TOƁƁE MAWƊE KABAARUUJI 17:30, ÑANNDE 28 2ƁURU HITAANDE 2025 👇👇👂🏾👂🏾 🇹🇩Caad: ko hannde timmi hannde haa yahdi e naange ko luulndiyanke Yaaya Dillo hawrunoo e lajal e nder ñiiɓirde fedde dawro makko to Njamena. Oo horeejo fedde dawrugol “PSF” maayi ko caggal nde konunkooɓe leydi ndii naati e nokku ɗo wonno. Wonndiiɓe makko tuumi ko laamu nguu saabi mayde makko. E oon sahaa to bannge laamu nguu, ɓe kollitii alaa fof ko waɗano so wona jabaade Yaaya Dillo e baɗe mum. 🇲🇱Mali: lappol jaagorɗo kalfinaaɗo laaɓal leydi ndii yanii e dow tufol kuliyankooɓe. Yimɓe ɗiɗo mbaasi heen pittaali maɓɓe, kadi yimɓe sappo 10 barmii heen. Fedde JNIM anndinii wonnde ko kañum waɗi ngol tufol. 🇺🇸🇺🇦Donald Tromp, hooreejo Dawlaaɗi dentuɗi Amerik jaɓɓoto, hannde e aljuma, yerondiraaɗo makko mo Ikren Volodymyr Zelensky. Ɓee hooreeɓe ɗiɗo njeewtat e ko faati e gollidal maɓɓe, ina wonndi e alhaali hare hakkunde Riisii e Ikren 👇👇👇