*السيرة النبوية الحلقة السادسة والثلاثون (36)🤍)>* ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ #رحلة الإسراء والمعراج #المعراج الجزء الخامس #نهاية المعراج اتكلمنا المرة إللي فاتت عن رسول الله ﷺ لما طلب من ربنا التخفيف في الصلاة زي ما موسى عليه السلام قال له، وربنا فعلا خفف الصلاة من خمسين صلاة لخمس صلوات في اليوم والليلة، وقلنا كم سؤال محتاجين نجاوب عليهم السؤال الأول : هل كان المسلمون قبل فرض الصلوات الخمس بيصلوا ولا لأ؟! خلاصة القول في الموضوع ده إن الصلاة كانت مفروضة من أول بعثة رسول الله ﷺ، وكانت صلاة قيام الليل مفروضة على رسول الله ﷺ وعلى المسلمين في أول سنة من البعثة، وبعدين نُسخت وبقت الصلاة المفروضة ركعتين في أول النهار وركعتين في أخره، زي ما قلنا قبل كده، وجبريل عليه السلام كان علم رسول الله ﷺ كيفية الوضوء وكيفية الصلاة منذ البداية ، وبعدين علمه أوقات الصلاة إللي احنا دلوقتي، أما بالنسبة للأذان فـ لسه لم يُشرع دلوقتي، قصادنا كم سنة كده على ما يُشرع الأذان وله قصة هنقولها في وقتها إن شاء الله والخمس صلوات إللي ربنا فرضهم دول هيكونوا ركعتين فقط، وبعدين لما رسول الله ﷺ يهاجر ، هتزيد، الظهر والعصر والعشاء هيكونوا أربعة والمغرب ثلاثة،ولما يكون المسلمون على سفر هيقصروا الصلاة الرباعية فقط السؤال الثاني: ليه ربنا فرض في الأول خمسين صلاة مادام هو هيخففها لخمس صلوات بعدين، يعني كان فرض الخمس صلوات من البداية وخلاص!!! احنا عارفين إن ربنا لا يكلف نفسا إلا وسعها، ومعنى إن ربنا يفرض علينا خمسين صلاة في اليوم والليلة فده معناه إننا نقدر نصلي الخمسين صلاة دي، هو أه هنقعد طول اليوم كله نصلي بس مفيش مشكلة، أصلا ربنا خلقنا للعبادة فطبيعي إننا نقضي اليوم كله في الصلاة، فعشان ربنا يُرِي الناس رحمته بهم قدّر إنهم يكونوا خمسين وبعدين يتخففوا لخمس صلوات في اليوم والليلة، ومش بس كده ده أعطانا أجر الخمسين كامل، فتخيلوا بقى الناس إللي بتفرط ومقصرة في الخمس صلوات مع إنهم يقدروا يصلوا خمسين صلاة ده وضعهم هيبقى إيه عند ربنا وطبعا ده يشجعنا إننا مش بس نحافظ على الخمس صلوات، لا ده احنا كمان نحافظ على السنن الإثنا عشرة ركعة وبما إننا بنتكلم على الصلاة والسنن ففي معلومة مهمة محتاجين نعرفها وهي إن أول ما يحاسب عليه العبد يوم القيامة الصلاة...إذا صَلُحَتْ فَقَدْ أَفْلَحَ وَأَنْجَحَ، وَإِنْ فَسَدَتْ فَقَدْ خَابَ وَخَسِرَ يعني لازم نجيب في امتحان الصلاة عشرة من عشرة، طيب إزاي هنجيب عشرة من عشرة وفي شيطان إسمه خنزب وظيفته بس إنه يُلهي الإنسان عن الخشوع في الصلاة ويسرق منها ويخلينا نسرح ونفكر في حاجات برة الصلاة حتى شوفوا حديث رسول الله ﷺ : إنه ليس للعبد من صلاته إلا ما عَقل منها، إن العبد يقوم في الصلاة لا يُكتب له منها إلا نصفها.. إلا ثلثها.. إلا ربعها.. إلا خمسها، حتى قال: إلا عشرها. كده هيبقى مستحيل إنا ننجح في إمتحان الصلاة ،و هنلاقي إننا طالعين خسرانين وممكن صلاتنا كده تضيع طب إيه الحل؟! هنا بقى تيجي رحمة ربنا الحل في قول ربنا في الحديث القدسي للملائكة : "انْظُرُوا هَلْ لِعَبْدِي مِنْ تَطَوُّعٍ ؟ فَإِنْ كَانَ لَهُ تَطَوُّعٌ ، قَالَ: أَتِمُّوا لِعَبْدِي فَرِيضَتَهُ مِنْ تَطَوُّعِهِ" يعني ربنا هيقول للملائكة يوم القيامة شوفوا عبدي لو عنده أي تطوع كملوا به النقص في الصلاة، يعني السنن الرواتب يُكَمّل بها ما نَقص من الفريضة فلو الإنسان كان بيصلي سنن يبقى هو عنده مخزون يقدر يكمل منه، طيب لو مكنش بيصلي السنن ، أنا مش هقول إنتم تصوروا الموقف إللي ممكن يكون فيه ساعتها فمش معقول بعد كل رحمة ربنا دي نقصر في الصلاة، وخصوصا إننا أصلا نقدر نصلي الخمسين صلاة، يعني لو أحد من البشر عمل فينا معروف بنبقى ممتنين جدا له، فما بالكم بربنا إللي خلق لنا الجنة وأنزل علينا من رحماته ندخل في السؤال الثالث، اشمعنا ربنا اختار الصلاة بالذات عشان يفرضها من فوق سبع سماوات؟ احنا قلنا إن الصلاة مهمة وهي الشريعة الوحيدة إللي ربنا أمر بها فوق سبع سماوات في مكان خاص جدا، ليه بقى الخصوصية والأهمية دي ربنا أراد إنه يعطي المسلمين حاجة تَصِلهم به تُشبه ولو من بعيد إللي حصل مع رسول الله ﷺ، خلونا نوضح أكثر، تعالوا نستعيد كده رحلة الإسراء والمعراج من البداية جبريل عليه السلام غسل قلب وجوف رسول الله ﷺ قبل ما يبتدي رحلة لقاء ربنا، مش احنا برده قبل ما نقابل ربنا في الصلاة بنتوضأ والوضوء ده بيغسل السيئات بتاعتنا قبل ما ندخل في الصلاة، وبعدين رسول الله وهو رايح للقاء الله عدّى على الجنة، مش احنا برده بعد ما نتوضأ بنقول: "اللهم اجعلني من التوابين واجعلني من المتطهرين ، أشهد ألا إله إلا الله وحده لا شريك له وأشهد أن محمدا عبده ورسوله " وهنا أبواب الجنة بتتفتح لنا رسول الله ﷺ طلع لوحده لمقابلة ربنا وتكلم معاه، واحنا برده لما بنصلي بنكون قصاد ربنا ولوحدنا وبنتكلم معاه وهو بيرد علينا، شوفوا ربنا بيقول إيه الحديث القدسي ، بيقول إنه قسم الصلاة بينه وبين عبده نصفين، يعني لما الواحد فينا بيصلي ويقرأ الفاتحة ويقول: `{الْحَمْدُ لِلَّهِ رَبِّ الْعَالَمِينَ}` ربنا بيقول : حمدني عبدي، ولما يقول: `{الرَّحْمَنِ الرَّحِيمِ}` يقول الله: أثنى علي عبدي، ، ولما يقول العبد: `{مَالِكِ يَوْمِ الدِّينِ}` ربنا يقول: مجّدني عبدي، فإذا قال: `{إِيَّاكَ نَعْبُدُ وَإِيَّاكَ نَسْتَعِينُ}` ربنا يقول: هذا بيني وبين عبدي، فإذا قال: `{اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ}` قال الله : هذا لعبدي ولعبدي ما سأل، فتخيلوا لما كل صلاة نفتكر قصة الإسراء والمعراج ونشعر كده إننا بنكلم ربنا ، أكيد هيبقى في خشوع وهنحقق الغاية من الصلاة، وهي: `{وَأَقِمِ الصَّلاةَ إِنَّ الصَّلاةَ تَنْهَى عَنِ الْفَحْشَاءِ وَالْمُنْكَرِ}` نيجي للسؤال الرابع: ليه ربنا اختار موسى عليه السلام بالذات بمهمة مراجعة رسول الله ﷺ في موضوع الصلاة؟! بصوا، موسى عليه السلام نشعر كده إنه غير كل الأنبياء خصوصا مع ربنا يعني لما رمى الألواح في الأرض إللي فيها كلام ربنا، وشد رأس نبي من الأنبياء ولحيته وجره إليه من شدة غضبه، ربنا لم يعاتبه ودايما نحس منه بجرأة في الكلام مع ربنا، يعني لما قال لربنا لما رسول الله اترفع لمكانة أعلى منه: يارب أنا لم أظن إنك هترفع علي أحد !! في المكانة يعني ، فهو حاسس إنه له مكانة مميزة عند ربنا وخصوصا إن هو النبي الوحيد إللي ربنا كلمه على الأرض أكثر من مرة، بعكس رسول الله ﷺ ربنا كلمه في السماء، وبعكس آدم عليه السلام ربنا برده كلمه في السماء، حتى بداية الوحي ربنا كلم موسى عليه السلام مباشرة، لم يرسل له جبريل عليه السلام زي باقي الأنبياء، عشان كده هو اسمه كليم الله فهنحس معاه كده زي الناس إللي في قلبها على لسانها، يعني لما خاف طلع يجري، ولما خاف مرة تانية قال لربنا أنا خايف، فموسى عليه السلام نشعر إن هو النبي الوحيد إللي عنده الجرأة إنه يتكلم ويشجع رسول الله ﷺ إنه يسأل التخفيف من ربنا فطبيعة الأنبياء التسليم المُطلق لله بدون سؤال أو إعطاء رأي، بعكس موسى عليه السلام وطبيعته المختلفة نلاقيه بيعرض رأيه على ربنا عادي جدا، وربنا بيقبل منه بسبب مكانته فعشان كده ربنا وضع موسى عليه السلام بالذات في طريق رسول الله ﷺ وخصوصا إن موسى عليه السلام عنده الخبرة زي ما قلنا المرة إللي فاتت، فهو أكثر واحد يقدر يفيد رسول الله ﷺ ، وكمان موسى عليه السلام حالته فريدة من نوعها يعني الأنبياء كانوا بيعانوا من المكذبين فقط من قومهم، موسى عليه السلام كان بيعاني من المكذبين والمؤمنين به، لما موسى عليه السلام اختار أربعين رجل لميقات الله، والمفروض إنهم أحسن ناس في بني إسرائيل وفي الآخر قالوا أرنا الله جهرة لما دول أحسن ناس فيهم أمال الباقيين عاملين إزاي، فكل الأسباب دي وغيرها جعلت موسى عليه السلام هو الشخص المناسب للمهمة دي وده يقودنا لسؤال مهم جدا وهو إزاي موسى عليه السلام يعترض أصلا ويطلب من رسول الله ﷺ إنه يسأل من ربنا التخفيف مع إنه هو إللي قال لبني إسرائيل افعلوا ما تؤمرون لما قال لهم إن ربنا يأمركم أن تذبحوا بقرة احنا قلنا من شوية إن من صفات الأنبياء ومنهم موسى عليه السلام التسليم التام لأوامر الله، ومش معنى إن موسى عليه السلام بيقول رأيه في مواقف معينة يبقى هو كده معترض أو لا ينفذ أوامر الله حاشاه العلماء لهم قولين في السبب إللي جعل موسى عليه السلام يقول رأيه ورسول الله ﷺ يسمع كلامه: القول الأول: إن موسى عليه السلام ورسول الله ﷺ كانوا عارفين إن فرض الخمسين صلاة ده مش أمر حتمي غير قابل