*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *حبيبتي.الخائنة.البريئة.❤‍🩹.tt* *❴🔢❵☟الـــبـــــــــــ❴9️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ #حبيبتي_الخائنة_البريئة #بقلم_سديم #الجزء_التاسع يزن : اي لارين وين حابة تروحي حبيبتي .. لارين : شو رأيك نروح عالكزينو ... يزن : شووووو... كزينو و 3 صبايا معي ... لا يا عمري لااا ... لارين: لكن وين بدنا نروح يعني ... يزن : ما بعرف انا كنت بدي أخدك ع مكان هادي لوحدنا بس صار في دخلاء ما بقى يمشي الحال ... رهف وهيه بتكبت غضبا : بدنا نروح عالكزينو عجبتنا الفكرة مو هيك سارة ... سارة : ااااا ... اي شو علي منغير جو .. يزن وهو بطلع بالمراية بعيون رهف : قلت لا مسكت لارين ايده وحكت بدلع : حبيبي كرمالي وغمزته ليوافق ... يزن : اوووف امري لا الله انا بأمرك يا عيوني.. ضغطت ع تما بغيظ وحكت من بين سنانا ... رهف : شو رائيكن تأجلو غزلكن هاد لوقت تاني ... يزن : شو قاهرك زوجك ما بتغزل فيكي يعني.. رهف : بالعكس نبيل ما في منه ما حدا حبني قده ولا في احلا من كلامه و رومانسيته ... شد قبضه أيده ع مقود السيارة وزاد سرعته من كلامها الي طعن بقلبه ... سارة : شبك يزن ح تروحنا بحادث هدي .. يزن : وصلنا نزلو .. نزلو سارة ورهف وضل يزن بالسيارة هو ولارين ... لارين : شبك ما نزلت ... ضرب قبضة ايده بقهر عالمقود وتنهد بألم ... يزن: انا شو عم اعمل بحالي عم تموتني بكلامها هي ومو حاسة فيني ... لارين : كمان لا تنسا نحنا ما عم نقصر فيها .. خلص انزل وخليك عم تستفزا بأكدلك اذا في شي ما ح تتحمل ح تجي تحكيلك ياه .. رهف : شبهن مالن نفس ينزلو هدول ... سارة بسخرية : رهف ممكن تخففي من غيرتك هي لانها ح تقتلك ... رهف : مو غيرانه ليه لأغار هه ... سارة : اي واضح .. لارين : يلا صبايا تعالو ... ميشت قدامها بسرعه و دخلت قبلن شلحت جاكيتها وقعدت ... قرب يزن وحكالا من بين سنانه : لبسي جاكيتك ولا تخليني افقد صوابي ... رهف : وانت شو دخلك اهتم بحبيبتك ... وقفا من ايدا ولبسا الجاكيت غصب عنا .. دفعته عنا : شو عم تعمل بعد هيك ما دخلك قلت ... يزن: اذا بدك ياني أبقى هادي وما اعمل مصيبة خليكي لا بستيها وما تختبري صبري ... حست بفرح دخل قلبا لمن غار عليها بس تلاشت هالفرحة لما شافته مشي وقعد جنب لارين ... وقفت بغضب ومشت بأتجاه البوفيه وطلبت مشروب ... سارة : رهف شو عم تعلمي جنيتي بدك تشربي .. رهف : كاسة صغيرة ما بتأثر عادي .. سارة : الله يمضي هالليلة ع خير يارب ... شربت بقهر وهيه بتراقبن والدموع تجمعو بعيونا ... رهف : يا ريت طلعت روحي وما شفتو معها لك شوفي كيف قاعده جنبه رح جن .. سارة : كلو من إيدك انتي خسرتيه ... رهف بغضب : انا ما خسرته هو الي خسرني انا ما صرت لغيره هو الي تخلا عني بسهولة ... سارة : خلص تمام متل ما بدك بس أهدي ... رهف بعد ما فصلت عالأخر : هههه جاي عبالي قوم غني شو رأيك ... سارة : لك شبك رهف الله يخليكي قعدي عاقلة ... رهف : هئ بعدي هيك انا رح غني بدل هاد الي بغني مفكر صوتو حلووو ههههه غبي ... مشت بعدم تركيز وهيه