*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *حبيبتي.الخائنة.البريئة.❤‍🩹.tt* *❴🔢❵☟الـــبـــــــــــ❴5️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ #حبيبتي_الخائنة_البريئة #بقلم_سديم #الجزء_الخامس . رجعت ع بيتا وهيه بتوزع أبتسامات ... رهف : كيفك تيتا .. كريمة : الحمدلله تعالي قعدي جنبي .. قعدت جنب ستا وحطت راسا ع كتفا .. رهف : تيتا انا فرحانة كثير حاسة حالي مالكة الدنيا كلا .. كريمة : ان شاء الله ع طول بشوفك هيك شكلك عشقانه يابنت... غمضت عيونا وهيه بتحكي : لا مو عشقانه بس هيك ، لان رح تخلص هي السنة وبكون ضللي سنة بالجامعة وبرتاح ... كريمة : هههه لمن بدك تكذبي عرفي ع مين تكذبي ، ع كلن الله يوفقك وشوفك بأعلى المراتب يا روحي ... باستا من راسا و هيه طالعه ع غرفتا كانت دندن وتغني الكل .. مستغرب ليه هيك متغيرة البنت المدللة المغرورة فجأة صارت واعية وعاقلة وتساير الكل .. عند سارة ... كانت قاعدة بتدرس ، شعراتا منكوشات وقداما ع الطاولة الاكل اكثر من الكتب نفخت بضجر : اوف منك يا رهف من يوم ما حبيتيه وسرقك مني عم اشتقلك يا بطيخة ، مسكت تلفونها ورنتلا ... رهف : اهلا سروش سارة : تف عليكي انتي وحدة خاينة وما بتسوي قشرة بصلة ... رهف: اوف اوف شبك اهدي علينا ... سارة : اشتقتلك يا دبة اشتقتلك وينك .. رهف: بالبيت تعالي نامي عندي اليوم حبابة .. سارة : بالله وليه لانام عندك ؟ رهف : لاني انا كمان اشتقتلك قومي تعالي . سارة : خلص جاييتك بس لاخد الأذن بالاول .. رهف : ااوكي ناطرتك .. وقفت قدام المراية طلعت ع شكلا الي بخوف راحت غسلت وشا و سرحت شعرا نزلت لتطلب من عمار يوصلا لعند رهف بعد ما وافق ابوها انها تنام عندا ... اما رهف بدلت ثيابه لبست بيجامة عملت شعرا ضفيرة و جهزت جو سهرة الها ولسارة ... نزلت بخطوات سريعة لما بيرن الجرس لتفتح لسارة ، فتحت الباب فورا هجمت عليها سارة ضمتا وهيه بتحكي بصوت عالي ... سارة : يا حمارة شتقتلك ... زينب : ههههه ليه ما كنتو سوا من شوي .. سارة : ااا ..مزبوط بس ما بضاين بدونها شو اعمل لهيك بدي ثقل عليكن اليوم ونام هون زينب : له يا سارة انتي بغلاه رهف اهلا وسهلا ياروحي سارة : تسلميلي .. رهف : اذا خلصتي انقلعي قدامي عالغرفة .. سارة : امرك .. طلعوا عالغرفة سكرت الباب ومسكتا من شعرا ... رهف : الله لا يوفقك كان روحتيني بداهية مسكيه للسانك ... سارة : اصلا بتعرفي الحق عليي جيت لعندك حيوانة .. رهف : خلص سروش والله بمزح معك تعالي يا عمري ... سهرو سهرة حلوة كانت صوات ضحكتن جاويه بكل البيت ... سارة بتعب : رهوف انا نعست وانتي .. رهف وهيه عينا ع تلفونها : قومي نامي انا مو نعسانه ... سارة : بربك مو عم تحكي معه لك ما بتملي انتي ، شو عم تحكو ورجيني .. رهف :ههههه شو دخلك يا حشىرية .. سارة : هلق هيك بسيطة ... رهف : ما عم احكي معه بس عم شوف الصور تصورناها اليوم .. سارة بأبتسامة خبث : طيب ورجيني الصور .... خطفت التلفون من ايدا بخفة .. ونطت عالسرير وهيه بتقلب بالصور ... بتشهق رهف بدهشة : لك هاتيه يا مقصوفة الرقبة .. سارة : ههههه يا عيني عالرومانسية شو هاد بس والله هو احلا منك بصراحه .. اخدت التلفون رهف من ايدا وهيه.. مزاورتها بغيظ : عيدي شو قلتي هو احلا مني مو .. لك تضربي من بين الرفقة ايه ... سارة : وليي لا طلعي فيني هيك بمزح معك انتو التنين بتجننو ولايقين لبعض كثير .. ضربتا بالمخدة لسارة وقعتا من السرير عالأرض ... رهف : ههههههههه وين طرتي والله ما ضربت بقوة ... سارة : الله ياخدك نكسر ضهري تعالي جلسيني قربت رهف ومدتلا ايدا سحبتا سارة من ايدا وقعتا جنبا ومسكت مخدة وبدأت تضربا فيها ... رهف : هههه حاج بكفي شو لئيمة .. سارة : نعم الي بده يلعب مع القط لازم يتحمل خراميشه ، انا رايحه نام وبس خلصتي تأمل بحبيب القلب نامي بس اوعك تخربطي تفكرني يزن وتنامي بحضني بموتك والله .. رهف : ههههههه خليني جرب .. سارة : لعما شو وقحه شكلو نزعك عالأخر ههههههه .. رهف بخجل : تضربي ايه عم امزح معك .. سارة : خلص ما تخجلي تعالي جربي عادي رهف : هههه لك خرسي .. بعد شوي تسطحو عالسرير جنب بعض سارة بتغط بنوم عميق ورهف بتكون بتتقلب بتحاول تنام ... تاني يوم صحيت بتكون سارة حاطه رجليها ع رهف وساحبة الغطة عنها ... بتصحى و بترفسا ... رهف : لك بعدي عني الله لا يوفقك ضهري مكسور شو ثقلا رجلك طون .. صحيت سارة وهيه بتمد أيديها ضربتا لرهف ع وشا .. رهف : لك يا الله شو دفشة لو نايمة عالكنبة اشرفلي ... سارة هيه بتتاوب : شبك من الصبح بتعيطي ... رهف : قومي يلا خلينا نفطر وندرس شوية قبل ما تروحي ... مرت الايام اجت الامتحانات وخلصت نجحت رهف بأعلى معدل بين زملائها ... كانت واقفة بتقرأ نتيجتا بالجامعة بفرح رهف : الحمدلله اني نجحت يلا باقي عليي سنه بس وبخلص بقى ... سارة عابسة : والله درست منيح ليه هيك معدلي ... رهف : منيح معدلك المهم انك نجحتي يا هبلة ... سارة : يلا منعوضا سنة الجاي ... لتفت رهف لتشوف يزن واقف وراها مبتسم ... قربت منه وضمته : حسيت انك هون بس هلق تأكدت ... سارة : يا عيب الشوم بعدي عنه للشب خنقتيه يزن : هههه معليه انا رضيان ، مبروك حبيبتي .. رهف : تسلملي يا روحي... يزن : عازمكن عالغدا بمناسبة نجاحكن .. سارة : لا روح انت وهيه انا بتغدا بالبيت .. رهف : مو ع كيفك يلا امشي قدامي .. سارة بهمس : لك ما بدي انزع عليكن الجو .. يزن : عادي نزعيه سارة من بين سنانه : سمعني الله ياخدني نزلو قدام مطعم فخم كان يزن حاجز طاولة قبل بوقت ... ناده للكرسون اجت بنت شقرا حلوة وناعمة .. .... : تفضل يزن : المنيو لو سمحتي ... عطتهن المنيو وهيه عيونا ع يزن ورهف نار شاعة بقلبا من