*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *حبيبتي.الخائنة.البريئة.❤‍🩹.tt* *❴🔢❵☟الـــبـــــــــــ❴1️⃣1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ #حبيبتي_الخائنة_البريئة #بقلم_سديم #الجزء_الحادي_عشر يزن : خلصنا لارين بكفي بكي بلشت ضوج هااا لارين : أسفة بس ما عم أقدر كثير واجعني ... يزن :سلامتك يا روحي .. سارة وهيه مكشرة : انا رايحه ... يزن : وين ؟ سارة : بدي شوف رهف وبعدا عالبيت .. طلع يزن بلارين : بتقدري تخليني شوفا بدون ما حدا ينتبه ... لارين : اي لعيونك ولو ... سارة بقلبا : غريب معقولة مو غيرانه عليه من رهف ... هه اصلا انا ما عدت فاهمة شي ... يزن : اي ما خبرتيني كيف نكسر ضفرك وليه مجروحه من جبينك شو الي صار ... سرحت شويه وبعدا حكت وهيه بتعيد الأحداث بعقلا ... لارين : كان في شخص بحاول يخنق نبيل بس انا دخلت بأخر لحظة وطبقت عليه حركات الكرتيه الي علمتني ياهون ... يزن : يخنقه!! لارين : أي ، مو هو بالامن وهيك أكيد عنده أعداء كثير ، بس هالشخص ضربني عالارض وهرب بسرعه ما قدرت شوف وشو ... يزن : تاني مرة ديري بالك ع حالك لمن بتشوفي هيك شي خبريني او اي حدا قريب تاني مو تخاطري بحالك بلكي عملك شي ... لارين : ولا يهمك أختك قد حالا ولو انا تربايتك ... يزن : يخليلي ياكي ... ___________________ مشيت من قسم الإسعاف وهيه بتشعر بتعب وصداع ستندت عالحيط ومسكت راسا بين ايديها ..... سارة : يا ربي راسي ح يفجر اااه حاسه ح غيب عن الوعي اذا بضل واقفه هون ... كان جاي ما بعيد وشافا .... مشي لعندا بخطوات سريعه ... أيهم : انسه سارة انتي منيحه ... رفعت راسا بتعب وطلعت بعيونه ... سارة : اي منيحه مافيني شي ... و هيه ح تمشي حست الدنيا فتلت فيها اجت لتتهاوى علأرض بس مسكا بسرعه من ايدها... أيهم : سارة .... ليه هيك وشك أصفر .. مسكت أيده وحاولت تقوم ... سارة : لا مو اصفر بس بدي اقعد بشي مكان قريب ممكن نزل ضغطي ... أيهم : طيب تعالي ارتاحي ... ساعدها لتقعد ع مقعد قريب ... أيهم : انا راجع خليكي مكانك ما تتحركي ... سارة بتعب : طيب ... غاب شوي ورجع وهو مبين انه ملهوف عليها وشايل هما .... قعد جنبا وهيه كانت سانده راسا عالمقعد ومغمضه عيونا بقي شوي يتأملها ... بعدين قاطع شرودها بصوته الهادي ... أيهم : لسا تعبانه ... نقزت فتحت عيونا وطلعت بعيونه مباشر سارة : ايمتا رجعت .. أيهم : هي جيتي ...خدي كلي اكيد انتي بدون اكل من مبارحه .. سارة : لاا شكرا مو قدرانه .. أيهم : كيف يعني مو قدرانه شوفي وشك شلون اصفر ... كرمال مرت اخي رهف يلا كلي .... لما سمعت أسما متل بالون كان مضغوط وأنفجر ..