رمضان قرب، وهاد الشهر ماشي غير ديال الصيام والعبادة، ولكن حتى فرصة ذهبية باش تنظم وقتك وتكون أكثر إنتاجية فالقراية. بزاف ديال التلاميذ كيضيعو هاد الفرصة، كيتشكاو من التعب وقلة التركيز، ولكن الحقيقة أن رمضان هو شهر كيعلمنا كيفاش نستغلو الوقت ونكونو أكثر انضباط. الصيام ماشي عائق، بالعكس، تقدر تستغل الساعات ديال النشاط بعد الفجر ولا بعد الفطور باش تراجع دروسك وترتب الأولويات ديالك. بزاف ديال التلاميذ كيسولو كيفاش يوازنو بين الصيام والقراية، وكيفاش يبقاو مركزين فرمضان بلا ما يحسو بالإرهاق. الجواب ساهل، خاصك غير تعرف كيفاش تقسّم وقتك، تاكل بطريقة صحيحة، وتنعس مزيان باش تبقى عندك الطاقة طيلة النهار. اللي باغي يدير تغيير فرمضان، خاصو يبدأ من دابا، يحط خطة بسيطة، يعرف شنو غادي يراجع كل نهار، وما يخليش الأمور تتراكم عليه حتى لآخر لحظة. رمضان هو الوقت المثالي باش تحسن مستواك وتبرز القدرات ديالك. إلى كنتي باغي تعرف أكثر كيفاش تستقبل رمضان بطريقة ذكية وتستغلو باش توصل لأفضل النتائج فرمضان، دخل تفرج فالحلقة ديال بودكاست التلميذ فالقناة، غادي تلقى فيها أجوبة على الأسئلة اللي كيدورو فرمضان، وكيفاش تقدر تكون من التلاميذ اللي كينجحو فرمضان بلا ضغط.