*#على_قيد_الكتمان 《05》* *#بقلم_آية_عصام الدين(متمردة)* *ــہہہـ٨ـــ٨ــــــہہـ٨ــ♡ــــــــــــــــــ❥ :00:00*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ *"كيف لي أن أشرح لك بأني مُتعب من الطريق، والناس، والأحلام التي لا تتحقق وحذري وترددي وقلّة حيلتي ، ومُتعب أيضًا من الغد وهو لم يأتِ بعد ، ومن الأمس وهو مُنتهي ، ومن الأيام والوعود والصبر وطولة البال ، ومن التعقّل والتأني والغضب ، من دون أن تشعر بأنني أُبالغ .."* - أحمد خالد توفيق ـــــ كنت وصلت انا كمان الحد كنت منفعلة شديد و كل التراكمات الفيني ضاغطة علي عمري ما بكيت قدام زول دايما بفضل ابكي مع نفسي لاني عارفة لو بكيت قدامها هي خص نص لساني هيفلت هيتكلم بدون إرادتو، كنت بحاول امسح دموعي بس هي كانت بتنزل بالغصب قالت لي و هي خاتة كفها في كفي - طيب فهميني ما تخليني احلل من رأسي براي انا غلطت في شنو - ‏الغلط ما غلطك يا ولاء الغلط هو إني جيت الدنيا، انا ببعد منك عشان ما يجي يوم و اشيل ناحيتك زي ما اخوان سيدنا يوسف شالو عليهو و ما عايزة أذيك ما عايزة اكرهك و لا عايزاك تكرهيني في يوم - ‏دا شنو البتقولي فيهو لشنو تشيلي علي اذا انا ما غلطت فيك - ‏هو سيدنا يوسف كان غلط في اخوانو!! بس ببساطة كان ماخد النصيب الاكبر من الحب و هم اخدو الاقل، علي الاقل هم اخدو شي اما انا ما اخدت شي، دايماً بسأل نفسي هل أنا بتو بالجد! بس الشبه البينا بأكد لي الحقيقة دي طيب لي هو ما شايفني و معتبرني ماف؟ عمرو ما شافني دايماً كان عندو بت واحدة و هي ولاء لمن أمي تقول ليهو بتك دايماً بقول ولاء مالا عمرو ما قال لدن كإني غير موجودة دايماً انتي بتو و انا بتها هي، طيب اذا من الاساس هو كان كتب قسم علي نفسو ما يشاركك فيهو اي مخلوق لي جابني الدنيا دي كتير بحس نفسي نزوة ليلة عابرة ندمان عليها، دايماً كان بديني بواقي حب بواقي اهتمام بواقي خوف و حتي البواقي دي كانت نادرة، عمرو ما إهتم بأنا بحب شنو او عايزة شنو عمرو يا ولاء من نحنا صغار هو بسألك انتي عايزة شنو و بجيب لي نفس الشي الانتي قلتيهو حتي لو انا عايزة شي تاني دايماً اتفرض علي واقع لازم احب الانتي بتحبيهو كأنو بحاول يثبت للعالم انا ما قاعد افرق بين بناتي بس هو ما كدا، حتي في الجامعة مشي و سجل في شي انا ما عايزاهو لمجرد انو دا كان هدفك انتي و انا في لحظة احلامي اتلاشت قد تقولي لي كان بإمكاني ارفض بس انا اتعودت ارضي بإي شي من صغيرة و انا برضي انو لازم اعيش حياتك و من شب علي شي شاب عليهو، حتي الليلة هو ما سألني و قال لي نفسك نحتفل بتخرجك كيف لو كان سألني كنا هنكون اسع في البيت و قاعدين برانا عمري ما حبيت التجمعات و بتخنق فيها عكسك بس عشان انتي بتحبيها لازم انا كمان احبها حتي ابسط شي الاكل كان علي ذوقك انتي بالجد عمرك ما حسيتي انو