بتتمايل وقفت قدام المطرب : عطيني المايك لو سمحت .. ..... : هههههه شو يا حلوة بدك تغني ... رهف : اممم عندك مانع... ..... : لا تفضلي سمعينا هالصوت الحلوو .. يزن : شو عم تعمل هي بدا تخليني ارتكب جريمة اليوم ... وقف بسرعة لمن شافا بتحاكيه كان رايح يجيبا بس سمعا بتغني تمسمر بارضه ... مسكت المايك طلعت بعيونه وبديت تغني نبرة حزينة ... ( لو غبت لو جفيت لو يموت الشوق بيا الهوى يبقى هواك واني غيرك ما هويت ...لا تظن يا قلبي ناسيك ولا عن بالي غبت ....انت بالروح ساكن اني غيرك ما هويت ... مشتهي كلمة أحبك تقولها بطرف اللسان .. مشتهي تسكن بقلبي بس الك هذا المكان مشتهي خدك ابوسه بيا حسرة من زمان ..) ذوبت قلبه بنظرات عيونا المدمعة عطت المايك للمطرب و مشت بخطوات سريعة بأتجاه الحمامات لتبكي براحتها .... وصلت للممر انهارت بالبكي ما قدرت تكمل حست حالا مخنوقة كتمت شهقاتها وهيه سانده حالها ع الحيط و مغطية وشا بأيديها ... حست بحدا شدا من خصرا وضما بقوة بين أيديه .. رهف ببكاء : يزن .. يزن : لا يا عمري لا تبكي ... رهف : كيف قدرت تحب غيري ... تعالت شهقاتها وهيه متمسكه فيه وتبكي بقهر ... يزن بضعف : حاج تبكي والله ما بحب غيرك انتي .. رهف : لكن وهي الي معك شو ااا عم تغازلا قدامي وتلمسا ومخليا تاخد راحتا يزن : ع طول بتطلعي بالعالي بتحاسبيني وبتنسي حالك موو ... بس معليه ح اسكت هالمرة ... غمضت عيونا وخبت وشا بحضنه وهيه شاده بايديها عليه خايفة ليهرب منها ... يزن : بحبك رغم خيانتك بحبك رغم كلشي بعشقك وعم جن عليكي عم اشتقلك ما بنام الليل وانتي نايمه بين إي... رفعت راسا بسرعة وحطت ايدا ع تمه قبل ما يكمل .. رهف : هششش ما تحكي هيك قلتلك من قبل محدا بلمسني غيرك بس انت ما بتوثق فيني ... يزن : لكن كيف عايشة معه شو هالزواج هاد فهميني انا ضاااايع ... رهف : الظروف كانت أكبر مني غلبتني وانا نهزمت بسهولة ... تنهد وهو بطلع بعيونا : طيب وبعدين بدي ضل هيك عم اتعذب انا كيف بدي أنسا قوليلي شو هيه ظروفك ... رهف : بحبك يزن ..بعدها عنك لا تخليا تاخدك مني والله بموت .. يزن :يعني بدك تتحكمي بحياتي وانتي متزوجة ... رهف : بوعدك ارجعلك بأقرب وقت نطرني اذا بتحبني عنجد نطرني ... انا معد استسلم بدي اعمل جهدي ارجعلك ... يزن : طيب ح صدق و انطرك بس بشرط .. رهف : الي هو ؟؟ يزن : تحكيلي شو الي جبرك تتزوجيه .. رهف : سامحني ما بقدر والله ما بقدر.. يزن : اهلك جبروكي قوليلي هددك بشي هاد الواطي خليني امسحه عن وجه الأرض .. رهف : لا اهلي مستحيل يجبروني انا جبرت حالي ما عندي خيار تاني وصدقني عندي سبب بس وثاق فيني هاللمرة كرمالي ... كان براقب تفاصيل وشا وهيه بتحكي وتبكي وغرقان فيها .. مسك وشا بين أيديه ومال براسه ليقبلا بشوق عاشق مجنون... بعد عنها سند جبينه ع جبينا ... يزن بهمس : بعشقك مجنون فيكي كيف خليتيني حبك هيك بهالطريقة هي ااا كيف ... طلعت فيه بعيونه و هيه حابسة دموعا.... رهف بغصة : ضمني مرة تانيه انا بحاجتك... أبتسم وضما بشوق غمض عيونه وهو بشم ريحة عطرا ... يزن : بتحبيني ؟؟! رهف : بحبك كثير