*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *حبيبتي.الخائنة.البريئة.❤‍🩹.tt* *❴🔢❵☟الـــبـــــــــــ❴3️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ #حبيبتي_الخائنة_البريئة #بقلم_سديم #الجزء_الثالث . فتحت الباب سارة ودخلت هيه ورهف رهف بقلبا : يا الله ما احلا ريحه هالعطر انا وين شميتا من قبل ؟ بتتقدم شوي لتتفاجئ بيزن قاعد بالصالون .. بتتلبك لما بتشوفه وقلبا بتتسارع نبضاته ... سارة : مرحبا يزن ..كيفك ؟ يزن : تمام وانتي ؟ سارة : منشكر الله .. وين امي؟ يزن : هلق راحت عم تعمل قهوة .. سارة : رح شوفا قعدي رهف انا راجعة . بتقعد رهف وبتحاول تشغل نفسا بأي شي .. بعد صمت .. يزن : كيفك رهف ؟ بتحس رهف صوته ضرب بقلبا بترفع راسا لترد عليه ، بس بتوه بعيونه وبيرتبط لسانها رهف : اا .. منيحه وأنت ؟ يزن : متلك تماما .. رهف بقلبا : شو قصده متلي منيح يعني ولا لاحظ عليي شي تاني .. لازم قوم انسحب من هون احسن لي .. بتقوم رهف لتلحق سارة عالمطبخ بتمر من قدام يزن وبتغلغل ريحه عطره بصدرا ..بتوقف لما بتشوف سارة جاي وبأيدها صينية القهوة ..بتكون واقفة قدامه مباشر .. وهو حاسس ضربات قلبه ح تصير مسموعه من قربها ... بتسلم رهف ع ام عمار وبترجع بتقعد مكانها .. ام عمار : كيفك رهوفة عاش من شافك انتي التانيه .. رهف : مشتقتلك هههه بس بما انه انا التانية معناها في الاولى مين هيه ؟ ام عمار : ههه يزن بيك محسوب عليي ابن اختي وما بشوفه الا بالمناسبات.. رهف : ايوا ..لا مالك حق .. يزن : والله مو هيك بس مشاغل .. سارة : اهااا .. شو محضرلنا كتاب جديد ولا رواية .. يزن : بصراحه بديت برواية بس افكاري كلا تلخبطت ما عم ركز بالكتابة هالأيام .. سارة : لييه شو مخربطك ؟؟ يزن بيبتسم : مابعرف في حدا سرقلي عقلي وما عم يرجعه ... بتسرح رهف فيه بعد هالكلمة : محظوظ الي سرقلك عقلك ، بس مين هو ياترا ؟ ام عمار : ههه الله يسمعنا الأخبار الطيبة .. بيدخل زيد وهو عابس .. سارة : اهلين زيد ليش مكشر .. زيد : لك كثير صعب هالمنهاج ماعم افهم شي بربي .. ام عمار : شو المادة الي ما عم تفهما ..بخبر ابوك يجبلك استاذ خصوصي .. زيد : المشكلة كذا مادة فيهن دروس ما عم استوعبها .. يزن : مثلا ؟ زيد : كيمياء و الجبر وفي دروس بالأنجليزي .. يزن : خلص ما تاكل هم انا ح ساعدك .. زيد : لا ما بدي عذبك معي خلص اذا رسبت هي لسنة بعيدا سنة الجاي .. يزن : مافي عذاب بالعكس بعدين بدل ما سنة جاي تعيدا بتكون داخل الجامعة شو هالطموح الي عندك ماشاءالله مبين من اولتا فاشل .. زيد : لاا مو فشل بس .. يزن : بس شو ...