نزلت دموعا وصارت تبكي بحرقة .... بلع ريقه وطلع عليها بحزن مو عارف كيف ح يواسيها .... أيهم بحزن : سارة ... أهدي شبك لازم تكوني أقوى من هيك ... سارة : ايمتا بدا تصحى وترجع والله بموت اذا بشوفا هيك ... هيه اغلا من اختي عندي ... أيهم : صدقيني ح ترجع احسن من قبل بس الشغلة بدا وقت ... سارة : أن شاء لله .... بكيت لحتى فرغت الحزن الي بقلبا بعدين هديت ومسحت دموعا .... سارة : انا بدي روح شوفا بالأذن ... بسرعه مسكا من ايدا وشدا قعدا ... أيهم : وين رايحه قلت ما بتروحي قبل ما تاكلي ... سارة : قلتلك مو جوعانه ولا بقدر اكل ... أيهم : ما بعرف هي شغلتك .... يعني كرمال دوخي مرة تانيه .. انتي مو صغيرة يلا خدي من ايدي ... بقيت شوي سارحه بعيونه شافت فيون الحنان ... سارة بقلبا : أنتو الي بتربو بدون أب وأم من وين بتجيبو كل هالحنيه .... أيهم : شو وين سارحة .... نتبهت لحالا وخجلت لان كانت سارحه فيه ... سارة : ااا .. بهالدنيا .. أبتسملا وبعدين ضرب ع راسه .... أيهم : لك نبيل ... اوووه كيف نسيته ... ع اساس رحت جبلو ممرض جرحه بنزف ... بكون ما خلا عليي ستر مغطى .... قام بسرعه يركد وهيه صارت تضحك عليه ... حكا معها وهو برجع بالعكس ... أيهم : بدي ارجع لاقيكي اكلتيون فااااهمة... ________________ نبيل بغضب : الحمدلله ع السلامة وين كنت حضرتك ..... أيهم : ليكو الممرض ... تفضل اخي شوف جرحه ...انا شوية وبرجع ... نبيل : وييييين ... هي استاذ ايهم ...بحكي معك .. (نفخ بضجر) لك وين راح هاد ... باليوم التاني ..... كان قاعد ورا مكتبه و بين ايديه ملفات ..رماهن عالطاولة ومسك تلفونه رن ليزن كرمال يجي لعنده .... سامي : وينك انت .. يزن : بالمشفى .. سامي : بس خلصت شغلتك تعال ناطرك جبتلك كل المعلومات عنه ... يزن : طيب جاييك فوراً ... وقف مسحلا ع شعرا وتنهد كانت نايمة وهو قاعد جنبا ... يزن : بوعدك ياروحي اخدلك حقك منو لهالواطي وترجعيلي ... لبس كمامة والنظارت وكان لابس بدلة ممرض متنكر فيها عشان ما حدا يعرفه ..طلع هو ولارين من عندا ... يزن : ديري بالك عليها وبس صحيت اتصلي عليي فورا ... لارين : بعيوني لا تشيل هم .. ____________________ نبيل : أيهم تعال ساعدني بدي اطلع شوف رهف .. كان واقف قدام شباك الغرفة وسارح .. نبيل : هييي .... أيهم ... بحكي معك .. أيهم : أي أخي ... نبيل : وين عقلك انت شو صايرلك ...اااا أيهم : ما فيني شي بس هيك كنت عم فكر نبيل : تعال ساعدني ... أيهم : يا أخي والله لتتعب ويرجع يفتق جرحك ... خليك قاعد عاقل .. طلع فيه بغضب نبيل : انا شو حكيت ... انا اخدت رأيك اطلع لما لأ أيهم : خلص لا تعصب اجيت ... وهو بساعده يتجلس دقت الباب ودخلت ... لارين : مرحباا .. كيف حالك اليوم ... نبيل ببرود : منيح ... بس صوتك لسا عم يضرب ع عقلي .. لارين : ههه لهدرجة أثرت فيك ... نبيل : هه لك هي مصدقة حالا ... لارين : اي خلاع قميصك وبلا كثر حكي بدل ما تشكرني ... نبيل : هلق انتي ما بتخجلي وقت بقوليلي خلاع قميصك ... بعتي شي ممرض بدالك .. عصبت من كلامه بس مثلت الهدوء والبرود لارين بثقة : ههه ع فكرة مو كثير بحب شوف هالشكل بس مجبورة شو أعمل ... نبيل : اي روحي وبعتي غيرك انا ما بدي ياكي انتي تكشفيلي ع جرحي ... لارين : ما حزرت .. يلا خليني شوف شغلي لسا في غيرك كثير بدي شوفن ... صارت تعقمله الجرح بحقد وهيه تستقصد توجعه ... نبيل : لئيمة ... لارين : مو قدك .. نبيل : انتي ليه هيك حاقدة عليي انا شو عاملك ... لارين : الي مو عاملي شي بس لغيري عامل كثير ... نبيل : شو قصدك .... لارين : ولا شي ... معافه رجاع تسطح لا تقوم من مكانك ومرتك منيحه من شوي كنت عندا مافي داعي تعذب حالك وتطلع نايمة لأن ... نبيل بحزن : بس صحيت خبريني ... لارين : بصير ... طلعت وهيه ماشية بثقة بس فيها شي نهز من جوا .... _____________ دق الباب ودخل لعنده ورتما ع الكنبة بتعب وتنهد ... سامي : شكلك تعبان وشك شاحب ... يزن : اااااه ... (حط ايده مكان قلبه ) قلبي موجوع .. سامي : سلامتك خير شو القصة ... يزن : مو مهم ... ورجيني شو جبتلي معلومات عنه ... مسك ملفات وناوله ياهن ... اخدن وصار يقرأهن ..... سامي : أبوه كان ضابط برتبة رائد وبنفس الفرع الي كان فيه أبوك وحتى أنهن توفو بنفس الشهر ... وع حسب ما خبرت كان صداقتن قوية ... ولسا كمان شخص ثالث توفا بنفس الشهر ومن نفس الفرع بس أعلى برتبة كان مقدم ... يزن : شو أسمه ... سامي : كمال **** طلع فيه مصدوم وبلع ريقه حكا بصوت خافت يزن : هاد عمها لرهف ...طيب وسمير *** ما عرفت كيف توفى .. سامي : تصاوب بأشتباك وفقد حياته لان أصابته كانت بليغه .... يزن : زياد ابوه لنبيل كيف توفى .. وكمال عما لرهف ... أبي معروف توفى بحادث بس هدول الضباط معقول ما نكمش الي قتلن ... سامي : قاتلن مجهول هنن التنين نقتلو فجأة والي قلتن ما قدر الأمن يمسكه وع الأغلب نفس الشخص ... يزن : اوووف راسي ح يفجر ... نبيل اكيد في وراه حدا وهو الي ح يحل هاللغز بس كيف بدي خليه يحكي ... سامي : شو رأيك بعد دوامي شوفك ومنفكر سوا بحل ... يزن : تمام ... انا رايح هلق يعطيك العافيه عم عذبك معي .. سامي : ولووو يا صاحبي ... _____________ طلع ركب سيارته وهو بفكر شو ح يعمل لازم يلاقي حل بسرعه .... يزن : وين بدي روح ... مين بدي أسال .. انا ضاااايع ..ضايع ... نفخ بضجر وسند راسه ع مقود السيارة بحاول يصفي دهنه .... يزن : مالي غيرها لازم اسألا اكيد كانت بتعرف شي عن ابنها ... وبما انه كلن بالمشفى محدا رح يخبر الا هيه ... شغل السيارة ومشي بسرعه ... نزل ورن الجرس طلعت سلوى وفتحتله ... سلوى : يزن .. اهلين تفضل ... يزن : انتي هون .. الست كريمة جوا ... سلوى : اي خير في شي ... يزن : حابب احكي معها بموضوع... سلوى : طيب ادخل ... دخل وسلم وقعد مع ستا لرهف وسلوى راحت تعمل قهوة .... يزن : كيفك خالة .. كريمة : منشكر الله يا ابني سمع صوت بكي ولد صغير قام مشي وحملها بين ايديه وصار يطبطبلا بحنان ... يزن : ليه عم تبكي يا حلوة .. سلوى : اوووه بضل تبكي ..عطني ياها عنك ... طلع يزن بكريمة وحكا بتردد : انا عندي مشكلة وما حدا بقدر يساعدني الا انتي .... كريمة : خير ان شالله اذا بقدر بساعدك ما ح قصر ... يزن : المقدم كمال .. ما لاحظتي عليه شي غريب قبل ما يتوفى ... سكتت وعلقت الدموع بعيونا وكانها أسترجعت ذكريات كثيره ... سلوى : خير شو القصة يزن .. شو علاقة عمو كمال يزن : انا بدي اوصل للي قتله ... هو كان زميل ابي بالفرع نفسه... حكت كريمة من بين دموعا : مات بعمر الزهر كنت بدي زوجه وافرح فيه ما لحقت اتهنى ... اخ يا امي يا ريتني انا بدالك ... يزن : الله يطول بعمرك ويرحمه ... كريمة : دخلت حياته بنت وقلبتا قلب حبا كثير وتعلق فيها .. و كان ناطر الوقت المناسب ليروح يخطبا ... بس هيه تركته وتزوجت واحد تاني وما رضي يحكي مين هيه ولا مين تزوجا بس تغير كثير من بعدا ..