*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *حبيبتي.الخائنة.البريئة.❤‍🩹.tt* *❴🔢❵☟الـــبـــــــــــ❴7️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ #حبيبتي_الخائنة_البريئة #بقلم_سديم #الجزء_السابع . وافقو اهلا لرهف ع نبيل وهو حب يعمل الخطبة فورا والعرس بعد أسبوع لحتى تكمل التجهيزات .. كاان بضرب ع كيس الملاكمة بكل قوته وهو بحاول يطردا من افكاره ولو دقيقة ... وقف خلع من ايديه قفازات التمرين لمن رن جرس باب بيته .. مسح وشو بالمنشفة ورماها بأهمال وطلع ليفتح .. يزن : سارة! سارة بحزن: كيفك يزن يزن : تمام تفضلي فوتي .. سارة : شكرا .. يزن : قعدي ليه واقفه .. سارة : يزن انت خبرت .. طلع فيها وقلبه نقبض : خير شو في ...رهف صرلا شي .. نزلت دموعا: خايف عليها .. يزن : ااا ... لا بس طلعت عفويه شو فيه .. اخدت نفس طويل وبعدا حكت بحزن ... سارة : اليوم كانت خطبة رهف .. حس هالخبر نزل متل الصاعقة عليه خلاه يتمسمر بأرضه مصدوم بدون ما يبدي أي ردة فعل ... يزن بحزن : نخطبت!! هه وانا كل يوم بقول ح ترجع ما بتقدر من دوني ، كل ما رن التلفون بقول هيه ندق الباب بفتحه ع امل تطلع بوشي.... لك ااااه قديشني غبي.. (حكا بغصة) :سارة لو سمحتي تركيني لوحدي .. طلعت سارة وهيه مو قادرة تمسك دموعا .. مشي ببطئ لناح الكنبة قعد وهو بدو يصرخ بس كتما وكز ع سنانه مسك راسه بين ايديه دموعه هالمرة ما قدرت تقاوم أكثر ... بكي بحرقة عليها متل ولد صغير فقد امه فجأة ... اما هيه كانت كل الوقت حابسة حالة بغرفتا بتبكي وهيه بتتفرج ع صوره ... تركته بس كان محتل كل وقتا وتفكيرا كان وهو بعيد سارقا من العالم كله .. دق باب الغرفة ودخل لعندا ، قفلت جوالا بأرتباك ومسحت دموعا .. جمال : ليه اميرتي بتبكي .. نفجر رهف بنوبة بكاء بصوت عالي بعد كتمان طويل ، قرب منا وضما بحنان .. جمال : شبك بابا ليه عم تبكي ، قوليلي اذا ما بدك تتزوجي بلاه منلغي هالزواجة من اصلا .... مسحلا ع شعرا ليهديها شوي ... رهف : هلق رتحت انا ببكي لان ح افترق عنكن ضحك : طيب خلص خليكي عنا هلق بتصل عليه وبقلو مالك بنت عنا شو رأيك .. رهف : لا ما بصير ، خلص ما بقى ابكي .. مسحلا دموعا وحكا : الي ببكي هالعيون وحياة اغلا شي عندي والي هو انتي يا عمري بمسحه من ع وجه الارض ... رهف : يخليلي ياك يا بابا وما يحرمني منك .. تنهد : بكرا بدي شوفك احلا عاروس بالدني واخيرا ح اقتنع انو رهوفتي كبرت وبدا تتركنا .. رهف : ما تقول تتركنا هلأ ببكي هاا .. نزلت دموعا بصمت وهو ببكي معها .. ___________________ يوم عرسا كانت عند الكوافيرة ... زينب : ماشاءالله الله يحميكي يا روحي .. من جمالك بتخجل العين تتأملك .. يا وردتي انتي يا قلبي .. رهف بحزن : لا مو لهدرجة حاسة اني عادية كثير .. سلوى : هههه ماشاءالله اذا هيك وعادية ح يطير عقله نبيل فيكي .. رهف بقلبا : ااااه لو بس تحسو بالنار الي بقلبي لحتى تسكتو طول العمر، ياريت لو فيني هلأ احمل حالي و اهرب لعند يزن .. ابتسمت لا أرداية وهيه بتتخيل الموقف ... سلوى : واخيرا أبتسمتي ع شوي فكرتك نسيتي كيف العالم تضحك .. رهف : مو بأيدي مجرد التفكير فيه بذوب قلبي بحبوووو لاخر يوم بعمري رح حبوو زينب : هههه الله يهنيكن يا عمري .. دخلت سارة وكان الها زمان مو شايفه رهف او حاكيه معها وقفت لمن شافتا نزلت دموعا وهيه بتحكي : سارة .. ركدت لعندا وضمتا وصارو يبكو سوا .. سارة : يا عمري طالعه بتاخدي العقل .. رهف : اشتقتلك يا دبة الله يلعنك ... سارة : بكرهكككك رهف : طالعة من قلبك هي .. سارة : لا من عقلي لان قلبي الشرشوح بحبك كثير... اجا نبيل لياخدن ع صالة العرس بكون بكامل أناقته بس ما بهز فيها شعرا اما هيه بتسحره بجمالا ..عملا عرس أسطوري العالم كلا حكت فيه .... كان واقف بسيارته بعيد براقب زفتا ، ضاق صدره وسودت الدنيا بعيونه لمن شافا بالفستان الأبيض مع حدا تاني ، مشي بسيارته بأقصى سرعة ، وهو بصرخ من وجع قلبه بأعلى صوته .. ضاقت الدنيا فيه ، عم يشوفا بكل مكان ، عيونا ما عم يفارقو خياله ولا ثانية .. كل السيارات كانت تبعد من طريقه بسبب سرعته الجنونية ، تشوش نظره وما عاد يشوف الطريق واضح قدامه ضرب فرام صطدمت سيارته .... بسيارة كانت واقفة ع حرف الطريق ، بسرعه كانت الشرطة متواجدة ... تأكدو من سلامته وبعدا اخدوه عالقسم لانه خالف القوانين وكسر باكاج سيارة الي صطدم فيها ... الضابط : ليه هيك كنت مسرع .. يزن ببرود : هيك اجا عبالي .. الضابط : احكي بأدبك عم تفهم ، هلأ بتدفع مخالفة بقيمة **** وبعدها بتوقع تعهد ما تسرع لان اذا لسا تكرر هالشي ح نسحب منك رخصة السواقة ... كان قاعد شابك ايديه وسارح بالأرض عيونه متل الجمر .. الضابط : بحكي معك ... الوووو يزن : نعم .. .... : سيدي لقينا مشروب بالسيارة ... الضابط : كماااان يا عيني ، عم تسوق سكران كبرت مخالفتك ... يزن : لك خلصني حط المخالفة الي بدك هيه بس تركني انقلع .. الضابط : حترم حالك ولااا دخل ضابط برتبة ملازم بمزح : شبك صوت صريخك واصل لاخر القسم .. الضابط : يا رجل شو مستفز .. الملازم : ههه هاد بدو الضابط نبيل ضابط : هه العريس هلأ بكون نسيان الدنيا كلا يا عمي يتهنا .. الملازم: من وين ملاقي هالبنت بتشل يا رجل ، مو سهل والله ولا كمان دارسة حقوق ، ما تكون عندي ما بخليا تخطي عتبة الباب من جمالا ... طلع فيهن وهو عاقد حواجبه وكأنه عرف انه نبيل هو نفس الي بيحكو عنه ، قام والنار بتغلي بصدره ، سحب الملازم من قميصه ولكمه ع وجهه... وقفو مذهولين من جرئته تحول لشخص شرس فجأة هجم عليه وهو بصرخ : قلتلي بتخبيا اااا شو رأيك اشلع عيونك الي شفتا فيون .. مسكوه العساكر وكلبشو ايديه ... الضابط بغضب : خدوه عالمنفردة ... ساعد الملازم وقومه من الأرض : انت منيح .. الملازم وهو بتتحسس وشه: لك شو هاد كسرلي فكي والله لعجب الدنيا فيه . رن الهاتف ليقاطع كلامه .. الضابط : نعم سيدي .. تغيرت ملامح وشو وهو بحكي المكالمة .. الضابط : امرك سيدي فورا ح نخلي سبيله .. سكر التلفون