*#على_قيد_الكتمان 《10》* *#بقلم_آية_عصام الدين(متمردة)* *ــہہہـ٨ـــ٨ــــــہہـ٨ــ♡ــــــــــــــــــ❥ :00:00*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ *أرخيتُ مِن حَزمِي* *قَليلاً لأجلِه* *والآنَ أُدرِكُ أنَّ هذا عِقابِي* - مريم الشيخ ـــــ مرت الايام بالشكل دا هو طبيعي بجي متأخر و انا كنت حانة عليهو شديد و كنت بقول انو ما مجبور يشتغل دوامين بس هو دايماً بقول لي - انا عايز ابني لي و ليك مستقبل احسن من كدا كنت حابة طموحو دا شديد و دايماً كنت بحاول احسسو اني جمبو و داعماهو و كنت شايفاهو انسان عصامي و بقول اهو اختيار ابوي طلع ما كعب عرف يختار راجل و شوية كان الخوف الجواي بدأ يتلاشى، في يوم رجع البيت و انا كنت صاحية كان ظاهر عليهو انو تعبان شديد اول ما وصل السرير رقد نام حتي بدون ما يغير ملابسو قلبي وجعني علي منظرو دا و قلت اصلح ليهو رقدتو اول ما قربت منو شميت فيهو ريحة غريبة اول مرة اشمها قلت اكيد هتكون في حاجة ادفقت في ملابسو فغيرت ليهو و نسيت الموضوع و رقدت نمت، بس تاني يوم تاني مرة رجع بدري بس شكلو كان غريب ما قادر يمشي و بتكلم كلام خارم بارم و نفس الريحة ديك فيهو انا بعد ساعة كاملة حتي قدرت استوعب انو الاخ سكران! اول ما استوعبت دا قعدت اضحك زي المجنونة و بعدها قعدت ابكي وقوع الصدمة خلاني انا كمان عقلي يروح و هو طوالي مشي نام تنوم فيهو حيطة، و انا طول الليل ما غمضت لي عين كنت منتظرة الغول دا يصحي اقول ليهو كلمتين واقفات لي في حلقي و بعدها امشي ل اهلي، و هو طبعاً لساعة 10 ما قام تقول في غيبوبة اول ما صحي وقفت قدامو و قلت ليهو - انا الكنت حانة عليك و بقول يحليلك شغال نهار ليل عشان تبني مستقبلنا طلعت بتقضي الليل كلو بتشرب و تسكر ياااخ اخجل، و انا ماشة من هنا و قبل ما اصل البيت ورقتي تصلني ساعتها ضحك ضحكة مستفزة و مسك يدي و لواها لي بقوة و قال لي - قلتي لي ماشة؟ هتمشي وين لابوك يعني؟ ماشة لزول الرماك لي لو كنتي بتهميهو من الاساس ما كان وافق بي لانو لو كان إجتهد حبة حبة بس كان عرف طينتي و عجينتي انا كنت مصدومة من كلامو دا و ما قادرة اصدقو قلت ليهو - كذاب دا، ابوي بعرفو كويس مستحيل ما يسأل منك - ‏هو سأل بس سأل بطريقة سطحية ما سؤال زول عايز يسأل عن واحد متقدم لبتو رغم انو كانت يدي واجعني شديد بس بيدي التانية ضربتو كف في وشو بقوة لاني كنت قرفانة منو شديد و هو بكل بجاحة بتكلم كأنو انسان شريف و هنا ساعتها عرفت سبب الخوف الجواي كان من شنو عرفت لي ما حصل حسيت في صدرو بالأمان الكان مفروض احس بيهو ، لحظتها طلع حزامو و بقي يضرب فيني و انا مع كل ضربة كنت بنبذو و هو بزيد زيادة لغاية ما هو فتر و مشي مني انا ضهري ما كنت حاسة بيهو من شدة الضرب و ما اهتميت ليهو و لا اهتميت لسعيد كل الكان بدور في رأسي انو ابوي زهد فيني لدرجة دي! ساعتها زعل الكون كلو كان اتجاهو