*⏎[ اسكربت كامل ¹⁰ 🥰💜🧜🏻‍♀️ ]* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏`للانضمام لــ اجـمل قـنـاة روايات ادخلوا اعـملوا مـتـابعة للـقـنـاة:` > ‏تابع قناة مملكة الروايات...🤍🍒 في واتساب: https://whatsapp.com/channel/0029VaSThnvDzgT6UdODKc2D > ‏تابع قناة ‏• مـَا لاَ نـَـبُـوح بـهِ⊀①❤️؍؍⤹‏ في واتساب: https://whatsapp.com/channel/0029VafHcoiDJ6H9ioD0AQ1W `مش هسامح اي حد ياخـد الرواية من غير لينـك القناة` `تاخد الرواية بـ لينك القناه يروحي انا بتعب جدا في الرويات` 💜💜💜💜💜💜💜💜💜💜💜 | غيرة الراچل... نار في مراچل. = ياسلام عليك ياجخ، كمّل كمّل. | واللي تخلّي صعيدي يحبها، يبقى ياغُلبها. = ياعظمتك يا أخي. - هههههه.... هو إنتِ لاقية حد يحبك عشان يغير عليكِ؟ هههه. = خفة يابت وبعدين أصلا أنا ليا معجبين كتير وناس كتير بتحبني. - منكرش بردو إن في كذا حد في دفعتنا بيحبوكِ بس إنتِ اللي مش راضية تحبي حد منهم ولا حتى ترتبطي. = إنتِ عبيطة؟ أنا أدخل في علاقة حرام ليه وأغضب ربنا ليه؟ يمكن أموت وأنا بكلم شاب وربنا هيبعثني وأنا بالمنظر دا وحاجة بشعة، أنا مش عايزة أسلّم قلبي إلا لحلالي وبس، مش عايزة أروح أحب وأستنزف مشاعري وأبني مستقبل وَهْم، الحلال أحسن من مليون مرة من الحرام، ليه أكلم واحد وأنا واثقة إنه بيتسلى بيا وإما يزهق مني هيكلم غيري وساعتها قلبي هيكون مكسور ومجروح وأدخل في مرحلة اكتئاب وقرف..... طب ليه وإحنا في إيدنا الحل وإيدنا إن إحنا منكسرش قلبنا ولا نغضب ربنا، الحب الحلال دا ليه لذة خاصة مش بيعرفها غير اللي مستهلكش مشاعره واللي محافظ على قلبه، ربنا يرزقنا الحب الحلال. - كلامك دا كبير عليكِ، كلامك علّمني حاجات كنت عامية عليها، بجد شكرًا لكلامك دا وإن هو كمان فوّقني، أنا كنت هدخل في علاقة مع واحد بيقول إنه بيحبني بس الحمدلله ربنا بعتك ليا وحسيت إن دي إشارة إني مكلموش، الحمدلله على وجودك في حياتي، إنتِ نعمة من ربنا ليا، تعالي في حضني يابت. "أثناء واحنا بنحضن بعض" = أنا جعانة ههههه. - هو إنتِ عمرك شبعتِ ههه. = تعالِ نجيب بيتزا وجمبها شبسي وواحدة بيبسي والمخلل وانسي نفسك. - إنتِ جوعتيني ههه، بس إنتِ اللي هتروحي تجيبِ، المرة اللي فاتت أنا اللي روحت. = ماشي هاتي بس فلوسك، فكرتيني ههه أنا هجيب واحدة فطيرة معاهم وهجيب أيس كريم بالشوكولاتة وهجيب واحدة جلاكسي. - دا كله ليه يعني، خدي فلوسي أهي، أصلا مش هقدر آكل الحاجات اللي هجبها دي كلها. = يبقى أساعدك فيها هههه. "إسراء راحت تجيب الأكل، طبعا هي هتاكل البيتزا والشيبسي والبيبسي والحاجات التانية هاتكلهم وهي بتسمع التليفزيون" *محل البيتزا* = لو سمحت، عايزة اتنين بيتزا بالفراخ. - تمام، حاجة تاني؟. = لا شكرا، هستنى على ماتتعمل. - تمام. "هو الشاب دا عمال يبصلي ليه، ولا التاني ياحوستي التقيلة، خدودي من شدة الكسوف في ذمة الله" = اتفضلي يا آنسة. - شكرا. " أثناء وأنا طالعة في شاب خبط فيا وحاجة تقرف، عايز يتهزق دا ولا ايه" - آسف والله مكنش أصدي، أنا بتأسف جدًا لحضرتك. = وأسفك دا هيفيد بإيه، شباب آخر زمن يعملوا اللي عايزينه وفي الآخر يتأسفوا، هقول إيه بس. - أظن إني قولتلك إني مكنتش أقصد واتأسف كتير وأول مرة أتأسف لحد. "إسراء سابيته ومشيت وهو بيتكلم، مش عايزة تدي لحد فرصة إنه يتكلم معاها" - هلا والله، بطني خلاص مش مستحملة، هاتِ بسرعة عشان شوية كمان وهاكلك إنتِ. = هههه خدي ياختي هو أنا عاديتك ولا إيه؟ هه. - شكلك كدا. "خلصنا أكل وصلينا وطلعنا البلكونة، بصراحة الجو تحفة والقمر ونسيم الهوا اللي يرد الروح وحاجة قمر، طبعا جبت اللب وهنقزقزه وكدا يعني هههه" = بت يا أسماء هو إنتِ كنتِ هترتبطي بحد يا كلبة!. - أه يا إسراء، واحدة صحبتي قالتلي إن زميلنا حسام عايز يكلمني ويرتبط بيا وكدا بس قولتلها هشوف وأرد عليكِ وخلاص مستحيل أكلمه. = جدعة إنك مش هتكلميه لإما كنت كسرت رقبتك بجد. - الحمدلله ياستي إني فوقت ومش هكلمه..... المهم بقى إنتِ اتأخرتي ليه وإنتِ بتجيبي الأكل النهاردة؟ = واحد ربنا يهديه خبط فيا وأنا طالعة من محل البيتزا واتأسفلي وكدا وقال إنه أول مرة يتأسف لحد وبصراحة أنا هزئته نسبيًا وأثناء وهو بيتكلم سيبته ومشيت. - طب ليه! = عشان لو قعد يتكلم ممكن أركز معاه وأدقق في ملامحه وبكدا أكون غضبت ربنا؛ لإني مغضتش البصر، وكمان عشان الفتنة هو ممكن يُفتن بيا أو أنا أُفتن بيه وحوارات وحاجات هتطلع بس الحمدلله مشيت وسيبته. - إنتِ قمر أوي وبجد والله، أحسن بيست دي ولا إيه!. = حبيبتي ربنا يبارك فيكِ ويحفظ قلبك ويسعده. - يارب وإياكِ، الجو هنا آخر جمدان بجد. = ههه عارفة. - مش مصدقة إن ماما وافقت أقعد عندك أسبوع كامل متكامل عشان المذاكرة وكدا وإحنا ولا في بالنا مذاكرة هههه في بالنا أكل فقط ههه. = يعني اللي خدوا شهادة ولا اللي اتعلّموا عملوا إيه بالتعليم؟ ههه كله رايح. - طب يلا ندخل ننام عشان نصحى نصلي الفجر ونذاكرلنا شوية. = إشـطا "نمنا وصحينا الفجر ذاكرنا ونمنا تاني لحد الصبح ههه" - يلا ياولاد اصحوا عشان تفطروا. = حاضر قايمة أهو. - يلا يا أسماء الأكل هيخلص، براحتكم مش هتلاقوا أكل تاكلوه. = واه أين الأكل عشان لو ملقناش أكل هناكلك إنتِ هههه. - طب يلا قوموا. " فطرنا وشربنا الشاي وماما قالت إنها هتنزل تشتري طلبات وكدا فهنّضف الشقة " =هاتِ المكنسة أبت يا أسماء. - اشطا يا صاحبي ههه = جففتي الغسيل! - حصل يا معلم. = ثواني هكنس السجاد والحقك ياباشا نيهاهاهاهاهاها. - اشطا يا زميلي. " طبعا حالات العبط دي بتطفح علينا واحنا لوحدنا ههه، نضفنا الشقة وخليناها عسل ودخلت أذاكر وماما جت وهتحضر الغدا وهنروح نتفسح" = وهنتفسح وهنتفسح لولولولوي. - هنروح فين؟ عاااا فرحانة. = تقريبا هنروح ملاهي قريبة مننا لكن الألعاب بتاعتها قمر وفي ألعاب خطيرة و حاجات ممتعة جدا. - شوقتيني، تقريبا مامتك قالت مش هنتغدى في البيت، هنتغدى في الملاهي ياجامد. = اشطات يلا نجهز نفسنا، جهزي إنتِ هنا وأنا هدخل الحمام أجهز نفسي وكدا. - اشطا. " جهزنا نفسنا وآخر شياكة يعني، لبسنا دريسات قمر، الدريس بتاعي لونه لاڤندر وعليه طرحة لونها أوڤ وايت وكان هياكل مني حتة بجانب طبعا الكوتش الأبيض، الدريس بتاع أسماء لونه كشمير وعليه طرحة لونها أسود وكانت آخر شياكة بجانب بردو الكوتش الأبيض هههه، أخيرا وصلنا الملاهي" - هنركب إيه بقى، في حاجات كتير جميلة. = خدي بس التذاكر لتضيع منك، أنا هركب الأول العربيات نيهاهاهاهاهاها. - يا طفلة، جربي حاجات للكبار وتكون خطيرة كدا وحلوة. = هجرب كله ياباشا لكن الأول العربيات، هتركبِ معايا! - يلا أمري لله. " ركبنا العربيات واتفاجئت بالشخص اللي خبط فيا وبيهزر ويضحك مع واحدة منتقبة، لا حياء ولا البت مكسوفة من نفسها ولا الشاب مكسوف أصلا إنه بيكلم منتقبة، بس بردو يمكن مراته ولا حاجة أنا مالي" = بت يا أسماء الحقيني، الشاب اللي راكب عربية حمرة معانا دا اللي خبط فيا. - بتهزري صح! باين عليه قليل الذوق بس بردو إن بعض الظن إثم، يمكن واحدة قريبته. = ألالالا دا خبط فيا بعربيته. - اهدي يا إسراء اوعى تخبطي فيه. = أهدى ههه ثواني وهتلاقيه مخبوط. " خبطته خبطة جنان هههه، اتخض جامد والبت اللي معاه حضنيته من كتر الخوف وبصراحة خسارة فيها النقاب دا " - متحاسبي يا أخت. = اووه آسفة جدا. - إيه دا هو إنتِ!. = واو صدفة غريبة( وكالعادة سيبته ومشيت). ــــــــــــــــــــــــــــــــــــــــــــــــــــــــــــــــــــــــــــ "عند طه" - هي البت دي اللي كلمتك عليها يا شيماء. - دي عسولة جدا وكمان محترمة يعني مسبتلكش مجال تكلمها. - معرفش حاسس بشعور غريب تجاهها ليه، هو إزاي من تاني مقابلة كدا قلبي بقى يدق بسرعة فظيعة إما شافها. - حبيتها ولا إيه يا طه ههه. - أصل بصراحة فيها كل مواصفات فتاة أحلامي، يعني عايزه كدا مش بتحط مكياج وعندها حياء زيها كدا، إنتِ مشوفتيش خدودها حمرة إزاي وهي بتكلمني! هههه. - ربنا يجعلها من نصيبك يارب. - يارب، عارفة بنات اليومين دول لو مثلا حد خبط فيهم في اللي يضحك وفي اللي تشتمه بألفاظ زبالة وفي اللي بتقول عايز رقمي أديهولك وتغمز كدا، أما البنت دي بصّت ثانية في وشي وراحت باعدة وشها واتكلمت و تقريبا هزئتني بس بطريقة محترمة ههه. - باين على وشها السماحة ووشها فيه زي برائة الأطفال وقمر وخطفت قلبي، ربنا يكتبهالك يا طه. ـــــــــــــــــــــــــــــــــــــــــــــــــــــــــــــــــــــــــــ " عند إســــراء" - يلا عشان نتغدى ياحبايبي. = يلا. - طنط ممكن الزتونة دي. - من عينيا، خدي ياحبيبتي. - تسلمي يا طنط. = ماما إنتِ عاملة الكريب عظمة وأحسن من اللي بنجيبه من برا كمان. - عشان بس تعرفوا قيمة أكل البيت ههههه. ( تقريبا كل الأمهات كدا ههه مش بتحب ولادها يجيبوا من برا حاجة) " وأثناء ماحنا بناكل شوفنا الشاب دا تاني ومعاه المنتقبة وقعدوا جمنا كدا يعني بعيد عننا بمسافة ماما بقى تسكت لاا إزاي! راحت نادت عليهم عشان ياكلوا معانا وحاجة في منتهى القهر عاااا" - تعالوا اتفضلوا معانا. - لأ شكرا يا طنط إحنا هنطلب دليڤري. - دليفري إيه بس تعالوا كلوا معانا والله لتيجوا تاكلوا معانا. - ولزومه إيه الحلفان ياطنط، حاضر هنيجي. " عااااااا قعدوا ياكلوا معانا وأنا وأسماء عمالين