*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *حبيبتي.الخائنة.البريئة.❤‍🩹.tt* *❴🔢❵☟الـــبـــــــــــ❴🔟❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ #حبيبتي_الخائنة_البريئة #بقلم_سديم #الجزء_العاشر طلع الدكتور من غرفة العمليات طلع فيه بلهفه مرتجي بشارة خير وأمل بس ملامح الدكتور ما كانت بتوحي بهالشي ... يزن : طمني دكتور .. تنهد الدكتور : الحمدلله فينا نقول قدرنا نسيطر عالوضع ، بس حالتها خطير وقف قلبا تحت العملية ، هي عدا عن الكسور الي برجلها ورضوض بأيدها ، مع الأسف نجت بأعجوبة ، اه صح تبين بالتحاليل انها مدمنة مهدئات كان في كمية كبيرة من مادة (البنزوديازيبينات) بالدم وهاد الشي ممكن الي سبب بالحادث ... يزن بحزن : ايمتا ح تصحى .. الدكتور : هلق نحنا ح نتركا عالطبيعه بس صحيت منطمن انها ما دخلت بغيبوبة بس ح نضطر نخليا نايمه للتعافة شوي كرمال ما تشعر بالألم ... يزن : طيب يعطيك العافيه ، بس كيف ممكن شوفا .. الدكتور : حاليا صعب حدا يدخل لعندا ... تنهد وهز براسه بدون ما يحكي ... بعد فترة كان واقف قدام بلور العناية المشددة بطلع عليها كيف جسما ملفوف بالشاش الأبيض والأجهزة موصلة بجسما قلبه كان يتقطع تمنى لو هو بدالا ومو شايفا هيك ... رن تلفونه للمرة ال10 مسكه كانت سارة .. يزن بتعب : اي سارة .. سارة : يزن شو بدي قلك... شفت رهف شي طلعت من زمان ولسا ما رجعت بلشت اقلق عليا وتلفونا مغلق ... حكى بغصة وهو نظره عليها : رهف بالمشفى عملت حادث ... جمد الدم بعروقا لما سمعت هالخبر ... سارة : ك كيف ... شو صار معا هلق هيه كيفا .. يزن : الحمدلله لساتا عايشة .. سارة : بأنو مشفى انا جاي فورا ... ________________ جمال : خير زينب شبك ... زينب : قلبي متل النار ما عم يهدى ولادي جبلي ولادي .. جمال : خير أن شاءالله هلق بتصل فيون يجو .. مسك تلفونه ليتصل برهف وقصي بس قاطعه تلفون من سارة ... سارة ببكاء : عمو .. جمال : شبك سارة شوفي .. سارة : رهف عملت حادث هيه بالمشفى .. جمال : شووو ..انو مشفى .. حس بخوف اول مرة بمر فيه رجليه معد حملوه ... زينب : شو فيه من بالمشفى شبك رد عليي . جمال بغصة : رهف .. زينب ببكاء : كنت حاسة لك شبها ليه بالمشفى شو صايرلا خدني لعندا بسرعه ... جمال : اهدي زينب لا تسمع أمي ما ح تتحمل الخبر ... زينب : لك بنتي وحيدتي بالمشفى وبتقلي اهدي .. ........ كان واقف عم يستنا برا الغرفة....والدكتور بكشف ع جرح اخوه... شافها جاية من بعيد ابتسم وهو براقبها....بس لما قربت عليه اختفت ابتسامته وهو براقب عيونها الوارمة ووشها الاحمر من البكي.... ايهم : خير انسة سارة....ليه البكي سارة :لو سمحت بدي شوف نبيل.. ايهم : الدكتور عندو انتظري لحتى يطلع.... ماردت عليه سارة بشي غير انو مسحت دموعها اللى نزلت وقعدت ع كرسي الانتظار... ايهم : شغلتي بالي شو صاير.... سارة : رهف عملت حادث....ووضعها مو مستقر.....