صار شخص تاني ....اغلب وقته حزين ومعد يوثق بحدا وعتزل العالم ... بعد 4 سنين رجع متل قبل ... ونسيها وكان مقرر يتزوج ويكمل حياته ...بس صار الي صار ... اجت لتكمل بس نزلت دموعا وما قدرت تحكي اكثر .... نزل راسه بحزن وكانه حس هالوجع وجعه ... يزن : ولا مرة ذكر اسما او اسم الي تزوجا قدامكن ... كريمة : لا بس كان يقول عنها وردته لان اسمها من اسماء الورد ... بس ما كان يحب يحكي لحدا عنها شي .... يزن بقلبه : من اسماء الورد ... يعني متل شو اسما ..ياسمين .. نرجس (فتح عيونه بدهشة ) نرجس !! هز راسه لينفض منه هالافكار الي ما رضي يتقبلا سلوى : شو يزن شو طلع معك... يزن : ولا شي هيك شغلات ما بتفيدني بشي ... كريمة : في صندوق فيه كل خصوصيات كمال بس انا ما خليت حدا يفتحه محتفظا فيه ... ولا حتى انا فتحته ... يزن : معقول يكون فيه شي يفيدنا ... كريمة : انا ح اسمحلك تفتحه لان حاسة انك صادق وعندك شي .... يزن : ياريت بكون ممنونك ... قامت راحت ع غرفتا وهو اخد رهف الصغيرة من ايدين سلوى وصار يتأملا وهو مبتسم ... يزن : متل الملائكة الله يحميكي ... سلوى : ان شاءلله بتتزوج والله بطعمك متلا .. يزن : ان شاءلله ... باسا من جبينا ورجعا لامها ... اجت كريمة وحاملة صندوق خشبي صغير ... كريمة : هاد هو بس مقفول وما بعرف وين مفتاحه ... يزن : عادي اذا كسرته .. كريمة : اي كسره معليه بس ما ضيع الي فيه خليلي ياهون .... يزن : انا ح اخده معي عالبيت و اذا صار شي ح خبركن .... بس هالكلام كله بضل سر لحتى نلاقي القاتل ... كريمة : الله يحميك ويقويك يا ابني ... سلوى : امين .. يزن : الله يخليكي يلا بالأذن ... قام ليطلع بس وصل عند باب الدار وقفه صوت كريمة من خلفه بتحكي بحزن ... كريمة : انت كنت تحبها مو هيك وهيه كمان كانت بدا ياك... وقف مذهول وطلع فيها ... يزن : عفوا بس مين هيه ... كريمة : حفيدتي رهف .. يزن : انتي بتعرفي ... كريمة : بالهدنيا كلشي بتخبا الا الحب .. الله يقدرك ع نسيانها ....انا ما بعرف السبب الي عم يخليك تعمل هيك بس الله يكون معك .. أبتسم وطلع ... ________________ وصله مسج ع تلفونه تجلس ومسكه التلفون فتحه كان المرسل مجهول ... ( اذا بتفكر تلعب معي او تحكي لحدا حرف واحد ح تندم وهي الزواجه بدك تكمل فيها غصب عنك ماشي ... والخيار بايدك يا بتعمل متل ما بقلك يا اما بتخسر اخوك الي هو هلق واقف بالكافيه والله حسافة شب متل الورد يروح بسببك ... وكماااان ما تفكر اذا طلقتا ح خليا ترجع لابني ح اقتلا وما خليا تقرب منه مر تانيه ) .... تغير لون وشه للشاحب وهو فز من مكانه بسرعه ... نبيل : أيهم .. أيهم .. طلع يركد كان ايهم جاي من بعيد وبوزع ابتسامات للممرضات حس بأرتياح لمن شافه ... سند راسه عالحيط و طلع عليه بحزن ... ايهم : خير اخي شبك .. نبيل : اااخ انا شو دخلني بعلبته الوسخه ... تربطو ايدي انا