📌 *إزاي تنظم وقتك ويومك في رمضان؟* *رمضان فرصة عظيمة ولو استغليناه صح هيكون فرق في حياتنا كلها مش بس في المذاكرة أهم حاجة يكون عندك توازن بين العبادة والمذاكرة والراحة عشان تفضل مستمر بدون ضغط وخليك فاكر اني تقريبا باقي 100 يوم علي أول امتحان في الثانويه العامه يعني هيخلص شهر رمضان هيكون باقي 70 يوم!! فبلاش تضيع اهم شهر في السنه* *🕖 قبل الفجر:* *استغل الهدوء في قيام الليل والدعاء رمضان فرصة عظيمة والدعوة فيه مستجابة*✅❤️ ◀️ *راجع وذاكر حاجة خفيفة* *ممكن قوانين أو معادلات سريعة* ◀️ *اتسحر واشرب مية كويس* *عشان ما تحسش بالخمول طول اليوم* ---------------------------------- 📌 *تعال بقا بعد الفجر بدايه يومنا:* ◀️ *هتصلي الفجر واقرأ وردك* *من القرآن والاذكار* 🕐 *هتكون الساعه 5:00* صباحا ✅ *ده أفضل وقت هتذاكر فيه مادة* تقيلة على قلبك مخك بيكون صافي *🕐هتذاكر لحد الساعه 12 الضهر* *كده انت ذاكرت 7 ساعات بشكل مستمر وبشكل يومي وهتطلع بـ اكبر استفاده ✅♥️* 🎯 *ليه بفضل إنــك تذاكر في التوقيت ده علشان ده اكتر وقت البيت هيكون عندك هادي واكتر وقت هتقدر تستقبل فيه معلومات لني بعد الفطار هتحس بخمول وكسل عند بعض الناس* ((*هنـــــكمل يومنــــا*)) ---------------------------------- 📌 *الضهر والعصر:* *ممكن تصلي الضهر وتنام ساعتين* *تصحا مع الساعه 3 العصر 🕐* *هتحل مسائل أو راجع* *حاجات سهلة ✅♥️* ✅ *خلي وقت العصر لمراجعة* *المواد اللي محتاجة تركيز أقل* ---------------------------------- *📌 بعد الفطار:*🌙 *بعد التراويح، خد ساعه ذاكر حاجة خفيفة أو راجع اللي ذاكرته طول اليوم هتقفل يومك مع الساعه 10 مساء تقدر تنام لحد ســ 4 علي معاد السحور كده نمت تقريبا 6 ساعات وفي ساعتين نمتهم بعد الضهر هنسميها قيلوله كده خليتك تنام ال 8 ساعات اللي محتاجهم وهتصحا تعيد روتين يومك لزم تكون عارف انك ثانويه عامه يعني حاله خاصه في البيت* *🛑 هقولك اخر نصايح مهمة:* ✅ *صلاتك في وقتها = بركة في وقتك* ✅ *متضغطش على نفسك، الأهم الاستمرارية مش الكمية خليك مستمر كل يوم علي الروتين ده* *ربنا يعينك ويوفقك، واجتهد* *وربنا مش هيضيع تعبك أبدًا ❤️.*