هي بين الموت والحيا.. ما قدرت تكتم شهقاتها اكتر من هيك....غطت وشها بايديها اللي بترجف وكملت بكي....اما ايهم كان لساه مصدوم بالخبر ومو قادر يستوعب.....وشو بدو يحكي لاخوه المصاب هلق اكيد نبيل ما ح يبقى قاعد هون يستنا..... طلع الدكتور من الغرفة، التفت عليه ايهم وهو لسا مصدوم... الدكتور : اطمن وضعو تمام ، بتقدرو بكرا تخرجوله بس لازم يبقى بالسرير وما يتعب حالو، عليه العافية.... ايهم : شكرا دكتور... سارة : لازم خبرو... هز ايهم راسو بدون مايحكي....لانو عارف لو منعها تخبر نبيل....ح يكون عقابه من نبيل لما يصحى كبير... دخلت سارة لعنده وهيه بتحاول تهدي حالها ،كان نبيل سارح ومو منتبه لحتى ناداه ايهم ، طلع ع سارة ولما شاف دموعها لا اراديا همس...رهف نبيل : رهف...سارة رهف فيها شي.....شبك احكي ليه ساكتة.....ايهم شبكن ساكتين سارة : رهف عملت حادث....وهي بالعناية المشددة.... نزل الخبر على راسه متل الصاعقة حاول يقوم ويداري الم الجرح.....قرب عليه ايهم بسرعة... ايهم : اخي انا رح روح مع سارة شوفها وبطمنك، خليك انت مرتاح..... سارة : هيه بنفس المشفى هاد، بالطابق الرابع.... نبيل : ايهم ساعدني خليني روح لعندها، لا تطلع فيني هيك تعال ساعدني خليني قوم .... كانت سارة مراقبة لهفتو عليها ... سارة (بقلبها): مابتستاهلي كل هالمحبة منو يارهف ، انتي ما بس كسرتي قلب يزن و ح تكسري قلب نبيل وتحطميه... ساعدو ايهم وتوجهوا عالمصعد بخطوات بطيئة وسارة معهم طلعو للطابق الرابع.... لما وصل شاف يزن قاعد بجمود ومبين الالم والحزن ع ملامحه ، نبيل حس النار شعلت بقلبه لما شاف ايدين يزن كلها دم ..... لتفت عليه يزن وبقي يطلع عليه بنفس الجمود ، بعدين حكا من بين سنانه.... يزن : لو مو انك مصاب هلق ومستند ع اخوك ، كنت علمتك الرجولة كيف ع اصولها...وخليتك تعرف كيف تتقاوى ع بنت وتهددها..... بقي نبيل يطلع عليه بحقد ويزن نفس الشي..... قطع هالجو المشحون وصول اهلها ل رهف... كانت امها منهارة وعم تبكي وقصي ساندها.... اما ابوها بطلع من زجاج غرفة العناية على بنتو اللي الاجهزة موصلة بجسمها لتقبى عايشة ، نزلت من عينو دمعة تلاها سيل من الدموع ، التفت على يزن وحكا..... جمال : مابعرف كيف بدي اشكرك ، انتي انقذت حياة بنتي.... طلع عليه يزن بكره وحكا.... يزن : مافي داعي تشكرني ، بس ممكن تستفسر من زوجها عن المهدئات اللي كانت سبب الحادث لان رهف تبين بتحاليلها انها مدمنة مهدئات و كانت اخذة جرعة كبيرة لما عملت الحادث وبسبب هالجرعة توقف قلبها وقت العملية ، ممكن سيد نبيل تحكي ليه رهف بتاخذ مهدئ.... توجهت انظار الكل على نبيل اللي انصدم من كلام يزن ، بس سارة تداركت الموقف .... سارة : نبيل ما دخلو ، رهف لما تصاوب حكت معي وطلبت مني اجبلا هاد الدوا وانا فكرته مسكن عادي لانو حكتلي راسي عم يوجعني كتير... ساد صمت كبير بينن وكل واحد بفكر ليه رهف اخذت المهدئات .... الا يزن اللي كان يذكر بكاها وهي عندو وانو كلامه السبب بكل اللي صابها ، كان لازم يحتويها ويساعدها مو يجرحها ويزيد عليها... قرب قصي من يزن وحط إيده ع كتفه ... قصي : يزن بتقدر تروح ع بيتك ترتاح باين عنك تعبان ... يعطيك العافيه لولاك ما بعرف شو كان صار بأختي ... بقي سارح بالأرض وما رد ع قصي هزله براسه طلع فيه بنظرات ما بتتفسر ... تركن وراح ... دخل الدكتور طمن ع وضع رهف بعدا طلع ... جمال : كيف وضعا هلق .. الدكتور : الحمدلله استقر زينب ببكاء : الله يوفقك خليني فوت لعندا بس دقيقة ... الدكتور : صعب .. زاد بكاها الي خلا الدكتور يتعاطف معها ويدخلا لعند رهف تشوفا بس وقت محدود ... مشت بأتجاه السرير الي ممدده عليه بنتا قربت منا وهيه تبكي بحرقة قلبا نفطر من المنظر الي شافت رهف فيه ... مسكت إيدا وقربت منا حكت بصوت مبحوح : رهوفتي يا ماما قومي فتحي عيونك يا قلبي لا تغمضيون كثير .... صارت تلمس بأيديها الكدمات الي ع وشها وهيه تبكي وتحكي معها .... الممرضة: لو سمحتي خالة ما بتقدري ضلي هون أكثر من هيك كرمال صحة المريضة ... قامت تجلست وهيه ماسكة إيدا باست ايدا تركتا وهيه بتمشي لبرا وعيونا عليا ... طلعت من بابا العناية ونهارت بسرعه قرب قصي ومسكا بين ايديه وركد فيها ع الأسعاف .... دخل ع بيته رما المفتاح والموبايل من ايده عالطاولة وطلع ع غرفته دخل عالحمام فتح المي ووقف تحتا وخيالا ما عم يروح من باله ولا صوت ضحكتا كان الندم عم ياكله أكل ختلطت دموعه مع المي وهو مكسور .. بعد فترة طالع ثيابه لبس ونزل عالصالون قعد ومسك الأوراق الي تركتن رهف قبل ما تروح .... يزن : ( سمير ال***) انا سامع هالأسم بس وين ؟؟! سند راسه عالكنبة صار يحاول يذكر ... رجع بذاكرته 22 سنه لورا .. كان أبوه ع طول يحكي مع شخص أسمه سمير كان متل مساعده ... أبوه ليزن كان ضابط برتبة رائد .. يزن : اي أبي كثير كان يردد هالأسم .. لازم لاقي عيلة هالشخص واعرف ايمتا مات وكيف ... قام مسك مفتاح سيارته وطلع .. صار يدور ويسأل عن عيلته لحد ما لقاهن ... وقف قدام الباب رن الجرس .. طلع شب من عمرو وفتح الباب .. ... : تفضل .. يزن : هون بيت سمير **** .... : اي مين حضرتك .. يزن : انت أبنه ؟! ....: اي بس أبي ميت من زمان انت شو بدك منه ... يزن : ممكن ادخل .. .... : طبعا تفضل .. دخل كان في ست عمرا بال 50 رحبت فيه .. عصمت بهمس : مين هالشب أبني ... ...: ما بعرف اجا عم يسأل ع أبي .... قربت عمصت من مكان مو قاعد يزن ... عمصت : مين حضرتك كيف بتعرف المرحوم.. يزن : خالة انا يزن ابن الرائد غسان **** فتحت عيونا بدهشة وأبتسمت ... عمصت : ماشاءالله صرت شب وكبرت ... يزن : بتعرفيني .. عصمت : لمن كنا نزور اهلك انا وسمير كنت شوفك قديه كنت مهضوم وبتنحب ... يزن : شكرا ، خالة ممكن سؤال .. عصمت : تفضل .. يزن : العم سمير كيف مات .. بعلت ريقا وغصت بدمعتا : بعد ما توفى أبوك ب6 