*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *حبيبتي.الخائنة.البريئة.❤‍🩹.tt* *❴🔢❵☟الـــبـــــــــــ❴8️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ #حبيبتي_الخائنة_البريئة #بقلم_سديم #الجزء_الثامن . مشيت بأتجاه الباب ، رنت الجرس وخبطت عليه كثير بس مافي جواب .. قعدت عالدرج ضمت رجليا بين ايديها وسندت راسا عليهن وهيه بتبكي كل ما ذكرت الصور بعد مرور ساعات صار عتمة كان الجو بارد كثير وفيه زخات مطر خفيفة .. ركن سيارته قدام بيته ونزل منها مشي بأتجاه بيته وقف بأرضه جمد الدم بعروقه لمن شافا تقدم بخطوات بطيئا وهو بيحكي مع نفسه معقول عم اتخيلا ... وقف مقابيلا رفع راسه للسما غمض عيونه بألم وتنهد .. يزن : شو عم تعملي هون .. فزت من مكانا بسرعه لمن سمعت صوته التقت عيونن ببعض ... نزلت دموعا اول ما شافته مشيت قربت منه وهو لسا واقف ببرود وحاط ايديه بجيابه .. رهف : وين كنت ؟! كنت معها مو ... يزن بأستغراب : هه شو الك علاقة وين كنت بعدين مين هي الي بدي كون معا .. رهف : حبيبتك الجديدة .. يزن : حبيبتي الجديدة .. مممم وانتي شو دخلك بحياتي ان شاء لله كون وين ما كون ،اهتمي بحياتك وبس .. كانت مستني نفي منو بس هو حب يستفزا .. اجا ليدخل ع بيته بس وقفت قدامه وصارت تضرب بأيديها ع صدره ... رهف بغصة : ضميتا بين ايديك ، قلتلا بحبك ...غازلتا ، كتبتلا شعر ، بستا ، لعبتلا بشعرا ضحكتلا ، ااا قلي شو صار بينك وبينا ... طلع بعيونا بغضب و عقد حواجبه ... يزن بصراخ : لك شبك قاعده بتحاسبني ، هي الأسئلة انا لازم اسئلك ياها مو انتي .. انتي شو دخلك فيني .. رهف ببكاء : انت الي انا ، ما بتحمل شوفك مع وحدة تانيه لك كرمال الله قلي كيف قدرت تحبا وضما بين ايديك والله بقتلك وبقتلا ( بزيد بكاها ) يزن انا ما بتحمل بموت والله بموت ... يزن : لك مجنونة انتي شي عندك مرض نفسي شو الك علاقة مو رحتي لواحد غيري وحبيته اكثر مني مو انا ما دخلت قلبك ، شو بدك بحياتي انا ما قلتلك ما ترجعي لعندي مرة تانيه شو جابك ااا شو جابك ... رهف : حاج بقى لا تصرخ فيني بكفي والله انا تعبت حاسة قلبي ح يوقف من الوجع .... سكت وبقي يطلع فيها بحزن ... رهف ببكاء : ضمني مرة وحدة بين ايديك بس هالمرة بوعدك ما بقى اطلع قدامك .. يزن : لك انتي شوو!!؟ روحي من هون بسرعة ، انتي ما بتخجلي من حالك ما بكفي خنتيني ورحتي تزوجتي وهلأ جاي تخوني زوجك قديشك وحدة كذابة وخاينة ما ضللك احترام بقلبي روحي من هون يلا.. صرخت بوشو : لا بقى تعيدا لهي الكلمة عم تحرق قلبي .. يزن بنبرة أستحقار : اينا منن لعيدا الف مرة واحرقلك قلبك متل ما حرقتي قلبي وحرقتيني ، كذااابة لما خااااينة ، بتعرفي كلمة خاينة لابقتلك اكثر لابستك لبس ... وقفت بدون ردت فعل دموعا متل الشلال حست الدنيا بتفتل فيها خانتا رجليا وقوتا للتهاوى وتوقع عالأرض قرب منا بسرعة ومسكا بين ايديه ... يزن بخوف : رهف شبك ، فتحي عيونك ، ررررهف ردي علي