*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *حبيبتي.الخائنة.البريئة.❤‍🩹.tt* *❴🔢❵☟الـــبـــــــــــ❴6️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ #حبيبتي_الخائنة_البريئة #بقلم_سديم #الجزء_السادس باليوم التاني ... كانت رهف لسا مو نايمة قامت وقفت قدام المراية ....بتتأمل وشها التعبان وعيونا الي متل الجمر وهيه بتحكي مع حالا ... رهف : انا كيف درست حقوق ومو قادرة احكم ع ابي بالعدل ع اي اساس درست قانون وانا هيك ضعيفة ، درست لحتى امسك الي قتل عمي بس شكلي انسانه فاشلة ومو حمل هالشي ، انا ما فيني كون مع يزن وابي بالسجن طول العمر سامحني يا روحي .. مسكت تلفونها واتصلت ع نبيل ... نبيل : باقي نص ساعة وانا بطريقي للمحكمة قلت ممكن رهف عنيدة .. رهف : انا موافقة اتزوجك بس بشرط .. نبيل : الي هو ؟؟! رهف : زواج عالورق وبس وكمان بعد اسبوع بتجي بتتقدملي انا هلق مو جاهزة قول موافقة بدي وقت لاتقبل هالشي ... نبيل : وانا موافق زواج عالورق لحتى ترضي يصير حقيقي .. وكمان.. سكرت الخط بوشو وضربت تلفونها بالارض ... رهف : الله يلعنك حقير ااااه يا ربي خدني وريحني ... رن تلفونها فكرته هو اجت لتفصل الخط بس كان يزن قعدت عالارض وصارت تبكي ما قدرت تفتح الخط وتسمع صوته ، قفلت تلفونها ورمتو جوا الدرج .. اتصل يزن كثير ع رهف بس كان هاتفا مغلق .. يزن بحيرة : غريب مغلق ..مع انه رن اول مرة ممكن مافي تغطية ، حط تلفونه عالطاولة ورجع مسك كتاب كان يقراه ... كانت ترتجف وجبينا يتصبب عرق وهيه بتهلوس ... زينب : شو صرلك يا روحي ليه هيك فجأة تعبتي .. جمال : لا تخافي حبيبتي قلي الدكتور هلق بترتاح عالدوا ... بعد فترة غفيت رهف وراحت حرارتا غطت بنوم عميق ... __________________ المسا كان واقف قدام باب البلكون وحاط ايديه بجيابه وهو عم يتأفف بضجر .. يزن : وينك رهف ، ماعاد فيني اصبر لبكرا ح اتصل بسارة ... رنلا ... سارة : اهلين يزن يزن : سارة تواصلتي مع رهف اليوم .. سارة : لا من الصبح برنلا وتلفونها مقفل .. يزن : طيب بتقدري تحاكي حدا من اهلا وطمنيني عنها .. سارة : يلا ثواني رح شوف خالة زينب وبخبرك .. يزن : ناطرك... اتصلت سارة ع زينب وخبرتا انها كانت تعبانه كثير وهلق نايمة .. سارة : يزن انا حاكيت خالة زينب وقالتلي رهف كانت مرضانه وهلق نايمه انا رايحه لعندا وبس صحيت بخبرا تحكي معك ... يزن : طيب شكرا سارة .. سارة : العفو ولوو راحت سارة لعندا قعدت جنبا وحاولت تصحيا .. سارة : رهووف قومي ما ارتحتي شوي.. فتحت عيونا بتعب وهيه حاسة بصداع شديد .. رهف : سارة انتي هون سارة : اي يا روحي كيف صرتي .. رهف : أحسن ... سارة : بتقدري تحكي مع يزن هو قلقان عليكي كثير .. دارت راسا لجهة التاني ونزلت دموعا بصمت .. رهف : ما بعرف اذا فيني حاكيه لما لا .. سارة : ليكي ابن الحلال عند ذكره ببان عم يتصل خدي حاكيه .. فتحت الخط وعطتا التلفون ... يزن : الو ، ما صحيت لسا ؟؟ رهف : مبلا صحيت .. يزن : حبيبتي...