ونده للعسكر .. الضابط : يزن ال**** فورا اخلو سبيله الملازم : بس كيف يعني انا بدي اشرب من دمه لسا .. ضابط : اووعك تقرب عليه شكلا واسطته كبيرة خلص خليك عاقل الله يوفقك ، بس ليه جن وقت حكينا ع مرت نبيل .. ملازم : لك ليه هاد عاقل اصلا .. _____________ دخلت عالبيت هيه وياه .... نبيل : هديك ح تكون غرفتك وانا هي غرفتي ... مشيت عالغرفة ودموعا شلال بدون ما تحكي ولا كلمة ، سكرت الباب وستندت عليه ، مخنوقة مكسورة موعارفة الدنيا شو مخبيتلا لسا من وجع .... نبيل : اذا بضل عمري كلو معاها مستحيل تحبني أو تنظرلي ... انو نيالك قديه بتحبك هالبنت ... فات بدل ثيابه لبس بجامه وارتما عالسرير لينام : منيح هالزواجة فادت بشغلة واخيرا بدي نام واشبع نوم .. شبك ايديه تحت راسه وهو سارح بالسقف فجأة اجت صورة عيونا قدامه هز راسه ليطلعا من تفكيره وغمض عيونه معلن استسلامه لنوم عميق... بعد ما خلصت الحفلة الكل مبسوطين لرهف وكل من رجع ع بيته ونام الا اشخاص معينين متل ابوها الي كان حاطت صورا قدامه وبكي ع بنته مدللته ... امها الي حبت اليوم تنام بسرير رهف بس هيه ما قدرت تغفى بللت مخدتا وهيه بتذكر طفولة بنتا الوحيدة ... عمار الي كان قلبه يحترق ع حب سنينه الي ما قدر ينالو حاول يطالعا من افكاره كثير بس صعب وبعرف انو بدو وقت لينساها ... سارة كانت بتحاول تنام بس كان يزن شاغل بالا وهيه بتسأل نفسا كيف بتكون حالته هلأ بعد ما خسر رهف للأبد ... اما الوجع الحقيقي كان يعيشه هو لوحده عيونه ما غفيت من زمان كان يقضي ليله كله وهو بيتأمل صور جمعتن سوا ويقرأ محادثاتن الي كانت طول لساعات ، صارت السيجارة هيه رفيقة وحدته ، حس بروحه مخنوقة ونفسه ضاق ، قام مشي للجنينة وهو بدخن بعصبية .... اخد نفس طويل سند حاله ع الباب ، مهموم عيونه خيم فيها الحزن والسواد ، صوته صار مبحوح ، ضحكته ختفت معاها .. يزن بقلبه : يا ترا فرحتي اليوم وانتي رايحه لغيري ، اااه انا المجنون الي كنت لليوم متأمل ترجعيلي ، بس الظاهر كنت بكذب ع حالي لصبر روحي ، بس خلص أقنعت قلبي انك ما عدتي اله شو كان صعب هالشي ... رغم كلشي متمني هلأ تطلعي قدامي واحضنك شم ريحتك ما اتركك قلك بحبك اشتقتلك كيف بدي انساكي ... ( أشتقت لروحك .. أشتقت لصوتك انتي وين عووودي أنا بلاكي أعمى مربط الأيدين أشتقت لجنونك ولكل مكان مشينا فيه أشتقت لريحة شعرك قلك اوعك تقصيه أشتقت لأسمع أسمي منك لما تندهيلي غازلك وتخجلي شتقت لتضحكيلي انا بلاكي ضايع وعايش بمنفى السهر فنالي جسمي ناطر تعودي لأغفى ) _______ صحي ع صوت منبه تلفونه المخصص ليصحيه ع دوامه ... نبيل بضجر : اووووف كيف نسيت ألغيه هلق ما عاد اقدر نام .. قام من مكانه غسل وشو وسرح شعره رش من عطره وطلع من الغرفة .. دخل عالمطبخ حضر الفطور وراح ليناديلا تفطر مع انه متوقع رفضها ... دق الباب عليها قامت فتحت الباب ... كانت لساتا بفستان العرس والكحلة سايحه من كثر مو بكيانه ملامح وشا دبلانه ،حس بضيق لمن شافا هيك ... نبيل : انتي لسا مو نايمة ..