هو بس كنت ببكي من زعلي منو في لحظة ديك بذات عرفت انو ما عندي ضهر استند عليهو ساعتها كان ضرب و العذاب اهون علي من امشي علي ابوي عشان يحميني لانو لو كان من الاساس بتهمو سلامتي ما كان راماني الرمية دي. قد اكون من جواي ضعيفة بس عمري ما بينت لزول اني كدا بظهر دايماً قدام الناس في قمة الثبات و لمن انفرد بنفسي بمارس ضعفي كلو ، رغم قلة حيلتي بس أبداً ما ظهرت لسعيد اني مكسورة الجناح بقيت طبيعي في حالة شكل معاهو و اول ما كلامي يحرقو كان بقعد يضربني لغاية ما يدو توجعو حزامو اتقطع في ضهري الغريبة ما كان بقرب أبداً علي وشي و كنت ممتنة ليهو علي الحاجة دي لاني ما كنت عايزة اي كائن يعرف بأنا بمر بشنو كأنو كنت بعاقب نفسي لاني جيت الدنيا دي، تعاملي مع امي و ولاء اتغير كنت بحاول ابعدهم مني بقدر الإمكان ما عايزاهم يحسو بشي عايزة اواجه قدري براي و اصلاً زعلي من ابوي منعني اني ابين شي مش هو زهد فيني كدا يبقي كان بس عايز يتخارج مني و انا أبداً ما هابقي حمل عليهو، مر شهرين و هي بقي طبيعي يجي راجع سكران ما كنت بشتغل بيهو كتير اتعودت علي الضرب و الاهانة اتقبلت فكرة اني بقيت عبارة جسد بلا روح مهمتو تتفرغ فيهو شهواتو و يتعذب و ينضرب كنت بقرف منو و مني انا كمان بس كنت شبه اتعودت علي احساس القرف دا، بس في مرة جا و معاهو صحبو عايز يعمل لي البيت ملتقى سكارى، اول ما شفت صحبو كنت عايزة ادخلي غرفتي بس صحبو مسكني من يدي و بقي يتقرب مني بطريقة مقززة شديد انا بالعافية قدرت اخلص نفسي من بين يدينو و دخلت الغرفة و قفلتها علي و قعدت ابكي ما هو ما ممكن يبقي علي هو و صحبو كمان كنت حاسة بإحساس كعب كعب لدرجة خيالية كنت قرفانة من نفسي شديد كنت حاسة نفسي كإني في كابوس كنت محتاجة زول يطمني و يقول لي و لو كذب اني في كابوس لقيت يدي بدون وعي مني بتتصل علي ولاء هو صاح الوقت كان متأخر بس هي غالباً ما هتكون نايمة و فعلاً ردت لي من اول جرس سألتني اذا كان في حاجة حاصلة لانو صوتي كان متغير من البكى قلت ليها - ما في حاجة بس شفت كابوس، ولاء عليك الله قولي لي انو دا كابوس اول ما قلت ليها كدا لقيت نفسي برجع ابكي تاني هي بقت شغالة لي قولي بسم الله و قعدت تهدي فيني قلت ليها - ممكن تقري لي قرآن لغاية ما انوم؟ و فعلاً بدت تقرأ لي ما بعرف نمت متين بس صحيت و لقيت التلفون مجدوع جمبي ندمت اني عملت كدا قلت اسع هتقلق علي، عاينت لساعة لقيتها فاتت 12 و اليوم جمعة صليت و مرقت برا لقيت البغل داك نايم في الصالة كنت ممغوصة منو شديد انا اتعذب و هو يرقد ينوم و كأنو الدنيا مافيها غيرو شلت جك موية و كبيتو فوق رأسو صحي مخلوع و قعد يكورك فيني و يسب قلت ليهو - انت واحد باطل بمعني الكلمة لمن وزعو الرجولة نسوك او اظن من شدة ما انت باطل اتبرعت بيها لجمبك بكلامي دا عيونو الاصل حمر من اثر الشراب زادو حمار زيادة و ضربني كف قوي و قال