شوية كلام ودروس - ما بيكفي تكون نيتك صافية لتوصل .. ، الأهم تكون قوي وعندك صبر لتكرر المحاولات رغم الفشل ، الموت قريب حتى أقرب من ما منتخيل ..! بأي لحظة ممكن يخطف شخص من حواليك ومافينا نردّوا ..لهيك لازم ع الأقل نكون مستعدين إلو ، مافي شي ثابت ودائم بهالحياة ... كل شي مُعرض للتغيير والرحيل ، الله هو الملجأ الوحيد يلي لح يتقبّلك بكل أحوالك.. لهيك حاول تصلّح علاقتك معو قد مافيك ، الرفقة الحقيقية قليلة .. وكل شي قليل بكون غالي و قيمتو أكبر ، لهيك شكراً للقلال يلي استمروا رفقة وماتغيّروا ، مو المهم إنك ماتبكي .. المهم ماتنكسر ، والأهم إنك ماتسمح لحدا يشوفك مكسور .. داري ضعفك و احمي وجعك لحتى ماحدا يقدر يعرف أي إيد هي اللي عم توجعك و يمسكك منها ، الأشياء المُتاحة السهلة ماحدا بيحس بقيمتها .. كلما صعبت وتقلت بتصير أغلى والقيمة أكبر ، و المُغادرة حق طبيعي لكل شخص .. تروك أي مطرح بتنأذى فيه أو مابتحس بالراحة سواء كان وطن أو شخص أو كروب ع السوشيال ميديا ، تعلّمت ما اقبل بحيلا شي بسبب الخوف من إنو ماترجع تجيني فرصة تانية .. أنا بستاهل الأفضل دائماً والحياة فرصها مابتخلص ، أحلامك وانجازاتك مهما كانت صغيرة وبسيطة بتستاهل تفرح فيها وتحارب كرمالا .. قيس الشغلات بعينك لا تقيسها بنظرة الناس إلها ، العيلة مهمة كتير ... بس مافيك تحمل العيلة بقلبك إذا ماكانت هي مكبرتك ع الحب وحاضنتك بحنّية ، والعيلة الحنونة المتفهمة المتماسكة رزق ، مافي داعي تشوف حالك ناقص لأنك غلطت .. الكل بيغلط أنت شخص منيح طالما إنك عرفت الغلط وعم تحاول تبطلوا ، الناس يلي لمّا شوك الدني جرحنا كانوا هنّي الورد ووقت يبست فينا عروق الحياة كانوا المطر يلي رجّع قلبنا أخضر و ربيعنا .. أنتو الخير ورحمة من ربنا ، أنتو يلي بتستاهلو تبقو مرافقينا بكل سنينّا ، لاتعطي أسرارك الكاملة لحدا ... احتفظ بجزء منك لحالك ، مو حلوة تكون كتاب مفتوح.. شوية غموض وخصوصية مابتضر 🖤✍️|•