شهور تقريبا ، اجانا خبر انه تصاوب بمهمة رحنا عالشمفى بس لما وصلت كان مفارق الحياة ، بس انت ليه عم تسأل هلق عن هالشي .. يزن بشك : يعني مات بعد ما تصاوب .. عصمت : اي هيك حكالنا العقيد رئيس القسم.. ... : أستاذ يزن ممكن أعرف ليه كل هالأسئلة حاسس في عندك شي مخبيه .. يزن : لا أبدا بس هيك يلا سمحولي .. عصمت : خليك شراب القهوة .. يزن : يسلم دياتك غير مرة ... طلع وهو ضايع ومحتار ... يزن بقلبه : سمير هو نفسه مساعد أبي بالزمان بس نبيل شو بعرفه فيه؟ وليه أبوها لرهف قتله او ممكن ما يكون قتله ممكن تكون كلها كذبة .. اكيد نبيل بعرف كثير شغلات ، بس الأهم هلق أعرف مين هو نبيل وليه عمل هيك ... طلع بسيارته مسك تلفونه وحكا مع صديق اله محامي ... سامي : اهلين يزن .. يزن : سامي ممكن شوفك اليوم .. سامي : اليوم .. اي بس خلص دوامي منلتقا ...خير في شي صوتك مو عاجبني .. يزن : ما فيني شي بس شوفك منحكي .. مشي بسيارته لعند البحر المكان الي كان يجمعن ع طول وقف.. وهو بالسيارة صار يطلع ع المقعد الخالي بدأ يذكر رهف ... // فلاش باك // رهف : يزن وين سارح ... يزن : ااا ...معك رهف : واضح كثير معي .. أبتسم ومسك إيدا : ليه الحلوة معصبة .. رهف : معقول يجي يوم وما نكون سوا .. يزن : هسس ما تحكي هيك أبدا ، ان شاءالله ما بفرقنا الا الموت ( ضحك )بس بعد عمر طويل طبعا ... رهف : واذا متت انا بتحب حدا غيري .. رتسمت ع وشه علامات الجمود من كلاما يزن : بعيد الشر عنك ، رهف شبنا ليه اليوم مكتئبة هالكلام بلاه الأنسان لازم يتفائل بالخير ...بعدين لا سمح الله اذا صرلك شي انا بموت وراكي ما بتحمل حياتي من دونك .. أبتسمت وحكت بشقاوة : يعني ما بتحب حدا غيري .. يزن : اخ منك ... هذا الي هامك ، لا يا ستي ما رح حب حدا غيرك انا وين بدي لاقي متلك .. رهف بغيرة : يعني اذا لقيت بتحبا ... يزن : ههههه الله يسترنا من هالنهار ... // باك // نزل مشي بخطوات مثقلة قعد رجع راسه وسنده عالمقعد غمض عيونه بألم ليخبي الدموع الي تجمعو فيهن ... يزن بقلبه: انا غبي ما كان لازم صدق انك ما حبيتيني ورحتي ... ما كان لازم اتركك بسهولة لو انك معي هلق ما كان وصلنا لهون...فتح عيونه وطلع عالسما وحكا بغصة : يارب رجعلي ياها بخير وسلامة .. ______________ تلون قميصه بالدم بعد ما ضل قاعد فترة منيحه قدام الغرفة الي هيه فيها ... أيهم بقلق : أخي شوف كيف صار ينزف جرحك ، هلق ما بقى تقدر تخرج لحتى يلتئم مزبوط ... كان ساكت ما يجاوب عيونه معلقا بالعدم والندم بعصر قلبه ... أيهم : أخي !! نبيل : أيهم تركني كرمال الله سكوت وروح من هون ... لسا بدي كلمة وحدة وبفجر مو ناقصك ... أيقن أيهم انه الكلام معه ما ح يجدي نفع لهيك لتزم الصمت وقعد جنبه ... طلع الدكتور من الغرفة وهو مبتسم ... وقفو الكل ليطمنو منه عن وضعا ... جمال : كيف وضعا دكتور .. الدكتور : الف الحمدلله صحيت كنت خايف من انها تدخل