صدقني كلمة بحبك قليلة عليك انت كلشي بالنسبة الي ... يزن : انا كيف بدي اتركك هلأ تروحي بعد الي سمعته ... قاطعه صوت لارين الي بتمثل العصبية ... لارين : شووو هاااد شو الي عم يصير هون يزن انت عم تخوني مع هي ... بعدو عن بعضن بسرعة يزن فهم ع لارين اما رهف شعلة بقلبا نار الغيرة والغضب وقفت قدام يزن مسكت ايده وخبته وراها ... اما هو كان يحاول يكتم ضحكته ... قربت لارين منن وحاولت تفك ايد رهف من ايد يزن بس كانت مساكتها بقوة .. لارين : شو عم تعلمي يا حقيرة هاد حبيبي ... رهف : اخرسي وما تعيدها احسن ما ادفنك ماشي هه قال حبيبي قال ... لارين : شو جنيتي انتي مين مفكرة حالك ... رهف : يزن احكيلا تروح من هون احسن ما طالع جناني عليها ... فتل يزن رهف لعنده وحكا بأستفزاز : لا رهف ما بصير هلق انتي الي بتروحي وبتتركيني اتفاهم مع لارين ... فتحت عيونا بصدمة وعقدت حواجبا ... رهف : شو تفضلت حابب تموت انت وياها يعني ... تركت ايده و لتفتت بسرعة لعند لارين وحكت من بين سنانه : اذا ما بتمشي من هون بسرعة وبتنسي حدا اسمه يزن ما ح يصير خير خليني محترمة معك ... لارين : وانتي شو دخلك متزوجة وعينك ع حبيبي كمان ... يزن : خلص اهدو ... رهف : عبث هي ما بتفهم ... اجت لتهجم ع شعرا بس مسكا يزن من خصرا ورفعا بين ايديه ... رهف بصراخ : نزلني شو عم تعمل تركني خايف عليها مووو ... يزن : ههههههه صارت ترفس برجليها بالهوا وهو مثبتا بقوة ... رهف : عم قلك نزلني ولا تضحك .. حاج تضحك ... يزن : لارين روحي من هون والله اذا بتركا لتنتفك .... رهف : لا تجننيي نزلني عم قلك .. تركا بعد ما أمن ع لارين غادرت المكان ..رتبت ثيابا وهيه بتنفخ وتنظرلو بغضب ... يزن : وين رايحه تعي لهون ... رهف : روح لعند حبيبتك الي خايف عليها مالك شغل معي ... يزن وهو ماشي وراها بخطوات بطيئا ويضحك : مجنونة .... رجعت رهف لمكان مو قاعده سارة ويزن ماشي وراها .... سارة : اممممم شو القصة عم تضحك غريب... يزن : ههه اخ بس بشو ورطت حالي .. وين راحت لارين .. سارة : ما بعرف قالتلي مضطرة تروح .. رهف بسخرية :لحقا يلا راضيها شوفا لا تكون زعلت منك ... يلا شو عم تستنا روح ... يزن : اي والله لازم لحقا قبل ما تبعد ... وقفت بسرعه ومسكته من ايده : وين رايح .. يزن :مو رايح ع مكان عم امزح والله سارة : احم احم ..حدا يفهمني شو عم يصير هون ... يزن : بلالك وجعة هالراس ... وصل يزن رهف وسارة ع بيتن وبعدا رجع ع بيته وهو عم يذكر كل لحظة كانت مع رهف بس كان قلبه يتمزق بألم لانها مع نبيل ... دخلت عملت دوش ولبست بجامة وبعدا وقفت قدام المراية تسرح شعراتا ابتمست وحطت ايدا ع شفافا تذكرته لما قبلا غمضت عيونا ورمت حالا ع سريرا .... رن تلفونها برقم غريب ... رهف : الو .. ....: مدام رهف .. رهف : ايوا مين معي .. .... : انا صديق نبيل بس حبيت خبرك عشان ما تقلقي هو هلق بالمشفى ... رهف : ليه شو صاير معه .. ...: تصاوب بصدره وهلق هو بالعمليات .... رهف : عطيني اسم المشفى ... قامت بدلت ثيابا بسرعه وطلعت راحت عالمشفى لتطمن عليه ... بعد ساعات كانت واقفه جنب باب