رمضان قرب.. والتوبة فرصتك تبدأي من جديد! تعبتي ويأستي من كتر ما بتتوبي وترجعي للذنب تاني؟ عارفة إن الأمر صعب، وإنك كل مرة بتتوبي بتكوني نفسك ما ترجعيش، لكن أول ما بتقعي تاني بتحسي إن الدنيا ضلمت في وشك، وإن مفيش منك أمل... بس أنا جاية أبشرك!😍 قال عمر بن عبد العزيز: "أيها الناس، من ألمَّ بذنبٍ فليستغفر الله وليتب، فإن عاد فليستغفر الله وليتب، فإن عاد فليستغفر وليتب، فإنما هي خطايا مطوَّقة في أعناق الرجال، وإن الهلاك في الإصرار عليها." وجِه حد للحسن البصري وقال له: "ألا يستحي أحدنا من ربه؟ يستغفر من ذنوبه ثم يعود، ثم يستغفر ثم يعود!" رد عليه وقال: "ودّ الشيطان لو ظفر منكم بهذه، فلا تملّوا من الاستغفار." يعني الشيطان كل أمله إنك تيأسي وتبطلي تحاولي، لكن طول ما بتستغفري وترجعي لربنا، إنتِ لسه على الطريق! ▪️ ليه مهم تتوبي قبل رمضان؟ رمضان مش بس صيام، ده فرصة ذهبية تبدأي من جديد، قلبك يتغسل، وصحيفتك تتنضف. التوبة قبل رمضان معناها إنك داخلة الشهر بروح نقية، مستعدة للرحمة والمغفرة، وبتثبتي لربنا إنك فعلاً عايزة تتغيري. متسيبيش الفرصة تفوتك! حاولي، جاهدي، وعاهدي نفسك على بداية جديدة، وربنا وعدك إنه هيهديكِ للطريق الصح: (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ). #رمضان_فرصة #كوكب_بنات