غيبوبة ... زينب ببكاء : الحمدلله بدي شوفا بقدر نبيل : وانا .. الدكتور : بتقدرو بس خمس دقايق مو أكثر بس مين فيكن يزن هيه كان تنادي بأسمه ... ضغط ع شفافو بألم وتنهد حكا بقلبه : نيالك قديه بحسدك ... قصي : غريب ليه يزن ... سارة : ممكن لانه اخر شخص شافته لمن عملت الحادث .. جمال : هلق مو مهم خلوني شوفا .. دخلو لعندا كانت تأن وفاتحه عيونا بصعوبة وتعب ... جمال : يا عمري ، يا روحي انتي ... قرب نبيل منا ومسكلا ايدا ودموعه نزلت ع خده .. رهف بتعب : ب .با .. جمال : نعم يا عيوني .. كانت تحكي بصوت متقطع رهف : انا بدي موت .. زاد بكاء امها بعد ما كانت بتحاول تتماسك قداما ... زينب : لا يا عمري بعيد الشر عنك ما تحكي هيك .. رهف وهيه بتاخد انفاسا بصعوبة : بدي شوفه بلكي متت .. جمال : مين هو قوليلي بابا .. قاطع نبيل كلامها : حبيبتي انت ح تصيري منيحه ما في داعي لهالكلام ... جمال : بدك تشوفي قصي .. نزلت دمعة من طرف عينا ولفظت أسمه بصعوبة : يزن .. وجه نظره للأرض وهو شادد ع قبضة إيده اما ابوها واما أستغربو من طلبا ... دخلت الممرضة لتقاطع حديثن : لو سمحتو خلص الوقت لازم المريضة ترتاح .... زينب : بس كيف بدي اتركا صحيانه لحالا خليني معها ... الممرضة : لا خالة بالسيروم في دوا منوم شي شوي وح ترجع تنام ... طلعو لبرا .... جمال لقصي : أختك عم تطلب تشوف يزن .. قصي : غريب ، ممكن متل ما قالت سارة لان اخر حدا شافته لمن عملت الحادث انا هلق بحكي معه خليه يجي لشوف شو بدا منه المهم هيه كيف وضعا.... نزل راسه بحزن وحكا : كانت تقول بدي موت ما قدر قصي يسمك دموعه ... أيهم : أخي هي شفتا وطمنت عليا خليني أخدك ع الأسعاف يشوفو جرحك .. نبيل بحزن : طيب أمشي ... _________________ سامي : كيفك يزن : ماشي الحال .. سامي : خير شو صاير معك .. يزن : بدي اعطيك اسم شخص وشوية معلومات بدك تحاول تجبلي كلشي عنه .. سامي : مين هاد وليش .. يزن : قصة طويلة بوعدك ح خبرك كلشي بس بالأول عميل الي ح قلك عليه ... سامي : طيب هات لنشوف ... يزن : تفضل هي الورقة مكتوب فيا كلشي والشغلة ح تبقى سر بينا نحن التنين .. سامي : أمرك سيد يزن شي تاني ... يزن : لسا في شغل كثير بس مو هلق... قاطعه صوت تلفونه الي رن برقم غريب ... يزن : ايوا قصي : يزن كيفك ... يزن : تمام قصي : ممكن تجي للمشفى ... يزن بقلق : خير رهف صرلا شي .. قصي : الحمدلله صحيت بس عم تطلب تشوفك ، اذا ما فيا ثقلة عليك ممكن تجي شغلة 10 دقايق بس ... يزن : طيب مشوار الطريق بكون عندك ... سكر تلفونه وتنهد بأرتياح بعد ما عرف انها صحيت وطلبت تشوفه . . سامي : وينننن يزن : ضروري روح هلق بشوفك بكرا ... سامي : الحق عليي انا الي جيت هه يزن : يلا سلاام مستعجل .. ركب سيارته وساق بسرعه للمشفى وصل نزل و دخل بخطوات سريعه وقف قدام المصعد كان مستخدم ما كان عنده صبر يستنى طلع عالدراج بسرعة لحد ما وصل لعند غرفتا ..... قصي : اجيت ... يزن وهو بتنفس بسرعه : ممكن ادخل ... الممرضة : باقي لوقت الزيارة 3 ساعات انتظر ووقتا بتدخل ... ما رد عليها فتح الباب ودخل لعندا ... الممرضة : لو سمحت شو عم تعمل .. قصي : الدكتور قال لازم تشوف الشخص الي طلبتو ... مشيت الممرضة وهيه بدمدم بصوت خافت ... قصي بقلبو : هدول التنين مستحيل في بينن شي انا هلق صرت متأكد ... مشي قرب لجنبا وكانه حدا قابضله ع قلبه ... يزن بصوت خافت : رهف حبيبتي ... فتحت عيونها بصعوبة وأبتسمت رغم الألم ... حاولت ترفع إيدها لتسمك إيده بس ما قدرت ... يزن : لا انتي رتاحي (مسكلا إيدا وشد عليها ) شو حاسة يا روحي .. رهف بتعتب : ألم بكل جسمي ما عم يهدا .. حاسة حالي ح موت ... مسح دمعه نزلت من عينه وقرب باسا ع جبينا يزن : ما قلنا سيرة الموت ما بقى نذكرا ... انتي ح تصحصحي وتصير احسن من قبل وبعد ح ترجعيلي ونتزوج لسا قدامنا كثير شغلات ما عملناها مو هيك ... أبتسمت وهزت براسا ... صار يمسحلا ع شعراتا وهو بحاول يخفي حزنه ليواسيها شوي .. يزن بمزاح : بكرا بس تتعافي مزبوط عقابك كبير ع هالسواقة مين هالدب الي عاطيكي رخصة تسوقي ااا ... كانت بس تبتسم لكلامه وهيه بتتأمله وكانها حاسة هي أخر مرة ح تشوفه فيها ... الممرضة : يا أستاذ لو سمحت خلص وقت الزيارة ... نفخ يزن بضجر : طيب طيب طالع ... نحنا طبع قبلة ع ايديها و قرب همسلا يزن : بحبك يا روحي ، انا كل يوم ح اجي شوفك لو بالسر شو بدي اعمل ... تركا وطلع وهيه بقيت عيونا معلقة عليه..... قصي : يزن تعال نحكي شوي بالجنينة .. يزن بقلبه : كنت متوقع شو بدي قلك هلق .. قصي : شبك سكتت ... يزن : ولا شي امشي خلينا نحكي ... طلع قصي اخد كاستين قهوة ولحق يزن لمحل مو قاعد ... قصي : شو كان بدا رهف منك ... يزن : ما كان بدا شي بس شكرتني ... قصي : عم حاول صدق بس ما عم تدخل عقلي ... يزن : لا صدق هاد كلشي يعني شو بدو يكون غير هيك ... قصي : في بينك وبين اختي شي .. يزن بدون ما يطلع فيه : لاا بنوب .. قصي : لكن ليه هيك كنت ملهوف وخايف عليا ... يزن : لا ولو هيك ممكن لان بشوفا متل اختي بعدين اختك متزوجه شو بدو يكون بيننا يعني ... قصي : بعرف متزوجة انا حتى الحكي بهالموضوع مخلي الشياطين تتنطنط براسي بس بدي اطمن ... يزن : اذا طمنت أنا بدي امشي ... قصي : الله معك ... راح يزن وبقي قصي قاعد مكانه بحيرة ... قصي : هه مفكرني جحش ما بفهم مو خليك عم تكذب لشوف اخرتا انا ساكت هلق لحتى تتحسن رهف ... _______________ كان قاعد ع طرف السرير ناطر تجي الممرضة تكشفلو ع الجرح ... دخلت هيه تفاجئت فيه وهو كمان نفس الشي .. لارين بأستغراب : هاد أنت ... نبيل : هه ما تقوليلي حضرتك ممرضة .. لوت تما وحكت بتعجرف : وليه لا ، لا نكون مو معبين عينك ... حطت العده بنرفزة عالطاولة وبديت تجهز الأبرة والشاش .. لارين : خلاع قميصك لو سمحت ساعدو انت ليه هيك واقف ... أيهم : بساعدو من دون ما