سلامتك يا قلبي كيف صرتي ؟ رهف : منيحة كيفك انت يزن : هلق صرت منيح دخيل قلبك صوتك تعبان ، بتقدري تقومي لعند شباك غرفتك ، بدي شوفك رح جن .... رهف بغصة : انت هون قامت بتعب وهيه بتتماسك حتى ما توقع وقفت عند شباك غرفتا كان واقف تحت الشباك والدنيا مطر سندت حالا عالشباك و لما شافته ابتسمت لا ارديا .. رهف بتحاكيه بالتلفون : حبيبي برد ومطر ليه واقف عندك ح تمرض .. يزن : اااه يا روحي شو مشتقلك ، رهف انا بدونك بموت .. نزلت دموعا وحكت بصوت مخنوق ... رهف : بعيد الشر عنك لا تحكي هيك ... كان حاسس بنار شاعلة بصدره بنفسه يطلع لعندا ويضمه ويخبيا بين ضلوعه ... ................. بعد عدة ايام تعافت رهف وكانت الها 4 ايام مو شايفته قررت تروح لعنده عالبيت وتمضي هاليوم معه يكون اخر يوم بينن (اخر لقاء ).. كانت واقفة قدام الباب مترددة ترن الجرس ولا تنسحب بهدوء ، غمضت عيونا بألم ... رهف بقلبا : لازم اليوم انسا كلشي واسرق هاليوم من العمر بدي انسا الدنيا كلا اليوم وانا بقربك أبتسمت بقوة ورنت الجرس ... اما هو كان قاعد لشغل نفسه بالكتابة لينسا شوقه الها شوي بس كانت مستوطنته بكل ما تعنيه الكلمة رما من ايده القلم وقام يشوف الباب ... فتح الباب كانت مستنده ع حرفه ومبتسمه .. يزن بفرح : ما عم احلم مو؟! سحبا من ايدا لحضنه و ضما عن ألف عام : شو مشتقلك .. رهف : وانا كثير شتقتلك لهيك رح قضي هاد اليوم معك ... يزن : جد ؟ رهف : اي وبيتك ما بدي نطلع ع مكان .. يزن : طيب تعالي.. دخلوا لجوا رجع ضما بشوق كبير وهو دافن وشو بشعرا بتنفس ريحه عطرا ... يزن بغصة : الحمدلله انك تحسنتي قديه خفت عليكي ... رهف : ههه ليكني مافيني شي كنت ادلل.. مسك ايدا وطبع قبلة دافية ع كفا... يزن : بحبك رهف : وانا بعشقك .. بعدت عنه شوي وقعدت عالكنبة متلبكة ... رهف : اي حبيبي ما بدك تشربني من قهوتك الي بتحبا اكثر مني ... يزن : هههه اكثر منك!! وربي مجنونة . .. دخل عالمطبخ ليحضر القهوة وهيه تفتلت ببيته كان بتصميم انيق ومريح كثير وغير هيك مرتب ونظيف ... وقفت قدام مكتبة بتمتد ع كل الحيط وفيها موسوعة كبيرة من الكتب والروايات ..وفي قسم لكتب يزن ورواياته نادالا يزن كثير بس ما بتكون وعيانه سارحة بعالم تاني ... قرب منا وحط ايده ع كتفا : حبيبتي وين سارحة .. نقزت وطلعت فيه : كنت تحاكيني .. بقى شوي سارح بعيونا تنهد وهو ماسك ايديها : رهف ..شو صاير ليه بعيونك كمية هالحزن ..شو مخبية عني بتسمت لتخفي حزنا : لا حبيبي والله مافيني شي ... يزن : طيب يلا تعالي معي .. طلعوا ع الصالون شربو القهوة و تحاكو بكثير شغلات وهنن بضحكو هو ما كان مصدق انها معه بهاللحظة.... اما هيه كل ما خطر ببالا هي اخر مرة بتشوفه تتلاشا فرحتا ويتقطع قلبا من جوا ... بعد ساعات بتكون قاعده جنبه وهو بتغزل فيها ... يزن : وإني لأعجب من جمال عينيك! كيف لها من نظرة تحتلني .. كفرت في شتى مفاتن دنيتي وأمنت بعين بها فتنتني من قائل أن الممات مرة كم مرة في حسنك قتلتني ) أبتسمت بحب وهيه بتطلع بعيونه ... رهف : طيب انا شو بحكي عن ضحكتك الي بتاخدلي عقلي ولا عيونك اه من عيونك وصوتك... ببادلا الأبستامة وهو بمثل قداما الصمود اما قلبه من جوا كان بيرجف .. يزن :ااااي .... ما جعتي ؟ رهف بثقة : ممم شو رأيك اطبخلك انا .. يزن : بتعرفي تطبخي .. رهف : هلق بصراحه ولا مرة طبخت بس بشوف وصفة من النت ومنطبقا .. يزن : هههه ايواه رهف : اموت انا بهالضحكة يا روحي يزن : قومي لكن طبخي لشوف .. رهف : هيا بنا بدك تساعدني مو يزن : ليه فيني خالف.. دخلت عالمطبخ ورفعت شعرا الأسود الي متل الحرير بان عنقا الي كان سواد شعرا عاطيه بياض ناصع ... قرب منا فك شعرا وسدلا ياه ع ضهرا ... يزن : خليه هيك افضل .. رهف بخجل : طيب .. ااا ..شو رأيك بمعكرونة إيطالية مع جنبة الشيدر .. يزن : حلوو ورجينا شطارتك لشوف .. رهف : ههههه خايفة انزع الطبخة يزن : طيب تعالي تركي النت وانا بعلمك كيف تنعمل ... رهف بأستغراب : بتعرف تطبخ ؟! يزن: اي انا ما بحب الاكل الجاهز كثير لهيك تعلمت اطبخ ، يلا يا حلوة غسلي الفليفلة وقطعيون ... نتبهلا كيف بتقطع الفليفلة قرب منا وصار يضحك مسك السكين من ايدا ... يزن : خلص حبيبتي انتي بس راقبي وتعلمي رهف : هههه ااوكي شو رأيك اغنيلك ؟ يزن : مممم والله ياريت .. مسكت ملعقة كبيرة متل المايك وطلعت فيه وهيه بتغني ... اوعدك وانت بعيد تفضل حبيبي.... اوعدك دايما فكراك ... اوعدك ولا يوم ح انساك .. اوعدك يا حبيبي ولا يوووم انساك .. حيرانه وحدي غريبة في ليل البعد .. حيرانه وخايفة عليك من نار البعد ... نهمرو دموعا ع خدا وخنقتا العبرة غطت عيونا بمعصم ايدا وهيه بتبكي بصمت ... اما هو كان متفاجئ ترك كلشي من ايده وراح لعندا بعد ايدا عن عيونا ، ومسحلا دموعا ضما ع صدره بحنان .. يزن : لك ليه البكي يا روحي ، قوليلي شو يلي مزعلك لا أحرقلك ياه رمت الملعقة من ايدا وحضنته بقوة وهيه بتحاول تمسك دموعا بالغصب ... يزن بمزاح : رهف شامة كأنو الطبخة حترقت .. بعدت عنه وهيه بتضحك بسخرية : ههههه طلعت طباخ فاشل مثل حضرتي .. طفى الغاز وهو بحكي معا : هه طباخ فاشل انا معك بنسا حالي بدك ياني اتذكر طبخة خلص بلا ما نطبخ منطلب جاهز ... بعد مدة كانو يتبادلو الأحاديث .... يزن : شو حجتك هالمرة الي خلتن يوافقو تغيبي عن البيت نهار كامل ... رهف : ههههه استعنت بصديق .. يزن : فكرتي ب يلي قلتلك ياه رهف بأرتباك : حبيبي شو رأيك نحضر فيلم .. يزن : لا تتهربي رهف .. رهف : ..... يزن : طيب ع شو حطلك ... رهف : ممممم ...حط ع شي فيلم للممثل ( كيليان مورفي ) بجنن هالممثل كثير بحب تمثيله ... طلع فيها وهو عاقد حواجبه و ساكت .. رهف : شبك ...