*#بت_الرحمة《26》* *#الاخيـــــــــــــــــــــــــــــرة* *#بقلمي_عفراء_محمد_مكي* ❤️❤️❤️❤️ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏ طبعا في تحول رهييييب من لحظة دخول مودة حياة عصام و اهلو بالذات عنااااب و عصام و آخر حاجة التغيير الحصل مع نايلة رغم حركاتها و دراماتها اللي كانت بتعملها ليها الا انو مودة يوم واحد ما صرّت وشها و لا أدتها كلام شين مع انها كانت بتنقنق مع امها و بتدق جرس و بتزعل بس مافي مرة من المرات قالت لنايلة كدا و لا كدا و نايلة كتييير كانت بتتقصد انها تستفز مودة عشان تطلّع أسوأ ما فيها لكن تربية مودة كانت بتمنعها تتعامل معاها بالمثل ✋ و معاملة مودة الطيبة مع نايلة هي ال خلتها تتراجع و تتغير و يمكن ترجع تخت النقط فوق الحروف الشي ال استجد انو نايلة من كتر ما بقت تحلم ب رحمة بقت تخاف تغمض عيونها أو تنوم و جاها أرق و حالتها بقت حالة يوم كدا صحت من الصباح و قالت للسر مش بتعرف المكان الكنتا بتودينا ليهو انا و نعيمة 🤔 السر قال ليها ايوا قالت ليهو يلا انا دايراك توديني قال ليها تمام لبست و قالت لمودة استنوني بالغدا انا ماشة و جاية و اوعا اجي القاكم اتغديتو خليتوني مودة قالت ليها غداء من غيرك ما بيبقى ذاتو يا ام الغالي❤️ حاااضر ح ننتظرك يا ستي و مشت على كدا.... المرة دي نايلة ركبت الصف و ما عملت زي كل مرة لغاية ما جا دورها و دخلت للشيخ قال ليها أن شاء الله غرضكم تما😎 قالت ليهو انا جاياك المرة دي لحاجة مختلفة عايزاك تبطل الشي ال عملتو و مستعدة ادفع ال بتقولو صراحة المرا اللي كنا تاهمينها انها مشت و خلت بتها تعرس ولدي ماتت و مرا ولدي حاليا حامل و انا اتراجعتا عن اذيتهم و ان شاء الله ربي يغفر لي من حقهم💔 الشيخ استغرب قال ليها طول سنين حياتي دي الناس بتجيني راجعة عشان تزيد الأذى و المضرة و انتي جاية عشان تتراجعي🤔 قالت ليهو ايوا و الله و انا توبتا لوجه الله تعالى بس انت ابطل الحاجة ال عملتها انا ما بقدر اعيش مع الاحساس دا 😭 قال ليها الكلام دا حيكلفك كتير قالت ليهو مافي مشكلة بس توعدني انك تفكو و ختت قدامو رزمة بتاعة قروش قالت ليهو كدا كفاية🥺 الشيخ كان فاتح خشمو و ما قادر يستوعب الحاصل معاهو دا قال ليها كفاية جداً اعتبري الاتعمل ما اتعمل اصلاً و هز راسو في استغراب و يمكن بينو و بين نفسو قال المرا دي جنّت و لا شنو لكن نايلة ما كان بيهمها رأي زول فيها قدر ما كان بيهمها انها تعمل الصاح و تريح ضميرها و خلاص❤️و هي راجعة من بيت الشيخ قررت تهادّي مودة بحاجة تفضل متذكراها بيها فكان عندهم صايغ زبونهم مشت ليهو في المحل و اختارت ليها خاتم ظريف و خلتو يختو ليها في علبة هدايا و رجعت بيهو البيت بعد اتغدو و شربو شاييهم فتحت العلبة و ناولت مودة الخاتم قالت ليها دي هدية زواج متأخرة و جا عليها الحمل فبقو مناسبتين و انتي تستاهلي وزنك دهب😘 مودة قالت ليها كلامك دا براهو هدية يا خالتي نايلة قامت و حضنتها و نايلة فاجئتها و قالت ليها ما كنت بتخيل يجي اليوم و تبقى عندي بت خامسة ❤️ انتي حقيتي رباية امك و جبتي ريدتي ليك بيدك😍 عصام طبعا اتفتحت عليهو فتحاً مبيناً و امورو ظبطت شديد ماشاء الله تبارك الله و كل ما عينو تقع على مودة يقول ليها مودة الرحمة بت الرحمة) ❤️❤️ انا متفائل بيك و بقسمتي معاك انا امي راضية عليا و داعية لي 😍 اسمعيني مافيها مساج على الماشي كدا 😁 و مودة تتخجل و تتبسم زي نار القصب😁 فترة الحمل بتاعة مودة مرت بسلاسة الحمد لله و وحمها كله كان طين بحر و قونقليس بالشطة😁 و مرة اتوحمت على كجيك و الجميل في الموضوع نايلة بقت ما بتعترف الا بشغل مودة في المطبخ و اول بأول بتديها الدعم المعنوي و تقول ليها انا زمااااان كنت بريمو لكن بشتغل بالمزاج جا اتزوجني ابو عصام خربني كله كله كان ما بيخليني ارفع قشة من الواطة الف رحمة و نور تنزل عليهو ف بقيت خملة وولاداتي كلها كانت ورا بعض ما كان عندي زمن لأي حاجة و سبحان الله من عرفتا أمك و ضوقتا شغل يدها بقيت ما بقتنع بغيرها و كنت بتباهي بيها في كل مناسباتنا😁😍 واشوف حاالي عليهم لأنها معاي و ما معاهم عنااااب طبعا بقت متفوقة ماشاء الله تبارك الله العين الحاسدة ما تعاين ليها و بقت ما بتطلع من العشرة الأوائل و هي و مودة بقو صحبات صحبة شديدة رضوي من اللحظة ديك طبعا احترمت حتة انو عصام ماخد منها موقف و قالت حتخلي الحكاية دي للأيام لانو الحصل ما كان حاجة ساهلة عليهو و لا عليها مودة حاليا مبشرة بتؤام بنات قالت زي ما اتمنت تسمّي بتها رحمة و ربنا اكرمها و ضاعف ليها امنيتها حتسمّي نايلة و رحمة ❤️ الخلاصة؛ *درب الحلال مليان شوك و مطبات لكن نهايتو احلى من ما يتوقعها خيالنا المحدود* *و بقدر ما انو الحرام أسهل من السهولة الا انو نهايتو مرارة بنفضل نتجرعها طول حياتنا* *أصدقاء السوء مابيحبو ليك الخير و دايما همهم يجروك للزبالة اللي هم عايشنها عشان في فهمهم مافي حد احسن من حد ✋خليك ذكي وواعي واحسبها صاح و اتخيّر رفاقتك✋* *ما غلط انو نعترف بالغلط و نتراجع عنه لكن الغلط نعرف اننا غلطانين و نتمادي في غلطنا دا* *اخيرا؛* *قبل ما تختار طريقك* *ابقى واااااثق من رفيقك* *النهـــــــــــــــــــ❤ـــــاية* ❤️❤️❤️ و كان حيين بنتلاقي *اقعدو عافية* 😘😘😘 *كـــــــــــــــــــــــــــــل الـــــــــــــــــــــــــــــود* *خـــــــــــــــــــــــــــــالد بــــــيـــــــــجـــــــــــــه*