شو ح اعمل هلق ... أيهم باستغراب : شو عم تحكي اخي ما فهمت ... نبيل : ولاشي انسى .. انا ح اتصرف .. رجع قعد مكانه ومسك تلفونه وارسل مسج لنفس الرقم .. ( ضفر من أيهم او شعرة من رهف .... حط ببالك ح يكون مقابلها راس ابنك يزن .. دير بالك عليه ممكن باي لحظة يوصلك خبره ) سكر تلفونه ورماه بغضب ... نبيل : أيهم ناديلي لهي الممرضة الي أسمها لارين أيهم : حاسس بشي تعبان يعني ... نبيل : لا ما فيني شي بس بدي أسالا كم سؤال ... راح ونادلا اجت وهيه مكشرة ... أيهم : أخي انا رايح عند موعد ... نبيل : ما بتقدر تأجله هلق .. أيهم : لا والله مهم ... نبيل : خلي معك سلاح خود ..وانتبه لحالك اذا حسيت بشي غريب فورا اتصا فيني .. أيهم : حاضر كانت لارين بتنقل نضرها بينن وهنن بتحاكو .... لارين : خير أستاذ نبيل ... نبيل : خرسي لا تقولي أستاذ ..صحيت رهف .. لارين : اي صحيت بس ما طلبت تشوفك وقلتلا ناديلو قال لا بدا شخص تاني ... نبيل : مين هو ... لارين : اول حرف من اسمه يزن ... بس اتصلت فيه ما كان يرد ... نبيل : انتي وقحه بتحكي قدامي ببرود بعدين شلون رضيانه تحكي مع حبيبك يجي يشوفا ... لارين : يزن مو حبيبي اخي بالرضاعه .. كلشي قدامكن كان تمثيليه طلع فيها متفاجئ وهيه حطت بسرعه ايدها ع تما لان زلقت قدامه ... نبيل : وليه هالتمثيلة؟! يزن شاكك بشي يعني رهف حكتلو شي ... لارين : ما بعرف الايام الجاي هيه بتثبت كلشي ... لابقى تشيل السيروم خليك بس تتحسن ونخرجلك نرتاح منك نبيل : عطيني رقم يزن ... لارين : وليه بقى .. نبيل : بدي قلو يقص لسانك ...لانو طويل كثير ... لارين : هههه واثق كثير بس خود حاول ... عطته رقمه وطلعت ... نبيل : اذا بعرف شي او شاكك بشي لازم احكي معه وخبره ممكن هو يقدر يحمي رهف اكثر مني ... معقولة حكتله شي رهف ... _________________ كان قاعد بحاول يفتح الصندوق بدون ما يكسره وبعد عدة محاولات نفتح معه .... طلع فيه متردد احساسه عم يقله في شي غريب ... فتحه و كان فيه ظرف واوراق وورد يابس واشياء كثير واضح انها ذكريات ... مسك الورقة وكان مكتوب عليها شعر .. { نرجس والنرجسية فيكِ عشقتك وقد همت بلياليك روحي تغوص في قعر شعري ترقص باتصالها بقوافيك نرجس والحب عرش ودرب الغرام قد بدأ بنواهيك إني ما اعتزلت الغرام وإنما اعتزلت النساء لأجل مافيكي فصلت من سحر الليل قصصا ونجوما قد خرجت منك وفيكي } رما الورقة من ايديه ومسك الظرف فتحه بسرعه ... كان فيه صور ورسائل ... مسك الصورة بأيديه وهو مذهول من هالصدفة ... ضغط عالورقة بغضب وهو لسا عيونه معلقه ع أمه الي بصورا وجنبا كمال عما لرهف الصورة بتشرح انهن كانو حبيبين .... صحي من هالصدمة وصرخ بصوت عالي .... يزن : لك شو هاد ... هي امي .. انا ما عم افهم شي ... مستحيل يا الله رما كلشي من ايده و وقام مسك راسه بين ايديه حس حاله مضغوط لدرجة بدو يكسر كلشي قدامه .... يزن : والله لأدفنك اليوم اذا ما بتحكي كلشي يا واطي .... طلع من بيته وراح بسرعه جنونية لعنده ....