غرفة العمليات هيه وضابط سيف صديق نبيل ... طلع الدكتور ع وجهه ملامح التعب ... سيف : طمنا كيف وضعه ... الدكتور : هلق وضعه ستقر بس نزف كثير وبحاجة وحدتين دم طالعنا رصاصتين و في رصاصة عالقة ما قدرنا نطالعه من صدره بس هلق ح نوقف مشان ما تدهور حالته ... رهف : ايمتا بيصحى ... الدكتور : بس فك التخدير بيصحى لان عمليته ستغرقت وقت طويل لهيك ثقلنا البنج .. رهف : يعطيك العافيه دكتور .. الدكتور : حضرتك شو بتقربيه .. رهف : زوجته .. الدكتور: أمه موجودة ... رهف : لا متوفيه ... الدكتور : كان يناديها وهو فاقد الوعي .... حست بغصة خنقتا راحت لاقرب كرسي وسندت حالا عليه .. قرب سيف منا ... سيف : ما تخافي هو قوي ورح يقوم هي مو اول مرة هيك بتصاوب ... رهف : ان شاءلله .. سيف بقلبه : مو معقول شو كمية هالصبر الي عندا لو وحدة تانيه كان هلق صريخا وبكيا معبي الدنيا .. بس مو ضروري يكونو كل النسوان متل بعض.. مرت ساعتين وبعدا صحي نبيل ونقلوه ع غرفة عادية ... فتحت الباب ودخلت لعنده بهدوء ... قربت من سريره كان نايم ووجه شاحب باين عليه علامات التعب .. رهف بهمس : نبيل .. فتح عيونه بصعوبة وأبتسملا لان أول مرة بتناديه بأسمه .. رهف : انت منيح .. هزلا براسه بمعنى " اي " نزلت دمعا من طرف عينا غصب عنا لان شافته هيك ضعيف ... نبيل بصوت مبحوح : ليه عم تبكي انا ما بستاهل تبكي مشاني ... حطت ايدا ع تمه سكتته : بعرف انا ما عم ابكي مشانك ... مسحت دموعا: عطشان او جوعان شو اجبلك ... نبيل : ما بدي شي بس خليكي جنبي ... تنهدت رهف : طيب نام ارتاح ... راحت قعدت عالكنبة وضمت رجليها ع صدرا وهيه سارحة ودموعا تنزل غصب عنا ... طلعت عليه شافته غفيان ... رهف بقلبا : ما بعرف ليه هيك عملت فينا .. رغم كلشي عملته وقلبي هلق عم يشفق عليك ياريت تعرفت عليك بغير ظرف متل اخ او صديق بس مستحيل سامحك لو شو ماصار انت بعدتني عن يزن ... صحي تاني يوم كانت لساتا ع قعدتا وهيه غفيانه ... ندق الباب ودخل سيف أبتسم اول ما شافه مصحصح .. سيف : الحمدلله ع سلامتك يا صاحبي ... نبيل : الله يسلمك ، سيف صحيا من عندك .. قرب سيف وندهلا بصوت خافت : مدام رهف ... فتحت عيونا بكسل وتفاجئت بحالا كيف نايمة قامت من مكانا بسرعه ورتبت ثيابه ..طلعت ع نبيل وهيه فاتحه عين ومغمضه عين ... رهف : نبيل كيف صرت .. أبتسم نبيل : منيح ما بقى فيني شي .. رهف :انا طالعه شوي جبلك شي معي ... نبيل : قهوة .. رهف : تمام .. وهيه طالعه صطدمت بشخص رفعت راسا وهيه بتحكي : مو شايف قدامك ي... بس فتحت عيونا بدهشة لما شافت شخص شبه نبيل وكأنه تؤمه بس مبين انه بالعشرينات.. أيهم : عفوا بس انتي طالعه ومو شايفه قدامك ... رهف : مين انت ... أيهم : أخوه لنبيل ،كيفك مرت أخي رهف بهمس : مرت اخي .. طلعت فيه وحكت بجدية : لا بقى تعيدا هي مرت اخي اسمي رهف ... أيهم : تشرفنا بس بدي شوف اخي مو فاضيلك ... رهف : مين مانعك تشوفه يابعدي تفضل ..