كرمال الله والله بكذب انا بحبك ما بقدر حب حدا غيرك ... تحسس حرارتا بأيديه يزن :ليه حرارتك مرتفه كثير ... حملا بين ايديه دخلا ع بيته وسطحا عالسرير اتصل بصديقه دكتور وطلب منه يجي بسرعه ويجيب عدته معه .. عملا كمادات بينما وصل الدكتور قاس حرارتا وفحصا حطلا سيروم مغدي مع دوا وطلع .. يزن : كرم شو فيها ، كيف وضعا .. كرم :صاير معها أنهيار عصبي ، حرارتا مرتفه حطيتلا أبرة مهدء بالسيروم ح تنام لساعات بس ما لازم تنزعج مشان ما تنهار مرة تانية يزن : طيب شو لازم اعملا هلق .. كرم : بدك تراقب حرارتا هيه ح تختفي عالدوا بس انتبه لترتفع مرة تانيه بتعطيا هي الحبوب وكمادات لتختفي الحرارة اذا رجعت رتفعت يعني .... يزن : طيب .. يعطيك العافيه عذبتك معي كرم : ولوو ، نحنا بالخدمة ... مشي وقعد بقربا كتف ايديه ببعض وسند راسه عالحيط .. يزن : شو جابك يا رهف ، اااه منك ليه رجعتي ... طلع عليها بطرف عينه بحزن ، مد ايده ليلمس شعرتا بس تردد تنهد نزل راسو لمستواها غمض عيونه استنشق ريحه عطرا الي ردتلو روحه رفع راسه وصار يتأملا ... يزن بقلبه : ليه هيك بحبك انا رغم كلشي عملتيه فيني ،قلتلي حبيبتي الجديدة ، هه انتي مفكرة نسيانك شي سهل انا عم موت باليوم الف موتة ع كثر مو مشتقلك ، نسيت طعم النوم نسيت كيف اضحك بعدك ... قام وقف مقابيل الشباك طالع سيجارة شعلا وصار يدخن وهو محتار .... يزن : مين خبرك اني حابب ، بعدين لو حبيت مو انتي تركتيني ، كل هالشي سألي عني هه ما بقى صدقك ... طفا سيجارته ورجع لعندا تحسس جبينا ليطمن ع حرارتا كانت طبيعية .. فكلا السيروم من ايدا بعد ما خلص ، تمدد جنبا و ضما بين ايديه .. حس قلبه ح يطلع من مكانه بس هالمرة مو لهفة ولا حب كان يتمزق من وجع الخيانة والخيبة ... يزن بهمس : مو عارف استغل الفرصة ونام لانك جنبي ولا ضل سهران بتأملك ، طبع قبله ع جبينا واستسلم لنوم عميق وهيه بحضنه ... _________________ كان رايح جاي بالغرفة والنار شاعلة بقلبه ... نبيل : وين بدا تكون هي لهلق ، و ع تلفونا ما عم ترد ، شو خايف دور عليكي ولاقيكي عنده هالمرة بدي اقتلك واقتله .. خليني ناطر لشوف ايمتا ح تشرفي ... طلع الضو وهو لسا قاعد مكانه بستناها ... صحيت هيه تلفتت حواليا ما لقته .. تجلست بتعب غسلت وشا وبعدا نزلت لعنده ، كان قاعد بالصالون بمثل انو مو هامه وجودا ... رهف : شو صار معي مبارحه لنمت هون يزن : ..... رهف : ليه ما بترد يزن ببرود : تعبتي شوي وهلق تحستني وبتقدري تروحي ... رهف بحزن : طيب طلع بعيوني ليه بتحكي بدون نفس .. يزن بغضب : شبك انتي طلع بعيوني ،حاكيني ، بررلي اشرحلي ، مين مفكرة حالك اااا خلص انا رهف بالنسبة الي ماتت انتي ما بعرفك ولو سمحتي روحي بطريقك بكون زوجك قلقان عليكي اتصل كثير ( اتذكر كلام الدكتور انو ما لازم تزعل ) طلع بعيونا شافا غرقانه بالدموع ... قام وقف قداما وحكا بنبرة هادية : طيب هلق شو المطلوب مني اعمله ؟! رهف : لا تحب حدا غيري