. *📍KUKI INPI SAIKUL GAMKAI* *Saikul, 28th Feb 2025* *LHANG HAOSA MEETING* *Tunia Lhang Haosa meeting a hung pangjou lou ho het dia kihou lhah na ho kahin tahlang e.* *Pu Nehkho Hangshing, Twinomjangpan taona amang in, Pu Paokam Kipgen VP KISG in Lemna nale Meeting kikou lonajeh ho asei banna, anoiya cheng Resolution hi akilan ahi.* 1. VV ho khutchoi agang te hi ahungkon doh na cheh a nungpeh tah din kinopto na aki neitai. Ahin, hichi khutchoi hi koitabang asuchavai ajoh doh aum khah leh Double a asah din kinopto na jong akineitai. 2. PR sung a koimachan uniform pol kivon na kholche/tolche, Louvai kon, Gamgeh, Gamleng umthei louding ahi. Chuleh khutchoi semthu (Local made) enei hou sel hahsabep boinathei ho sepoy ho komma surrender / peh doh dia Defence ho khut na ehungthah lutcheh diuvin jong kinopto na akinei jin ahi. 3. Donle kai thua VV ho vetding leh vetlou ding thu hi athah tah a toukhom ma gelphat kitdin pha akisatai. 4. Lha sum to ebol u ahung lhahsam tahjeh in Finance Secretary in Haosa ho Kom mah Sum china hileh hahsat naho Report chomchan abol in maban najong lhasam louva epan naban uva ehung hapan cheh diu ahi, Ajeh Chu gal hi kichai loulai, echa teu Gal palla gamgi ngah ho gel khoh cheh ding thua Haosa ho temna jong aneijin ahi. 5. Gamsung a muchi chivo lhaphat ahung hitoh lhon in koima chan 1st March apat Gancha (Loi le Bong) elha thang tah loudiu vin jong pha akisatai. Chung a thu gol cheng hi Tunia kinopto naho agomlam ma kahin tahdoh ahin, Japi lah a seitheilou Resolution jong ajao in, olle kang a amopohon Haosa ho Hetsah na ahinbol diu ahitai. *Kakipah e!* *Sd/-* *Haoneo Khongsai* *Information Secretary* *KUKI INPI SAIKUL GAMKAI* 🌍🌍🌍