خلص سبقني ع غرفتك وحضر الدروس الي مو فاهمة انا رح درسك كل يوم لحتى تجي امتحاناتك ... زيد : طيب ام عمار : بس يا خالتي ح يعذبك كثير عقله سميك ... يزن :ولا يهمك خالتي منحاول معه ... ام عمار : يخليلي ياك يا حبيب قلبي .. يزن : يلا انا قايم شوفه ، يسلمو دياتك عالقهوة اطيب قهوة بشربا بحياتي .. ام عمار : عوافي يا روحي .. سارة : والله نياله يا عمي روحك وحبيبك وقلبك وانا شووو.. ام عمار : انتي غيورة ويزن غلاته من غلاتكن واغلا كمان هو من ريحة اختي الله يرحما بشوفا فيه ... قربت رهف من ام سارة ومسحتلا دمعتا قبل ما تنزل ع خدا .. رهف : اي خالة شو بدك طعمينا انا من مبارحة بلا اكل .. ام عمار : الي بدك ياه قوليلي شو جاي عبالك لعملك .. رهف : شو ما بتعملي طيب من ايديكي .. ام عمار :تكرم هالعيون الحلوة .. سارة : رهف انا طالعة ابدل ثيابي تطلعي معي رهف : لا معليه بنطرك هون لا تتأخري اوكي ؟ بترفع رهف رجليها عالكنبة وبتسند راسا بأيدها وهي عم تفكر بكلام يزن ، بتغط بنوم عميق ... بتنزل سارة بتلاقيها نايمة بتحاول تصحيا لتطلع تنام بغرفتا بس بتكون رهف مستسلمه للنوم .. بتروح سارة لتساعد اما بتحضير الاكل .. بعد مرور ساعة او اكثر بينزل يزن من غرفة زيد .. بيلمحها نايمة عالكنبة .. بوقف بعيد وبصير يتأملا كيف نايمة وحاطه ايديها تحت خدا متل الاطفال وشعرا الاسود منثور حواليها بعشوائية.. بقاطع شروده صوت سارة .. سارة : ان شاءالله ما عذبك ؟ يزن : لا بالعكس ذكي وبسرعه بستوعب .. سارة جيبي غطيها لرفيقتك ممكن تكون بردانه .. سارة : الجو شوب .. بس يلا رح غطيها النايم بيبرد ... بيرجع بيسرح فيها وبجمالا يزن بنفسه : متل الملاك .. كيف بدي روح هلق وانتي لساكي هون وعمار احتمال يجي بأي وقت ... ما بخلص كلمته الا بيدخل عمار من باب البيت ... عمار : مرحبا ... يزن : اهلين .. بوقف عمار بأرضه لما بشوف رهف نايمة بوقف يزن مقابله ليبعد نظره عنها .. يزن : اي عمار كيفك .. كيف شغلك .. عمار وهو نظره لسا ع رهف : الحمدلله والله غير شكل اصلا انا هلق صرت منيح .. بيدايق يزن لانه فهم قصده ، بتدخل ام عمار .. ام عمار : اهلين ابني طلاع بدل ثيابك انا جهزت الغدا ، وانت خالتي قعود ليش واقف .. يزن : بدي امشي والله .. ام عمار : ما بتروح قبل ما تتغدا معنا ما بكفي غلبناك مع زيد .. يزن : خالتي الله يوفقك لا بقى تحكي هيك عمار : سارة صحيا لرهف خليها تتغدا معنا .. سارة : يلا .. بتصحى رهف وبتاخد عقله ليزن لما بتفيق وبتصير تفرك عيونها وهيه بتحاول تفتحن بس نعسانه كثير ... رهف بتعب : لك انا كيف نمت هون الله لا يوفقك يا سارة ... ام عمار : يلا رهوفة قومي حبيبتي حضرتلك برك بالجبنة انتي كثير بتحبيا .. بتضحك رهف : عنجد لك يسلم هالديات ... بيبتسم يزن لا أراديا لما بشوفا عم تضحك .. بيتغدو سوا وبعدا رهف بتستأذن لتروح عالبيت .. عمار : رهف خليني وصلك .. بتطلع عليه رهف وبتعقد حواجبا : لا شكرا بروح لحالي بعرف الطريق .. سارة : لك خليه يوصلك بيتكن بعيد هلق بدك تستني تكسي لتجي تاخدك ... يزن : انا كمان بدي امشي .. ام عمار :معناها يزن وصل رهف بيتا من طريقك .. رهف : لا لا مافي داعي بروح لحالي .. ابو عمار : خلص عمو واحد منن بوصلك .. رهف : خلص بروح مع يزن ما بدي عذبك عمار بتملع عيون عمار بغضب وغيرة وهو شايفه طالعة معه .. لما بصيرو برا .. رهف : انا قلت هيك لحتى اهرب من نقن بس ما بدي ياك توصلني بروح لحالي ... بيطلع عليها بأستغراب : تمام، براحتك .. بتتفاجئ رهف من ردة فعله انو ما أصر عليها بس هيه اصلا ما بدا تكون قريبة منه هالشي بيخليها ترتبك .. بعد مرور دقائق بتكون واقفة رهف ناطرة تكسي ... بتلتفت لمن بتسمع سيارة عم تزمرلا لتشوف يزن بيوميلا براسه تطلع معه ... هيه عقلا بقلا لا تروحي بس قلبا بيأمر رجيلها تتجه لعنده وتطلع معه .. بتركب بالمقعد الامامي جنبه .. رهف : شكراً .. يزن : العفو ..بس حطي حزام الامان .. رهف : اه صح .. بتحاول رهف تشد حزام الأمان بس ما بينشد معها رهف : كأنه معلق ما عم يطلع .. يلا بلاه يزن : والله ! لحظة اشوف .. بقرب يزن ليسحب الحزام وهو عم يحاول رهف بتكون دايبة من الخجل وحابسة أنفاسها .. يزن : هه مشي الحال .. بيبتسم وبتلتقي عيونن مع بعض بس هالمرة غير كانو قراب من بعض حاول يتفادا النظر بعيونا بس شي عم يجذبه وهو عم يغرق ... رهف بأرتباك : احم ، اعطيك العنوان . يزن : اي ياريت .. حاولت رهف تفتح حديث لتشيل التوتر من بينن.. رهف : بالعادة عن شو بتحكي رواياتك .. يزن : ممم .. كل رواية شكل .. في بوليسي وفي غامض وفي رريات مشكل ... رهف : طيب ما في عن الحب .. يزن : لا ما سبق وكتبت عن قصة حب ... رهف : ليه ؟ يزن : ما بعرف كيف بدي اكتب عن شي لسا ماجربته او عشته ع طول الألهام بيجي من شي عشناه .. يمكن بيوم من الايام اكتب عن الحب ما بتعرفي .. يزن : هي وصلنا تفضلي .. رهف : مشكور عذبتك معي .. يزن مع أبتسامه : ولايهمك نحنا بالخدمة .. بتنزل رهف ع بيتا وهيه لسا قلبا عم يرجف بتفتح الباب بتدخل بتحضن اما وبتصير تبوسا زينب : بسم الله عليكي شو صايرلك ... رهف بشقاوة : ولاشي مبسوطة كثير كثير .. زينب : ان شاءالله دوم يا روحي .. رهف : ايمت بدو يرجع قصي والله شتقتلو .. زينب : بكرا ان شاءالله راجعين ... رهف : ان شاءلله .. ............................... كان قاعد قدام الابتوب عم يصمم ديكور جديد فجأة بيغلق الابتوب بقوة بيمسح ع وشه بايديه وهو عم يتنهد ... عمار : لايمتا بدك ضلي تتهربي مني، شو اعمل لحتى تحبيني ، مو شايفة قديه بعشقك وبرتاح لما بشوفك ، ليه هيك انتي قاسية ، انا تعبت من هالحب الي من طرف واحد ،كرمال الله حسي فيني ... بيمسك تلفونه بعد نفاذ صبر وبيرنلا .. وهيه عم تدرس بتحس بضجر بترمي القلم ع الطاولة وبتمسك راسا بين ايديها .. رهف : مو كاتب لسا عن الحب لانه ما عاشه ولاجرب هالشعور ، يعني لسا ما حب حدا ، طيب كيف كان يقول في حدا سارقله عقله شو قصده .. اوف راسي رح يفجر من كثرة التفكير وهو مافي ابرد منه .. بيرن تلفونها ليقطع عليها افكارها بتسمكه وبتلمع عيونا بعصبية لما بتشوف اسم عمار .. رهف : ياربي انت لهدرجة ما بتفهم ، لك شو لازم اعمل معك لتتركني بحالي ، بعدين بتسرح شوي وبدمع عيونا : معقولة اصير متل عمار احب يزن من طرف واحد وهو ما يحبني و اتعاقب لاني عم خليك تتعذب هيك .. بس انا شو ذنبي قلبي ما حبك الا كأخ ، بتنزل دموعا ع خدودا وبتمسحن بسرعة : لا ما ح أبكي مشان حدا ما بحبني لو حبني كان لمحلي عالاقل خلص ح انساه ، بعدين انا من ايمتا بأمن بالحب مو قلنا هي شغلات فاضية يارهف ...