تحكي .. لارين : شوف شغلك من دون كثرة كلام .. . أيهم : ل.... قاطعه نبيل بصراخ : حاج بقى انت وهيه ... مسك قميص وخلاه شقفتين .. طلع عليه وهو عاقد حواجبه : شوفي شغلك بسرعه يلاا .. طلعت فيه بخوف من عصبيته وبلعت ريقا ... وهيه بتنضف الجرح : ليه هيك جرحك مو ملتئم تحركت يعني ... نبيل : ..... أيهم : كان بالطابق الرابع زوجته عملت حادث ... فتحت عيونا بدهشة وطلعت بأيهم ... لارين : رهف .. شو صار معا .. نبيل : مو شغلك شو بدك فيها خلصني بدي ارتاح .... أيهم : بتعرفيا ؟! سرحت لارين والحزن بان بعيونا .... لارين : خالصين خليك متسطح وما تتحرك لان كل ما تحركت ح يرجع يفتق الجرح ... بقي متسطح عالسرير وحاسس بالم بجرحه....بس ما بضاهي الم قلبه ...تذكر نظرات يزن والحزن اللي فيهن....ورهف اللي بين الموت والحيا وعم تنادي ل يزن ....هو اللي دخل بينن وقلب حياتن...ولازم يطلع منها ويصلح كلشي خربه حتى لو كلفو هالشي حياتو بكفي الاضرار اللي لحقت رهف لهلق بسبب هالزواج....هو متاكد هلق انو ما بحبا متل يزن ولا ح يحبا ويفهما متلو....هنن خلقو لبعض اما هو مجرد دخيل بينن.... مسك تلفونه ورن عالرقم اللي صار بالنسبة اله ابشع كابوس نبيل : احترامي سيدي... .....: شو بدك نبيل : بعتذر انا مو قادر كمل بهالتمثيلية ورهف ح طلقها...انا مابدي ضرن اكتر من هيك... .....: ماشي...عميل اللي بدك ياه سكر الخط بوشو ونبيل مستغرب....فكر انه يبلش يصرخ و يشتم عليه...اما انو هيك ردة فعل ما كانت متوقعها.....رما التلفون جنبه وغمض عيونه...بعد ما حس انو جبل وانزاح عن صدرو....وراح بسبات عميق.....بس بعدها حس ع ايدين طوقت رقبته وانقطع نفسه....فتح عيونه ليشوف شخص لابس اسود بحاول يخنقه.....قاوم بس ما فادتو ابدا المقاومة..... ............ كانت ماشية بممر المشفى متوجهة ع غرفة نبيل وهيه بتبربر... عالدكتور المناوب اللي طلب منها تطلع تفقد جرحو وتبدلو المغذي..... لفت انتباها شخص ماشي بحذر بتلفت حواليه..... لارين : ابتدا الاكشن لازم الحقو وشوف وين رايح .. لحقتو لارين بدون مايحس وشافته لما دخل ع غرفة نبيل....اسرعت بخطواتها وطلعت من الباب اللي كان مفتوح شي بسيط...... كان الشخص عم يحاول يخنق نبيل.. فاتت بسرعة وحاولت تبعدو عن نبيل....لما انتبهلا ترك نبيل اللي بلش يسعل وهو بحاول ياخد نفس....التفت لعندها.... وجهلا ضربة بس هيه تصدتا بسهولة وفاجئتو بضربة ع بطنو خلتو ينحني من الوجع واستغلت آلمه وجربت كل حركات الكراتيه عليه....بعدها وقف ضربها ضربة قوية وقعت عالارض وطلع عم يركد مشان ما ينكشف امرو.... قام نبيل بتعب وهو ماسك جرحه اللي رجع ينزف وراح لعندها....كانت قاعدة عالارض وصافنة والصدمة واضحة ع وجها...وفي جرح ب جبينها بينزف.... نبيل : انتي بخير... طلعت ع ايدها ورجعت طلعت ع نبيل...انفجرت بالبكي....متل الولاد الصغار.... اما نبيل ضل مصدوم من طريقة بكاها وماعرف كيف يهديها.....