بترجاك (مسكت ايده).. هدول الأيدين لا تلمس فيون بنت تانيه والله صعبة ... يزن بعد نفاذ صبره : اوووف بدي اعرف كيف بتحاسبيني وانتي متزوجة وعايشة ليل نهار معه ع اي اساس فهميني ، لك انتي شو مفكرتيني ... قربت منه ضمته حس بكهربا سرت بجسمه بس ضل محافظ ع ثباته ، دفنت وشا برقبته وحكت بصوت مخنوق : مفكرتك روحي وعمري وحبيب قلبي الي كذبت ع حالي وقت قلت بقدر عيش من دونه ، انا الك انت بس ماحدا بيقدر يلمس شعرا مني الا انت ... رفعت راسا شافت البرود بملامح وشو ... رهف : لهدرجة بارد ما بقى افرق معك .. يزن بغصة : نار الحب نطفت .. بالروح ما بقي الا جراح مو بالسهل بتشفى ... طلعت من البيت وهيه مقهورة وندمانه .. يزن : اااه بارد لكن ، صرت خاف منك خاف من السعادة الي بدي عيشا بهاللحظة وبعدا ح تكويني وانا بذكرها ... رجعت عالبيت فتحت الباب ودخلت لقته واقف قداما ومكتف ايديه وهو بزاورها نبيل بغضب : وين كنتي لهلأ يا انسة .. رهف : شي ما بيعنيك .. نبيل : لا تجننيني ، كنتي عنده موو .. رهف : .... نبيل : فهميني شو كنتي تعملي عنده ، لأي حد خليتيه يتمادا معك ... رهف : هه شكلك ما بتعرف مين هو يزن .. مشت بخطوات واثقة طلعت فيه وحكت بأستفزاز : حط ببالك يزن اشرف منك هو أشرف من الشرف ذاته .. صرخ فيها نبيل : انا كم مرة قلتلك ما تذكري اسمه قدامي ، انا لايمتا بدي ضل اتحملك ليه ما عم تفهمي ، لك انا شو عملت بحالي ، الله يلعنك و يلعني غبي .. رهف : منيح بتعرف حالك غبي ... نبيل : خررررررسي ، لسانك بقصه اذا لسا بتغلطي لحد هون وبس .. سحبا من ايدا ودفعا جوا غرفتا سكر الباب عليها وقفله من برا .. رهف : شو عم تعمل يا مجنون .. نبيل : ما في طلعة من هون لحتى تتعلمي الأدب ، وهداك السافل بدك تنسيه واذا لسا بتذكري بهالبيت ما تلومي الا نفسك ... رهف بصراخ : انت السافل مو هو ، بوطه الي بلبسه برجله بيسواك من لمن ولدت لهلق... جن جنونه وهيه بتحكي هيك راح ع غرفته وصار يضرب بقبضه ايداه عالحيط ويكسر كلشي يجي قدامه ليفرغ غضبه .. نبيل : والله مشتهي روح اكسر راسك ، بس ليه عم اضعف انا قدامك ، لهدرجة ما بفهم سلمتك قلبي ، حتى وانتي بتبكي مشانه وجعني قلبي عليكي وبتمنى ضمك وخفف وجعك ، بس انتي قاسية كثير ما بترحميني ما بتعرفي اني انا متلك نجبرت من قبل واحد ما بهمه الا نفسه بس شو اعمل انا حبيتك ... سمع صوت صريخا مسك راسه بين ايديه حس بصداع قوي ... رهف : فتاااح الباب ، لك انت شو بدك مني ، كرمال الله تركني بحالي والله ما بحبك ولا بطيق شوفك واسمع صوتك ، بكرهككك انا كثير بكرهككك .... نهارت قعدت بالأرض وهيه بتبكي نبيل تنهد : ااااه بشو بليت حالي ، طيب انا كيف بدي اكرهك كيف .. بعد ما حست حالا مخنوقة ما بقى تتحمل رهف بتعب : مالي غيرون بس حبة بدي اشرب طيب واذا أدمنت؟ معليه بلكي بموت ... فتحت الدرج كان في حبوب مهدء اخدت حبة من العلبة شربتا ( كانت حبوب عيار ثقيل مهدئا ومنومة بنفس الوقت ) ..