تعالوا ادردش معاكم شويه هنتكلم عن الفرق بين الثانوي العام والفني ونتكلم بصراحه عارف ان اغلبيه اللي هنا او نقول 99٪كان نفسه يدخل ثانوي عام ممكن بقي ظروف ماديه مسمحتش مجبتش مجموع عشان تدخلها وهكذا عارف ان انتم بتقولوا ان التجاري ملهاش لزمه وان اغلبيه اللي هنا ممكن مش حابب موادها والكلام دا وان طبعا ديما بتتعرضوا للتنمر انت في تجاري دي سهله هتعدي انما احنا في ثانوي عام وبلبلبله كلام هري كدا بتسمعه من ناس فاضيه 😂 بكلمكم بامانه والله اذا كان من قريب او من صحاب او اي كائن شايف نفسه او ماشي يحبط في الناس وهتلاقي صحابك اللي داخلوا علمي بقي بيقولوا انهم تعبوا ومش قادرين وان المواد صعبه وتيجي انت تشتكي من موادك يقولولك يعم متكبرش الموضوع انت تجاري هتعدي هتعدي انما احنا بناخد كيميا وفيزيا وهري كدا من ناس بتتكلم وهي مش فاهمه حاجه اه والله زي ما بقولك كدا 😂😂😂 عموما مفيش تعليم سهل زي ما بيقولوا الناس والكلام دا قالولك ادخل تجاري او صنايع مفيهاش مذاكره وسهله والكلام دا وهوب تدخل تلاقي مواد قد الجبال و رياضه ومواد رخمه وحاجه قرف يعني تيجي كل ما تتكلم في حاجه يقولولك اصل انت في تجاره او صنايع ومش حاسس احنا بنمر بأي وكلام ممرقع اوي وتيجي بقي تخلي حد يحل من عندك مسئله تلاقيه مش فاهمها اصلا ويفضل واقف قدامها بس هو اللي كان حابب يعيش اللحظه والدور عليك 🤦🏻‍♂️👌 تيجي بقي اقول لكم حاجات وندردش اه محدش يقدر يقول ان الثانويه العامه مش حاجه وكدا لا دي ليها قيمه بس زمان مش في وقتنا الحالي تعالوا اقول لكم الثانوي العام دلوقتي هتلاقي ناس قرايبك كانوا فيها اغلبيتهم دخلوا اي تجاره، حقوق، اداب، تربيه لو لاحظت حاجه ان احنا برضو لينا الكليات دي تعالوا اقول لكم حاجه كمان الدنيا دلوقتي ماشيه علي اي عاوزين محاسبين وناس مبرمجه بتفهم في الكمبيوتر كل حاجه بتتغير كل دقيقه عليك بتعدي بتغير حاجه في الدنيا اقول لكم حاجه كمان الثانوي العام بياخدوا كام مواد 5،6بالكتير وبيشتكوا منهم ويعيني العيال اي مقولكش تقولوا انهم مضغوطين وكلام فاضي وانت اللي بتدرس 15ماده لما تيجي تشتكي محدش يقدر دا غير الناس اللي بتفهم مين قال الثانوي العام نهايه الكون مفيش حاجه اسمها كدا وان هي اللي هتخليك غظمه والكلام الفارغ دا انساه خالص دا كلام بيضحك عليك بيه الناس المريضه في عقلهم نتكلم بصراحه شويه المجموع بتاعك مش نهايه الكون برضو سؤاء كنت في اي اصرارك علي الحاجه هي اللي هتوصلك وهتكبرك عندكم مثلا كلكم عارفين توماس اديسون طبعا 😂 توماس اديسون دا مخترع كبير ورجل اعمال قد الدنيا بس كان فاشل في دراسته وحد من مدرسينه قالوا انت غبي توماس اديسون اصر انه يبقي ناجح ودلوقتي شوف بقي اي 😂♥️ عندك مثلا ابراهيم الفقي واكيد برضو تسمعوا عنه قولي كدا اتخرج منين لو مش عارف تعالي اما اقولك من سياحه وفنادق وشوف حكمه ربك بقي اكبر خبراء التنميه البشريه في مصر والعالم كله احنا رايحين بعيد ليه 😂 محمد صلاح ايوا محمد صلاح كان في اي 😂 (تعليم فني) مدرسه الصنايع وجايب 52٪ وشوف دلوقتي بقي اي لاعب كبير اوي في الدوري الانجليزي وسافر برا اللي انا عاوز اقوله لكم اي كان الحياه مش سهله ومحدش هياخد اللي عاوزه في اغلبيه الوقت بس خليك واثق ومتاكد ان طلما اتحطيت في الطريق دا هتوصل وهتبقي حاجه سواء من عام او فني او بمجموع او من غير مجموع اللي عاوز يبقي حاجه بيبقي حاجه ربك كريم لو مخلكش فالح في التعليم هيخليك ناجح في حاجه هو واهبك بيها خليك عندك اراده واصر انك تبقي حاجه مش عشان حلمك ضاع انت كدا ضعت قوم وقف علي رجليك من تاني الدنيا عاوزه اللي يعافر عشان يوصل مش عاوزه الجبان وبالتوفيق ليكم 🌚♥️♥️♥️♥️♥️♥️♥️♥️♥️♥️♥️♥️♥️♥️♥️♥️