لي - لا انتي الليلة عايزة يومك يتم .... صحيت تاني يوم و اول شي جا في بالي لدن لي كانت بتبكي كدا حكاية انها شافت كابوس دي ما ركبت لي في رأسي أبداً ما حكيت لـ امي حاجة عشان ما تقلق بس انا اول ما صحيت جهزت و كنت طالعة ليها اول ما مرقت من البيت كدا لقيت وليد و خالتي في وشي سلمت عليهم و انا قلبي كان مقبوض شديد عليها خليت وليد يوصلني عشان اصل اسرع لانو بيتها بعيد شوية مننا طول الطريق و انا قلبي مقبوض اتصلت عليها كم مرة بس ما كانت بترد و انا هنا قلقت زيادة و حسيت انو في حاجة بالجد، اول ما قربنا من بيتهم انا دقات قلبي زادو بطريقة ما طبيعية اول ما وصلنا شفت جيرانهم بدو يمرقو لشارع واحد ورا التاني انا و وليد الاتنين استغربنا و قلت مالم ديل نزلنا من العربية و سمعت صوت واحدة بتصرخ، ما صوت واحدة دا صوت لدن اختي مشيت علي الباب و بقيت بدق بطريقة هستيريا، سمعت واحدة من جاراتها بتقول لتانية انو اكيد الليلة هيقتلها، هيقتلها!! كيف يعني قبل استوعب الكلمة الاولي المرا المعاها قالت ليها بس عايزة اعرف اهلها كيف رضو يعرسو ليها واحد سكرجي، دي قالت شنو كيف يعني سكرجي ! ما كنت قادرة استوعب هم بقولوا في شنو انا كل الكنت قادرة استوعبو انو لدن جوا هناك بتتعرض لشي كعب و ما هاقدر اتخيلو مهما حاولت لانو لدن عمرها ما صرخت من وجع او آلم من و هي صغيرة بتستحمل و هي ساكتة، فجأة صوتها إختفى انا هنا قربت أجن طول ما صوتها في يعني هي لسع عايشة ما لازم يختفي في اللحظة ذيك وليد كان قدر يكسر الباب دخلت و شفت منظر عمري ما هانساهو ما كانت واعية و هو كان لسع مستمر بضربها برجلو كانها كيس زبالة او اي حاجة مافيها روح، وليد مسكو و وقع فيهو ضرب و انا طوالي قعدت جمبها في الأرض كنت بحاول اصحيها بس ما كانت بتصحي كانت كلها عبارة عن كدمات و جروح، كنت ما قادرة اتصرف و لا اعمل شنو كنت ببكي بس وليد قام شالها و ساقاها علي العريبة و انا كنت لسع في مكاني جا راجع تاني و مسكني من يدي و ركبني معاها و رقدها في رجولي كنت بتحسس وشها و الدم النازل من انفها و رأسها و شفايفها و ببكي و وليد اتصل علي ابوي و قال ليهو يلحقنا علي المستشفي بدون ما يديهو اي تفاصيل اول ما وصلنا انا ما اخدني الشك و لو بنسبة واحد في المية انها ماتت و انو الحيوان داك قتلها، اول ما وصلنا دخلوها علي العمليات قعدنا انا و وليد منتظرين جمب الغرفة و انا كنت بعاين ليديني الكلها دمها ما كنت قادرة استوعب الحصل نهائي و كنت داخلة في حالة صدمة بعد وقت ابوي و امي و خالتي جو وليد قعد يهدي فيهم بس انا ما كنت قادرة اهدي زول بالعكس عاينت لابوي و وجهت يديني عليهو و قلت ليهم كلمة واحدة بس - هتموت *•••••••••••••••••••••••••••••••••••••••••••••••••••••••••••* *☆يتبــــــــــــــــــــــــــــــــــــــــــــع☆☆* *♡بــــــــــــــيــــــــــــــــــــجــــــــــــــة♡*