بعد دقائق حست بهدوء ونعاس داهم عيونا رتمت ع سريرا ونامت .... بعد ما ختفا صوت بكائها وصريخها قام بخطوات مثقلة فتح باب غرفتا لقاها نايمة مشي لعندها نبيل بهدوء : ناااايمة! قرب ليتأكد اذا نايمة لان أنفاسها كانت هادية كثير ... نبيل : هه لا لساتك عايشة بتخربي الدنيا وبتجي بتنامي هيك بسلام ... جثا ع ركبته قدام سريرها وصار يمرر اصابعه ع خصل شعرا قرب منها اكثر واستنشق ريحه عطرا ،ونبضات قلبه كل مالا تزيد .. بعد عنها والنار كانت شاعله بصدره غمض عيونه بألم : والله هيك كثير انا كيف بدي اصبر ... قام بعدم توزان وطلع من الغرفة وسكر الباب وراه ... مر اسبوع ورهف أدمنت ع الحبوب صارت كل الوقت نايمة او حابسة حالا بغرفتا وهيه كل ما تخيلت يزن مع بنت تانيه تجن وتبدأ بنوبة بكاء تنتهي بحبة مهدء وبعدا نوم تهرب فيه من الواقع .... يزن كان كل تفكيره عندا شوقه الها فوق الخيال يتمنا لو يلمحها من بعيد لترجعله روحه أخر فترة صار يتردد كثير لعند بيت خالته ليضيع وقت أو بالأحرة ليعرف أخبار رهف ... _________________ نزلت سارة على الدرج بخطوات بطيئا وهيه بتنفخ بضجر ، قعدت عالكنبة وهيه عاقده حواجبه وع شوية بتبكي ... عبير : خير شبكي ليه هيك مكشرة .. سارة : مافيني شي .. يزن : لا واضح من وشك في شي.. سارة : لسا يومين وبتبدأت الجامعه ... يزن : اي وليه زعلانه لازم تفرحي .. سارة بغضة : رهف ما ح داوم معي .. حس بقلبه نقبض وقت نذكر أسمها ... عبير : وليه ما ح داوم بدا تاجلها هي السنه يعني .. سارة : لا ما بقى بدا تدرس حقوق الهبلة ما بعرف شو صار لعقلا ... عبير : بلكي زوجا ما رضي انها تكمل .. سارة : بالعكس نبيل ما بيقدر يجبرا ع شي ما بدا ياه بس هيه ما بعرف شبها صرلا اسبوع ما حكت معي ولا شفتا (نزلو دموعا بعد مقاومة ) انا خايفة عليها ما بعرف شو عم يصير معاها وهيه بتكابر ما بتحكي ولا بتشكي لحدا .. يزن كان بتابع بصمت بعد ذكرها بالموضوع معد طلع صوته ... عبير : طيب شو رأيك تعزميها عالعشا هيه وزوجا بكرا منشوفا منطمن عليا وانا بحكي معها بعرفلك ليه ما ح تكمل خسارة بنت متلا ما تكمل قديه كانت متشوقة تخلص وتصير مدعية... سارة : اي والله فكرة اليوم ح احكي مع نبيل لان هيه اكيد ما ح ترد عليي بقلو يجيبا غصب عنا .. سرح يزن ورجع بذاكرته ... /فلاش باك / كانت ايامها بتقدم أمتحانات ... رهف : شو تعبت من الدراسة حبيبي وينك انت ... يزن : انا بدار النشر عندي شغلة نص ساعه وبخلص شو رأيك نروح ع شي مكان تغيري جو وانا مشتقلك كثير ... رهف : حبيبي ما بقدر اليوم بدي كمل دراسة بدي أخلص واتخرج وصير مدعية قد الدنيا مشان نتزوج مو هيك روحي ... يزن :مممم بدك ياني اصبر لتتخرجي وتصيري مدعية لا روحي لااا ... رهف : و شو فيها يعني أصبر .. يزن : ما حزرتي بس تخلصي هي السنه ح نتزوج وسنة الجاي بتقدميها وانتي عندي مشان بس تدرسي ما تملي بتدرسي وانتي بحضني شو رأيك ... رهف : ههههه اووه غير الشكل انا كيف بدي اركز