قربت منه وصرخت : نااااام ...مسكت مزهرية كانت ع طاولة قريبة رمتا بالارض والقزاز نتثر بكل مكان .. رهف ببكاء : كيف بدي نام اذا ما حكيت معه وسمعت صوته ، انا من يوم ماعاد سمعت كلمة بحبك منه وما ذقت طعم النوم .... بس ما كنت مفكرة لهدرجة صعب فراقه انا عم موت ... بيعلا صوتها : لك الله يلعنك حقيرررر ليه بعدتني عنه ليه .. نبيل بغضب : خلص حاج تبكي بقى .. مو ناقصني نكد عم تفهمي .. رهف بصراخ : بدي اقلب عيشتك جحيم لحتى تتركني بحالي .. طبقت الباب بقوة بوشو وسمع صوت تكسير من الغرفة .. نبيل : ياربي ع هالبلوة انا كيف وافقت ع هيك شي ، شكلي بدي اتعذب معها كثير .. قعد ع طاولة الفطور رن تلفونه .. نبيل : احترامي سيدي .. .... : هههه مبروك ولا لسا بدنا وقت لنباركلك .. نبيل : اووه والله شكلا بدا سنين لتنسا ، جانة عالأخر .... .... : بتنسا بتنسا ، خاصتا بعد الي ح تفرجيها ياه ، بس مو هلأ خليا شي شهر عشان تقتنع .. نبيل : متل ما بتريد حضرتك ... سكر الخط تنهد شبك أيديه ببعض وسند عليهن راسه ... نبيل بقلبو : معقولة في مشاعر صادقة حب و شوق متل ما بقرأ بالروايات ومنشوف بالأفلام .... ليه لكن ولا مرة هالقلب نبض لحدا كل الي عرفتن بحياتي كانو عابرين وعاديين ممكن انا ما بعرف شو هو الحب ... كانت بتلم سفرة الفطور مع اما ... سارة: ماما يزن من زمان ما اجا لعنا ليه ما بتعزميه اليوم ع الغدا ... ام عمار : اه صح انا من يومين رنتيلو كثير بس ما رد قلت ممكن مشغول بس فضي بتصل بس ما اتصل ... ناوليني تلفوني سارة : تفضلي ... اتصلت عليه ..كان متسطح بسريره ومغطي وشو بالمخدة رفع راسه حس بصداع قوي .. مسك التلفون وفتح الخط بدون ما يشوف مين المتصل ... يزن : ايوا ... ام عمار : كيفك خالتي وينك ما عم اسمع صوتك .. يزن : اهلين خالة والله مشتقلك انتي كيفك .. ام عمار : يا عمري ليه هيك صوتك مرضان ؟ يزن : لا مافيني شي لان كنت نايم .. ام عمار : ناطرتك اليوم عالغدا صرلك اكثر من اسبوعين مو زايرني .. يزن : حقك عليي بس خليا لغير مرة اليوم مشغول كثير .. ام عمار : معناها بتجي بالسهرة اليوم بدي شوفك مفهوم .. يزن : خلص تكرمي .. ام عمار : حبيب قلبي .. سكر التلفون ورماه ورجع دفن وشو تحت المخدة وهو بتنهد بألم ... سارة : شوفيه مرضان .. ام عمار : اي صوته تعبان بس قلي ما فيه شي اليوم بالسهرة بدو يجي بطمن عليه والله اشتقتلو يقبر قلبي شو حنون .. سارة بقلبا : والله قلبي محروق عليك بعد الي عملته رهف لازم روح وشوفك حاسه انك مو منيح .. حكت وهيه بتوضب الصحون : ماما انا بدي اطلع مشورا .. ام عمار : لا تقوليلي لعند رهف تركيها لسا عاروس جديدة .. ‌سارة : لا بدي جيب كم غرض لازميني من السوق .. ام عمار : طيب ما تتأخري .. راحت لعنده رنت جرس الباب وهو بكون بعمل دوش ..