لو كُنت قابلتك ف ابتدائي كنت هعطيكي سندوتشات المربى اللي بحبها وهاكل انا سندوتشات الجبنه اللي كنت برجع بيها البيت، ولو كنت قابلتك ف اعدادي كنت هحضر وياكي ف نفس المجموعة ف الدرس وهمشي وراكي لحد ماتوصلي البيت .. لو كُنت بقى قابلتك ف الجامعه كنت هجهزلك الشيتات وهسلمهالك ، وكنت هتكلم عنك مع كل زمايلك ان بكراش عليكي .. لو كُنت قابلتك ف الشغل وكُنت مديرك مثلاً كنت هكدر كل زمايلك وهحط عليهم كل الشغل وهسيبك انتي تيجي تفطري وتاخدي النسكافيه بتاعك وكُنت كمان هشيلك البصمه عشان مفيش بنا خصومات .. لو كُنت قابلتك ف الشارع كنت هبُصلك واضحكلك لكن مكنتش هضايقك كُنت هسبق خطواتك عشان تطمني ان محدش مش ماشي وراكي .. لو كُنت قابلتك ف مواصله كنت هحاسب ع الكرسي الفاضي جمبك علشان ميجيش راجل ويقعد جمبك .. المقصود اني لو كُنت قابلتك ف اي وقت كنت هحبڪ و عمري ما كُنت هعبر عن حبي ليكي غير بالفعل ، عشان كده لما قابلتك من سنتين وعدتك ان كمان سنتين هتبقي فـ بيتي ، انا اختارت الحلو ميبقاش كلام يبقى افعال، واديني وعدت ووفيت ♡