بالدراسة وانا بحضنك عم تستغبيني مو انا اذا بشوف عيونك بنسا تاريخ ميلادي وكلشي كان قبلن ... يزن : اسكتي احسن ما اجي هلأ واطلب ايدك وما أرضى الا بكرة يكون العرس .. رهف : خلص سكتت بس بدي قلك شغلة قبل ما سكر .. يزن : قولي .. رهف : بحبببببببك ... يزن : وانا بموت عليكي وبعشقك .. قاطع ذكرياته صوت خالته الي بتادي عليه .. عبير : يزن ... تنهد بألم : اي خالة عبير : وين سرحت كنت عم قول شو رأيك تجي انت كمان بكرا بتتسلا ... يزن : لا ما بقدر عندي شغلة بدي حلا .. بعدين سرح شوي وحكا فجأة .. يزن : او أقلك خلص بجي حابب اتعرف ع نبيل ... نظرتله سارة بدهشة .. سارة : متأكد .. يزن : اي وليه لأ سارة : انا ح أحكي مع نبيل ... مسكت تلفونها ورنتلو كان بمكتبه ... نبيل : اهيلن سارة .. سارة: كيفك ... نبيل : تمام كيفك انتي . سارة : منشكر الله .. اي شو كنت بدي قلك .. بكرا ناطرتك انت ورهف عنا عالعشا اهلي حابين يتعرفو عليك واشتاقو لرهف وهيه معندة ما عم ترضى تطلع من البيت حباب زبطا معها .. نبيل : خلص ولا يهمك اليوم بشوفا بس ما بوعدك والله رفيقك عنيدة وراسا كبير ... سارة : طيب حاول انت زوجا بتسمع كلامك .. تنهد بحزن : ااااايه مزبوط زوجا انا... خلص منردلك خبر ... سارة : اوكي باي .. يزن بقلبه : ضروري تقولي كلمة زوجا قدامي ما بترحمو حدا ، بس بكرا بوعدك احرق قلبك متل ما عم تحرقيني يا رهف ... وقف يزن تناول باكيته ومفتاح سيارته .. عبير : لوين بكير لسا هلأ جيت .... يزن : هو بس حبيت اجي اطمن عليكي ، عندي مشوار ضروري بكرا بشوفك ... عبير : تمام بكرا ناطرتك اوعك تطلعلي بحجج ما بقبل .. يزن : لا تكرم عيونك انا كم ام عمار عندي .. عبير : خليلي قلبك يا عمري انت ... ................... طلع ولما ركب سيارته فورا سجل رقم واتصل عليه ... لارين : مييين يزن عم يتصل عليي اي لا ما عم صدق .. يزن : كيفك لارين .. لارين : تمام مشتاقة .. يزن : فيني شوفك هلق.. لارين : مو تكرم عيونك بس خير في شي .. يزن : بدي منك خدمة بس شوفك منحكي ح ارسلك الموقع .. لارين : ااوكي ... ________________ قرب من باب غرفتا وطرقه بتردد .. فتحت الباب وهيه عاقده حواجبا شعرا مفرود و عيونا ناعسة ... رهف ببرود : خير شو بدك ... نبيل بقلبه : بدي ياكي .. رهف : جاي تورجيني طولك ، احكي شبك سكتت.. نبيل : ااا .. اليوم حكت معي سارة وبدا يانا بكرة نروح لعندن بالسهرة جيت قلك تكوني جاهزة .. رهف : وانت مين قلك بدي روح ... نبيل بحدة : مافي داعي حدا يقلي .. بدك تروحي غصب عنك .. رهف : لا ما ح روح تركني بحالي .. ضرب الباب بقوة بالحيط وتقدم لعندا بخطوات ثابته وهيه ضلت واقفه مكانها بثقة.. مسكا من ايدا وجذبها لعنده ... رهف : شو عم تعمل .. نبيل : شي جاي عبالي كثير اعمله ... خافت رهف من نظراته و قوته الي كان مثبتا فيها بين أيديه ... رهف : بعد عني .. نبيل : بدك تروحي بكرا لما لا اذا بدك تروحي بتركك واذا ما بدك بدي اعمل كلشي بجي ببالي اعمله و غصب عنك ... رهف : ..... نبيل : شو قررتي ، بدك الصراحة متمني كثير تقولي لا ..