💥ضربة البدء في غزوة بدر كانت 👈 قوموا إلى جنة عرضها السموات والأرض فكل واحد من الصحابة رمى اللي في إيده وانطلق💪 💡قوموا إلى جنة عرضها السموات والأرض ..قوموا إلى رمضان إلى أعظم موسم مغفرة وعتق من النار للسنة كلها 💯 رمضان أكبر مجمع إيماني تجمعت فيه كل أعمال الإيمان اللي مثقال ذرة واحدة منها تنجيك من عذاب جهنم 👌 عشان كده الفوز برمضان مسألة حياة أو موت ✋ فلازم تفهم إيه هو رمضان عشان تقدر تفوز بيه ⤵️ رمضان دا مارثون 👌 يعنى اختبار لقوة التحمل والصمود والاستمرار 👊 عشان كده لازم تخطط لرمضان صح ✔️ لازم تخطط ل 30 فرصة عتق من النار ، ل 60 دعوة مستجابة ، ل جنة عرضها السموات والأرض 1️⃣ الاستعداد الروحي والقلبي بجدية لاستقبال نسمات رمضان فكثير هم الممسكون عن الطعام والشراب لكن الصائمون قليل 👌 صيام القلب قبل صيام الجوارح 💚 " إنَّ الَّذِينَ آمَنُوا وَعَمِلُوا الصَّالِحَاتِ يَهْدِيهِمْ رَبُّهُم بِإِيمَانِهِمْ ۖ تَجْرِي مِن تَحْتِهِمُ الْأَنْهَارُ فِي جَنَّاتِ النَّعِيمِ " الإيمان هو دابتك ووسيلتك للوصول فتش عن الدنيا والشهوات في قلبك بالقرآن،بالقيام ،بالصيام شوف إيه أرجى عمل لك في الصحيفة ⁉️ النبي صلى الله عليه وسلم كان أرجى عمل له الصيام والقيام 🌱 رمضان بداية سنة تكليفية جديدة ، بداية سنة جديدة ليك في علاقتك بربنا ✊ 2️⃣ الاستعداد النفسي .. تخلص من كل الضغوطات والمشكلات اللي ممكن تعيقك عن العبادة👌 صفي مشاكلك مع أهلك ، جيرانك ، أصحابك 🍃 3️⃣ قوة التحمل والصمود والاستمرار على الطاعة وعلى العبادات في رمضان 💪 الفوز ب ليلة القدر مش هييجي صدفة !! 👈 الفوز بيها تتويج لمجهود الشهر كله 4️⃣ احذر من أعداء رمضان و أخطرهم 👈 السوشيال ميديا والمسلسلات والبرامج و... و... و .. كل دول بيسرقوا وقتك إلى جانب أنهم الثقب الموجود في شوال حسناتك 👎 5️⃣ الاستعداد الجسدي عدم الاسراف في الأكل والشرب والعزايم ❌ 🚩 خلى شعارك فى رمضان ⬅️ " وَمَا أَنَا مِنَ الْمُتَكَلِّفِينَ " 6️⃣ ادرس لياقتك كويس جدا قبل رمضان هل أنت لائق ؟ مستعد للقيام وللعبادة طول الشهر ؟! كل ما تيجي تفتر أو حماسك يقل استدعي حديث أو آيه قرأتها أو سمعتها 🎧 🎖جهزت نفسك لمنافسة الصالحين في الفردوس الأعلى ؟! دي أكتر حاجة هتعلي همتك وحماسك 💪 7️⃣ جهز صحبتك و أنتيمك في رمضان مين هيتعاون معاك ؟ مين هينافسك ويسابقك إلى الطاعات ؟ 8️⃣ خليك محترف وليس هاوي خلي عندك خبرة المحترفين في الماراثونات إبدأ بداية جيدة وتدرج في الصعود ولما تتعب اقعد ريح شوية وانطلق تاني بعدها🏃🏿‍♂️ عشان تحافظ على الثبات وتتلاشى أنك تقع في النص ⤵️ انطلق و اطلع بالتدريج حتى تحافظ على ثباتك ولا تستنزف كل قوتك في البداية 👍 #ماراثون_رمضان #الشيخ_حازم_شومان