحصل شنو 😎 كونو بالف خير ❤️❤️❤️ -------------------------------------- --------------------- *☆يتبــــــــــــــــــــــــــــــــــــــــــــع☆☆* *بــــــــــــــيــــــــــــــــــــجــــــــــــــة*