*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *حبيبتي.الخائنة.البريئة.❤‍🩹.tt* *❴🔢❵☟الـــبـــــــــــ❴2️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ #حبيبتي_الخائنة_البريئة #بقلم_سديم #الجزء_الثاني . ‌دخلت رهف لمحل مو قاعدين وهيه مبين عليها علامات ذهول .... زينب : شو ماما ليش هيك وشك احمر .. رهف : اا .. لا ما فيني شي بس يمكن شوب .. يزن : بالاذن يا جماعه بدكن تسمحولي صار لازم امشي ... تشرفت بمعرفتكم والله يتمم فرحتكم ع خير .. عبير : الله يحميك ياروحي ويفرحني فيك عن قريب ... خليك لسا بكير .. بعد ما خلصت السهرة وكل من رجع ع بيته .. رهف : انا طالعه نام تصبحو ع خير .. زينب : لسا بكير بدك تنامي من هلق .. رهف : تعبانه شوي .. وعندي دراسة زينب : طيب ماما روحي رتاحي .. طلعت رهف ع غرفتا وهيه لساتا عم تفكر بكلام عمار ... رهف : بحبني ... لك الله يلعنك غبي في حدا بحب اخته انا من لما كنت صغيرة بعتبرك متل اخي بس واحد واطي ما بتستاهل ... اووف من وين طلعلي هاد هلق .. مسكت تلفونه وفتحت ع رقمه ...كتبت مسج وارسلتله ياه ... ...................... كان رايح جاي بالغرفة حاطت ايديه بجياب بنطلونه وهو عم يتنفخ ... عمار: ياربي انا كيف هيك ضعفت وعترفتلا بس معد اصبر اكثر خايف شي يوم تروح من ايدي ... يا ترا شو رح تكون ردت فعلا ... (أسئلة كثيرة كانت تدور بباله ) رن تلفونه بمسج من رهف .. (( شوف عمار .. أولا : انت متل اخي وبحياتي ما نظرتلك غير هيك يعني بجد اليوم فاجئتني ثانيا : انا رح اعتبر حالي ما سمعت منك شي ورح نكمل متل اخ واخته ..لان ما حابة انزع علاقتي مع سارة كرمالك ... ثالثا : بتمنى هالشي ما يتكرر لان وقتا ما حيصيل خير ...)) سكر التلفون وغمض عيونه بألم : كنت متوقع انو ردك ح يكسر قلبي بس معليه الا ما يجي يوم وتعرفي قديه بحبك ... ....................... بعد مرور عدة ايام كانت رهف وسارة بالسوق عم يختارو فساتين للعرس .. رهف : هلكت وانا افتل عنجد مافيي شي حلو ليه هيك صايرة الموديلات ... سارة : لك كلن حلوين بس انتي زوقك صعب كثير الله يعين الي ح يبتلا فيكي .. رهف بصوت عالي : واخيراااا لقيته شايفه هاد الفستان الفضي الي عالبلور بجنن سارة : يخربيتك من وين نكشتيه ... رهف : امشي نشوف ان شالله يكون في ع قياسي .. شكلو عريض .. سارة : باخده انا ... رهف : بحرقك فيه .. سارة : له يا ابو شريكك هلق هيك كرمال فستان رهف : هلق بلاقيلك احلا منو ولو سروش بس هاد خرط مشطي ... بعد ما شترو الفساتين ولوازمن قررو يستريحو بالكافيه ... رهف : بتعرفي سارة اكثر شي بخاف منه بهالحياة هو الزواج .. سارة : مجنونة .. وليه بالله ؟؟!!! رهف : مابعرف بس نظرتي للزواج انه سجن ومراة عم تركد ليل مع نهار لترضي زوجا وتلبي طلبات ولادا وتربية الاولاد شي مو سهل مسؤلية صعبة مصيبة اذا بتفشلي فيها بالمختصر حياة صعبة ... وما بدي اجرب هالشعور ابداااا ... سارة : ههههه هبلة .. اذا انتي العاقلة هيك عم تحكي .. رهف :هو لاني عاقلة عم احكي هيك .. بكرا