ههههه ليه والله حلو كيليان يزن : ما ح تسكتي(بيرمي من ايده الريموت) هه بطلنا نتفرج ع فيلم.. رهف : ههههههه والله بمزح خلص متل ما بدك تلعب بلاي ستيشن .. يزن : كمان بصير .. رهف : بس من هلق انا بلعب بفريق برشلونه وميسي حبيب القلب ... يزن بضجر : ااااالله ربي وبعدين معك ... رهف : خلص سكتت .. قعدوا جنب بعض وهيه بتتحلف تخليه يخسر .... بعد شوي كانت بتنظرله بيأس بعد ما سجل الهدف الرابع ... يزن : ههههه شبك كشرتي مو ع اساس معلمة رهف : اي هلق بتشوف لساتنا بالشوط الأول قربت منه وطبعت قبلة ع خده لتشتت انتباهه ... رهف : هههههه وهي احلا هدف لعيونك ... يزن : غشاشة يا ويلك... بس رضيان انا غشيني قد ما بدك مستعد اخسر... رهف : مجنوووون يزن وهو بقلد صوتا : فييييكي بعد ما نهو لعب كانت قاعده جنبه وسانده راسها ع كتفه ... يزن : رهف وبعدين لايمتا بدي أصبر هي صار 8 شهور منحب بعض بدي اتزوجك حبيبتي انا بعد هاليوم صرت مصر اكثر ع الزواج منك اليوم كان أحلا يوم بحياتي لان شاركتيني كل تفاصيله كيف اذا بتكوني معي ع طول بحبك يا مجنونة وبعمرو حبك ما بينقص كل يوم بزيد انا متيم بعيونك لمن بشوفن بغرق فيهن بحب كلشي فيكي بجن اذا حدا غيري طلع عليكي ،بس انتي ما عم تفهمي قديه بحبك ... حس راسا ثقل ع كتفه طلع عليها ليشوفا غفيانه ... يزن : نمتي بهالسرعة!! حملا لينيما ع سريره ....غطاها وقعد جنبا يتأمل ملامحا عن قرب وهو بمرر ايديه ع كل تفاصيل وشا قرب منا وغمر وشو بشعرا وهو بتنفس ريحته... يزن بقلبه: انتي بنت خلقت من الورد تفاصيلك فاتنه ورقيقة متل الورد ريحتك متل الياسمين الشامي ، لايمتا بدك ضلي حارمتيني منك ... سرق قبلة ناعمة منا ختلطت انفاسه الغير منتظمة مع انفاسها الهادية ... يزن : اوف لازم اطلع من هون بسرعة .. قام طلع ع الصالون مشي ببطئ و هو بمسح ع شعره بحاول يبرد النار الي بقلبه .. صحيت الصبح بكير طلعت ع الصالون كان نايم ع الكنبة ، قربت منه وغطته منيح قعدت عالارض مقابيله وهيه بتتأمله ردتله شعراته برفق و بعدها لعبت برموش عيونه الطوال نزلت بأصابعها ومسحت ع دقنه رهف بقلبا : كيف بدي اتحمل بعد عنك وما شوفك مرة تانيه (تنهدت ) ااه يا روحي معقوله تسامحني ، شو متمنيه موت قبل ما اكسر قلبك ( بتنسد راسا ع الكنبة ) يا ريت لو يوقف الزمن هون او موت هلق وانا جنبك لشو حياتي وانت مو معي .. قامت مسحت دموعا تأملته لاخر مرة بعدا راحت وهيه تاركه قلبا معه ... مشيت تحت المطر لحتى تبللت بالكامل ... مسكت تلفونها واتصلت ع نبيل .. نبيل : اهلااا انسة رهف .. رهف : بدي شوفك هلق ضروري .. نبيل : وين انتي ... عطته العنوان واجى لعندا بسرعة ب نزل من سيارته وهو حامل مظلة شافا واقفه بعيد مشي لعندا ... نبيل : ليه هيك حالتك ح تمرضي ... مشيت وقفت قدامه ودموعا بعيونا .. رهف : كرمال الله بعمل ايا شي بس ما تبعدني عنه .. نبيل : مين هو ؟ رهف : يزن الشب الي بحبو بترجاك شو ما بدك بعمل بس تركني معه والله ما بقدر عيش من دونه قلي شو مستفاد مني وانا قلبي وروحي معلقة فيه .. حس غصة بقلبه وشفق عليها بس هو مو طالع بأيده شي ... نبيل بنبرة حادة : مستحيل لا تفكري بهالشي انا بكرا جاي اطلب ايدك والخيار الك يا ابوكي يا اما حبيبك ... مسك ايدا عطاها المظلة و دار ضهره ليمشي وقف لما سمع صوت بكيا وصريخا من قلب محروق ،شد ع قبضة ايده وتابع