خليني اطفي النار الي بقلبي ... رهف بخوف : بروح خلص بكرا منروح بس بعد عني وطلاع لبرا ... نزل ايديه عنها وتنهد طلع من الغرفه وهو بنفسه ما يتركا ... قفلت الباب وراه بسرعه وستندت عليه وهيه بتبكي بقهر ... رهف : بكرهك بكرهك ، يا ريت متت ولا شفتك ... ____________________ باليوم التاني كانت بتجهز حالا لتروح معه ... لبست فستان أسود مخمل قصير للركبة ع قد الجسم مكشوف لنص الضهر مرصع بألماس من عند الصدر والكمام وشعرا تسريحه ديل الحصان مع أكسسوارات ناعمة و بوط اسود كعب ..كانت أنيقة وفاتنة بطريقة لا تقاوم .... طلعت من غرفتا كان هو ناطرها بالصالون بقلب بتلفونه رفع نظره لما سمع صوت خطواتها .. نذهل فيها لما شافا بهالجمال بلع ريقه وهو مو قادر يشيل نظره عنها ... نبيل : هيي تعي لهون وين رايحه ... رهف : عفواً ... معك انفصام يعني شو نسيان لوين رايحين ... نبيل : فوتي بدلي هالفستان ما بتروحي فيه .. رهف : لا والله ما حزرت بروح باللي بدي ياه .. نبيل : ما ح أعيد كلامي اذا فورا ما بتدخلي بتبدليه بدي احملك انا وروح ابدلك ياه ... رهف : لاااا انت زودتا كثيررر ... مسكت جاكيت فرو اسود ولبسته وكملت مشي بثقة لعند باب البيت .. رهف بنهترا : انا رايحه خليك انت هيك واقف بتتصفن بالحيطان ... مشي وراها بخطوات سريعة وهو بنفخ بنفاذ صبر ... نبيل : انتي ايمتا بدك تصير تسمعي الكلمة ... رهف : بأحلامك بس .... نبيل : ركبي خلصيني بس هي أخر مرة بتلبسي هيك شي... هالمرة ح عديها ع خير ... فتحلا باب السيارة ووقف قداما قبل ما تدخل طلع فيها وعيونه بتلمع .. نبيل : قلتلك من قبل انتي كثير حلوة كثيرررر ... رهف ببرود : بعرف اني حلوة وضايعه فيك وجمالي هاد محرم ع شخص تاني غير حبيبي ماشي لا تتأمل بالفاضي ... نبيل بغضب : لو بتفهمي ما بتحكيلي هالكلام بس مافي عقل لهيك لا عتب ... تركا وركب مكانه وهو مجروح من كلاما ... _______________ كانت سارة بتساعد امها بتجيهز الأكل قبل ما يوصلو دخل عمار عالمطبخ ... عمار : امممم شو هاد عنا عزيمة يعني ، ياعيني ع الترتيب وفن التقديم ... ام عمار : اي رهف وزوجا جايين اليوم اصلا بكونو عالطريق ... عمار بغصة : ايواا ..انا طالع عندي مشوار مع صحابي ... ام عمار : خليك امي وين بدك تروح .. طلع قبل ما تكمل كلامها لبس جاكيته وحاول يطلع قبل ما يصادفا ... بعد فترة وصلت رهف هيه ونبيل استقبلتن سارة وام عمار ... رهف : كيفك خالة ... ام عمار : مشتقتلك يا عمري ، شو ثقلانه علينا يعني واذا زوجك ضابط ... رهف : ههههه لا يا عمري مو هيك ، كيفك عمو ابو عمار : مشتقلك يا حلوة .. انتي كيفك وانت نبيل كيفك نورتنا ... نبيل : تمام ، تسلم الله يخليك ... قعدو رهف ونبيل جنب بعض ليمثلو الزوجين السعيدين ... بعد دقايق رن جرس الباب ... سارة : انا ح شوف مين ... فتحت الباب كان يزن ومعه