بتقفل تلفونها وهو عم يتصل عمار ... بيخبط التفلون بالحيط بعصبية وبيطلع من غرفته لعند سارة وبدق عليها الباب .. سارة : اي تفضل .. عمار : لسا ما نمتي .. سارة : لا اخي عندي دراسة ولسا بكير .. عمار :سارة بدي أسالك وبتجاوبني بصراحة الله يطعمك اعرف مخبية شي عني .. سارة : اي أخي سأل .. عمار : رهف في بحياتا حدا سارة : كييف ؟! عمار : واضح سؤالي يعني بتحب حدا .. سارة : لا مافي هيك شي بس ليه عم تسأل .. عمار : مافي شي أنسي ... بيلتفت ليطلع .. سارة: اخي يعني مفكرني ما بعرف انك بتحبا ، ومن زمان كمان وعم تخبي هالشي بس عيونك فاضحينك ، بس لا تعذب حالك هيه ما بتنظرلك الا كأخ ، ومو بس انت بتحبا حتى أني لاحظت ع يزن معجب فيها .. بيلتفت لعندا وبيعقد حواجبه : كيف يعني معجب فيها ؟؟ سارة : اليوم شفت هالشي بعيونه واهتمامه الها ، حتى هيه نفس الشي ع الاغلب التنين بحبو بعض بس عم يكابرو ، لهيك اخي الله يوفقك انساها والف بنت بتتمناك بس مو رهف ... عمار : خلص سكتي لا بقى تكملي .. بيطلع وبكسر الباب وراه بقوة .. باليوم التاني كانو راجعين قصي وسلوى من شهر العسل .. زينب : يا روحي انتو قديه شتقتلكن .. سلوى : الله يخليلنا ياكي مرت عمو .. قصي : وينا تيتا ورهف مو شايف حدا .. زينب : رهف بالجامعة بس بتعرف انك جاي لهيك رح ترجع بكير وستك اخدت ادويتا ونايمة .. بيقرب بيقعد جنب امه بيحضنها وببوس راسا قصي : اييه شتقت لاكلاتك وحنيتك ... سلوى بتكون مبتسمة وعم تطلع عليهن قصي : شايفة يا امي كيف ببتسم بخبث لان بتعرف حالا بعدتني عنك ، طلقيني انا بدي امي زينب : هههههه ما بطلت مزحك هاد .. سلوى : خلص متل ما بدك هلق بتروح بضب غراضك وبرمي عليك اليمين وانا كمان بدي امي ... قصي : لا يااا شايف عجبتك الشغلة ، لك انا حفيت لصرتي مرتي بدك نرجع نتزوج من اول وجديد ... سلوى : ههههههه زينب : الله يخليكن لبعض واشوفكن ع طول مبسوطين .. قصي : امين ويخليلي ياكي ... بتدخل رهف ولما بتشوف قصي بتضحك وبتركد لعنده .. قصي : لك اهلين بحبيبة قلبي ... رهف : هههه اهلين بالعريس .. قصي : ما شتقتيلي ؟ رهف : كيف لكن شتقتلك كثير الك ولمرت اخي ..بتبعد عنه وبتروح بتحضن سلوى وبتسلم عليها .. بعد ساعتين بيوصلو سارة واهلا ليسلمو ع سلوى لان من لما تزوجت ما شافوها ... بتحضنا ام عمار وهيه بتبكي طبعا هيه عندا كمية من الحنان مو موجودة عند حدا .. سلوى: وين زيد .. ام عمار : بالبيت بيدرسه يزن بيسلم عليكي هو ويزن وقال بس خلص بيجي .. سلوى : يا روحي الله يوفقو وينجح .. كيفو يزن ... ام عمار : منيح يقبر قلبي .. رهف بقلبا : اه ضروري تذكرو قدامي صار نبضي ألف .. سارة بهمس : شو رهوف شايفة حمر وشك لمن نجابت سيرته .. بتطلع فيها رهف بصدمة : شو قلتي ؟ سارة : لك كاشتفك وعارفتك علي هالحركات .. رهف : سكتي الله لايوفقك قومي نعمل قهوة بروحو عالمطبخ بتسكر رهف الباب وبتوقف قدام سارة وبتحط ايدا ع خصرا وهيه عم تهز رجلا ... رهف :شو كاشفة وعارفة وليه دبة ؟ سارة : انك طامسة فيه من راسك لرجليكي ودايبة فيه وكل ما شفتيه بصير نبضك مليون .... رهف : لك ع هالجرأة وبتحكي بكل برود كمان .. سارة : حاج تكابري يا بنت بس الافضل ما تفكري فيه .. رهف : وليه بقى ؟ سارة بأبتسامة خبث : مبارح سمعته بالغلط عم يحكي لامي عن بنت بحبا وبدو ياها تروح تطلب ايدا لان ماله حدا الا امي يروح وهيه على ما اعتقد دكتورة هيك سمعت .. بتجمد رهف لما بتسمع هالكلام وبتلمع عيونا بحزن والدموع تجمعت فيهن بتحكي ببرود : اي الله يهنيه ويسعده ، خلينا نعمل قهوة تأخرنا ... رهف : سارة انتي خديلن القهوة حبابة .. سارة : ليه شبك ؟ رهف : شوي ولاحقتك ما بتاخر .. سارة : طيب يلا ناطرتك .. بتروح عالحمام بتسكر الباب وبتستند عليه ، بتحط ايدا ع تما وبتصير تنزل دموعا بصمت .. رهف : ياربي ليه علقت قلبي بشخص مو الي ، انا ايمتا حبيتك لهدرجة كرمال الله طلاع من قلبي وتفكيري ح تموتني .. بتمسح دموعا وبتروح بتغسل وشا وبتطلع لتلاقي سارة ناطرتا قدام الباب .. سارة : خلينا نطلع ع غرفتك بدي احكي معك كلمتين .. رهف : اا .. طيب امشي لنشوف سارة وهيه كاتمة ضحكتا : كنتي تبكي ؟ رهف : لا ما بكيت ، ليه بدي ابكي .. سارة : عيونك حمر و مبين بكيانه بس ما علينا ، مو انتي ع أساس ما بتأمني بالحب وهو شي خيالي مو موجود .. رهف : مبلا .. سارة: كيف لكن هيك قلبك حبو لهدرجة .. رهف : لك انا ما بحب حدا ولا بقى تجيبي سيرته عم تفهمي .. بتنفجر سارة بالضحك : عم امزح معك كنت يا هبلة ... رهف : ما فهمت ؟! سارة :يزن ما حكا لامي تطلبلو حدا بس حبيت اختبرك بتمسكا رهف من شعرا لسارة .. رهف : لك انتي ... ليه هيك عم تكذبي بعدين انا شو بدي فيه .. سارة : ااه .. لك خلص تركي شعري بدي اقلك ع شغلة .. رهف : تفضلي شو لسا بدك تكذبي عليي سارة : انا حاسة انو يزن بحبك مو حاسة متأكدة.. بتبتسم رهف ببلاهة : شو الشي الي خلاكي تحسي او تتأكدي كذبي لسا لشوف عجبتني هالكذبة .. سارة : هههه لك لا وربي انا ع طول بشوفه بيراقبك ، لما بتكوني قدامه عيونه بتصير تلمع ،بتعرفي امس يوم نمتي عنا كنت بالمطبخ طلعت لقيته واقف عم يتأملك وهو باسم الثغر وحتى طلب مني غطيكي لتبردي .. رهف : ههههه قلتيلي باسم الثغر صايرة تتفصحني كمان ... بعدين بتتلاشى ضحكة رهف وبتسرح بالارض سارة : شبك وين صرتي .. رهف : ولاشي بس بجوز هي كلا اوهام لو بحبني كان حكا سارة : هاد بدو يحكي لك متلك بالزبط كبرايائه عظيم مع كم كيلو غرور ..يا عيني طنجرة ولقت غطاها ... سارة : شو رأيك نعطي هالحب المخفي فرصة لينكشف .. رهف بضجر : وكيف بالله .. سارة : قومي نروح لعنا عالبيت بدي شوف ردة فعله لما يشوفك رهف : مجنونة انتي كيف بدنا نروح وكلن هون ما بصير بعدين شو السبب الي بدو يخلينا نروح لهناك .. سارة : تركيها عليي انا نازلة الاقي حجة وأنتي جهزي حالك .. رهف مع أبتسامه عريضة : لك فديت قلبك انا ايه .. سارة : ههههه والله شكلو ماسح بغرورك