*#على_قيد_الكتمان 《06》* *#بقلم_آية_عصام الدين(متمردة)* *ــہہہـ٨ـــ٨ــــــہہـ٨ــ♡ــــــــــــــــــ❥ :00:00*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ *‏"آمنت أن العلاقات بين البشر لا تقاس بالحب بقدر ما تقاس بالأمان.. الأمان الدائم، أن تستأمن أحدهم على عيوبك وزلاتك حتى على تلك الأمور التي تخاف قولها لنفسك، أن لا تشعر بضرورة في إخفاء بعض الأحاديث خشية أن تشوه صورتك."* - إقتباس ــــــ اول ما وصلنا البيت هي مشت علي غرفتها بدون ما تلفت، خلاص الكهف بتاعها داك تاني ما هتمرق منو، كان نفسي احكي لابوي بواعد بس انا وعدتها اني ما هاتكلم في الموضوع دا تاني، كان كل همي اني اقرب منها بس هي هتقضي حياتها نوم بس مشيت علي غرفتي انا كمان و قلت انوم امكن لمن اصحي القى طريقة تخليني اقدر اطلعها من كهفها داك و تفتح علي الدنيا و تشوف الحياة دي حبة. صحيت تاني يوم بدري خالص عاينت لحوش و علي غير العادة ما كانت هناك مشيت علي غرفتها لقيتها نايمة ما من عوايدها تنوم زي الساعة دي، مرقت منها و مشيت صليت و انتظرت مسافة عشان هي كمان تصحي بس ما صحت قلت اعمل فيها عايزة اصحيها لصبح و كدا مشيت عليها عشان اصحيها اول ما يدي لمست خدها لقيتها محمومة حاولت اصحيها بس ما كانت بتصحي، اتخلعت و خفت عليها شديد مشيت صحيت امي عشان تشوفها حالتها كانت صعبة شديد هي امس كانت كويسة شديد اسع هي مالا؟ شلناها ودينا اقرب مستشفي لانها كانت في حالة إغماء عديل .... صحيت لقيت نفسي في مكان غريب و كان رأسي عايز يتفجر من الصداع و حاسة بجسمي دا كلو مكسر ما كنت عارفة انا وين او الحاصل لي شنو بعد صعوبة قدرت احرك رأسي و عيني وقعت علي ولاء صوتي كان شبه رايح بعد صعوبة حتى قدرت تسمعني شفتها مرقت من الغرفة و ثواني و بعدها جا دكتور داخل لحظتها ياداب استوعبت اني في المستشفى بس لي انا هنا الدكتور قال لي - حمدلله على السلامة، نحاول تاني لمن نزعل نطلع الزعل و ما نحبسو جوانا لانو ما معروف لو ما لحقوك كان حصل شنو قال كدا و قام مارق عرفت لحظتها اني اتختيت في موقف كعب قدام امي و هتصر اني احكي ليها الحاصل شنو و انا ما بقدر احكي ليها عمري ما اتعلمت احكي عن حاجة واجعاني، ثواني و جات ولاء داخلة لي و معاها أمي و جو قعدو جمبي عيوني كانت بتفتش علي ابوي بس ما كان معاهم ما عارفة لي اصلاً بفتش و لي انا بعشم فيهو من الاساس اكيد هيكون في الشغل اكيد ما هيضيع يومو عشاني اموت او اعيش دا ما اختصاصو و لا بهمو اصلاً، امي حضنتني عليها شديد و هي بتقول لي - لي بتعملي في نفسك كدا؟ لي دايماً بتمثلي و تظهري عكس الجواك؟ اسع لو كان حصل ليك شي كنت هاعيش بلاك كيف قولي لي؟ كانت بتبكي شديد كأني ما قدامها و كويسة، لدن هدتها حبة انا ما كان فيني حيل عشان اعمل شي كنت تعبانة شديد و ما قادرة اصلا اتكلم، امي قالت لي - احكي لي الزعلك كدا شنو؟ ما كنت قادرة اتكلم و لا قادرة افكر في كذبة اكذبها ليها هنا ولاء قالت ليها - يا امي الدكتور قال ما نجيب ليها سيرة اسع عايزاها تتعب تاني انقذتني بالجد بكلامها دا، بس انا من التعب لقيت نفسي رجعت نمت تاني بدون ما احس كنت شايفاهم بتكلمو معاي بس ما كنت قادرة اركز معاهم، صحيت المرة دي و انا شوية الارهاق الفيني راح و كنت حاسة نفسي احسن قلبت عيوني في الغرفة بس ما كان معاي زول عاينت لدرب الفي يدي كان خلص فكيتو مني و عاينت لساعة كانت عاملة ستة بس هل هي صباح و لا مساء ما عارفة، كنت عايزة اقوم اخش الحمام في الحظة الجات امي داخلة فيها سألتني ماشة وين اشترت ليها علي الحمام سندتني و وصلتني سألتها عن انحنا صباح و لا مساء قالت لي الدنيا مغرب، اتوضيت و جيت مارقة و قلت اصلي المغرب و الصلوات الفاتتني رغم اني كنت تعبانة بس كنت حاسة اني عايزة اصلي اكبر قدر ممكن عشان الجواي يخف