نبص لبعض وكاتمين الضحك" - الأكل جميل جدًا يا طنط. - من ذوقك يا حبيبتي، إنتِ اسمك إيه بقى!. - اسمي شيماء. - اسمك جميل جدا، وإنت يابني اسمك إيه. - طه... اسمي طه يا طنط. " طب ليه قلبي دق كدا يعني إما سمعت اسمه، خدودي دي فضحاني كدا ولازم تحمر طبعا أومال عايزها تبقى طبيعية! لااا لازم تحمر وتفضحني ولازم بردو كسوفي يطفح في المواقف دي" - وإنتِ اسمك إيه ياقمر ياللي مكسوفة إنتِ. بصيتلها وقولت= ها.... اسمي إســــراء. " طه فضل باصص ليا وتقريبا عجبه اسمي ولا إيه مش عارفة، البت المنتقبة راحت قرصاه ههه" - وإنتِ يا عسولة اسمك إيه. - اسمي أسماء. - أساميكم جميلة جدا، بجد حبيتكم كدا ودخلتوا قلبي. - وإنتِ كمان. " خلصنا أكل وقلت لماما هقوم أتمشى شوية لكن منعتني وقالت لازم نحلّي كلنا بردو والتانيين تقريبا لزقوا وحبوا القاعدة" = هنحلي إيه بس ياماما، طب خليها بعد شوية طيب. - ميصحش يا إســــراء تسيبينا كدا وتمشي لوحدك تتمشي، اقعدي عشان هنحلّي وهنخلي القاعدة حلوة. = أدام كدا فأنا قاعدة أكيد هههه. - دمك خفيف يا إسراء ههه. = تسلميلي. - هتاخدوا جاتوه بالشوكولاتة ولا بالفانيليا! - يا طنط ميصحش كدا والله، إحنا هنقوم نمشي أنا حاسس إننا متقّلين عليكِ وكفاية خليتينا ناكل معاكم وكدا. - يابني أنا والله حبيتكم زي ولادي ودخلتوا قلبي والله مش متقلين ولا حاجة ووالله كمان مرة لتقضوا معانا اليوم ونلعب كلنا ونفرح ونتعرف أكتر على بعض وكدا. - وإحنا ياطنط حبيناكم... أصدي حبيناكِ جدا وبنعتبرك زي والدتنا. - طب يلا نحلي بقى، مين اللي عايز بالشوكولاتة ومين عايز بالفانيليا! أنا وطه في نفس الصوت-= شوكولاتة طبعا. " اتكسفت وبصيت في الأرض والواضح كدا إني خلاص حبيتهم جدا ههه أصدي حبيت شيماء، طلبنا أنا وطه شوكولاتة والباقي خد فانيليا" - طعمه جميل يا طنط، بجد نَفسك حلو في الأكل زي ماما. = حصل، أم أسماء بتعمل أكل تحفة وبالذات ورق العنب. " بصراحة طه مش بيبص خالص ولا أنا كمان ببص عليه ففي مرة عيني خانتني وبصيت كدا لقيت بردو عينه خانيته وبص وعنينا اتقابلت، لكن بعدتها بسرعة وخدودي في ذمة الله" - يلوا يابنات نلعب القطة العامية. = يلا بس يارب منزلش هههه. - هيييه إسراء اللي فيها. = حرام والله، هاتي الطرحة أحطها على عيني طيب. - أنا قايم يا طنط هعمل تلفون مهم. = طيب يا حبيبي. " طه عمل تليفون وهو راجع تاني لأمي وكدا وأنا لقيت شخص قدامي فقولت دي أسماء" = عااا أبصتك، إنتِ النازلة يا سوما، بس ثواني إنتِ طولتي كدا امتى، عندك عضلات إزاي!،( حسست على الوش) إيه دا إنتِ طلعلك دقن امتى. " شيلت الطرحة من على وشي وفضلت دقيقة مش شايفة غير الدنيا سواد وبعدين بقيت أشوف ولقيت الصدمة في وشي ولقيت طه، مشيت وأنا بعيط وروحت لمكان بعيد عنهم بحيث إني محدش يشوفني ولا أنا أشوفهم، سامحني يارب مكنتش أعرف منه طه وكمان قعدت أحسس على وشه ومسكت إيده كدا و..... يارب سامحني يارب( انهارت من العياط وحاسة إن ربنا زعلان مني) " - ياطنط هي إسراء مشيت على طول ليه كدا. - سيبيها يا شيماء، هي دلوقتي إما مسكت