بنت شقرا طويلة بعيون زرق كأنها عارضة أزياء أبتسمت اول ما شافتا اما سارة ضلت واقفه مكانها مستغربة ... يزن : سارة شبك وين صرتي ... سارة : ااا.. عفوا ً تفضلو .. بس مين هالحلووو يزن : حبيبتي ... سارة بدهشة : شووو قلت حبيبتك ... لارين : ليه مستغربة يعني ... سارة : لا ولاشي دخلو .. مسك ايدها ودخل بكل ثقة وهو بكامل أناقته وكالعادة ريحه عطره سبقته لتنبه رهف بوجوده ... فتحت عيونا بصدمة لمن شافته مع شعور غريب ما بنوصف ضربات قلبا تسارعت ... اما هو نعصر قلبه لمن شافها قاعده جنبه وهيه بالفستان الي بارز كل مفاتنها ... ألقلا السلام وقعد ولارين عرفت عن نفسا وقعدت جنبه ... ضحكت ام عمار بسعادة وهيه بتحكي ليزن .. ام عمار : الله يسمعنا الأخبار الطيبة يا روحي أبتسم يزن ليغيظ رهف : امين خالة امين .. نبيل تبدلت ملامح وشه وهو شادد ع قبضة ايده ليكبت غضبه وغيرته من يزن ... ام عمار : يلا تفضلو قبل ما يبرد الأكل ... قامو نظمو لسفرة الأكل سحب نبيل كرسي وقعد رهف عليه طبع قبلة ع راسا وهو بسألا : مرتاحة هيك حبيبتي ... رهف من بين سنانا : شكرا مرتاحه ... قعد جنبا وكان يزن ما يقدر يتفادا النظر الهن يزن بقلبه : ااااه شو صعبة تغار ع شي ملك غيرك ، انا ح موت اذا بضل هون ... كانو ياكلو وهنن يبادلو الأحاديث بس رهف ما قدرت تكتم هالسؤال أكثر ... رهف وعيونا بتلمع بغيرة : ما عرفتنا يزن مين الأنسة ... طلع يزن بلارين أبتسم : حبيبتي وعن قريب مرتي ... تشردقت رهف بعد ما سمعت كلامه الي قاله ببرود ... بسرعه نبيل تناول كاسة مي وشربا وهو بمسح ع ضهرا ليهديها ... نبيل : احسن هيك .. رهف : اي .. خنقتا الغصة الي علقت بروحا بعد ما قال حبيبتي ودموعا لمعو بعيونا قدرت أنها تتماسك بصعوبة ... رهف : انا شبعت ، يسلم ايديكي خالة دائما طبخك الأفضل ... ام عمار : صحتين يا روحي بس ما أكلتي شي .. سارة : ما بصير هيك رهف ... رهف بغصة وهيه بتتفادا النظر ليزن : عنجد شبعت يسلمون .. قامت من ع الطاولة وتوجهت للحمام دخلت سكرت الباب و اطلقت العنان لدموعا حطت ايدا ع تما لتكتم شهقاتها وهيه بتحس بنار كاوي قلبا وروحا ... رهف بقلبا : حبيبتك بهالسهولة صارت حبيبتك .. كيف قدرت كيف .. انا الليل ما بنامه وانا بسمع صوتك و بشوف صورك وبقرأ كلامك اخد كل حياتي وجاي هلق قدامي انت وحبيبتك ... عن أنو حب كنت تحاسبني انت كذاااااب كذاب .. طلعت ع حالا بالمراية غسلت وشا وزبطت مكياجا وبعدين طلعت وهيه متوعده تحرق قلبه ... تقدمت لمحل ما هنن قاعدين وقعدت جنب نبيل ومسكت ايده .. نبيل : شو حبيبي انتي منيحة .. أبتسمت رهف مجاملة : اي كثير .. نبيل بحب : دوم يا روحي.. نظرت ليزن الي كان براقبها وهو عاقد حواجبه وشرارة الغيرة بتلمع بعيونه ... ابو عمار : اي عمو يزن ايمتا قررت تتزوج يزن : عن قريب ... مسك باكيته طالع سيجارة شعلها تذكر انو رهف بضرها ريحه السجاير .. وقف بسرعة .. يزن : عن أذنكن انا طالع عاللبلكون دخنا وراجع ... ابو عمار : أذنك معك .. لارين : حبيبي جاي معك .. أبستم ومدلا أيده بود : تعالي .. ام عمار : هههه شكلا بتخجل تبقى معنا لسا مو متعودة علينا بدا يزن ... زيد : نيال سمااااه وين ملاقي هيك بنت ما بعرف .. سارة : خراس ولااا ليش شبها يعني لهدرجة عجبتك ... ما بتعرف انو اهم شي الأخلاق ..