الايام بتثبتلك انو كلامي صح لما بتركدي ورا قرودك ... سارة : اقنعتيني ... رفعت حواجبا رهف ولوت تما : شوفي مين اجا ... سارة : مين؟؟! رهف : النرجسي المغرور ابن خالتك .. يزن بيك .. لتفتت سارة : بربك وينه .. رهف : كأنه بتردد كثير ع هالكافيه وع نفس الطاولة كمان ... سارة : حبابة قومي نقعد معه شوي قبل ما نروح .. رهف : لاااء و هئ و نوو و صعب و ما خرج ... سارة : حمارة قومي كرمالي بس هالمرة .. رهف : مع احترامك الشديد الي لا بقى تعيديها للحمارة قولي غزالة ما بزعل .... سارة : هههه شو الفرق عالجهتين حيوانه ... فجأة بقرب شب من طاولتن ... ... : مرحبا يا حلوين ممكن نتعرف .. طلعو فيه رهف وسارة بصوت واحد : واااو رهف : اختفي من هون احسنلك ... سارة : متل ما قالتلك .. ...: واذا ما ختفيت شو بتعملوو( طلع ع رهف وغمزة ) يسلمولي هالعيون رقمك بس بكفيني يا قمر .. انفعلت رهف : روح من هون ولااا شكلك ما بتزوق ع حالك حابب لم عليك العالم لتنقلع ... ...: كيف بدي زوق وقدامي كل هالجمال .. فجأة بيجيه بوكس بيرميه عالارض من غامض علمه... بيوقفو رهف وسارة وهنن متفاجئات .. بقوم الشب بينفض ثيابه وبيهجم ع يزن بس بوكس تاني من يزن كفيل انو يخليه ينسحب بهدوء ... من دون ما يطلع فيهن يزن بكون بدو يرجع ع مكانه بس بوقفه صوت سارة .. سارة: شكرا يزن ... يزن : ما عملت شي .. سارة : شو رأيك بكاسة قهوة شكر .. وبتمنى ما تخجلني ... ابتسم يزن : طيب ما رح خجلك .. بيقعد يزن ع طاولتن بالكرسي الي مقابل لرهف ... سارة : شكلك بتحب هالكافيه ع طول بتجي لهون وبتقعد ع هديك الطاولة بالذات ... يزن : اي بصراحه حبيت هالمكان هادء و الطاولة الا اطلالة عالبحر برتاح فيها .. رهف كانت ساكته وعم تقلب بتلفونه توترت لما كان يزن قاعد مقابيلا حست بشعور اول مرة بينتابا ... رهف بقلبا : لك شبني ليش خجلانه احكي او اطلع فيه .. شو عم يصير .. بترفع راسا بدا تشارك بالحديث بتلتقي عيونا بعيون يزن .. هو بيشرد بسحر عيونا وهيه كمان بتحس الزمن وقف عند عيونه .. بتتسارع نبضات قلبن ... فجأة بينتبهو لنفسن بيتلبكو و ببعدو نظرن عن بعض .. رهف : سارة لازم نرجع تأخرنا ... سارة : طيب .. يلا نمشي .. باي يزن يزن : الله معك .. ضل قاعد مكانه لسا عيونا مشتتله دماغه ما عم يعرف يتجاهلن ... كان لاول مرة بحياته بحس بهالشعور الغريب الي مو قدران يتخلص منه ... ................... 8 مساءً ... رهف : امي حابة اطلع اتمشى شوي معليه ؟؟ زينب : طلعي بس ما تبعدي كثير .. لان الليل ماله أمان.. كريمة: تعالي لعندي رهوفة .. رهف: حاضر تيتا .. بتقرب من ستا بتبوسا وبتقعد جنبا ... كريمة : هي أول مرة بشوفك هيك ... عيونك عم تلمع وضايجه .. مالك بالعادة شو القصة يا حلوة... ضحكت رهف من كلام ستا : ما فيني شي بس دايقة خلاقي من الدراسة وبدي اطلع غير جو قبل ما يصيبني اكتئاب ... بتطلع رهف بتمشي بطريق طويل شبه خالي بتحط ايديها بجياب سترتا وبتمشي بخطوات بطيئا وهيه رافعه راسا للسما بتستنشق الهواء هون بتبلش تستجوب نفسا . // انا