طلع وهو حاطت البرنس عليه فتح الباب ، خجلت وكسرت نظرها لما شافته .. يزن : اهلين سارة تفضلي .. سارة : اهلين فيك ... يزن : دخلي عالصالون انا شوي وبجي .. طلع لبس بجامة وسرح شعره ونزل ... يزن : شو بتشربي .. سارة : لا مافي داعي بدي امشي بس حبيت اطمن عليك ... يزن: انا ح اعمل قهوة منشرب سوا لسا ما شربتا .. سارة : طيب رجع بعد شوي وهو حامل صينية القهوة ضيفا كاسة وقعد عالكنبة التانيه ، طالع سيجارة وشعلا ... سارة : كانك صاير دخن كثير لهيك صوتك تعبان .. يزن بغصة : ااا لا مو كثير بس صارت رفيقتي بعد ما ماتت رهف سارة : بس رهف ما ماتت يزن : بالنسبة الي ماتت ، اي مو مهم كيفك انتي .. سارة : منيحه ، يزن لا تحاول تخفي حزنك عادي احكيلي الي انا اكثر حدا بعرف قديه كنت تحبا .. يزن : ليكك قلتيلا لحالك كنت حبا اما هلق ما عادت تعنيلي شي وما تجيبلي سيرتا خالص انا بدي انساها ... نتبهت لايده وارمه بتحكي وهيه بتطلع عليها : شبها ايدك ليه هيك .. يزن : ما بها شي مبارحه عملت حادث بسيط ليهك ارتضت .. سارة : طيب ليه مو لابس مشد ... يزن : شغلة فاضية احيانا بكون في وجع بغطي ع اي وجع تاني ممكن تعيشيه .. تنهدت بحزن لان فهمت عليه : يزن انتبه ع حالك الله يوفقك ، انا رايحه بتوصيني بشي .. يزن : سلامتك شكرا لسؤالك واهتمامك بس انا منيح ما تخافي ... ابتسمتله وطلعت ... وهيه ماشية بالطريق بتحكي بقلبا : مكابر ع جرحك كثير عم تمثل الصمود وانت منهار من جوا ، الله يلعنك يا رهف كيف سخيتي فيه.. طلعت من الغرفة بعد وقت طويل كان شعرا مبلل ولابسة بجامه باللون الخمري ... دخلت عالمطبخ عملت فنجان قهوة وهيه راجعه ع غرفتا بوقف بوشا .. نبيل : واخيرا طلعتي من المنفردة... رهف : انقلع من وشي ... مسكا من ايدا و شد عليها بقوة : احترمي حالك ، طول ما انا محترمك فاهمة .. رهف : لا ما ح احترمك واعلى ما بخيلك ركبه ، واترك ايدي قبل ما طالع جناني عليك نبيل بسخريه : ورجيني شو ح تعملي ... مسكت فنجان القهوة ودلقته عليه .. فتح عيونه بدهشة وصرخ : لك مجنونة شو عم تعملي حرقتيني انتي بلا عقل يعني ... رهف ببرود : عادي حترق مرة انا من يوم شفتك وانا كل دقيقة بحترق .. تركته مذهول من جرئتا ودخلت ع غرفتا ... نبيل : هي زودتا عم تتمادا لازم حطلا حد لان مو عارف ايمت ح اخلص منا .. رجعت طلعت من غرفتا والشرار بطاير من عيونا ... رهف : بعدين انت ليه قاعد بالبيت لا تكون مصدق حالك عريس روح طلاع خليني اخد راحتي ... نبيل : والله شاطرة يا عين امك هاد بيتي وبقعد فيه متل ما بدي ... رهف بغضب : قلتلي بيتك شوف لكن ... صارت تمسك كلشي قداما وتكسره بغضب... هو كان يضحك عليها ليستفزا اكثر .. نبيل ببرود : ههههه اي الله يزيدك جنان اكثر واكثر ..... ليكي هي لسا ما كسرتيا تعالي خدي كسري عملي الي بدك ياه... كمان فوتي عالمطبخ والله في شغلات حلوة للكسر هيك مسكي و وري لحتى تجيبي كيفك ... رهف : خراااس يا واطي ، سافل حثالة .. لك انت حرام يكون اسمك نبيل لازم يكون اسمك قذارة ... قرب منا بغضب وهو عاقد حواجبه مسكا من ايديها وحكا من بين سنانه بنبرة حادة : لا بقى تغلطي معي بالكلام والا بورجيكي وشي التاني ، لسا بعمرو ما