للنقاش، لا هم كانوا عارفين إن الأمر لسه فيه كلام عشان كده موسى عليه السلام قال رأيه، ورسول الله ﷺ أخذ برأيه وأيده جبريل عليه السلام، والملائكة لا يفعلون أمر إلا بإذن الله فكان واضح إن الموضوع لسه فيه كلام القول الثاني للعلماء : إن ده كان من باب سؤال الله التخفيف ورفع الحرج والمشقة عن الأمة ، وده جائز لا يتنافى مع الرضا بقضاء الله ولا التسليم له، زي بالضبط لما ندعي ربنا برفع البلاء، والنصر على الأعداء، فالدعاء بالتخفيف والرحمة من الله مختلف تماما عن إللي بني إسرائيل عملوه ده قعدوا يشددوا على نفسهم وربنا يشدد عليهم، فرحمة بيهم عشان ميشددوش على نفسهم أكثر من كده ،موسى عليه السلام قال لهم افعلوا ما تؤمرون بالمناسبة موسى عليه السلام لم يتمنّ إنه يكون من أمة محمد كل الأحاديث إللي بتقول عن موسى عليه السلام إنه تمنى يكون من أمة محمد فهي إما أحاديث موضوعة أو منكرة ضعيفة جدا لا تصح نيجي لآخر سؤال وهو : اشمعنى رسول الله ﷺ استحى في مراجعة ربنا لما وصل للصلوات الخمس ومستحاش قبل كده أولا: لازم نعرف إن كل حاجة بتتم بقدر الله، يعني ربنا أَلهم موسى عليه السلام إنه يقول لرسول الله ﷺ إنه يسأل ربنا التخفيف، وأَلهم رسول الله ﷺ إنه يسأل الله التخفيف كل مرة وألهمه كذلك الحياء إنه يسأل التخفيف لما وصل للعدد خمس صلوات ثانيا: في رواية بتقول إن ربنا كان بيخفف الصلوات خمسة خمسة لحد ما وصلت لخمس صلوات ، فلو رسول الله ﷺ رجع وسأل ربنا التخفيف كده مش هيبقى في صلاة، وكأن رسول الله ﷺ بيطلب من ربنا إلغاء الصلاة ده غير إن ربنا كان بيخفف الصلاة من غير ما يُعقب على شيء ، لحد ما وصلوا لخمس صلوات فعقّب هنا وقال إنهم خمس في العمل وخمسين في الأجر، فعرف رسول الله ﷺ إن مينفعش تخفيف أقل من كده دي كانت معظم الأسئلة إللي ممكن تيجي على بال حد فينا كده رحلة رسول الله ﷺ للسماء انتهت وخلاص هينزل للأرض مع جبريل عليه السلام، نزل رسول الله ﷺ من السماء لبيت المقدس مرة أخرى وركب على البراق عشان يرجع لبيته في مكة، لكن قبل ما نرجع مع رسول الله ﷺ لمكة ونشوف أبو جهل وباقي كفار قريش تاني، ونشوف رد فعلهم على قصة الإسراء برسول الله ﷺ، في أحداث حصلت في رحلة الإسراء والمعراج أنا مقلتهاش لأن أنا معرفش وقتها كان إمتى بالضبط هل كان قبل المعراج ولا بعده، لأن العلماء مختلفين فيها، أنا كنت ناوي أذكرها النهاردة، بس هخليها للمرة الجاية عشان نفضل عايشين مع رحمة ربنا شوية لأن الشخص إللي رسول الله ﷺ قابله كان صعب، والحاجات إللي رسول الله ﷺ شافها كانت أصعب، فالموضوع محتاج تفصيل رسول الله ﷺ قابل مين، وإيه المشاهد إللي شافها ؟ ده إللي هنعرفه الحلقة الجايه إن شاء الله بكرا في تمام الساعه 8:00م موعد نزول الحلقه السابعة والثلاثون (37) `كونوا علي الموعد و انتظروا` والسلام عليكم ورحمة الله وبركاته Eman_Shalapy