حبة، انا قد اكون بظهر لناس قوية بس اقل موقف بهز جواي كتير و بزعزع ثباتي الداخلي و يوم امس خلاني اعيش في حالة ما يعلم بيها إلا الله حتى ولاء العارفة اي شي و عارفة اسباب زعلي ما هتقدر تحس بالانا حاسة بيهو و لا هتعرف انا جواي مريت بشنو و لا هتقدر تتخيل كمية الصراع الكان جواي و الانتصر هو في نهاية كان عامل كيف، بعد انتهيت من صلاتي لقيت امي جايبة لي أكل ما كان عندي نفس اكل بيها بس هي اكلتني بيدها لغاية ما خلصت الاكل الجابتو لي كلو طلبت منها نسكافيه بس هي بدلت الكلمة بعصير من عندها براها و برضو شربتو بالغصب، قريب لعشاء كدا ولاء و ابوي جو و اخيراً اتكرم و جا سلم علي و سألني إذا حاسة بشي و لا لا قلت ليهو - كويسة بس عليكم الله طلعوني من هنا قالوا لي انو الدكتور قال محتاجة اقعد الليلة هنا كمان ما كان نفسي اقعد ما بحب اقعد في اي مكان غريب انا مرتبطة ارتباط وثيق بغرفتي متعلقة بيها شديد و ما بقدر انوم غير فيها، ولاء حبت تغير موضوع كلامي و اني عايزة امرق و قالت لي - شوفي حبيبتي تاني مرة لمن تزعلي من شي تعالي احكي لينا كلنا مستعدين نسمعك و نحل معاك المشكلة " و عاينت لابوها و قالت" مش كدا هز ليها برأسو بس، مستعد تسمعني؟ انت ما كان عندك استعداد تسمعني و تسألني في يوم عن انا عايزة شنو اكيد ما هيكون عندك استعداد تسمعني لحاجة تانية، قام هو أمي مارقين و ولاء اصرت انها هي التبيت معاي رغم اني قلت ليهم اني ما محتاجة اي زول اصلاً اول ما طلعو من الغرفة عملت فيها نايمة عشان ولاء ما تفتح معاي اي موضوع بس هي عرفت اني ما نايمة جات و قعدت جمبي و قالت لي - ما تعملي فيها نفسك نايمة قومي عايزة اتكلم معاك - ‏ولاء خليني ما عايزة اتكلم انا قلت ليك انسي الموضوع اعتبريني ما قلت شي و اعتبري مافي اي شي حصل قبلت منها بالجهة تانية و حاولت انوم و هي قامت من جمبي لمن شافتني ما عايزة اتكلم و مشت رقدت نامت و انا بعد مسافة حتى قدرت انوم تاني ، صحيت الصباح في مواعيدي البصحي فيها كل مرة و صليت الصبح و بعدها صحيت ولاء عشان هي كمان تقوم تصلي و رجعت رقدت تاني ما بعرف انوم زي الوقت دا فبقيت بحاول امنع نفسي من التفكير في اي شي ممكن يكون بعد ما الدنيا صبحت حبة كدا ولاء مرقت و جات شايلة لي معاها نسكافيه لحظتها انبسطت شديد لاني كما بديت صباحي بيهو مزاجي باقي اليوم كلو بكون معكر، جا الدكتور داخل علينا و قال لينا بنقدر بعد دا نمرق اخيراً غيرت ملابسي و طوالي مشينا اول ما وصلنا البيت لقيت امي في انتظارنا و استقبلتني بكباية عصير كبيرة و انا ما بحب العصاير اصلاً نادراً ما مزاجي يدخل في عصير، بعد ما ولاء وصلتني مشت غيرت ملابسها و طلعت الشغل و انا كنت راقدة في رجلين أمي لغاية ما قالت لي - قوم غرفتك ارتاحي و انا عندي كم شغلة بخلصها و بجي اشوفك فعلاً مشيت منها و دخلت غرفتي و اول ما رقدت في سريري نمت بحس انو السرير دا فيهو مخدر عمرو ما فشل في انو يخليني انوم، لمن صحيت لقيت عمي و اولادو معانا مشيت مجبورة اسلم عليهم اول ما عيني وقعت علي واعد لقيت وشو مضروب بطريقة فظيعة كإنو في زول دقاهو دق العيش ما إشتغلت بيهو بس جواي قلت يستاهل الكلب سلم علي سريع و عينو ما رفعها فيني، قعدت معاهم حبة و بعدها مشيت منهم بحجة اني تعبانة اول ما دخلت غرفتي ولاء جات لاحقاني سألتني من بقيت كيف و كدا و قالت لي - باقي ليك العمل كدا في واعد يكون عمل ليهو شنو - ‏ما شغلتنا علي العموم يستاهل بعدها تلفونها ضرب و مرقت ترد السنة كلها بتكلم بالتلفون ما بتفتر نهائي انا ثانيتين مع بعض و بحس نفسي مخنوقة و عايزة اموت. *•••••••••••••••••••••••••••••••••••••••••••••••••••••••••••* *☆يتبــــــــــــــــــــــــــــــــــــــــــــع☆☆* *♡بــــــــــــــيــــــــــــــــــــجــــــــــــــة♡*