Lhamonna Thuthot- *"God's Pre-planned for Manasseh@ Manmasi@ Kuki-Chin-Zo People: A Spiritual & Biblical Perspectives."* By: Dr TS Haokip, President, WKZIC, Feb. 22, 2025. *Bible Texts:* Genesis 48, Mathew 27:25 & Ezekiel 1: 5-11. _Torah leh Bible a kimu dungjui in Jacob in chapa 12 aneiyin ahi. Chuleh Joseph hi alhum pen ahi. Joseph chapa tahjo Manasseh (Manmasi) ahin chuleh aneojo pachu Ephraim ahi._ _Joseph chapa tahjopa Manasseh @ Manmasi sonle pahte ihiuve tina melchihna phabepho ahileh:_ 1. Pite-Puten Manmasi Chate Kadam naove anati jiuvin ahi. 2. Manmasi (Mihem/ Human)ham Thilha ham? 3. Meilhei (Meitei) ten Manmasi techu KHONGJAI inatiuvin ahi. 4. Eimi@ Manmasi Hmar paovin 'TUIPISEN (Red Sea) KAN LA LEH LAAM" aum in ahi. 5. Chuleh British ten CUCI@ KUKI _(full form: Kuki United Kingdom Independent as per their respective traditional Independent Chieftain dom governance)_ tin inahekit un ahi. Burma lang ah CHIN tin inaminsah kit un ahi. _Manmasi@Manasseh@ Kukiten isuhmil loudiu chu, Ipu u Joseph hinkho' a thangthipna, mudana leh suhgentheina simsenglou anato jinglai a, kitahtah a Pathen a ana kingaijeh a, Egypt Lengvai hom a anapan dan ho Torah/Bible _(Genesis chapters 37 to 50)_ a kon in ihecheh un ahi._ _Sopi Judaten, Vannoi Huhhing dinga hungpeng _(Isaiah 7:14 & 9:6, Micah 9:6)_ Jesu cross ah khenbeh un, a thisan phuba keiho leh katu-kachate chungah lhunghen anatijeh un, Judate @ Jewste chungah THISAN PHUBA adeh in 1920s to 1940s in Germany, Poland, France, Russia leh mundang dang ah, i thisan kinaipi Jews te, musit, muda, suhgenthei in ana um un, 6 million val, thachimit in ana um un ahi._ _Hinla agenthei behseh phat un, 14th May 1948 kum in Jews Agency lamkai pan ISRAEL STATE proclamation anabol a, tuni a Israel State khu ana pengdoh ahi tihi ahi._ _722 BCE a Joseph sonle pah, Manmasi (Manasseh) te Babylon leh Egypt a kon a ihung jamdoh nung un, 600 BCE in Central China, akimkhat in 300 BCE in Bay of Bengal inajon un chuleh akimdang khat Mongolia a ina kithecheh uva, aban a CHT a umden loi, Tripura leh Assam leh Meghalya lhungloi, China a kon a Burma leh India a hungvah lut loi ina um u ahidan Scholar leh Historian tampi seina a kon hetthei ahi . Chuleh tua Kuki, Chin, Mizo loijong sopi Jewste thohna tobang lom lom ahilou vanga, Manmasi@ Manasseh lah a, a upapen (eldest) SONGTHU - Kuki Group (a sopi, Pasal 6 ho: Chonglen, Kolhen, Lenthang, Khongthang, Khupngam & Vangalpa) hohi igenthei dehseh un ahi._ _Pu Jacob in akhut apelto a phatthei aboh masat ipuneo u Ephraim sonle pahho - Causasian Americans, Causasian Britishers and Caucasian Australians, Caucasian Canadians ho phatthei achang masa un, amaho a kon in Christianity leh Education 18th & 19th centuries in inachang un ahi._ _Eiho Manasseh@ Manmasi tejong, Indian sub-continent tua India, Burma leh Bangladesh a, genthei ihinthoh nau jong century 1 ahung valtai._ _Tuhi eiho phatthei chang nukhah (Manasseh) sonle-pahte phat ahitoh kilhon a, kum 100 valjen pute-pate khanga pat, ihin genthei piu, Chang Kivaihopna (SA) ineidoh thou thou diu ahinai, tihi ikineplel louhel diu ahi. Hetthei naho, ni 3 sungkah a thachimit ding tohgon ho lolhing joulou, double engine (Amit Shah - N. Biren) molphouta._ _Bible sunga kisun Pathen thutep aguilhung lou khatcha umlou hel ahi. Hijeh chun kinemlel hihhel un, Zalenna ding phat sotbehseh louding ahi._ Ezekiel 1:5-11 in Cherubim alu (head) 4 ho: 1. *Mihemlu* - Christa Jesu vetsahna. 2. *Bonglu* - Kuki@ Kuki-Zo symbol, 3. *Muvanlai (Eagle)*- Symbol of America, 4. *Keipi (Lion)* - Symbol of Israel. _(Note: Check internet websites for the meanings of this 4 symbols, embodied in the Cherubim at Ezekiel for confirmation)._ _Ezekiel in Babylon a anathilmu Cherubim lu 4 (4 heads) in avetsah chu thil tampi umjong leh Pakai-Pathen a kon a HILCHETNA Pr. Kamboi kom a lhungchu ahileh Kukite genthei nahi Pakai- Pathen in America leh Israel amanchah a, suhlhapna umthei ding ahi tihi ahi._ _Chuleh Rev. CL Haokip in Lhagaova kon a amubanga Manasseh@ Manmasi tehi apu Jacob in akhut Veilam a phatthei aboh ahitoh kilhon a, Ephraim sonle pahte Phatthei chang masa ahiuvin, tuahi eiho Manasseh sonle pahte@ Manmasi @ Manasseh@ Kukite Zalenna ding nikhohi sottalou ding ahi tihi ahi._ _______________________