هه شو هاد عالم فاضية... دخل عالغرفة وهو عم يحكي مع حاله ... أيهم : لعما شو هاد شو مغرورة الله يعينك يا نبيل .. قرب من نبيل ونحنا لعنده ضمه .. أيهم : الحمدلله ع سلامتك أخي ... نبيل : الله يسلمك إيمتا جيت .. أيهم : اليوم هي وصلتي لما خبرت انك بالمشفى تركت كلشي وجيت أخي ايمتا بدك تنتبه ع حالك .. نبيل : نصيب.. أيهم : بالمناسبة واجهت مرتك بالممرر عالواقع احلا من الصور الله يسعدك بس ليه هيك نفسية ... نبيل : ههههه بكرا بتتعود عليها .. أيهم : لا باين انك بتحبا كثير .. تنهد وسرح بالسقف : فيك تقول أكثر من الكثير بكثير ... كانت حاسة بصداع قوي براسا وتعب فضيع .. رهف : اووف ليه هيك عم دوخ وما عم ركز لك اه صح الحبوب الله يلعنك يارهف كيف نسيتون ... مسكت تلفونها واتصلت ع سارة .... سارة : اي رهوف .. رهف : سارة انا بالمشفى وتعبانه كثير في حبوب بدي تجيبيلي ياهون مو قدرانه روح انا.. سارة : مشفى خير شو صاير معك رهف خوفتيني وحبوب شووو. رهف : طيب اهدي شوي لفهمك ، نبيل تصواب مبارحه وهو هلق بالمشفى وانا معه بس حبوب بشربن ومبارح نسيتون انا ما بقدر من دونن بدي ياهون رح ابعتلك اسمون برسالة وبتجيبيون بسرعه فاهمة ... سارة :طيب بعتيلي عنوان المشفى وربع ساعه بكون عندك ... راحت سارة عالصيدلية اشترت الحبوب لرهف وما نتبهت انن حبوب مهدئة من لهفتا راحت بعدا عالمشفى لقت رهف قاعده بالجنينة وساندة راسا .. سارة : رهف .. رهف : سارة وينن جبيتون .. سارة : اي خدي بس شو هدول .. رهف : عطيني بسرعه مسكن بس .. عطتا الدوا شربت حبة وبعد شوي رتاحت ... سارة : كيف وضعه هلق نبيل .. رهف : منيح صار تمام .. سارة : قومي خليني شوفه وسلم عليه .. رهف :طلعي لحالك مالي نفس اطلع اه صح قلي اخدله قهوة نسيت خديله معك ... سارة : يخربيت قلبك ع هالقسوة ... رفعت راسا رهف وطلعت فيها بعيون تعبانه ... رهف : تركيني بهمي الله يوفقك ... سارة : الله يهدي بالك احسن شي شو رقم الغرفة ... رهف :109 طلعت سارة دقت الباب وهيه حاملة كاستين قهوة ... أيهم : تفضل ... فتحت الباب ودخلت تفاجئت متل رهف بأيهم سلمت وقربت لعند نبيل ... سارة : الحمدلله ع سلامتك ، تفضل هاد بعتتلك ياه رهف .. نبيل : الله يسلمك وينا هيه ؟! سارة : بالجنينة تعبانه شوي .. نبيل : خديا عالبيت ترتاح هي أيهم هون معي أيهم مع إبتسامه : مين حضرتك ما عرفتينا ... طلعت عليه سارة وحست بشي غريب ... سارة : صديقة رهف وانت مين بتشبهو بعض كثير ... أيهم : شي طبيعي لان نحنا أخوة .. سارة : تشرفت فيك ، يلا بالأذن ... نبيل : الله معك نتبهي ع رهف بأمانتك .. سارة : ما توصي حريص .. طلعت سارة وأيهم ضلت عيونه معلقه عليها ... نبيل : شو وين سرحت شكلا عجبتك وغمزه .. أيهم : اااا ... لا ولو بس ذكرت شي .. رجعت رهف وسارة ع بيت رهف فاتت من دخلتا رتمت ع الكنبة ورفعت رجليلا لفوق ... سارة : شبك ... رهف : ما بعرف حاسة حالي مو بهالدنيا .. سارة : يا ريت بقدر ساعدك بشي ... رهف : ما شفتيه اليوم .. سارة : مين .. رهف : يزن يعني مين بهمني أمره بهالدنيا غيره سارة : انتي ايمتا ح تنسيه لك رهف شوفي زوجك بيعشقك صح محدا حبك متل يزن بس خلص يزن صار ماضي ... رهف : هو ماضيي وحاضري ومستقبلي هو كلشي ... سارة : اه منك شو عم تعملي غير