ليه هيك ما عم اقدر طالعه من تفكيري ولا دقيقة .. ليه هيك أثر فيني .. لك رهف انسيه انتي ما بناسبك هيك شخص مغرور وبارد ... بس ليه لما طلعت بعيونه شفت عكس هالشي ... لحظة لحظة لازم ارجع ارتب افكاري .... لك بس ما عم اقدر ابتسامته عم ضل مرسومه ببالي ... اوف ياربي ما لازم حبو لااا // بترجع راسا لورا وبتنفخ بضجر بتحكي بصوت عالي : طلاااع من راسي بقى ... بيجيها صوت من وراها : مين هاد الي بدو يطلع من راسك .. بتلتفت بسرعه لما بتسمع صوت قصي .. رهف : اخي .. ايمت جيت ... قصي وهو رافع حاجب ومنزل حاجب : مين هاد الي بده يطلع من راسك ؟؟!! رهف : لغز جريمة روالنا ياها الدكتورة ما عم اقدر احله .. قصي: ايوااا .. بتنحل بسيطة امشي عالبيت يلا ما بقى شوفك ماشية لوحدك بالليل .. رهف : حاضر ... كلا شغلة يومين بتلتهي بمرتك وبخلص منك انا 😙 قصي : هههه اي لكن لان الشغلة شوربا.. .......................... كانت واقفه قدام مرايتا عم تتأمل كيف طالعه بالفستان الأبيض الي ختارته هيه وشريك حياتا ... ام عمار كاتمه دموعا لان بنتا الكبيرة رح تفارقا بهاليوم مكانا بالبيت رح يصير خالي ... ام عمار : لسا ما شفت عاروس بجمالك يا روحي سارة : اي عنجد طالعه بتجنني يا اختي الله يهنيكي ... سلوى: الله يخليلي ياكن ويفرحني فيكي سروش .. طالع عليكي الزهري بياخد العقل دخل عمار لعندن ... قرب من اخته وباسا من جبينا ... : دخيل جمالك طالعه متل الملاك بس رح نشتقلك ... ليكي صهري برا ناطر الأوكي ليدخل ياخدك ههه شو رأيك نعذبه شوي .. خليه ينطر ... ام عمار : يلا عمار قوم وصلنا عالصاله وخلي قصي يدخل ياخد سلوى ... دخل قصي وهو مبتسم والفرحه غامرة تعابير وجهه ... قصي : ماشاءالله شو هالقمر ... سلوى : حلوة يعني ... قصي : كثيرررر .. بتجنني يا عمري سلوى : حبيبي ليه هيك طالع كثير أنيق بالبدلة ... متعودة عليك باللباس السبور ... قصي : يعني قصدك انا مو انيق .. سلوى : لك لااا ماهيك انت ع طول بتجنن بس هيك كثير ع قلبي ... قصي : هههه دخيل قلبك ااي ... يلا خلينا نمشي هاتي ايدك ... ................... بصالة فخمة ألوانها بالأبيض والذهبي .. كانت الطاولات مرتبة بشكل أنيق والورد الأبيض بكل مكان .... فتحت تما عالاخر وبعدا صفرت بأعلى صوتا .. سارة : لك شو هاااد لك رهف انا البنت نذهلت فيكي كيف ما كون شب لك شو هالحلااا اويل قلبي اناااا حرام ما تركتي شي للعاروس ... رهف : عنجد عم تحكي يعني راميلي الفستان ...والتسريحه شو رأيك .. سارة : الله لا يوفقك كيف هيك طالعه حلوة كثير .. من وين هالجمال ... ياختي رحمي السناغل الي ح تشوفك ... رهف : حاج كذب ولييه .. ( كانت رهف لابسة فستان فضي لنص الكتاف مفتوح من عند الصدر ع شكل سبعه وقصير لعند الركبة يلمع كل ما تحركت وكأنها شي نجمة هربانه من السما شعرا الاسود كان مسدول نصه ونصه مرفوع بطريقة ناعمه مزين بدبوس ناعم بيتناسب مع نعومتا ورقتا ) تسلط الضوء ع مدخل الصالة لما دخل قصي هو و سلوى وكانت زفتن حلوة كثير .. موسيقى رومانسية مع ورد نتثر