ركب بالسيارة ، مشي بسرعة عالية ... نبيل : انا شو عم اعمل يا ربي سامحني .. رجعت ع بيتا وهيه متل الميتة بلا روح طلعت ع غرفتا قعدت ع طرف سريرا وهيه سارحة والتلفون بأيدا عم تفكر كيف بدا تخبر يزن وشو ح يصير بس يعرف انها تركته .. رهف : ح أكتب مسج لان أكيد مكالمة ما ح أقدر اكذب عليه وقلو ما بقى بدي كمل معه يارب أعني لأ تحمل هالشي ... كتبت مسج ودموعا بللت شاشة التلفون رسلته وهيه قلبا كان ينعصر من جوا ، قفلت تلفونها وتكورت حوالي نفسا بتبكي بحرقة قلب .. صحي و قام بكسل وهو حاسس بتعب من نومة الكنبة ، طلع بالساعة الي بأيده .. يزن : اوووه 12 معقولة تكون لساها نايمة راح ع غرفته لقا السرير مرتب وهيه مو موجودة .. يزن : ايمتا راحت!! طيب ليه ما صحتني .. راح غسل وشو وعمل فنجان قهوة وبعدا توجه للصالون .. يزن : وين حطيت تلفوني مبارحه ، ااا ليكو .. مسكه شاف مسج من رهف ابتسم و فتحه ، تلاشت أبتسامته حط فنجان القهوة عالطاولة وهو عاقد حواجبه قلبه صار ينبض بعنف ... [ مبارحة سألتني اذا فكرت بموضوع زواجنا ، يزن سامحني انا ما بقدر كمل معك .. حاولت كثير بس ما قدرت يمكن انا الي بشعر فيه تجاهك مو حب حقيقي بس انا لمن شفتك بارد كثير ومغرور حبيت اثبت لنفسي اني بقدر حرك مشاعرك وخليك تحبني وهيك بس انت مو الشخص الي بدي اتزوجه او اكمل حياتي معه انسى كلشي صار كمل حياتك انت بتستحق بنت احسن مني انا كثير بحس حالي مو لايقة فيك ما بعرف ليه ... سامحني يزن ...] حس هالكلام متل سكين غزرت بقلبه ... يزن بغضب : شو هاد حتى لو مزح ما بصير تحكي هيك .. اتصل ع رقما بس كان مقفل غمض عيونه بألم شد قبضة ايده عالتلفون بعدين ضربه بالطاولة ، دخل بدل ثيابه وطلع من البيت والشرار بطاير من عيونه حتى مجرد انها عم تعمل مقلب فيه كان مخليه يجن هيك ... اتصل ع سارة .... سارة : الو يزن : سارة بدي شوفك ضروري وين انتي . سارة : بالبيت .. يزن : انا جاي ع الحديقة الي جنب بيتكن نطريني هناك ... سارة :طيب .. سكرت التلفون وطلعت بسرعة ، هو كان كل شوي يتصل ع رهف ويلاقي خطا مقفل .. نزل من سيارته ومشي بخطوات سريعه بأتجاها . سارة : خير يزن شو فيه قلقتني .. يزن : تلفونك معك مو .. سارة : اي ليكو .. يزن : منيح اتصلي بامها لرهف خليا تعطيها التلفونه لتحاكيا تحججي بأي شي.. سارة : طيب .. اتصلت سارة بزينب وطلبت تحكي مع رهف اخدتلا التلفون ودخلت ع غرفتا ... زينب : رهف شو نايمة .. رهف : ااا لا ماما في شي ... زينب : سارة عالخط بدا تحاكيكي خدي ... رهف : والله ، اي سارة شو فيه ؟! خطف التلفون من ايدا لسارة وحكا... يزن بغضب : انتي شو عم تخبصي ااا ؟؟ رهف : ........ يزن من بين سنانه : لك شبك ردي لا تجننيني رهف : يزن هي الحقيقة خلص انتهى كلشي ما عندي شي احكيه ... يزن : لك حقيقة شو انتي جنيتي ، هلا بدي شوفك عم تفهمي .. رهف : ما بقدر .. يزن : لا تقولي ما بقدر صابر عليكي نص ساعه وبتكوني بالمكان الي منلتقا فيه بالعادة والا بتعرفي شو ح اعمل ، جاي ع بيتك وبدي اطلب منك توضحيلي كلشي قدام اهلك ... سكر التلفون عطاه لسارة ومشي .. سارة : تعا لهون فهمني شو صاير ... يزن : بعدين سارة بعدين .. راح وتركا واقفة محتارة : يا الله شو بدو يكون صاير بينن الله يمضي هالقصة ع خير .. ...................... كان واقف قدام البحر و ايديه بجيابه... الهوا البارد بلعب بشعره وبعصف فيه من كل الجهات بس ما كان قادر يبرد النار الي بقلبه ... قربت منه بخطوات بطيئا و هيه بتحاول تكون قوية بهالمواجهة ... حكا بدون ما يلتفت عليها : أجيتي .. رهف : احكي .. لان ما عندي وقت .. يزن : مو انا الي بدي احكي انتي الي بدك تحكي وانا اسمع ، ليه هيك عملتي ؟ رهف : قلتلك الي خلاني اعمل هيك غرورك وكنت شايف حالك كثير لهيك حبيت امتلكك يزن بصراخ : لا تكذبي انتي حبيتيني شفت هالشي بعيونك ... رهف : ممكن اعجاب اما حب لا ما بظن .. قرب منا طلع فيها وهيه بتكون منزلة راسا مو قدرانه تطلع بعيونه .. يزن : حطي عينك بعيني وقوليلي كنت اكذب عليك ما حبيتك ، وهلق بدي اتركك وانت ما بتعنيلي شي ، وقتا بس بصدقك .. رهف : مافيني ما فييييني ... مسكا من وشا ورفعلا راسا لتتلاقا عيونن ببعض ، حس بضعف اول ما شاف عيونا .. سند جبينه ع جبينا وحكا بصوت مخنوق يزن : قوليلي انك عم تكذبي وما ح تتركيني بدونك ... رهف : سامحني يزن بس انا .. بعد عنا وجواته براكين عم تغلي .. يزن بصوت عالي : لك انتي شو اااا شووو ... ليه خليتيني حبك ..ليه خليتيني اتعلق فيكي ..اشتقلك وادمنك وهلق هيك بهالسهولة بدك تروحي ، شو عملت انا لحتى هيك عم تجازي حبي الك ... (بغصة):ما بدك تجاوبي مو ؟؟؟ طيب براحتك لا تردي .. بس جاي يوم وح تندمي كثير بوقتا ... لا ترجعي لان ما ضللك مكان عندي واني سامحك ما ح سامحك .. تركا ومشي وهو متمني تندهلو توقفو تقلو بكذب لا تروح ، كان قلبو عم يتمزق ورافض يستوعب فكرة انها تخلت عنو .. كانت تراقبه وهو رايح بعيونا الي متلت دموع بعد ما دار ضهره بهاللحظة حست حالا خسرت كلشي بحياتا لان هو كان بالنسبة الا الحياة رجع ع بيته حاسس ثقل جبال ع صدره بدو يصرخ بأعلى صوت متل ما كان قلبه عم يصرخ من جوا .... يزن بصراخ : لك ليييه هيك عملتي فيني لييه يا كذااابة .. مسك الطاولة وضربا بالارض بعثر كلشي قدامه وراق وكتب وهو بكسر ليفرغ شوي من غضبه وخيبته فيها يزن : الله يلعنك كيف قدرتي تكسريني بهالسهولة شو هالقلب الي عندك .. وين رهف الي كانت هون مبارحة معي وينااا ... قعد عالأرض مهدود حيله من وجع روحه سند راسه عالحيط و غمض عيونه بألم وهو بدعي يصحى من هالحلم .... ......................... نبيل : انا بكرا ح اتقدملا هيه موافقة بس لسا ما بعرف رأيي اهلا .. .... : اكيد بوافقو ما بصرلن صهر متلك ، شو كانت ردة فعل يزن بعد ما تركته .. نبيل : من شوي تركا وراح .. صرخ فيها، بعدين هدي وراح وهو معصب كثير اما هيه لساتا قاعده مكانا بتبكي ... ..... : معليه بكرا بتنسيها ياه انت وهو اكيد بينساها هيك افضل ألن ... نبيل :الي بتشوفه سيدي ... سكر الخط وهو براقبا من بعيد وضميره بأنبه ع يلي عمله فيها .... _________________ سارة : وينها رهف خالة ... زينب : ليه مو راحت لعندك شايفتا مو معك .. سارة : ممكن انا طلعت من البيت وهيه طلعت هلق بترجع ... بعد شوي دخلت وهيه مبين عليها التعب وعيونا ذبلانين ... زينب : ماما وين كنتي ليه هيك وشك رجعتي تعبتي .. رهف :لا ماما مافيني شي بس شويه أرهاق من قلة النوم انا طالعة ع غرفتي تعالي سارة ... طلعوا ع غرفتا.. سارة : شو صاير بينك وبينه .. رهف ببرود: انفصلنا .. سارة بدهشة : شووووو لك شو عم تحكي .. رهف : متل ما سمعتي ما حبيتو .. سارة : كذابة ولييه ، شو السبب رهف اكيد عم تمزحي مو رهف: والله ما بمزح خلص تركنا سارة : لك كيف بتحكيها بهالبساطة ، لكن ليه خليتيه يحبك ويتعلق فيكي وبعدين بدك تتركيه .. رهف بصوت عالي : هلأ انتي شو دخلك ااا ، اذا بدك كمان روحي انتي وتركيني بحالي روحو كلكن مو طايقة واحد فيكن .. سارة بأستغراب : لا انتي عنجد طق عقلك رايحه وخليكي لحالك اييه ولا تفكري الي عملتيه بيزن قليل بضلو ابن خالتي ... تركتا وطلعت .... رهف : اي اي روحي مفكرة ح تعذبيني يعني بكت وحكت بحزن : انا روحي اليوم تركتا وما سألت .. مرت هالليلة ع يزن متل طلوع الروح لسا عقله رافض يستوعب انها تخلت عنه .... باليوم التالي بكون قصي عند اهله ..رن جرس الباب .. قصي : انا ح شوف مين ... فتح الباب كان شب أسمراني طويل انيق و جذاب واقف حامل بأيده باقة ورد أحمر قصي : اهلين تفضل ، مين حضرتك نبيل : ممكن ادخل وجوا منتعرف .. قصي : اا عفوا تفضل .. دخل نبيل هو وقصي بكون الكل مجتمعين بالصالون ما عادا رهف .. قصي : تفضل قعود استاذ... ما قلتلي اسمك نبيل : شكرا .. ، اسمي نبيل انا ضابط وجاي لعندكن وقصدي شريف .. قصي : تشرفنا .. جمال : تشرفنا بس ممكن نعرف شو قصدك .. نبيل : هلأ ممكن تستغربو ليه جاي لوحدي بس انا مالي حدا غير اخ اصغر مني ومسافر برا ابي توفا لمن كنا صغار وامي بعد سنتين كمان صابتا نوبة قلبيه وتركتنا ... الكل بحزن : الله يرحمهن .. نبيل : تعيشوا المهم انا جاي طالب ايد بنتكن رهف ع سنة الله و رسوله ... جمال : بس انت من وين بتعرف رهف .. نبيل : شفتا مرة صدفة بالجامعه ومن وقتا حبيتا و طالبها بالحلال .. قصي : هيه بتعرفك .. نبيل : ما بظن ..لان ولا مرة صار وحكينا مع بعض .. كريمة : كيف بدنا نعطيك البنت ونحنا ما منعرف عنك شي .. نبيل مع أبتسامه : فيكن تسألو مين ما بدكن عني بعطيكن عنوان بيتي وعنوان شغلي وخدو راحتكن .. جمال : ان شالله بصير خير عطينا يومين ومنردلك خبر .. نبيل : طيب انا ح أمشي بالأذن .. زينب : خليك شراب قهوتك .. نبيل : منشربا بغير مرة ان شاءلله عندي شغل جمال : الله معك ... وصله قصي للباب ورجع قعد مع اهله .. قصي : انا بقول الأول نسأل عنه بعدين منحكي لرهف ، اذا طلع كويس ليش لأ وباين عليه محترم .. زينب : اي والله انا رتحتله لهالشب .. جمال : وانتي امي شو رأيك .. كريمة : ما بعرف يا أبني بس