الارض لحقيني ... بتنزل سارة ... سارة : ماما نسيت الكتاب الي ع اساس ندرس منه انا و رهف بدي روح عالبيت اجيبه.. زينب : ليه رهف مو عندا هاد الكتاب .. سارة : لا هاد عطانا ياه الدكتور وقال بتستفادو منه بس نسخه وعندي هيه قصي :طيب انا بروح بجبلك ياه وين حاطتيه سارة : لا ما بدي عذبك معي وبعدين ما حتلاقيه بسهولة لان رميته بين الكراكيب .. قصي : طيب هلق بدكن تروحو لحالكن مشوار بعيد ... سارة : معليه بنروح وبكون رجع عمار من شغله هو بيوصلنا لهون .. ام عمار : طيب روحي بنتي .. بتنادي سارة لرهف وبروحو سوا .. رهف : والله وطلعتي بتكذبي بمهارة .. سارة : ههه شو نسيانه شو عملت فيكي من شوي بالمطبخ .. رهف : سكتي وقفتي قلبي .. بوصلو للبيت وبتكون رهف قلبا عم يخفق بقوة لانها رح تشوفه ... بيدخلو عالبيت ... سارة : تحركي ليش وقافة .. رهف : خايفة يا سارة قلبي طلع من مكانه .. سارة : لك شبك قومي نطلع ع غرفتي ما عم قلك نروح لعنده .. بيطلعو لفوق وغرفة زيد مقابلة لغرفة سارة بكون الباب مفتوح وقاعد يزن هو وزيد ع الطاولة ماسك القلم وعم يشرحله مسألة .. زيد :سارة شو رجعتي حبابة عملي قهوة .. سارة : لكن خدامة عندك لان سارة .. بضحك يزن ع ملاسنتن فجأة بتضهر قدامه رهف : خلص انا بعمل تكرم عيونك استاذ زيد زيد : يخليلي اختي رهف ، بيلوي تمه مو متل باقي الخوات .. سارة : ضب لسانك وانتي عمليلو قهوة انا رح طالع الكتاب وجاييتك .. بتنزل رهف بتعمل قهوة وبطالعها ... بتصرخ سارة ع زيد لما بتدخل رهف عالغرفة زيد : لك شبها هي ، لشوفا وراجع ... بيبقو رهف ويزن لوحدن بتحطله فنجان قهوة قدامه .. بيرمي القلم من ايده وبيمسك الفنجان .. يزن : مبينه من ريحتا طيبة .. رهف : ما بعرف جرب .. بياخد رشفة وبغمض عيونه ليستذوق .. يزن : طيبة يسلم ايديكي .. رهف : صحة وهنا .. يزن : قعدي ليه واقفة ... رهف : ااا .. لا بدنا نمشي يزن : ايوا ، طيب رهف بقلبا : بتقوليلي بحبني كمان ، هي نظرة واحد بحب لك حتى ما عم يطلع فيني ... بتطلع من الغرفة وبتنزل عالدرج بهاللحظة بكون واصل عمار .. لما بتشوفه بتحاول تتجاهله بس بقرب منها وهو عم يحكي .. عمار : كيفك رهف .. ليه مبارح ما رديتي ع اتصالي ... رهف : بعد عني وروح من وشي ما رح رد عليك اذا بتتصل العمر كله .. بيبتسم بقهر : لكن ع مين بتردي .. رهف بصوت عالي : لك ما دخلك تركني بحالي برد ع الي بدي ياه انت شو الك علاقة ... بيصرخ فيها : يا مجنونة انا بحبك .. بحبك ليه ما عم تفهمي وين حتلاقي حدا يحبك متلي .. بكون صوتن واصل لعند يزن بيصنت وهو عم يتسمع ع حديثن وبيكسر القلم بايده بدون ما ينتبه ... زيد : سارة مو هاد صوت عمار لك ليه هيك عم يحكي مع رهف .. سارة : الله يستر هاد اخوك طق عقله عالأخر انا نازلة شوف.. رهف : سارة يلا خلينا نروح .. عمار : ما بتروحي ع مكان قبل ما تسمعيني وتجاوبي ... رهف : فشرت بعد من طريقي .. بيسحبا من ايدا وبيدخلا ع الغرفة وبقفل الباب ... #يتبع *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```