بكل مكان ... مشيو وقعد بالمكان المخصص للعرسان والمعازيم كلا كانت مبهورة بجمالن مع بعض قربت رهف منن تباركلن .. رهف : مبرووك يا حلوين .. نيالك يا اخي ع هالوردة .. قصي : وانا عم قول هيك .. بس شو قصتك انتي ليه هيك طالعه حلوة كثير ... رهف : هي انا من يوم يومي هيك بجنن فديتني .. سلوى : هههه اي والله بيطلعلك .. قمر مصور سبحان الي خلقك .. رهف : تسلميلي ،يلا انا بنسحب ... اخدت عقل الكل رهف بطلتا وسحرها، وأولن عمار الي كان قاعد عم يراقب كل تحركاتا .. وعم يتحسر عليها .. سارة : اهلااا هديل .. نورتي يا قلبي .. رهف : اهلين هدولة وين كنتي مختفية ... هديل : يا خاينات يا ملوفكات ... لو بتحبوني عنجد كان فقدتو رفيقتكن الي غابت عن جامعتا نهارين ورا بعض ... رهف : انا عنجد كثير اتصلت عليكي مقفل خطك .. سارة : اي وانا كمان ... هديل : بعدين بحكيلكن هلق مو وقتا .. يا ويلي من هالشب الي دخل هلق... ليكي البنات كيف رح ياكلوه بنظراتن ... رهف وسارة : ووووين .. سارة : اااالله لك هاد يزن .. ماشاءالله ع هالجاذبية .. شو راكز رهف جمدت بأرضا وقت شافته وتسارعت نبضات قلبا ... سارة : شوووو رهوف وين صىرتي احم احم ..ههههه شكلو اخدلك عقلك انتي كمان يا ام كبرياء عظيم ... الوووو ... نحن هناا رهف : لك ما اخدلي عقلي ولا شي يا حوبة بس في شي غريب ... هديل وسارة : ههههههه واضح رهف : سكتي انتي وهيه انا رايحه اشرب مي .. سارة : يا حرام رح يغمى عليها شكلا طمست وماحدا سما عليها .. ................. انظم يزن لطاولة الي قاعد عليها عمار .. بعد فترة نزلو العرسان ليرقصو ع موسيقى هادية ... كل واحد اخد شريكه وصارو يرقصو .. سارة : رهف تعالي نرقص معن .. رهف وهيه متفاجئة : شو عم يطق عقلك ... مستحيل كيف بدي ارقص قدام العالم بخجل ... سارة : عم تحكي وكأنه عندك عشر اخوة بس راح خجلك بترقصي بعرس واحد منن هو مافي غير هالاخ يلا تعالي ... ‌سحبت سارة رهف عالساحه وصارو يرقصو سوا ...كانت تتمايل بهدوء وكل ثقة وشعرا يتمايل معاها .. وهيه مبتسمه وفرحانه لاخوها .. هيه الوحيدة الي قدرت تلفت انتباه يزن من بين كل البنات الموجودين سلبت عقله بجمالا ... طبعا هو كان من تأثير عيونها لسا مو متعافي .. تنهد عمار لما شافا وصار يحكي بدون ما يوعى ع حاله : بكل حالاتك بتجنني وانتي هادية وانتي جانه وانتي معصبة بكل الاوقات بتسحريني بجمالك وبدك ياني انظرلك متل اخت الله يسامحك ... بس انك تتمايلي قدامي بهالطريقة ، لا هيك كثير .. نتبه يزن لطريقة كلامه وشاف عيونه الي كانت عم تراقب رهف ، حس بضيق من كلامه .... يزن بقلبه : شو فيه هاد .. حاسس كلامه عم يغرز متل السكاكين بقلبي شو دخلني انا يحكي الي بدو ياه ... معقول كون حبيتا بهالسرعه لا مستحيل بجوز مجرد اعجاب .. ماشاءالله عنها فاتنه وانا مو حجر ... عمار : انا رح قوم جرب حظي ... بيطلع فيه يزن بأستغراب بشوفه رايح بأتجاه رهف وبمدلا ايده لتشاركه برقصا ... بتطلع فيه رهف بغيظ وما بتحب تحرجه قدام العالم بتمسك ايده وبتصير ترقص معه ... رهف بتحكي من بين سنانا : انت شو عم تعمل حابب اقطع علاقتي فيك نهائيا .. عمار : مو قلتيلي انتي اختي وانا حبيت ارقص مع اختي وين المشكلة ... بشد بأيده ع خصرا وبقرب منها بصير يستنشق عطرا وهو مغمض عيونه ... بينزعج يزن لما بشوفا بين ايديه وقريب منا لهدرجة ... بس ما بيقدر يعمل شي.. بحاول يكتم غيرته من عمار وبحافظ ع هدوئه .. بس عيونه كانت رافضه انها تتجاهل هالمنظر الي قدامه ..