نظراتا الجريئة بعد ما سجلت طلباتن وبدا تمشي وقفت ووجهت كلاما ليزن ... : حضرتك اول مرة بتجي لهون يزن : ا... قاطعتها رهف وهيه مبتسمه بحنق : اي واخر مرة كمان ... ...: اسفة اذا دايقتك بسؤالي ... رهف : مو مشكلة بس امشي من هون .. بتسم يزن من غيرة رهف ، وطلع عليها رهف بغضب : بلاها هالأبتسامات بالأماكن العامة وخاصة قدام البنات .. نفجر بالضحك بعد ما كان بحاول يكتما رهف : يزن شبك ما قلت شي بضحك .. يزن : ههههههه اي بعرف .. رهف : حاج تضحك بربي بقوم بمشي .. حط ايده ع تمه خلص سكتت .. سارة : يخرب بيتك ما حكت شي البنت بدك تاكليها .. رهف : اي والله كنت متمنيه اكلها شو حقيرة مسك يزن ايدها ليهدي شوي من غيرتا .. قربت منه وحكت بهمس : انا الوقعني بحبك ابتسامتك الي بتسلب العقل حبيبي لا تعذبني .. يزن : خلص ليكيني كشرت بس لا تزعلي اي .. رجعن سارة قبلن عالبيت وهنن بقيو سوا .. رهف : يزن حابة ارجع عالبيت مشي .. يزن : كيف بركي حدا من اهلك شافنا سوا .. رهف : عادي منتحجج انك شفتني بالشارع وحبيت توصلني ... يزن : ع فكرة انا كثير حابب ننكشف عشان اضطر روح اخطبك غصب عنك .. رهف : بكير حبيبي بكير ... يزن : ااه صابر شو بدي اعمل ... مشيو سوا وهنن شابكين ايدين ببعض ... رهف : اوووه... شكلو نكسر كعب البوط شو هالورطة .. يزن : جد! رهف : هههه اي والله يلا منيح صرنا قريبين من البيت خلعت البوط من رجليها وحملته بايديها ... وقف يزن خلع بوطه ولبسا ياه .. رهف : لا عادي بحب امشي حافية .. يزن : لا ما بصير ، اخد بوطا من ايدها.. ومشيوا لما وصلو بروح من ورا البيت متل الحرامية ، رجعتله البوط رهف : يسلمون حبيبي يلا انا رايحه .. لتفت لتمشي شدا من كنزتا ... يزن : وين رايحه يا بخيلة .. رهف : هههه عالبيت شو بدك .. يزن : بعرف انك فهمتي عليي نفذي .. قربت منه و باسته من خده .. رهف : تمام هيك يلا باي ... حاولت تهرب بس هالمرة شدها وحضنا بقوة همسلا بعشق : بحبك ، صرت متيم فيكي ، عم تخليني اشتقلك كثير .. رهف : مو قدي ،صرت حبك اكثر من كلشي بالهدني اكثر من امي وابي كمان ... بعد عنها و تنهد : صار فيكي تروحي هلق .. رهف : تصبح على خير حبيبي يزن : وانتي من اهله يا قمر ... ................... كان واقف قدام شباك غرفته بتنفس الهوا البارد .... عمار : هلق صار فيني قول صرت بخير صرت اتذكرك وما حس بوجع بقلبي ، عم اتخلص من حبك شوي شوي ، او ممكن بكذب ع حالي ، منيح خليني بكذب ومصدق الكذبة ... دقت الباب ودخلت لعنده ... سارة : اخي قاصدتك بطلب ... عمار : من عيوني بس شو هالطلب؟ سارة : تاخدني عالسوق بدي اشتري فستان بكرا خطبة صديقتي هديل .. عمار : طيب روحي جهزي حالك .. سارة : يخليلي ياك يا احلا اخ بالدني .. ابتسم عمار : ولو كم سارة عندي .. طلعت وسكرت الباب ومسكت تلفونها ... رنت لرهف ... رهف : اهلا .. سارة : حتروحي بكرا ع خطبة هديل مو هيك رهف : اي اكيد سارة : انا نازلة اشتري فستان بس معي عمار كان قلتلك امشي نروح سوا .. رهف : لا عادي ما ح اشتري شي ،بدبر حالي من الي عندي ... سارة : طيب بشوفك بكرا ،باي رهف : باي ........................... باليوم التاني لبست فستان أرجواني لتحت الركبة و كمامه دانتيل اله حزام ذهبي عالخصر عملت شعرا تسريحه بسيطة مع شوية ميك اب خفيف ...رن تلفونها وهيه عم تحط اخر اللمسات ... رهف : اهلين حبيبي .. يزن : وينك اليوم ما سمعت صوتك .. رهف : بس انا اتصلت عليك ما رديت .. يزن : ما نتبهت للتلفون كان عندي شغل بالمجلة .. رهف : اليوم خطبة صديقتي وهلق عم جهز حالي لاحضر .. يزن : ممم والله .. رهف : اي والله .. يزن : رهف بلاها الفساتين المكشوفة كثير .. رهف : بس الي لبسته مو مكشوف كثير بكمام يزن : حبيبتي بلا الفساتين لبسي ايا شي غيره رهف : شبك يزن معقول روح ع حفلة خطوبة ببنطال وكنزة مثلا .. يزن : لك والله مو بأيدي خلص عملي الي بريحك .. رهف : دايقت مني خلص بلبس متل ما بدك .. يزن : لا يا عمري ، خلص روحي وانبسطي .. رهف : يخليلي ياك يلا باي يزن : سمعيني رهف .. رهف : اي يزن : اوعك ترقصي هه ... رهف : ههههه لك شبك ، خلص امرك .. يزن : ما بتعرفي ممكن بأي لحظة اجي اخطفك .. رهف : ههه وانا بالأنتظار .. بعد ما سكر التلفون رماه عالكنبة وقام مشي وهو بغرز أصابعه بين خصلات شعره بعصبية رجعته ذاكرته ليوم عرس قصي كيف عمار كان يتغزل برهف قدامه وقام رقص معها .. يزن : اوف حاسس شعلة نار بقلبي ايمتا بدا تصير ع أسمي وخبيها عن العالم كله يا الله ما اعندك يا رهف ... راحت رهف وسارة سوا ع الحفلة باركو لهديل وبعدا قعدو ع طاولة لوحدن .. كانت كثير عيون موجها ع رهف من لما فاتت فتنت الناس بسحر طلتا ... سارة : رهف شوفي كيف عم يطلع عليكي بربي ما يشوفه يزن لينتفه ... رهف : اوف من غير شي كان غيران وما بدو ياني اجي .. سارة : حلو الحب مو ؟ رهف : كثيرر ، بس تجربي بتعرفي هالشي .. سارة : يا سبحان مغير الاحوال اكاد لا اصدق ما اسمع ... رن تلفون رهف بمسج من يزن .. يزن : ( ارسليلي موقع المكان الي انتي فيه ) رهف : ( طيب ح أرسله بس ليه ) يزن : (جاي اخدك معي ) رهف : ( حبيبي بس لسا هلق وصلت ) يزن : ( ما بعرف اعتذري خلقي حجة المهم بس رنيتلك بتطلعي لبرا ) رهف : ( اه منك ، طيب ناطرتك ) رهف لسارة : سارة حاسة يزن مزعوج هو جاي وبدو ياني روح معه ... سارة : خلص حفظت الدرس( كنا سوا ) ... رهف : كمان اعتذريلي من هديل ... سارة : امري لا الله شو كمان .. رهف : بس هدول .. طلعت رهف لتنطره برا لحقا شب ، من الحضور وحاول يحكي معها ... ...: ممكن نتعرف ...: ليه ما عم تردي ، مغرورة بيلبقلك والله .. رهف : اذا ما بتمشي من هون ح تشوف شي ما يعجبك .. ....: مرتبطة ؟ اذا مو مرتبطة عطيني فرصة رهف : يا ربي روح قبل ما يجي يشوفك والله ما ح يحصل خير .. .... : مين هاد الي بدي خاف منه واروح هه حابب شوفو .. مسكه من قميصه وعيونه بتلمع بغضب حكا من بين سنانه وهو شادد قبضة ايده : شو عم تعمل هون ولاا رهف : حبيبي ما عم يعمل شي .. ... : هاد هو حبيبك الي بدي خاف منه .. ضربه يزن ع شو وقعه عالارض نزل لمستوه وصرخ فيه : كيف بتتجرأ وبتحكي معا ااا ؟ بغمزه الشب وبحكي بأسفزاز: حلووووة أنفعل يزن وبلش فيه ضرب لحتى دخلو شبين و بعدوه عنه ... مسكا من ايدا بقوة وسحبها وراه ... يزن بعصبية : طلعي بالسيارة .. رهف بأنفعال : شبك ليه بتحكي معي با هالطريقة هي ... يزن : ما بتعرفي ليه ، قلتلك طلعي يلا .. رهف : لا ما ح اطلع وعميل الي بدك ياه .. بتنزل دموعا ع خدا تركته واقف مكانه ومشيت .. يزن بنفاذ صبر : لك اه منك ومن عنادك لحقا مسك ايدا وفتلا لعنده مسحلا دموعا ... يزن بنبرة هادية : حبيبتي لا تبكي ما بتحمل شوف دموعك ... رهف : وانا ما بتحمل اسمعك بتصرخ فيني .. يزن : اوف ، لا تلوميني بس جنيت لمن شفته بحكي معك وبطلع فيكي ، انا بغار رحميني رهف : حصل خير ... قرب منا حضنا وقلبه شاعل بنار .... يزن :(لَهفِي عليك يكادُ يكسِرُ أَضلُعِي ولديك شَوقِي راكعٌ أَو سَاجِدُ صِلنِي حَبِيبِي إِنَّ عِشقِيَ صَادِقٌ بَل أَلفُ عِشقٍ بِي، وقلبي وَاحِدُ ) دمعت عيونها لما حست قديه كلامه صادق وانه فعلا بعشقا بجنون .. يزن : بردتي ؟ رهف : لا مو كثير لابسة جاكيت .. شلح جاكتيه وحطا ع كتافها .. رهف : حبيبي بتبرد هيك ... يزن : اااه يا ريت ابرد ، شو رأيك نروح نشرب قهوة عند البحر .. رهف : منروح .. قعدو ع مقعد مقابل البحر رغم انه بكون الجو بارد كثير بس مو هاممن المهم هنن مع بعض ... رهف : حبيبي ليه بتحب البحر كثير ... يزن : ما بعرف بس برتاح كثير لمن بجي لهون ... رهف : بتعرف يزن: شو رهف : احيانا بشوفك كثير بتشبه البحر .. يزن : ههه كيف يعني .. رهف : بتشوفه هادي من برا وهو داخله غامض ... اذا بتغوص فيه بتتفاجئ بكثير شغلات... وانت هيك ، لما بتنظر للبحر بتحس شي عم يجذبك لضل مركز نظرك عليه ، وانت بالنسبة الي هيك .. يزن : حبيبة قلبي رهف : طيب كمان سؤال ،ليه بتحب اللون الاسود كثير وع طول بتلبس اسود .. يزن : هيك بالفطرة بحب اللون الاسود ليه مو حلو ؟ رهف : بالعكس المشكلة انه بيرميلك كثير وانا قلبي الصغير لا يحتمل ... يزن : هههههه دخيلو لقلبك رهف : طيب بتعزف عالبيانو لانك بتحب ولا هيك بس .. يزن : الانسان اذا ما كان بحب الشي ما بيقدر يعلمه ، بحب اعزف عالبيانو الوحدة علمتني كثير شغلات ... قربت رهف منه وحطت راسها ع كتفه ... رهف : مللتك بأسئلتي مو يزن : اذا بتسأليني العمر كله ما بمل منك .. رهف : طيب اخر سؤال .. يزن : هههه هاتي لشوف ... رهف : قديه بتحبني ؟ يزن : اوووه هاد سؤال صعب يعني مافي كلمة بالكون بتوصف حبي الك... اذا بضل لبكرا عم احكيلك قديه بحبك وبعشق عيونك وصوتك وشعرك ، ههههه بتعرفي هي الحركة الي بتعملهيا لمن بدك تستفزي حدا انا بموت فيها ضحكت رهف بشقاوة : اينا منن ؟ يزن : لمن بتردي شعراتك بايدك وبترفعي حواجبك بغرور .. رهف : هههههه هيك يعني وقلدت الحركة .. يزن : هههههه ، خلص قعدي عاقلة ... ضما لعنده وهو حاسس انه مالك الدنيا شبك ايده بأيدها ... يزن : حبيبتي بكرا عندي سباق بتقدري تجي ... رهف : سباق!! يزن : اي سباق سيارات رهف : يا عيني كمان سباق سيارات حبيبي قديه لسا بدك تفاجئني فيك .. يزن : هههههه يعني هلق تفاجئتي .. رهف: ما بعرف انت مو شخص عادي متعدد المواهب والهوايات .. يزن : هلق جاوبيني ع سؤالي حتحضري لما لا رهف : ليه فيني ما احضر ... يزن : معناها بكرا الساعة 12 بتكوني جاهزة رهف : حاااضر يا روحي ... ...................................... كان واقف لابس بدلة السباق والخودة اما هيه بتراقبه من بعيد ، ركب سيارته بعد ما طلع عليا وبتسملا .. .... : 3 ..2...1...انطلاق ... رهف بقلق : ياربي احميه ، ما كان لازم اخليه يشارك ، اوف كيف بسرع ح يوقف قلبي من الخوف .. كان رقم سياره يزن 5 لونها اسود ... ابتسم بثقة وزاد السرعة وتخطى رقم 3 .... يزن : معليه منلعب معكن شوي ما حلوة من اولا تفقدو الحماس ، زاد سرعته وتخطى رقم 2 ... غمضت عيونا وشهقت بفزع : ياربي حيصطدم بالسيارة الي قدامه ... فتحت عيونا لتشوف عالشاشات انه صار رقمه 1 .. ولساتن بمنتصف الجولة ... رهف بصوت عالي : برافووو حبيبي برافوووو يزن : صار لازم خفف السرعة شوي وأتسلا لسا الطريق طويل .... خفف سرعته ورجع ترتيبه رقم 4 ... رهف : لك ليه هيك تراجعت!! معليه المهم ما تسرع كثير وتأذي نفسك ... كانت تراقب بدقة شديدة تارة تخاف وتارة تنط من الحماس ، بعد مرور دقائق وشارفت الجولة ع الأنتهاء كان ترتيب يزن 3 ... رهف بقلبا : معقولة ما تفوز حبيبي .... يزن بحماس : ممم... هلق صار وقت الجد ، زاد سرعته لأقصى حد مر من بين السيارت بكل خفة و مهارة .. صرخت رهف بخوف : يزن .. سرعان ما تلاشى خوفا وصار فرحة لمن شافته عدا خط النهاية بترتيب 1 واعلن الحكم نهاية المنافسة وفوز يزن بالسباق ... نزلت من بين الجمهور وركدت لعنده قفزت لحضنه بفرح : مبروووك حبيبي انت اكثر من رائع .. طبع قبلة ع جبينا ، بتقرب منن بنت كانت مشاركة بالسباق و ترتيبها الثانية .... ...: يزن انت مو معقول كل مرة هيك بتعمل فينا .. بيتسملا يزن : ما حلك تتعودي ... كانت رهف بتراقب حديثن بغيظ .. مدت ايدها البنت لتصافح يزن بس سبقتا رهف ومسكت ايده وشدته ليمشو ضحك من غيرتا و مشي معاها لتفت عالبنت رفعتلا حواجبا وردت شعرتا مع ابتسامه ثقة و تابعت ... يزن : هههههه ما بتقدري بدون هالحركة مستحيل ... رهف : آآآآي لوووف يوووو ماي ديرررر يزن : ميي تووو مااي برينسس ... .................... بمكان تاني .. كان قاعد ورا مكتبه اجاه اتصال ... نبيل:احترامي سيدي .. .... : شو صار معك فكرت بالموضوع ؟؟ نبيل : انا جاهز اعمل اي شي بتأمرني فيه حضرتك ... ..... :انا ح أرسلك الملفات والصور وحاول تنهي الموضوع بأقصى سرعة انا حاسس انه عم يتعلق فيها كثير وهالشي ما لازم يصير .. نبيل : حاضر سيدي انا ح أدبر طريقة التقي فيها.. وشو بصير بخبرك ... ....: تمام .. (( نبيل ضابط برتبة نقيب عمره 30 سنة نشأ يتيم ما أله حدا شب وسيم وحنون بس قاسي بعض الأحيان ..)) ......................... كانو ماشيين بالسيارة ... رهف : ما في هون فلاش او ميموري أغاني .. يزن : مبلا فتحي المسجلة وأختاري اغنية .. صارت تبدل بالأغاني ، مسك ايدا .. يزن : بس .. تركي هي الاغنية حلوة ... حط ايدها مكان قلبه وصار يغني مع المطرب ... دابت فيه وبصوته ونظراته الي كلها عشق ... رهف :اااالله ... لك اه من صوتك وحلاوته ورطت حالك بدي كل يوم تغنيلي .. يزن : بفكر بالموضوع بشرط تفكري بموضوع الزواج او عالاقل خطبة ... رهف : حبيبي ليه مستعجل لحقانين ، كثير بقولو بعد الزواج بينقص الحب او يمكن بيختفي وانا ما بدي بدي ابقى هيك ... يزن : مجنونة ، معقولة مو شايفة قديه بحبك وبعشقك انا عم اشتقلك كل ثانية وانتي بعيده عني، انتي نسيتيني كل الدنيا تفكيري بضل معك ، قوليلي كيف بدو يختفي هالحب بعد الزواج بالعكس ممكن يزيد اكثر واكثر .... رهف : طيب حبيبي ح فكر ... ............... وهيه راجعة عالبيت كانت حاطة ايديها بجياب جاكيتا بتمشي بخطوات بطيئا عم تفكر بكلام يزن مشان الزواج ... رهف بقلبا : حلو انك تصير شريك حياتي لما اصحى الصبح تكون اول شخص اشوفه اشاركك بكل لحظة وكون قريبة منك ع طول بس بخاف تمل مني ويصر وجودي بالنسبة الك شي عادي ما بعرف ليه هالتفكير مسيطر ع عقلي ... بحبك لدرجة ما بدي حبك الي ولهفتك ينقصو ولو ذرة ... بس كمان انا عم بشتقلك كثير الافضل نتزوج وح أخليك كل يوم تحبني اكثر ... ابتسمت وغمضت عيونا وهيه بتمشي كانت نسمات الهوا الباردة تلعب بشعرتا وانفا تلون بالاحمر من برودة الطقس ... قاطع احلامها الوردية صوت شب كان واقف بعيد عنا مترين مستند ع سيارته ... نبيل : في حدا بيمشي وهو مغمض عيونه ومبتسم ما تكوني هربانه من مشفى المجانين رهف بدهشة : وانت شو علاقتك هه عالم حشرية ...وتابعت مشي ... نبيل : انسة رهف بدي احكي معك بموضوع 10 دقايق من وقتك لو سمحتي ... رهف بأستغراب : كيف عرفت اسمي مين انت نبيل : انا شخص بعرفك كثير منيح بتحبي نطلع بالسيارة ونحكي ولا نروح ع شي محل .. حست رهف بشوية خوف منه : شو بدك مني ما بدي احكي معك لا هون ولا بمحل ... نبيل : طيب واذا قلتلك الامر بتعلق بحياة ابوكي السيد جمال .. وقفت رهف مصدومة وزاد خوفا لتفتت لعنده ومشيت بأتجاهه .. رهف : شو فيه ابي و مين انت ؟ نبيل : طلعي بالسيارة و ح تعرفي كلشي لا تكوني عجولة ... طلعت رهف بدون تردد بعد ما سمعت اسم ابوها و عندا فضول قوي تسمع الي بدو يخبرا ياه ، ركب بالمقعد الي جنبا وعطاها اوراق وصور : تفضلي شو في هدول وح تعرفي شو قصدي ... اخدتن هيه بتشوف الصور فتحت عيونا عالاخر وشهقت بدهشة : لا مستحيل ، مين انت شو بدك ؟؟ طالع نبيل بطاقته العسكرية وورجاها ياها .. رهف : نقيب!! بابا مستحيل يعمل هيك هاد كذب والله كذب ، طيب شو بدك مني انا .. طلع ع عيونا الي أمتلو دموع وقال بنبرة جادة .. نبيل : بدي تتزوجيني ... طلعت فيه بصدمة وعقدت حواجبا رمت الاوراق بوشو وطلعت من السيارة ، نزل ورها لحقا مسكا من ايدا وفتلا لعنده ، رفعت ايدا وضربته كف ع شو .. رهف : انت اكيد جنيت روح من خلقتي .. نبيل : اذا قدمت هدول الاوراق لمدعي عام بتعرفي شو حيصير بابوكي انتي دارسة حقوق وبتعرفي كثير منيح .. رهف : لك انت كيف بتعرف كلشي عني من وين طلعت شو بدك مني كيف بدك تتزوجني وانا ما بعرفك ، بعدين انا مرتبطة وفي حدا ساكن قلبي ... نبيل : معليه انا مراقبك من زمان وبدي ياكي حتى لو كان الف واحد ساكن قلبك .. خانتا قوتا ونزلو دموعا ، ناولا كرته... نبيل : هاد رقمي بس قررتي خبريني معك مهلة لبكرا الساعه 10 و اذا ما رديتي خبر الساعة 10 ودقيقة ح تكون هي الملفات مقدمة و10 ونص ابوكي ح يكون بالسجن .. ابتسم بأستفزاز ومشي ركب سيارته وتركا بتبكي .. رجعت عالبيت وهيه عيونا وارمه من البكي ضايعه محتارة مو عارفة الدنيا اخدتها وين .. طلعت ع غرفتا وسكرت الباب ع حالا قعدت بكيت كثير وهيه بتفكر وعقلا ما عاد يقدر يستوعب شي صارت هلق مخيارة بين ابوها او يزن .. رهف : يارب شو بدي اعمل ليه هيك صار اه ياريت اني بحلم واصحى الله يسامحك يا بابا ليه هيك عملت والله ما عم صدق ... تماسكت شوية وفاتت غسلت وشا وبدلت تيابة نزلت لعند ابوها ... جمال : اهلين بحبيبتي تعي قعدي جنبي .. قعدت جنبه ودفنت وشا بحضنه ... جمال : شبك بابا ليه حاسك مو ع بعضك .. حاولت انها تحكي بس كانت الغصة خانقتا ،رفعلا وشا بايده ليشوف خدودا مليانين دموع .. جمال بدهشة : رهف بابا شبك انتي منيحة ، شو صاير يا عمري .. كريمة : شوفي تيتا غليتيلي قلبي عليكي .. مسحت دموعا وزبطت قعدتا ... رهف بتعب : مافيني شي بس كنت مدايقة شوية وهيك رتحت ، ح اتصل بسارة تجي لعندي .. وهيه طالعه نظرت لستا وابتسمت ... رهف بقلبا : يا ترا اذا صار شي لابي كيف ح تتحملي ؟؟! انتي من جرح فقد عمي لسا ما تعافيتي اه يا تيتا شو بدي اعمل .. طلعت ع غرفتا ارتمت ع سريرا بتعب وهيه بتبكي فتحت ع صورة يزن ضمتا لصدرا وهيه بتكتم ...شهقاتها ودموعا بللو مخدتا ... #يتبع *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```