تعذبي حالك .. قامت من مكانا وصارت تمشي دهابا ايابا وهيه عم تردد : لازم لاقي حل لازم سارة : حل لشو لك انتي شو عم يصير معك رهف : ااااخ لك رح يفقع مخي والله اذا بابا بصرله شي ما بسامح حالي ... سارة : رهف وضحي شو القصة .. رهف : بعدين سارة بعدين .. ركدت ع غرفة نبيل حاولت تفتح الباب بس كان مقفل .. رهف : اوف كيف بدي افتحه ... سارة : شو بدك فيه بلكي عنده خصوصيات بشغله ... رهف : نقطيني بسكوتك الله يوفقك ..لحظة كيف كان يفتح الباب قصي بالسيخ .. هههه اي تذكرت ... راحت جابت دبوس شعر وسيخ تمت تحاول لفتح الباب معها ... دخلت عالغرفة وبديت دور بين غراضه ع شي يخلصا من سجنه ... كان في درج مقفول كسرت القفل وفتحته شافت أوراق قعدت صارت دور فيهن لقت صور أمه وابوه وصوره وهو صغير وكثير ذكريات بتخصه ..بعدين لقت وراق الي هددا فيون ..اخدتن وطلعت فورا ... سارة: رهف وين رايحه لك بس فهميني انا ضعت ... رهف : سارة نطريني هون راجعه ... اخدت الأوراق ركبت سيارتا وراحت لعند يزن.. دقت الباب بقوة لحتى فتحلا .. يزن : اي اي اجيت .. فتح الباب تفاجئ فيها : رهف شو جابك .. رهف : ممكن ادخل .. ومالها براسه لتدخل .. رهف : يزن انا بدي احكيلك كلشي ما بقى فيني خبي أكثر ... يزن : طيب ارتاحي واحكي .. حست حالا متوترة كثير طالعت حبة مهدء تانيه وشربتا ... يزن بشك : شو عم تشربي ... رهف : مسكن عندي صداع ، هلق المهم هدول الأوراق الي هددني فيون نبيل اذا ما تزوجته ح يقدمن للمدعي العالم ... يزن : شو هدول ..اخدون من ايدا وصار يقرأن طلع عليها كانت متلبكة وبتفرك ايديها ببعضن يزن بغصة : مشان هيك تركتيني ورحتي تزوجتيه .. رهف : يعني هاد مو سبب مقنع أني اتخلى عن سعادتي كرماله ... يزن : طيب ما فكرتي يكونو مو حقيقين وليه بوقت ابوكي قتل هاد الضابط ما تحاكم ... رهف : بوقتا خفت كثير وكنت بس فكر اذا هي الأوراق تقدمت للمحكمة بابا ح ينحكم بالأعدام .. نزلت دموعا غصب عنا : خفت كثير يزن : طيب شو بنقدر نعمل هلق .. رهف : ما بعرف انا بدي اعرف مين هاد الي قتله وايمتا وهو نفسه الي قتل عمي ولا شخص تاني ... يزن : عمك!! رهف : اي عمي ، كان عمري سنه وشوي لمن اجا شخص مجهول قوص عليه كنت انا بين ايديه بوقتا صح كنت صغيرة بس خفت كثير .. الشخص الي قتله هرب بسرعه عمي كان ضابط والقضية تسكرت ع اساس القاتل مجهول وما لتقى لهيك انا قررت ادرس حقوق لأخد حقه ... بس انا هلق ما عم افهم شي ليه بابا ليقتل شخص معقول اخد انتقام اخوه وما خبر حدا ... مسك راسه بين ايديه ونفخ بضجر : ما بعرف رهف : شو اعمل يزن قلي رح جن .. يزن : رهف ليه ما بتواجهي ابوكي بهالشي ممكن يكون كذب واذا صح انتي مو مستعدة ضحي بحياتك كرمال ذنب مو ذنبك .. رهف : بس انا ما بقدر لو كان ابي القاتل ح ضحي بحياتي كلا وما شوفه يوم بالسجن او بتعذب ... يزن بعد نفاذ صبره : تمام بما انك هيك مقررة خليكي هيك عايشة حياتك ..