بقوم وبغادر المكان بيطلع بوقف بمكان مفتوح وشرح .... ليحاول يطفي النار الي شعلت بقلبه ... فجأة بيجي صوت من وراه : بتشرب ؟؟ بيلتفت ليشوف رهف ماده ايدا و عم تناوله كاسة عصير ... بيبتسم وبياخد الكاسة منها .. يزن : شكرا .. رهف : العفو ... بتحب الهدوء كثير ما عجبك الجو جوا هربت موو ..ع فكرة هون الجو احلا نقي ونجوم عم تلمع .. يزن : لا مو هيك بس كنت عم احكي تلفون ... بتبتسم رهف وبتطلع بعيونه : انا رح ادخل بالأذن ... يزن بصوت هادي : رهف ... بتوقف بأرضا وقت بتمسع اسما من تمه وبتحس قلبا صار يخفق بقوة ... رهف : نعم ؟ بيمشي بقرب منها بيعطيها كاس العصير بيمسك دبوس شعرا وبثبتلا ياه مزبوط يزن : كان رح يوقع مشي الحال ثبت .. بيبتسم ابتسامه خفيفة.جذابة بيطلع عليها ليشوف خدودا تلونو بالاحمر وعيونا عم تبرق ... رهف بخجل : يسلمو .. بياخد من ايدا كاسة العصير : هلق تفضلي ندخل سوا ... بتخلص الحفلة العرسان بروحو عالفندق الي حاجزين فيه ... والبقيه ع بيوتن ..🎉🎊 بتدخل رهف ع غرفتا وهيه عم تعيد بعقلا المشهد الي جمعا مع يزن .. بتشيل دبوس الشعر وبتحكي معه وهيه عم تضحك ... رهف : عنجد نيالك يا دبوس لمسك بايديه معقول كانت مجرد مساعده ولا اعجب فيني يا الله مو معقول شو هالجاذبية الي عنده مستحيل شب متله يحبني ..(بتطلع بمرايتا ) ليش شبني انا والله بنحب ... ما احلا اسمي طلع منه .. معقول اسمي حلو هيك ولا هو بيحكي بطريقة حلووة ... ااخ شكلي تورطت بحبه ومشي الحال الله يلعني غبية ... رمت حالا ع سريرا غمضت عيونا وهيه مبتسمه .... اما عند يزن الوضع ما كان بيختلف كثير عن رهف ... كان ساند حاله ع باب البلكونه حاطت ايد بجيب بجامته وبالايد التانيه ماسك فنجان قهوة عم يستنشق ريحته الي بتفتحله عروقه يزن : سبحان الله شو حلوين عيونك .. معقول في لسا بالدنيا متل جمالك ،مستحيل .. ابتسم واخد رشفة من فنجان القهوة وتابع بنفسه: ((لا السيف يفعل بي ما أنت فعلته ولا لقاء عدوي متل لقياك لو بات سهم من الأعداء في كبدي ما نال مني ما نالته عيناك ...)) الساعه 8 صباحا ... كانت رهف لسا مو نايمة ، نزلت لتحضر الفطور عن امها .. الكل صاحين وعم يشربو قهوة .. زينب : رهوفة .. غريب فايقة لحالك اليوم .. رهف : ليه نمت لحتى فيق .. جمال : خير شو القصة.. رهف : ما في شي كان عندي ضغط دراسة .. وفي مسألة تاعبتلي عقلي ... كريمة : طلعي نامي اذا تعبانه وبلا ما تروحي اليوم عالجامعه .. رهف : لا معليه مو تعبانه ما رح اقدر نام ، انا رايحه حضر الفطور ... بعد ما بتحضر الفطور بتطلع ع غرفتا بتلبس ثيابه ( بنطال جيز خصر عالي وكنزة لونها اخضر زيتي متل لون عيونا ، مع بوط سبور ابيض وبتترك شعرا مسدول ع ضهرا ) بتنزل بتبوس ستا وبدا تروح .. جمال : لوين ما بدك تفطري ؟! رهف : لا مو جوعانه ..