حدا تجرأ وحكا كلامك هاد معي ، وعتبريه اخر تنبيه الك عملي ايا شي بدك ياه بس لا تغلطي ما ح اسكتلك المرة الجاي ... نتر ايديها ودخل ع غرفته ... رهف: لا تكون مفكر حالك خوفتي اااا ، تضرب بشكلك لك لسا ماشفت شي ح اخليك تندم عالساعه الي فكرت فيها تلعب معي قعدت عالارض منهارة بتبكي بعد ما كانت تمثل القوة قدامه ... بالسهرة كانت سلوى وقصي زايرين عند اهلا .. وصل يزن فتحتله سارة الباب رمي السلام وقعدت ... قصي : كيفك يزن وين هالغيبة .. يزن :والله مشاغل كيفك انت .. قصي : انا مكيف شغلة كم يوم ح صير اب .. يزن : الله يتمم ع خير يارب بنوتة لما صبي .. قصي بفرح : بنوتة .. سارة : ما قلتولنا شو ح تسموها ... سلوى : رهف ع اسم عمتا عشان تطلع متلا .. نظرت سارة ليزن بحزن لتشوفه سرح وعيونه بتلمع ... عمار : حتى لو سميتوها رهف ، رهف الأصل ما بقى يخلق متلا ... اخد قصي كلامه من مبدأ المزح ... قصي : ههههه صدقت بهي ... ام عمار : وانتو يا شباب ايمتا بدنا نفرح فيكن ونشوف ولادكن .. ااا عمار .. يزن عمار : الله كريم .. يزن : بكير لسا لحقانين .. ام عمار : اااه منكن العمر عم يمضى يا ولاد .. زيد : عادي امي انا مستعد فرحك فيني ... ام عمار : نضب ولاااا ضحك الكل عليه قعد فترة يزن معن بعدين حس بخلقه ضاق تحجج بشغل وطلع من البيت ، وقفه صوت عمار الي طلع وراه بسرعه ... عمار : بتحس حالك مو بهالدنيا قلبك بتقطع من جوا وما حدا بشعر فيك ، جسمك وكانه مكسر بس من وجع قلبك تنهيدت الخيبة بتكويك كل ما فكرت فيها .... بس انا الي بشعر فيك بتعرف ليه ، لان عشت هالشي لمن رفضتني وحبتك انت .... مو عارف انبسط لان تركتك ولا ازعل لان راحت لشخص تاني ... طلع عليه يزن وابتسم بثقة : لا مو صحيح كل هالشي كذب وما جربته لان بعرف انو هيه حبتني اكثر ما حبا بعدين انا اصلا كنت بدي اتركا بس اجت منا وفرت علي وقت وكلام لهيك الله يبرد النار الي بقلبك انت مو انا تركه منغاظ وراح .. عمار بقلبه : هه مشكلتك بتعرف تكابر وتتماسك مزبوط بس الحزن الي بعيونك فاضحك وانا شمتان فيك من كل قلبي ... مرت الأيام وكانت رهف حالاتا كل مالا تسوء اعتزلت العالم كله وما بقى تطلع من غرفتا صابا اكتئاب حاد .. اما يزن قرر يكمل حياته طبيعي بس صعب يرجع ليزن القديم الي كان قبل ما يعرفا ويحبا ... صحي الصبح عمل رياضه وبعدا اخد دوش فتح خزانته ليطالع ثيابه .. مسك الكنزة الي مرة هيه هدتو ياها .. رجع بذاكرته .. / فلاش باك / يزن : يسلمون حبيبتي كثير حلوة ع فكرة ولا مرة لبست من هاللون ... رهف : طبعا ما انت كل ثيابك اسود او كحلي .. بس بتعرف اللون الزيتي بيرميلك كثير متل لون الخضار الخفيف بعيونك .. يزن : هههه والله ... مسكت وشو بين ايديها وسرحت بعيونه ... رهف : شو بحب هالعيون الي ما الن لون محدد اخضر و عسلي مختلط مع بني ،بتعرف حبيبي لمن بتجي الشمس بعيونك بصيرو فتنه بموتوني ... ووو هيك بجي عبالي غني متل نانسي " لون عيونك غرامي " ضحكلا وقرصا من خدا ... يزن: ما بعرف كيف