طه وكمان لمست وشه وكدا زعلت أوي وحسّت إن ربنا غضب عليها وزعل منها، هي دلوقتي بتعيط لإنها أول مرة في حياتها تعمل كدا وتمسك شاب لكن غصب عنها مكنتش تعرف إن اللي قدامها طه. - هي إزاي كدا يا طنط يعني إزاي بالاحترام دا!. - بنتي عندها حياء زيادة وبتتكسف بسرعة والحياء دا يابنتي سبب إنها محترمة وإنها عمرها ماكلمت شاب خالص ودايما مواظبة على صلاتها وتصلي الفجر حاضر وتروح حلقات علم وبتحب إنها تقرب من ربنا وبتخاف تغضب ربنا جدا. - بجد بجد بنتك دي عسل وقمراية وحبيتها جدا. " طه سمع كل الكلام دا وذاد حبه ليها لإنه عايز واحدة كدا بنفس الخجل وبنفس المواصفات دي " - ياطنط أنا آسف مكنتش أصدي إنها تمسكني ولا كدا ياريت ماكنت قمت من مكاني أعمل المكالمة، بجد أنا آسف. - عارفة يابني إن مش قصدك وأنا عذراك. - طيب أنا رايح المسجد هصلي العصر وهاجي. - طيب يابني تيجي بالسلامة. " إســــراء سمعت العصر بيأذن فراحت جري على المسجد، هو المسجد في الملاهي وقريب جدا دخلت وصلت ودعت ربنا إنه يغفرلها وفضلت تعيط، خلصت صلاة ولقيت واحدة عجوزة قاعدة لوحدها وباين على وشها الحزن" = مالك يا طنط، أساعدك في حاجة. - لأ يا بنتي شكرا. = والله لو عايزة حاجة أجبهالك أنا تحت أمرك. - هو إنتِ كنتِ بتعيطي ليه في الصلاة. =.............. عشان كدا كنت بعيط. - ولا إنتِ قصدك ولا هو قصده يابنتي، إنتِ مكنتيش تعرفِ إن هو وأكيد ربنا ليه حكمة في كدا. = حكمة؟ - أه يابنتي ليه حكمة وأكيد خلال الأيام هتعرفيها. = ارتحتلك جدا يا طنط، أنا همشي بقى عشان زمانهم قلقانين عليا. - مع السلامة. " ارتحت لكلام الحاجة دي نسبيا ورجعت لقيتهم مخضوضين" = إيه مالكم كدا مخضوضين ولا كإنكم شايفين عفريت. - اقعدي يابنتي و... قطع كلامها إسراء. = عارفة إني مكنش قصدي ولا الشاب قصده وكمان ربنا ليه حكمة في كدا. - أخيرًا عرفتِ ههه، طيب مين اللي قالك وهدّاكِ كدا وعرّفك. = واحدة عجوزة شوية كانت في المسجد حكيتلها وقالتلي كدا وبصراحة ارتحت لكلامها. - طيب يا سوسو فرفشي شوية بقى آدي طه مش هنا فخدي راحتك. = اشطات يا شوشو. " قعدنا نتساهر كتير ونضحك ونهزر وكمان عرفت إن شيماء مخطوبة لكن مش ل طه لشاب ملتزم وكمان عرفت إن طه أخوها فارتحت وفرحت معرفش ليه وأثناء وإحنا بنتكلم جه طه ومعاه شنطة كبيرة مليانة حاجات طبعا بصيت بعيد" - طنط أنا جايب لينا بيبسي وآيس كريم وجايب لب وحاجات كتير، اتفضلي عشان ناكل كلنا. - مكنش ليه لزوم يابني كل دا. - ياطنط والله ولا لزوم ولا حاجة إحنا بقى بينا عيش وملح. - طبعا يابني وربنا يعلم إنّي حبيتك زي ابني فادي إزاي. - ربنا يخليكِ ياطنط، خدي بقى الأكل وناكل الأيس كريم الأول عشان ميسحش، أنا عامل حساب الكل ولازم الكل يآكل زي ما كلنا معاكم. - طيب يابني هات من إيدك الشنطة. " الواد طه دا طلع شهم وراجل" - أنا حطيت كل حاجة أهي واللي عاجبه حاجة ياخدها. = عايزة دولسي الشكولاتة دا ياماما. - خدي يابنتي. " وكالعادة خدت أنا وطه دولسي الشكولاتة والباقي خد بالفانيليا وكلنا لب وشيبسي ولعبنا وركبت ألعاب الملاهي