*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ *​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​#طعم النزوح قاسي 😔{4}*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ *​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​#قلم: ☜نهال الصديق☞*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ *​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​✧✧✧♕✧✧✧♕✧✧✧*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ *​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​☜_♬_♪_♬_♪_♬_♪_♬_☞*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ... ولسة واصلين في المشي.. وصت العيش دا ماشايفين اي شي غيرو 😂بارين السكة بس وخلاص الضهر الجا والجو سخن شديد.... ومافي ضل وطبعا معانا ناس كبار وكدا... اخدنا لي رقدة في الواطة دي شمس وحر والواطة بس نعمل شنو فترنا من المشي😪 ناس الكاورو ماشين... وجا بي عدنا تكتك ناس خديجة ونحنا راقدين في الواطة.. ومعانا ناس عشة برضو تعبت عاينة وعمية وبت خال امي برضو يعني كلنا بس راقدين كدا.... لمن جو بي عندنا تكتك ناس خديجة لمن شافننا قعدن يبكن 😢بالجد حالة بس الحمدلله... قمنا لانو الواطة سخنت م بترقد واصلنا المشي..... بس ماشين وسط... الزراعة دي كلها ود شفنا شي غيرها 🫤 ونمش وناخد قعدة ونوقم تاني... بعد مسافة ونحنا ماشين شفنا قرية قدامنا بس بعيدة لسة... شفنا ناس الكوارو وقفو فيها... مشينا عليها وانا ملصت جزمتي لقيت المشي بدون حزمة حلو اخدنا قعدة عشان يصولنا الباقين وصلونا.. قعدو قتا لي امي امرقي تلفونك... مرقتو صورتا الخلا دا بس مافي شي عيش بس 😂 وصورنا... وامي قالت لي عشة انصورك قالت ليها صورني اي امكن اموت تزكروني بيها😂😂ااصورنا طبعا علينا حالة احسن اسكت بس 😂... ووصلونا بنات سنية وشفع جبارة وجبارة.. ونعمات ولدها... وقمنا واصلنا كلنا سوى... بعد نص ساعه كده وصلنا القرية القدامنا.. ولاقونا مرتين مرتين في الشارع دا قالو لينا انتو من وين وكدا وقلنا ليهم انتو من وين كدا قالن نحنا من الشرفة اصلا بعد الضرب جينا القرية دييك وماشين القريةة اسمها شنو م بتزكر وقالو لينا لي انتو مرقتو ناس دلوت م عندكم السلاح.. قنا ليها الطيران قال اخلو.. المهم شكرو لينا دلوت ك وكدة 🥰الصراحة البسمع بيها الشكر والتقدير ليها بسيط شديد... وكانت معاهم بت صغيرة دي بس ماقبلة بت خالي صلاح ونتونس معاها وناهد تقول ليها خلاص ي بت وهي زهجانة من الحلة تمش وتنبز من مرقنا 😂 المهم وصلنا القرية قالو اسمها الكميلاب.. طبعا القرى الهنا ديل كلهم بيسطات وانا قدر م اشوف قرية بقول ديل هسي بشترو الحاجات من وين بتجيني اسألة كتير لانو الصراحة القرى دي كلها بعييدة شديد وصغيرة... قعدنا لي في ضل بيت مع الضل صغير بس انعصرنا مافي ضل تحت ضل اي بيت قاعدين ناس 😔 ناس الكاورو العندهم حاجة بياكلوها قعدو اكولوها ... وانا شفت لي ماسورة كدا مشيت عليها شربت وجو شربو الباقين الحمدلله من امس م شربنا الا جغمة جغمة... شربنا وروينا... وناس امي اتشطفو انا قتا ليهم م بشطف في الوسخ الفيني دا احسن لي كدا طين ويابس😂 بعد شوية جات سماح بت خديجة تشوف ناس الكوارو الواقفين ديل.. عندها بتها ركبتا في كارو من امس.. وتاني م لقتا جات تشوف الكاورو الهنا ديل.. وسالنها انتو واقفين جنب وين قالت لينا في المدرسة ديك... بعد شويا شفنا التكتك اتحرك جهاد شالت موية تشرب اولادا.. 🫧وقفنا التكتك وشربناهم موية ومحمد احمد يسأل في رجال جو بي عندنا قال ليهم نمش علي وين وكدا واحد قال ليو امش لي قدام في قرية اسمها الكاهلي امشو عليها.. هم دورو ومشو نحنا كوركنا لي ناس سنية قنا ليهم قومو ارح كانو بعيدين لقينا شجرة استنيناهم فيها لمن يجو انا طوالي رقتا.. راصي لفة خلاص.. اختا لي غمدة لقيتهم كلهم قاعدين والنايم والنايم والزهجان زهجان والساكت م عارف يعمل شنو 😔 صحيت طبعا لي يومين م نمتا بس النوما الضغيرة دي ريحتني حبة حسيت لي حلقي خشن وم قادرة ابلع ريقي امي ادتني ليمونة اكلتها والتانية عصرنها في الموية.. وبلعت حبة حساسية... جو بي عندنا رجالين سالناهم نمش علي وين كدا قالو لي امشو التبيب شمالكم بي هنا...الناس كلهم مشو عليها... المهم جو ناس الكوارو كانو ماشين لي قدام قنا ليهم الدرب بي هنا مشو بي جاي.. ونحنا قمنا مشينا وراهم.. قنا ناس خديجة مشو لي قدام لكن.. قتا ليهم خلاص بلاقونا هناك... في التبيب اصلا الناس كلهم ماشين لي مكان فيو مواصلات.. وكملنا مشي وياهو نمشي ونقعد... ونفس المنظر 😂 عيش بس.. سبحان الله هسي الناس فاتو خلو كمييية من المحاصيل دي... يتبع.....