*كل سنة وحضراتكم بخير، وفى ملء نعمة ربنا يسوع المسيح، متحدة قلوبكم وأفكاركم مع إرادة الله الصالحة* بنعمة ربنا خلال *الصوم المقدس الكبير*، تعالوا نبدأ مع بعض ندرس أسفار الأنبياء الصغار، طبعا ده بالإضافة لتدريبكم الروحى فى فترة الصيام. أدعوكم أيها الأحباء إننا نشترك بالروح الواحد فى القراية والدراسة بروح الخضوع للروح القدس ومحبة فى الإغتسال فى كلمة الله القادرة أن تحول كل نقطة ضعف فينا إلى نقطة قوة. وبالنسبة للي محتاج مساعدة في الوصول للتفسير السليم، برشح ليك تطبيق (تفسير الإنجيل) على الموبايل. دا بيقدم 3 تفسيرات لأسفار الكتاب المقدس: تفسير أبونا القمص تادرس يعقوب / تفسير أبونا القمص أنطونيوس فكري / تفسير كنيسة مارمرقس مصر الجديدة (أبونا القمص داود لمعي). وقبل نهاية كل يوم، هننشر شرح مبسط، أو تلخيص للفكرة العامة لكل أصحاح من الأسفار دي، بداية من سفر هوشع ولحد ما ربنا يعطينا نعمة ونكمل. باستثناء سفر يونان، لأننا من أسبوعين تقريبا قريناه وتأملنا فيه وقت صوم أهل نينوى. وأتطلع إن أي حد عنده سؤال أو تعليق أو تأمل يشارك بيه. خلى هدفك هو الإستفادة من كلمة ربنا، مش مجرد الحصول على معلومة، وقتها هتلاقي الروح القدس بيحملك على أجنحة النعمة ويفتح عينك وينور قلبك ويرشدك ويعلمك ويثمر فيك. صلوا من أجل الخدمة