حياتي مكررة من حياتك بطريقة غريبة؟! بس إذا سحبنا الجزو المليان حب لا متناهي هنلقي انو دي نسختين متكررات، دايماً خايف عليك من باب الحب اما انا بخاف علي من باب الواجب لمن امرض انا دورو بقتصر علي الدكتور و الدوا أما انتي لو انخدشتي ساااي القيامة بتقوم و ما بتقعد تذكري زمان لمن كنا صغار و كنا ضعنا انا و انتي سوا و قعدنا زي قعدتنا دي لغاية ما لقونا جرا عليك انتي و حضنك و شالك و مشي و انا متأكدة انو لو امي ما كانت معاهو كان هينساني عادي دي كانت اول مرة احس فيها انو ما شايفني رغم انو الموقف لمن حصل كنت صغيرة و ما مفروض اتذكرو بس هو بقي محفرو في قلبي عشان دايماً يوجعني و اسع دا انا متأكدة انو الموقف دا هيتكرر تاني اول ما نرجع و شوفي براك، مرات كتيرة بقول انو بحبك كل الحب دا عشان ما عايزك تحسي بفقدان الام بس أمي قسمت حبها بينا كإنك بتها بالجد و عمري ما حسيت انك ما بتها بس هو برضو رافض و إلا يديك نصيبي من كل حاجة انا ما بلومك عشان كنتي مفضلة دايماً في النهاية انتي ما إخترتي كدا بس قررت ابعد عنك عشان ما يجي يوم و احملك شي انتي ما ليك علاقة بيهو، زي ما انا متحملة بسبب اسمي اني في نظر ابوك عبارة عن انسان ميت من تلاتة و عشرين سنة أمي لو كانت عارفة قدر شنو انا هاعاني بسبب الاسم دا ما كانت اصرت تسميني كدا، انا ذنبي شنو عشان اتحمل انو هو ما قادر يناديني باسمي متذكرة مرة انو ناداني باسمي؟ انا ساخطة علي الاسم دا شديد و لو بيدي اغيرو او اختفي من حياة ابوي لانو تقريباً كدا هو في نظرو انا التجسيد خيانتو لمرتو الماتت مع صحبتها و انو ما كان لازم يتزوج بعدها مهما كان لانو دا يعتبر بالنسبة ليهو خيانة ما عندي تفسير تاني لتعاملو دا، عشان كدا يا ولاء خليني في حالي و خلي مسافة أمان بينا عشان الحب ما يتكون كره و حقد. اول ما قلت ليها كدا هي جات حضنتني و كانت بتبكي و بتعتذر، بتعتذر علي شنو؟ هي ما عندها ذنب في انو حياتي تكون نسخة باهتة من حياتها، في اللحظة دي ندمت ندمت اني اتكلمت عارفين الشعور البجيكم بعد ما تعملوا المصيبة و تنتهي بس دا شعوري لحظتها، ما كان لازم اتكلم كان لازم المشاعر ديك تموت في محلها ما كان لازم تطلع أبداً، هي كانت عايزة تتكلم و تقول لي حاجة بس فجأة وليد ظهر و دي اول مرة انبسط اني شفتو لدرجة دي طبعاً كورك فينا و شاكلنا كإننا شفع و قال نمشي وراهو و اتحرك قدامنا أنا مسكت ولاء من يدها و قلت ليها - اول شي إعتبريني ما قلت ليك شي يا ولاء و انسي اي حاجة و كلام الاتقال هنا يموت هنا و تاني شي ما تحكي لزول بواعد و انسي الحصل برضو و ابعدي من اولاد عمك ديل قبل ما ترد لي جا وليد تاني مرة راجع و مسكني من يدي و بقي ساحبنا وراهو و قال لينا - ونستكم دي كملوها هناك اول ما وصلنا عليهم حصل زي ما قلت لولاء ابوي ما كان شايف غيرها كان ملهوف