قلبي مو مطمن الله يكتب الي فيه الخير .. الكل : امين .. قصي : يلا انا بدي أمشي سلوى اخده موعد عند الدكتورة بدنا نطمن ع البنوتة .. زينب : هههه الله يقوما بالخير والسلامة .. قصي : امين ويخليلي ياكي ... كانت واقفة عالدرج وسامعا كلشي صار من لما دخل نبيل ... وقفت قدام اخوها وهو طالع .. رهف : انا موافقة .. الكل أستغرب كلاما ... جمال : مو ع اساس ما بتعرفيه ؟؟! رهف : هو هيك مفكر بس انا نفس الشي من لمن شفتو لفت انتباهي وسألت رفقاتي عنه في وحدة بتكون جارته قالتلي هو منيح كثير حتى لو سألتو عنه وطلع مو كويس انا بدي ياه .. قصي : شو هالجرأة يا بنت ، من ايمتا بتحكي بهالطريقة بدون خجل .. انا اليوم رح أسأل وان شالله بصير خير .. رهف ببرود : المهم بس سألت وطمنت لا حدا يجي يسألني شو رأيي انا موافقة .. دارت ضهرا وطلعت ع غرفتا نادتلا اما بس ما ردت .. زينب : شبها هي ليه ما ردت ... جمال : ممكن خجلت من كلام قصي ، تركيها ع راحتا .. كريمة : هالبنت مو عاجبني وضعا ... ............................ كان قاعد بغرفته بظلام دامس مو باين شي من السواد الا شعلة سيجارته .. وشاشة تلفونه الي عم يتأمل منا ملامحها .. يزن : حرام اقول اشتقتلك ما بتستاهلي .. بس لو اعرف شو السبب الي خلاكي تعملي هيك ..ما صدقت أكاذيبك ، وينك رهف وينك ، اكيد ح ترجعي انتي متلي ما ح تتحملي غيابي عنك ،اشتقتلك يا مجنونة ... تنهد بألم و غطا بأيديه عيونه الي ما غمضت من لمن تركتو .. رن تلفونه تجلس بلهفة توقع تكون هيه شاف اسم سارة رما التلفون من ايديه بزهد ، حس بغصة ح تخنقه ... دفن حالو تحت الغطا وهو بحاول يغفى ليرتاح شوي من الألم الي بطحن بقلبه ... ______________ سارة بقلبا : ليه ما عم يرد معقول يكون نايم ، اه منك يارهف بكون جانن هلق بسببك ، ما اقسى قلبك بعمرو ما حدا بحبك متله .. هبلة عبير : سارة وين سارحه قومي سرحي شعرك وبدلي هالبجامه مبينة متل المشردة ، جاي اختك وصهرك .. سارة : يلا ماما قايمة ، رن جرس الباب اكيد هنن ، الن نصيب يشوفوني بهالشكل شو اعمل .. فتحت الباب ... سلوى : ههههه يخرب بيتك ع هالمنظر انتي اذا بضلك هيك ح تعنسي .. سارة: حدا قلك بدي اتزوج اصلا ، تفضل صهري هي مرتك دبحا حلال ... قصي : لكن انتي دبحك شووو سلوى : هههههه بوووم في منتصف الجبهة .. سارة بنظرة لا مبالاة : هه اصلا انا بداخلي أمراة عظيمة ستظهر يوما ما .. عبير : ورجيني عظمتك وعملي قهوة يلا .. سارة : حاضر .. سلوى: صحيح ما خبرتك ، رفيقتك اليوم تقدملا شب ووافقت بدا تتركك لوحدك يا مسكينة ... سارة بدهشة : شو قلتي!! عم تمزحي موو قصي : لا وليه هيك تبدل لونك .. ساارة : ومين هو الشب .. قصي : ضابط حليوة والله اسمه نبيل قالتلي رهف انو شافته بالجامعه حكتلك شي مرة عنه سارة بقلبا : مستحيل شو عم تحكو انتو يا الله سلوى : وين سرحتي لا تخافي ما بتتركك لو تزوجت .. سارة : ااا.. لا ما هيك الله يهنيها.. #يتبع *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```