انا رايحه باي بتوصل عالجامعه بتكون سارة قاعده بالكافيه ناطرتا ... سارة : اوووه شو هالنشاط جاي بكير مو متل عادتك !! رهف : لسا مو نايمة من مبارح .. سارة : وليه بالله ؟ رهف : ما بعرف ، ما قدرت انام عنجد سارة لاقيلي حل ما عم اقدر طالعه من تفكيري .. سارة : مييين ؟؟!! رهف : ااه .. خلص انسي . بتقرب نتالي من طاولتن .. نتالي : شوفي رهف اذا لسا بتطلعلي ويتعملي حالك شاطرة وفلهوية ما بتلومي الا حالك ،ما تلعبي معي فاهمة .. رهف بدهشة : شو تفضلتي بالله عيدي ما سمعتك .. نتالي : وصلتك رسالتي وعتبريها تحذير ماشي يا حلوة .. رهف بنبرة أستهزاء : لك ليك هي مصدقة حالا كمان قحطي من هون ولييه ... نتالي بأنفعال: حترمي حالك انا بنت بابا عم تفهمي ... رهف : عنجد هههههههه نيالك والله... انا بابا نزلني من المتجر .. واذا مفكرة حالك عم تهدديني انه ابوكي صاحب هي الجامعة عرفي انك ما بتأثري الا ع حالك وهلق روحي من خلقتي ترا صبري بلش ينفذ سارة : ههه خلص روقي رهوف .. وانتي نتالي قصري المشاكل الله يوفقك وروحي .. نتالي : رايحه بس حتندمي يا رهف .. رهف : يا صبررر ... أضوووي يلاا .. سارة : الله يثبت علينا العقل والدين ياربي ما أغلاظها .. شو ثقيلة دم رهف : راسي عم يوجعني ما بعرف ليه حاسة بأكتئاب ... رح احضر اول محاضرة وارجع عالبيت ... سارة : خلص بنحضر المحاضرة ومنروح لعنا عالبيت كمان امي داخلة بموجة أكتئاب وبضل سارحة بعد ما تزوجت سلوى .. رهف : يا عمري .. ............................. بيدخلو عالمحاضرة والدكتور بيبدأ يشرح ويسأل .. بس رهف ما بتكون مع حدا يزن سارق قلبا وعقلا .. بتكون سانده خدا بأيدها ... بيطلعو رهف وسارة من القاعة .. سارة : لك رهف شبك طول المحاضرة مو ع بعضك وسارحة بربك شوفي ؟ رهف : ااا .. ما فيني شي بس لان مو نايمة متل المسطولة ... سارة : طيب امشي حكيت مع امي وخبرتا وهيه ناطرتنا .. رهف : يلاا... ........................ كان عم يعمل رياضة بحديقة بيته لما رن تلفونه مسك المنشفة الي لافا ورا رقبته ونشف وجهه طلع بالتلفون كانت خالته .. يزن : اهلين خالة .. عبير : كيفك يا روحي ليه ما عم شوفك ؟ يزن : مشتقلك .. خلص تكرم عيونك اليوم بمر لعندك بتشربيني قهوة ... عبير : تعال وخود عيوني ما بتغلا عليك .. يزن : يسلمولي عيونك .. خلص ربع ساعة وبكون عندك .. سكر التلفون وطلع اخد دوش ولبس ثيابه (بنطال جينز اسود وتيشرت اسود بادي طبعا هو اغلب ثيابه باللون الاسود) رش من عطره المفضل "Black" وراح لبيت خالته .. ..................... فتحت الباب سارة ودخلت هيه ورهف رهف بقلبا : يا الله ما احلا ريحه هالعطر انا وين شميتا من قبل ؟ بتتقدم شوي لتتفاجئ بيزن قاعد بالصالون .. بتتلبك لما بتشوفه وقلبا بتتسارع نبضاته .. #يتبع *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```