بعدين يزن احلا منها ضايع فيها ... نبيل : ههههههه اي فعلا اهم شي الأخلاق ... كانت رهف ساكتة وعيونا بتراقب باب البلكون رن تلفون نبيل .. نبيل : اي علوش في شي .. نبيل : طيب عشر دقايق وبكون عندك ما تتحركو شي لأصل ... سكر الخط ووقف بلهفة : حبيبتي قومي خليني وصلك صار شي ضروري ولازم روح فورا .... رهف : لا خليني هون بتصل بقصي هو بوصلني عالبيت... نبيل من بين سنانه : ما بصير ام عمار : خليا نبيل بكير لسا ما شبعنا منها نحرج نبيل من اهل سارة وطلع عليها بغضب نبيل : طيب خليكي ... بعدها وجه كلامه لأبو عمار : بعتذر عنجد كان بودي أبقى أكثر .. ابو عمار : ولا يهمك ما بتنلام كلنا منعرف طبيعة شغلك ... نبيل : بخاطركن ... كان يسحب من السيجارة بغضب وهو رافع راسه للسما ومغمض عيونه بألم ... لارين : لهدرجة بتحبا .. يزن بحزن : بعشقا ، رح جن عليها .. لارين : طيب شو مستفاد هيك غير عم تحرق حالك .. يزن : بدي احرق قلبا متل ما عم تحرق قلبي .. لارين : اذا هيك لكن رمي السيجارة من ايدك وتعال نفوت قبل ما تروح ضل كم حركة مستفزة ما عملتن قداما .. أبتسم يزن بألم : بتعرفي مقهور عليها ... لارين : اااه من الحب الأعمى .. مسكت أيده لفتا حوالي خصرا: يلا هيك رح ندخل وبس قعدنا بضمني لقربك ... يزن : خطيرة انتي .. لارين : بعجبك اليوم رح خليها تجيك تتوسل ما تروح لغيرا عنجد غيرتا عم تلمع بعيونا شوو الي خلاها تتزوج غيرك ... يزن : اااه والله مو عارف ... يلا لنشوف أخرتا ... دخلو عالصالون وعيون رهف عم تراقبن بقهر وغيرة جنونية رح تنطق .. قعدو عالكنبة وعمل متل ما قالت لارين قربت منه وهمست بأذنه وهو أبتسملا طبعت قبله ع خده وسندت راسا ع كتفه هالشي خلا رهف تفقد صوابها ... حست سارة فيها وقامت قعدت جنبا وتفتح معاها مواضيع لتخليا تنساهن .. يزن : نحنا صار لازم نمشي بتوصونا بشي ... ام عمار : ليه بضل مستعجل ... يزن : بدنا نروح مشوار متفقين عليه من مبارح ... ام عمار : ههه اذا هيك حقكن بس خلوني شوفكن مرة تانيه ... قرب من خالته باس راسا وعيونه معلقه بعيون رهف ... رهف : خدونا معكن انا وسارة ... إبتسم يزن بأستغراب : كيف يعني ... سارة : اي والله من زمان ما طلعنا ع مكان سوا خدونا حطونا بشي محل وقضو مشواركن وبعدا بترجعو بتاخدونا ... لارين : عادي حبيبي مناخدن ... يزن: اذا موافقة حبيبتي ليه لأ تفضلو أمشو ... ام عمار : هههه حشريات ... رفعت رهف كتافا ولوت تما : مو بأيدنا يعني .. طلعو ركبو بالسيارة يزن ولارين جنب بعض من قدام ورهف وسارة وراهن .... #يتبع *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```