وتأكدي انتي مو بس ضحيتي بحياتك ضحيتي فيني وبحبي ألك ، قتلتيني وعشتي انتي ... رهف : يزن كرمال الله ما تحكي هيك ... يزن بصراخ : لكن شو احكي ، شو قلك بدك مني اتحمل كلشي واسكت ... تركيني روح اطلع بروحه هلق لهالسافل ، بتقوليلي لأ بابا بلكي صرله شي.. طيب شو أعمل انتي ما فكرتي فيني بنوب لهيك انا ح سافر وابعد من هون وخلص انا ماعاد اتحمل عذاب اكثر من هيك ... رهف ببكاء : انت شو عم تحكي بدك تروح وتتركني .. يزن : ليه انتي معي لأتركك ، انتي الي تركتيني رهف وتخليتي عني ما كنت مفكر حالي رخيص لهدرجة عندك .. رهف : يزن ليه هيك عم تحكي انت بتعرف قديه بحبك شو صرلك .. يزن : ما صار شي غير انك دمرتيني و تاركتيني احترق بنارك ليل نهار ومو حاسة فيني لهيك رح بعد ماعاد بدي شوفك ... طلعت فيه بعيون متل الجمر وهيه عاقده حواجبا : طيب أعمل الي بدك ياه انا غلطت وقت جيت لعندك انا غبية مفكرة في حدا رح يفهمني لك انا ما ضللي حدا بهالدني لهيك الأفضل موت وأرتاح ... طلعت من عنده بسرعه وهيه عم تبكي بصوت مسموع قلبه ما تحمل يتركا هيك لحقا بسرعه بس كانت راكبة سيارتا وماشيه بسرعه كبيرة .. يزن :مجنونة ليه هيك عم تسوق دخل اخد مفتاح سيارته ولحقا وهو ميت من الخوف عليها.. يزن : رهف هدي شوي لك شو عم يصرلك ... صار يتصل فيها بس ما تجاوب يزمرلا بس تتجاهله .. رهف : حتى انت عم تقسى عليي يا يزن انا أخر شي كنت متوقعته انك تعاملني هيك بدك تسافر وتحرمني من شوفتك .. يزن بصراخ : لك كرمال الله وقفي ح تقلب فيكي السيارة .. حبيبتي رهف هدي شوي كرمالي ... زادت سرعتا أكثر من حرقة قلبا وهيه بتتذكر كلشي مرت فيه وتبكي ... فجأة صارت الدنيا قداما متل الخيالات وتشوشت رؤيتا ... رهف : ليه ما عم شوف منيح شو فيني حاسة تخدرت شبني ..فلتت ايديها من ع المقود ... نحرفت السيارة عن المسار وصطدمت بحافة الطريق طارت بالهوا وقلبت مرتين ورا بعضن عالأرض ... ضرب فرام سيارته وهو مو مصدق الشي الي شافه قدامه نزل بسرعه وهو عم يركد ... صرخ أسما بصوت هز أركان المكان ... بسرعه كانت العالم مجتمعه حواليها بحاولو يطالعوها من السيارة قبل ما تفجر ... قرب وهو حاسس الأرض عم تفتل فيه مو مصدق الي عم تشوفه عينه ... يزن : لا يا ربي لااااا كسر باب السيارة وطالعا حملا بين أيديه والدم عبا ثيابه ... ركد فيها بسرعه ،حطا بسيارته ومشي بسرعه جنونية ع المشفى... يزن : يا عمري تحملي يا قلبي والله ما بقى اتركك لو بدي موت .. كانت غايبة عن الوعي والدم معبي وشا وثيابا نزل وهو حاملا بين ايديه دخل المشفى وصار يصرخ ع الدكاترة بصوت عالي ... حطوها ع نقالة ودخلوها غرفة العمليات بسرعه ... يزن : بدي فوت معا ... الدكتور: مو مسموح تدخل لو سمحت بلا مشاكل خليك هون لا تعطلنا عن شغلنا لو سمحت ... سند راسه عالحيط ودموعه نزلت وحرقت خده تمنى يكون هو بدالا كان اول مرة بحياته بضعف هيك كرمال حدا قلبه ماعاد يتحمل يفقد أكثر ... ضل ع وقفته فترة من الزمن وهو مو بهالدنيا كان يسترجع كل أيامه الي قضاها معاها كانت بالنسبة اله احلا ايام عمره هيه قدرت تقتل الوحدة الي كان يعيشا خلته يحب الحياة كان تاره يبتسم لمن يذكر شقاوتا وتاره يمسك وشه بين إيديه ليخفي دموعه ... #يتبع *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```