بهالوقت دخل ايهم وقصي اللي التقو عند باب المشفى..... وكانت سارة جاي معهن بس تركتن وراحت لعند رهف كان قصي جاي يطمن على نبيل ويروح لعند اخته.... وقفو مصدومين من منظر نبيل اللي كانت ايدو كلها دم وهو ضاغط ع جرحو وعم يحاول يهدي الممرضة اللي بتبكي وجبينا عليه دم كمان.... ايهم : نبيل شو صاير ، ليه هيك حالتكم... نبيل : مشان الله سكتوها...صوتا متل صفارة الانذار.. قصي : ليه عم تبكي هيك....انتي بخير... لارين (ببكاء): بدي يزن....اتصل ب يزن قلو يجي قصي : يزن ماغيرو..... نبيل : لك المهم يزن مين ما كان يكون....بس تسكت اتصل قصي بيزن اللي كان لساتو سهران بدخن والاوراق بايدو وبفكر بهالمتاهة اللي دخل فيها..... رن هاتفه وكان قصي....مسكو بسرعة ورد عليه يزن : خير قصي... قصي : في ممرضة عم تبكي وطلبت نتصل فيك... يزن : ممرضة؟؟! ااا ...لارين ، شبها ليه هيك عم تبكي قصي : مدري شو القصة كثران الطلب عليك هالأيام ...كرمال الله تعال سكتا... يزن : سارة معك ماهيك... قصي : اي يزن : طيب ناديلها تسكتا بينما اجي احسن ما تلم عليكم المشفى كلها.... اتصل قصي ع سارة واجت بسرعة ع غرفة نبيل نبيل : سكتيها مشان الله ترا برميها من الشباك....اذنيي صارو يجعوني من صوتها سارة : لارين ليش عم تبكي... مدت لارين ايدها ل سارة كان ظفرها مكسور بطريقة مؤلمة والدم عم يطلع منو... لارين : انكسر ضفري... سارة : ريتو راسك المكسور ومرتاحين منك ومن دلالك الزايد....او ممكن راس يزن اللي دللك زيادة عن اللزوم...لك سكتي الله ياخذك وصل يزن عالمشفى وطلع ع غرفة نبيل.....لما وصل وشافته لارين زاد بكاها وقامت لعندو... يزن : يا روحي ليه هيك عم تبكي....وشو سبب الجرح.. لارين:(ببكاء) انكسر ضفري... يزن : يلعن عمري....كل ما بدو ينكسرلك ضفر بدك تعملي هيك مناحة....عادي ياقلبي بكرا برجع احس من اول...بس اسكتي...يلا خلينا ننزل نظفلك جرحك وتحكيلي كيف انكسر... سارة : بتعرف شو بدك قتل ع هالدلال اللي نازعها فيه...شوف كيف عم تبكي كرمالو ياخرج اجي كسرلك الباقيات... يزن : كرمال الله خلي حربك انتي و هيه لبعدين خلينا نطلع بسلام من المشفى بدون ما تلم علينا خلق الله.... قصي : كل فكري ايدها اللي انكسرت يزن:لو ايدها المكسورة ما كان بكيت هيك... أيهم : أخي شو يلي صار ليه هيك جرحك بنزف مو قلنا ما تتحرك من مكانك .... نبيل : ساعدني قوم وخليك ساكت ... جلسه أيهم وساعده يمشي للسرير سطحه وراح ينادي لممرض يشوف جرحه .... قصي : انا رايح شوف رهف ... نبيل بتعب : تمام طمني عنها .. قصي : طيب بقي لوحده أفكار تاخد وأفكار تجيبه ... نبيل : اصلا انا ستغربت من ردة فعلك الباردة بس ما توقعت ترسلي حدا يقلتني ... والله لندمك لو بتحب أبنك ما كان عملت فيه كل هالشي بس انت شخص أناني ... صار لازم أتصرف قبل ما تأذي رهف أكثر من هيك ... #يتبع *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```