بتقدري تخلي توازني بكلامك هاد ، يخرب بيتك شو بحبك ... / باااك / طلع بعيونه بالمراية وهو بحكي مع حاله ... كيف كنتي تقدري تكذبي وانتي بطلعي فيون ، انا لما كنت شوف عيونك يرتبط لساني وذوب... رما الكنزة بالخزانة ولبس لون الاسود ونزل طلع من البيت .... اما عند رهف خلصت اجازت نبيل ورجع لشغله .... كان يطلع الصبح ويرجع اخر الليل لان اذا رجع بالنهار كانت تعمله جرصة وتغلط معه وتضربه بأي شي يجي قداما... رغم عصبيته و وطبعه الحاد الا انه ما كان يقدر يغلط معها او يرفع ايدو عليها كان يتحملا كثير .. رن الجرس هيه كانت قاعده بتتفرج ع الTV وطت الصوت رمت الريموت عالطاولة وراحت فتحت ... رهف : سروش اهلين يا روحي فوتي .. سارة : كيفك .. رهف : عايشة ، وانتي .. سارة : تمام ، زوجك بالبيت .. رهف : لا بشغله قعدي ح اعمل شي نشربه قعدو كان بتفرجو ع فيلم كوميدي كل شوي يضحكو بصوت عالي ويعلقو ع الممثلين .. سارة : ههههه يا الله مو معقول كيف بقدر يعمل هيك بدون ما يضحك .. فجأة قلبت ضحكتها لنوبة بكاء غطت وشا بأيديها وصارت تبكي بحرقة ... طلعت فيها سارة مستغربة .. سارة : شبك رهف شو صرلك ،ليه عم تبكي قربت منا ضمتا وهيه بطبطبلا ع ضهرا لتهديا .... سارة : ياروحي بس قوليلي شو صاير معك ... رفعت وشا مسحت دموعا وطلعت بعيون تعبانه لونا متل الجمر مسحت بأيدا ع رقبتا... وقالت بصوت مخنوق : سارة حاسة حالي مخنوقة رح جن ، اشتقتلو بربي معد اتحمل اكثر بدي شوفو بدي اسمع صوته ، اتصلي عليه وفتحي السبيكر ، حبابة بترجاكي خليني اسمع صوته ... سارة : لك مين هو انت شو عم تخبصي .. رهف ببكاء : يزن .. يزن سارة : هه هلق فطنتي بيزن مو تركتيه وكسرتي قلبه هلق صرتي تشتاقيلو ... رهف : ما بدي بررلك شي ولا بدي احكي بس كلشي عم اطبله منك تسمعيني صوته لاني ضعفت كثير ما كنت مفكرة ح اعيش كل هالعذاب ببعده .. سارة : بدك تسمعي صوته ، ااخ لو تسمعي صوته الحلو كيف صار تعبان بعد ما تركتيه ولا وشو الي كان ع طول منور كيف الحزن كبر ملامحه ، حتى ضحكته ختفت ابتسامه معد تطلع معه ، دمرتيه وهلق جاي بدك تسمعي صوته تعذبي معليه ذوقي الي عيشتيه ياه ... بيوم عرسك لمن كنتي فرحانه هو من حرقة قلبه عمل حادث وما حدا بخبر ... رهف بلهفة : شووو بتحكي صرله شي ؟ سارة : لا الحمدلله .. رهف : الله يوفقك اتصلي عليه ، حسي فيني والله ح موت ع ما اسمع صوته .. سارة : طيب بس بكفي نشفي دموعك ... مسكت تلفونها فتحت ع رقمه واتصلت عليه فتحت السبيكر كان برن .. رهف كانت نبضات قلبا سريعة حاسة الزمن وقف ناطرا رده ... يزن : ايوا .. سارة : كيفك يزن .. يزن : منيح انتي كيفك ؟ نزلت دموعا بصمت ،خطفت التلفون من ايد سارة قربته من وشا وباسته .. يزن : الووو وين رحتي .... ليكي سارة بعدين بحاكيكي هلأ مشغول شوي .. سارة : طيب .. سكر الخط شهقت بألم وهيه بتكبي رجعت راسا وسندته عالكنبة تنهدت : ااااه لو صوتك بنحضن .. حكت بغصة وهيه بتمسح دمعا نزلت منا : طيب ما زالك بتحبيه كل هالشي لكن ليش تركتيه اااا جاوبيني شو السبب الي خلاكي تفرطي بواحد بحبك بجنون متله ؟ ما جاوبت كانت دموعا لحالا وتنهيدتا بتحكي قديه قلبا موجوع ... ____________________ كان قاعد بمكتبه وهو بقلب بالأوراق بضجر ... نبيل : ليه عم ضل فكر فيها و اشتقلا بس بدي ارجع عالبيت لشوفا ... بس هيه كل ما شافتني وكانها شايفة عزرائيل ايمتا بدا تنسا وتعطيني فرصة...شكلي عم احلم بشي مستحيل يتحقق مسك تلفونه و عمل مكالمة .. .... : اي خير نبيل في شي .. نبيل : لا ما في شي بس مو مرة قلتلي في صور عندك ، بس شافتون ح تكرهه ، ممكن صار لازم نستخدمن لانها ما عم تنسا بالعكس عم تتعلق فيه اكثر ... ...: ايوااا ... طيب انا برسلك ياهن بس ورجيها ياهن وحذفن عشان ما تكشف انهن تطبيق .. نبيل : حاضر سيدي .. سكر الخط وهو ناطر الصور ع جمر لحتى يروح عالبيت بدو بصيص امل خفيف ليتقرب منها .... رن تلفونه بمسجات ممتاليه فتحن كانت عبارة عن صور ليزن مطبقا وكأنه حاضن بنت عدة صور مطبقة بأحتراف ... رجع عالبيت دخل بهاللحظة كانت سارة طالعه من الباب .. نبيل : كيفك سارة ، لسا بكير فوتي .. سارة بدون نفس : لا بدي روح شكرا ... دخل وسكر الباب كانت لسا قاعدة عالكنبة بالصالون ودموعا ع خدا ، قرب منها ومسح بأيديه ع شعرا : لايمتا بدك ضلي تبكي هيك .. نترت ايده وصرخت فيه : قلتلك مليون مرة ما تقرب مني وتلمسني انا بشمئز منك ... نبيل صرخ بغضب : لك ليه ..شو اعمل لتبطلي تشمئزي ... رهف ببكاء : رجعني ليزن .. نبيل : لسا يزن يزن ..بكفيي قلتلك لا بقى تذكري اسمه قدامي .. رهف : لك والله بحبو الله لا يسامحك .. تجمعت دموع خنقته بعيونه من كلامها ، طالع تلفونه من جيبه ... نبيل بغضب : تفضلي شوفي حبيبك عايش ومبسوط انتي ليه بتعملي بحالك هيك .. عقدت حواجبا وطلعت فيه : شو قصدك .. حطلا عالصور وورجاها ياهون ، فتحت عيونا بصدمة وقفت دمعتا بعينا خنقتا ، حست بألم فضيع بقلبا صرخت بعد صمت : كذااااب هاد مو يزن هو ما بيقدر يكون مع حدا غيري ، انت واحد كذاب .. مسكا من ايدا وهزا : لكن مين هاد ، تؤامه مثلا ، بس انتي غبية مفكرة في حدا بيوفي بالحب لك هي كلا اوهام .. دفعته عنا وركدت ع غرفتا رمت حالا ع سريرا وهيه بتبكي بصوت عالي ... رهف : مستحيل يكون حب غيري كيف بهالسهولة ، لك لييه هيه مو انا بين ايديك ... ياربي والله ما بتحمل ... قامت وقفت غسلت وشا بدلت بجامتا وطلعت من البيت بسرعة ... نبيل : وين رايحه ... رهف : مالك علاقة بدي روح ع مشفى المجانين تروح معي .. نبيل : لا روحي انا مو بحاجة ... طبقت الباب بقوة وراحت اما هو رمى حاله عالكنبة بتعب ومسك راسه بين ايديه .. نبيل : اوووف ليه يا قلبي حبيتا ما اتفقنا هيك لان ح تعذبني كثير بحبك الها لازم اكرهها مو حبا ، ااااه شو هالبنت صارت نقطة ضعفي ... ________________ وقفت قدام بيته محتارة تشوفه ولا تنسحب بهدوء بس كانت نار شاعلة بقلبا ما بطفيا الا شوفته ... #يتبع *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```