السلام عليكم و رحمة الله و بركاته 🌿 اللهم إنى أحتسب يومى هذا لوجهك الكريم فيسره لى و بارك لى فيه و تقبله منى اللهم أرنى ما يرضيك و أسمعنى ما يرضيك و أنطقنى ما يرضيك و استعملنى فى طاعتك اللهم افتح لى أبواب رحمتك و ارزقنى من حيث لا أحتسب 🤲🏻🍂 1️⃣ هنبدأ بقيام الليل و بإذن الله هنصليه 11 ركعة و إن شاء الله هنصليه ب 1000 آية كى نُكتب من المقنطرين واحنا فى أشد الحاجة لهذا الأجر العظيم( اممم 🙂... خلاص لضيق الحال ممكن تصليه ب 100 آية و تكتبى من القانتين بس دا لضيق الحال ها👀) 2️⃣ ننام بدرى( مننساش أذكار النوم و النوم على وضوء).. لازم ننام بدرى علشان نقدر نقوم لصلاة قيام الليل فى ثلثى الليل و للعبادة بتاعتنا عمومًا و مننساش نظبط المنبه 3️⃣ السحور " تسحروا فإن فى السحور بركة ".. دا نية السحور لوحدها عبادة🤌🏻( مش عايزة أسمع جملة مليش نفس دى اتفقنا...اتفقنا🤝) 4️⃣ الإستغفار و ركعتين خفيفتين فى جوف الليل كدا وسبحان الله و بحمده 100 مرة و قراءة جزئين أو ثلاثة أجزاء و الدعاء (كل دا قبل الفجر) فاعملى حسابك و قومى بدرى و جهزى سحورك بدرى 5️⃣ صلينا الفجر و سنته نحصن نفسنا بقى بأذكار الصباح و ناخد أجر حجة و عمرة ( فى الوقت دا ممكن نذكر الله.. ممكن نقرأ قرآن ممكن نسمع درس) 6️⃣ ننام 😴 7️⃣ نقوم على صلاة الضحى و أفضل وقت لها قبل الظهر بساعة أو ساعتين 🌺و مننساش أول م نسمع الأذان نردده و عندنا هنا دعوة مستجابة بين الأذان و الإقامة و نسيب أى حاجة فى إيدينا ونهرول إليه فالله أكبر من كل شىء 🌺الصلاة على وقتها🌺وأذكار ما بعد الصلاة🌺و النوافل🌺و الخشوع...علشان يبقى فيه خشوع لازم يبقى فيه طمأنينة و علشان كدا لازم تصلى فى مكان هادى و تخصصى ركن للصلاة و ترتبيه و تجمليه علشان هتقابلى فيه ملك الملكوت غير الملائكة اللى بتبقى معاكِ🥀 و كمان ترتدى أفضل الثياب بقولك هتقابلى ملك الملكوت انتِ فاهمة يعنى إيه 🥺 و دايمًا جددى توبتك مع الله قلبك دا محتاج ربنا أوى والله 🍃و متنسيش أذكار المساء اللى بتبدأ من بعد العصر. ☘️ 8️⃣ختم القرآن و تذكَّرِى نوايا قراءة القرآن🥀 • لأصحاب الهمم العالية مش أقل من 5 مرات يعنى 5 أجزاء فى اليوم يعنى ختمة كل 6 أيام🌱 •لأصحاب الهمم المتوسطة مش أقل من 3 أجزاء يعنى 3 أجزاء فى اليوم يعنى ختمة كل 10 أيام🌱 •للمبتدئين و لأصحاب المشاغل مش أقل من ختمة فى الشهر🌱 ... ويكون لنا ورد من سماع و تفسير و تدبر القرآن.🌺 9️⃣ذكر الله و إن شاء الله هيكون 10000 من الذكر المتنوع 🔥و يكون لنا نصيب من الذكر المضاعف🍂 و مننساش كثرة الصلاة على النبي يوم الجمعة ( أفضل الصلاة هى الصلاة الإبراهيمية)🍂.. 🥀 الدعاء... بصى بقى ما هو لازم يكون معاكِ أجندة و تكونى كاتبة فيها الأدعية الواردة عن الرسول صلى الله عليه وسلم و أدعيتك الخاصة و أدعية تدعيها فى ظهر الغيب 🌺و أدعية لأهلنا فى غزة و السودان 🌺علشان متنسيش... التمسوا الدعاء فى هذه الساعات الثلاث: 1- قبل الفجر 🍂 2- بعد الفجر 🍂 3- قبل المغرب🍂 و يا سلام لو نبدأ الدعاء باسم الله الأعظم 🍃.. و على فكرة لما تيجى تصلى و تقولى الله أكبر كبيرًا و الحمد لله كثيرًا و سبحان الله بكرة و أصيلا تفتح لكِ أبواب السماء بإذن الله☁ و قبل التسليم لكِ إن شاء الله دعوة مستجابة. 🥀.. لا تنسوا دعاء الوتر🤗 🔟 سماع الدروس الدينية و القصص المؤثرة و السيرة النبوية 🍃 الصدقة و لو جنيه كل يوم فى حصالة هينفع والله... غير إن الابتسامة صدقة و الكلمة الطيبة صدقة..🍁 اتباع سنن الرسول صلى الله عليه وسلّم ( و إن شاء الله هنذكركم بها على الجروب) بر الوالدين دى وصية الله سبحانه و تعالى لنا 🍂 و رمضان طبعًا مش بيبقى خالى من العزومات فلازم تستحضرى النية و انتِ بتحضرى للعزومة و تحتسبى الأجر عند الله. 🍁 لو حد ضايقك فى أى حاجة.. مترديش عليه 🤐🤐🤐🤐🤐🤐 قل: إنى صائم 🍂لله سبحانه و تعالى عتقاء فى كل ليلة مينفعش نعدى ال 30 يوم و منبقاش منهم... و متنسيش رمضان دا فرصة جديدة إوعى تضيعيها.. 🍂 و كل عامٍ و أنتم بخير 🥰 🥀و صلِّ اللهم و سلِّم على نبينا محمد و على آله و صحبه أجمعين.🥀