*#بت_الرحمة《24》* *#بقلمي_عفراء_محمد_مكي* ❤️❤️❤️❤️ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏ احيانا رحمة رب العالمين ممكن تجيك في شكل ابتلاء ربنا يصرفو عنك حتى لو كنت بنظرتك المحدودة ما شايف دا و يكون ما فيها خير ليك أو ما فيه خير ليك ابن آدم بطبعو جزوع و ما بيستحمل اي ابتلاء و صبرو قليل شديد مع انو لو كان بيعلم مقدار الشر ال ربنا صرفه عنه كان يظل ساجد طول حياتو لربنا سبحانه و تعالى حمد و شكر و امتنان مودة ليها فترة كانت مواظبة على سورة البقرة و بقت ليها ورد يومي حتى و هي عروس في شهر العسل ما سابتها و اكيد دي الحاجة اللي خلت كمية من الحاجات فيما بعد تتكشف ليها من غير قصد أو محاولة منها في فهم ال بيحصل حولينها و لما كمان امها عيت بقت ماسكة يس و البقرة مع بعض يعني بقت مدرعة كمان ❤️ سبحان الله ربنا صرف عن عصام رضوي لحكمة يعلمها هو و جمّع قلبو مع مودة برضو لحكمة يعلمها هو عشان كدا اي شي بيحصل لينا في حياتنا لخير حتى لو ما كنا شايفنو في وقتها ✋ نرجع لأبطال قصتنا و نعرف الحصل عليهم شنو بالظبط عصام طبعا بقى محتفظ بالورقة لكن عمل زي ما الكتاب بيقول ( تغسل الشي المعمول ب موية و تقرأ فيهو المعوذتين عشان تبطل مفعولو) و صوّر الطلاسم اللي مكتوبة في الورقة في جوالو و خلي الورقة في مكان بعيد ماعارفو زول غيرو✋ خالتو رحمة طبعا اول ما وصلو بدأت الجلسات و كانت مؤلمة حد الألم اول جلسات دي كانت بتموت و تحيا فيها 💔 و كل الحولينا متجرسين و ما متصبرين كلو كلو ياااااربي من الكيماوي ووجع الكيماوي💔 مميت اكتر من المرض في حد ذاتو بس خالتو رحمة كانت زولة متيقنة و صبورة و إيمانها ب ( رحمة ربنا عز و جل) كبيييييير كانت كل مرة بتكون اقوي من القبليها رغم انو ملامحها اختلفت و شعرها و رموشها بدأو يتساقطو و لونها بقى شاااااحب💔الا انها رغم ألمها كانت مبتسمة و كل ما تشوف عصام و مودة لسانها ما بيبطل دعاء ليهم و دعواتها كانت من جوة قلبها الصااافي ❤️ عدت الايام و عصام مدد اجازتو و بقى قاعد معاهم بس لكن إرادة رب العباد كانت فوق كل شي و كل زول في الدنيا دي عندو دور بيأديهو و يمشي و ربنا اختار خالتو رحمة ل جوارو💔 و الحمد لله هي عرفت تربى صاااح و أدت رسالتها بكل حب مافي زول في المستشفى ما حزن عليها مافي زول ما اتذكر ابتسامتها و هي طالعة من الجلسات و بشاشتها و روحها الطيبة و صبرها اللي مفروض يدرّس و عصام و مودة كانو اكتر اتنين فاقدنها و حزينين عليها حزنو عليها حزن خرافي عصام كتير كان بيقول الحمد لله اني ما رجعتا السودان و ماتت ب وراي و ما كنتا حضرتها كنت طول حياتي ما ح اسامح نفسي مودة خشت في حالة ما يعلم بيها الا الله و بعد دا خلاص بيجهزو في حالهم عشان يرجعو السودان جو مع ( رحمة) و راجعين من غيرها ربنا يتولاهم برحمته 💔 و يعظم أجرهم و يلهمهم الصبر ❤️❤️ نايلة رغم ال عملتو الا انو زعلت لموت رحمة و في لحظة من اللحظات ختت نفسها مكانها و الفكرة كانت مخيفة بالنسبة ليها و كل ما كانت تنوم كانت بتحلم بيها لدرجة انو بقت عايشة في رعب ما عادي كل الحاجات ألفي الدنيا بتبدأ صغيرة و تكبر الا الحزن بيبدأ كبير و يصغر مع الزمن بنتعايش لكن ما بننسي الناس اللي كنا بنحبهم و ربنا اختارهم لكن موت رحمة كان جرح كل ما يعدي عليهو الزمن بيبقى غريق زيادة و بيوجع اكتر من اول 💔 رحمة كانت أم الكل في حياتها ما غلّطت و لا فلّتت و كانت كتير بتجي على نفسها عشان خاطر ال تانيين ومرا مستورة عاشت وحيدة و ماتت وحيدة 💔 يا ربي مستقبل الايام داخر لمودة شنو 🤔 حنشوف 😎 -------------------------------------- --------------------- *☆يتبــــــــــــــــــــــــــــــــــــــــــــع☆☆* *بــــــــــــــيــــــــــــــــــــجــــــــــــــة*