السلام عليكم ورحمة الله وبركاته🤎🦋 ازيك يا حلو المبسم🤎🦋 لاحظت منك حاجة ما حلوة يا حلوة المبسم يا إنسان إنتَ البيخليك تسرق تعب غيرك شنو؟ سواء مصمم أو كاتب أو أيًا كان، أنا كموهوب أجي أتعب وأبدع وأطلع أحلى ما فيني، وتجي إنتَ على البارد تسرق وتنقل الحاجة دي لملكيتك كيف؟ ما في حاجة بتخليك تحذف إسم كاتب من نصو وتنشرو بدون إسمو، ما في حاجة بتخليك تحذف إسم الكاتب وتكتب إسمك، أنا واحدة من الناس اللي في كل أسبوع بلقى كمية من نصوصي وبهاشتاقات تانية، وبعرف كمية من الكُتاب سرقوا نصوصهم وإتشهروا بيهم وهم الأساسًا كتبوها ما إتشهروا بيها لسه، عجبتك الكتابة؟ أكتب وخش وِرش وإتعلم كيف تكتب، لكن ما تسرق تعب غيرك، عايز تنشهر فتش على موهبة بتلقى نفسك فيها ونميها وإتشهر بيها. والحاجة البتقهر إنو الناس بتسرق وتعترف وترد عليك سرقت ولسه هسرق، لحظة وين الشي البيخليك تفتخر بالشي دة؟، وعلى الجانب التاني في الناس اللي بتسرق لكن من تتكلم معاها بتعتذر وتعدِّل وديل ممكن نقول عليهم أفضل السيئين، وأنا متأكدة إنو في كمية من الموهوبين بطلوا يكتبوا؛ لأن نصوصهم بتتسرق فحسوا إنو تعبهم بيضيع، عشان تتشهر إنتَ بتقتل موهبة زي دي؟ وأمثلة للناس السرقت نصوصي ورفضت تعدّل، ولسه مواصلة سرقة للحظة دي صاحبة هاشتاق `سجسج`، وفي لسة كتير وكتير، المهم..يا إنسان ما تخليك ضعيف شخصية، أصقل نفسك بنفسك، وأتعب زي ما غيرك تعِب، غيرك ما لقاها على طبق من ذهب عشان تجي إنتَ وتسرق، والسلام #مواضيع_هادفة #سعيدة_عكاشة