*MLA PI KIMNEO HANGSHING IN LAMPI KISEM VETLHAHNA ANA NEI:* □ *SAIKUL:* 27th February, 2025 || *THURSDAY* _Social media a viral Saikul to Keithelmanbi lampi kisem jinglai video viral chung chang thu kholchen din tunin *Pi Kimneo Hangshing Hon’ble MLA 46-Saikul Assembly Constituency* leh Kuki Inpi Saikul gamkai chuleh KSO Saikul lamkai ho ana kalsong uvin lampi kisem vetlhahna ana nei uve._ Janni a Video viral thu kholchilna jong ana neiyin, natong ho Cha don khah a finishing kibol loulai mun khat video ana kikap doh a Social media a hung viral ahi dan amun a natong ho a kon report ana mu in ahi. *MLA Pi Kimneo Hangshing* in lampi sem hon maban na quality nei tah a gamsung leh mipi ding gelna a naa atoh diuvin tepna aneiyin, chuleh gamsung mipi hon jong natoh hi hung che jom jing ding ahi jeh in natong ho co-operation apeh uva avel a aphamo lai aum jongleh Social media a viral sah louva avesui Kuki Inpi Saikul Gamkai ho ahilou leh Contractor pa joh ahetsah diuvin gamsung mipi tiemna ana neiye. Chuleh *Hon’ble MLA Pi Kimneo Hangshing* in aseibe na ah; _I-gamsung uva PR ahung um toh kilhon in Governor in Kangpokpi District ahungvil nikho chun gamsung a natoh bangkhai jouse agangthei lampang a hung kitong pan ding ahi tia ana phondoh toh kilhon na Saikul gamsung a natoh bangkhai jouse jong ban neicha hung kitong pan tading ahi tin jong mipi ho hetsahna ana neiye._ KimneoForSaikul *(KUKI PEOPLE'S ALLIANCE)*