عليها هي و بس و انا اصلاً اتعودت علي كدا فتشت علي امي بعيوني من بين الناس لاني عارفاها هتكون مقلقة علينا اول ما شفتها كنت ماشة عليها بس انتبهت هنا انو وليد لسع ماسكني من يدي بقوة قلت ليهو - ممكن بعد دا تفك يدي - ‏معليش بس عشان كنت زهجان منكم مشيت منو من دون ما ارد ليهو و حضنت امي مسافة لغاية ما ولاء كمان جاتها كنت عايزة امشي كالعادة بس هي مسكتني من يدي قوي عرفت لحظتها انها ما ناوية تخليني في حالي .... ولاء اول ما وصلنا انا رجولي مشو علي ابوي تلقائي كنت متأكدة انو هيكون قلقان علي شديد و فعلاً دا الكان و قعد يسألني عن اذا كنت كويسة او لا، بس بالجد هو كان معاي انا اكتر من لدن قلت قبيل امكن هي حساسة زيادة عن اللزوم بس هي ابداً ما صورت لي شي بطريقة مبالغ فيها في لحظتها سألت نفسي كيف أنا ما لاحظت لشي دا و انتبهت ليها و خاصة في الجامعة انا كنت عارفة كويس انها كانت بتحب الحاسوب طيب لشنو ما خطر في بالي انها كان نفسها تقرا حاسوب امكن عشان هي عمرها ما عارضت و قالت لا، حسيت بالذنب إتجاهها و قطعت وعد علي نفسي انو اخلي ابوي يتغير و يراجع نفسو بإي طريقة كانت، شفتها هي كمان اتجاوزت ابوي كأنو ما موجود و اتجهت علي أمها مشت تحس بوجودها و تحس انو علي الاقل في كائن لسع معتبرها عايشة، مشيت عليهم بس هي اول ما شافتني كانت عايزة تمشي مسكتها من يدها لانو خلاص زمن انو تبعد نفسها إنتهي لازم هي كمان تعيش و تحقق احلامها و تحس بوجودها و تعمل الحاجات البتحبها، قلت لأمي - أمسك البت دي في يدك دقايق و جاية فتشت بعيوني عن واعد لقيتو كان بشرب في سجاير بعيد من الناس كنت حاقدة عليهو شديد مشيت قلت ليهو - احمد ربك انو لدن حلفتني ما اعمل مشكلة و الا كان شوهت ليك وشك العاجبك دا - ‏أنا... انا ما عملت شي هي فهمتني غلط بس - ‏اسكت اسكت ما اسمع حسك دا بس اهو بحذرك لو لمحتك بس بتعاين ليها ان شاء الله لو بدون قصد ما هيحصل خير قلت ليهو كدا و جيت ماشة منو، مشيت جبت لي و ليها اكل و عصير و مشيت عليها، طبعاً كالعادة هي رفضت تأكل قلت ليها انو لما اكلت انا كمان ما بأكل و انا بعرفها بتحس بالذنب من اقل حاجة حتي لو ما مستاهل بس بتحمل نفسها فوق طاقتها شالت من الاكل و العصير و قعدت تأكل و هي ساكتة، بعد الحصل طلبت من ابوي انو نرجع لاني ما كنت مستحملة شوفت واعد دا غير انو يداب قدرت احس بضيق لدن من التجمعات، رجعنا بدري رغم انو كان مفترض نقضي اليوم كلو هناك اول ما ركبنا العربية لدن عملت فيها نايمة او هي نامت بالجد بستغرب في قدرتها علي النوم دي و لشنو هي دايماً بتنوم كل ما تكون مضايقة من حاجة. *•••••••••••••••••••••••••••••••••••••••••••••••••••••••••••* *☆يتبــــــــــــــــــــــــــــــــــــــــــــع☆☆* *♡بــــــــــــــيــــــــــــــــــــجــــــــــــــة♡*