كلها واشتريت اكسسوارات وكان يوم عسل أوي" - لازم نمشي يابنات عشان منأخرش. = يلا ياماما عشان جسمي اتكسر وعايزة أنام ههه. - طنط مينفعش تروحوا لوحدكم، هوصلكم بعربيتي، يلا ومفيش جدال. - حاضر يابني، يلا يابنات اركبوا. "ركبنا أنا وماما وأسماء ورا وهو وشيماء قدام، طول الطريق كنت حاسة إنه ساعات بيبص عليا وقلبي أجاركم الله عمال على آخره يدق وجامد معرفش إيه الشعور الغريب دا" - ادخل يمين يابني. - حاضر. - بس هنا.... دا بيتنا وكمان تقدروا تزورونا على طول، البيت مفتوح الليل قبل النهار. - شكرا يا طنط على زوقك وأكيد هنيجي زيارة قريب. - تيجوا تنوروا، عايزين حاجة! - سلامتك يا طنط. " طلعنا وصليت النهاردة افتكرت كل اللي حصل فيه؛ تفاصيله الحلوة وضحكه وهزاره وبالأكل وبكل حاجة وبصراحة يوم مختلف وتحفة ويارب يتكرر تاني........ الأيام عدت عادي وكإنه اليوم بيتكرر وأنا وأسماء ذاكرنا جامد والامتحانات لسة بعد 3 شهور.... في يوم كنت قاعدة في أمان الله لقيت ماما بتقولي شيماء وطه ومامتهم وباباهم جايين وجهزي نفسك! قلبي دق وطبعا قومت وجهزت نفسي ولبست فستان فسدقي زي ما ماما قالت وعليه طرحة سمرة ومحطتش ميكب ولا حاجة وكنت جامدة هههه، الباب بيخبط عاااا" = طيب طيب جاية أهو.. ثواني. = اتفضلوا. -يزيد فضلك يابنتي، ماشاء الله أمورة أوي وعسل. = تسلميلي يا طنط. - قومي يا إســــراء جيبي العصير. = حاضر يا ماما. "جبت العصير وقدمته وجيت عند طه وخدودي احمرت تلقائي، حسبي الله بجد ههه، قعدت وأنا في قمة الخجل وبصيت في الأرض، سمعت صوت والد طه بيقول" - إحنا جايين نطلب إيد إســــراء لابننا طه صراحة مشوفناش في أخلاقها ولا احترامها ولا أدبها فجايين وعشمنا فيك كتير يا حاج إنك توافق. " كإن حد مسك جردل مياة تلج ودلقها عليا، أتجوز طه! ولا بابا اللي جه من السفر هو و فادي وشكلهم كدا هيوافقوا، بس بصراحة أتمنى إنهم يوافقوا لإني مشوفتش في أخلاقه خالص ولا شهامته هو إيه اللي بقولوا دا يانهاري هو أنا حبيته ولا إيه ههه" - والله بصراحة طه عجبني أخلاقه و.. القرار قرار العروسة بردو، إيه رأيك يا عروسة. = ها..... اللي تشوفه يابابا. - على بركة الله، موافقين ياحاج. - طب نسيب العرسان لوحدهم. - ممكن ترفعي وشك... أظن دي رؤية شرعية بردو. = ها... آه ممكن. " رفعت وشي وبصيت عليه، هو فرحان ليه كدا و ملامحه جميلة أوى، بصيت في الأرض تاني" - بحبك. = ها... - بعشقك وشوية وهكتب الكتاب عشان نآخد راحتنا. = بتحبني! وكمان هنكتب الكتاب بعد شوية! - هههه أه هكتب الكتاب وإنتِ هتوافقي، مش مصدق إني بتكلم معاكِ وهتبقي مراتي، اللهم لك الحمد، بتحبيني! = ياااه.. أنا محافظة على قلبي لحلالي ومش عايزة أديه لحد غير اللي هيبقى من حلالي وأديك هتاخده وأنا فراحانة جدًا جدًا جدًا إنك إنت.... يعني.... إن إنت هتكون نصيبي. - حبيتك جدا وهفضل أحبك لآخر يوم في عمري، مش ناوية تقوليلي إنك بتحبيني! = هههه، بعد كتب الكتاب هقولك. • بعد ما رَحل المأذون• = بحبك يا قرة عيني. "تمسـك بقلـبي فإنـه يُـحبك" بقلم/ إســــراء بدوي|وَرد.