فتح الباب ودخل وغلقه بقوة خلا نبيل يفز من نومه .... مشي بأتجاهه ووشه ما بتفسر وعيونه متا الجمر ... نبيل : خير شو في ... قرب منه ومسكه من قميصه ... يزن : اذا ما بتحكيلي كلشي ما ح تطلع من المشفى عايش .... حس نبيل بأستفزاز من كلام يزن بس كان مقدر وضعه .... نبيل : انا كنت بدي احكيلك كلشي بس بعد هالتهديد ما بظن لسا احكي شي .... يزن : ليك ولاااا احكي ولا تخليني فش قهري كلو فيك .... والي خلقك بقلتك ومو سائل .... نبيل : ما بحكي شي لحتى تهدى وتقعد .... يزن : لك انا كيف بدي اهدى كيييف ... جواتي نار اذا بتطلع بتحرقك وبتحرق الدنيا كلا وبتقلي اهدى .... نبيل : كل هالشي مشان رهف .... يزن : لا تذكر اسما ع لسانك قدامي .... احكيلي كلشي بتعرفه وليه هددتها يا واطي ... تنهد نبيل : بس هالشي ح يصدمك ... يزن : هه ما بقى انصدم اكثر من هيك ... نبيل : أبوك هو الي جبرني اعمل هالشي .. يزن : أبي!! شو علاقته مات وما خلص ... نبيل : أبوك بعدو عايش ما مات .... وقف بجمود مذهول من هالخبر ..بعدين صار يضحك متل المجنون .... يزن : شو هالكذبة هي اااا كذوب غيرها ... نبيل : والله صدق ... ابوك هو الي طلب مني هدد رهف كرمال تبعد عنك .. هو لواء بس مختفي ما حدا بعرف بوجوده الا انا والضباط الكبار لان هيك رغبته .. يزن : لك حااااج بكفي انت مفكرني صدقت كذبتك ... نبيل : هو الي رعاني من لمن توفى ابي لان كانو متل الاخوة وهو الي ارسل ايهم لبرا يدرس ... كنت ع طول شوفه شخص كويس وقدوة ألي .. بس بعد الي عمله معك ومع رهف ... تغيرت نظرتي وخاصة لما قلتله بدي طلقا بعتلي حدا يقتلني.... يزن بحزن : كيف بدي صدق هالكلام انا ...أبي عايش ههههه جد هيك كثير عقلي ما عم يستوعب هالشي كذب ... نبيل : كان اتصلت عليه وسمعتك بأذنك بس ما حيرد لان بعتلي تهديد وانا كمان رديت بتهديد ... يزن : طيب ليه هيك عمل فيني شو مشكلته مع رهف ... نبيل : هو بكره عمها وبكره عيلتا ما بدو ياها تقرب منك ....حكالي اسبابه ... عمها خانه بس ما بعرف كيف وقلي هو سبب الحادث الي فقد فيه أمك ... فتح نبيل ع رسالة الي ارسله ياها وكانت مكالماته كلا مسجله مع ابوه ليزن .... عطاه التلفون وصار يسمع وهو مصدوم وقلبه بنعصر من جوااا .... رما التلفون عالارض وبقي سارح ودموعه مجمعا بعيونه ... نبيل : شو ح تعمل هلق ... بقي ساكت ما جاوب قام من مكانه و ثقل جبال ع صدره ..طلع من الغرفة بدو يروح ع مكان لوحده يفرغ قلبه بدو يبكي ليرتاح ما بحب حدا يشوف دموعه وضعفه .... كانت جايه من بعيد وشافته ... لارين : يزن ... وقف شويه .... وقف وما لتفت عليها حكا بصوت مخنوق ... يزن : خير شو في ... لارين : ليه ما رديت ع التلفون ... يزن : .... لارين : رهف صحيت قلت اذا حابب تشوفا ... يزن : مو قدران هلق بعدين ... لارين : شبك ليه هيك مبين مهموم كثير ... يزن : مو وقتك هلق تركيني ... اجا ليمشي يطلع من المشفى بس ما قدر لف وطلع بلارين وحكا بحزن ... يزن : خديني لعندا .. دخل لعندا وهو شافا وزاد همه مشي قرب منها وقعد جنبا .... هيه ابتسمت ومسكت ايده ... حسته مخنوق بسبب صمته وعيونه الي بتلمع بحزن ... رهف : شو فيك يا روحي .. يزن :...... رهف : يزن .. كان مخنوق من العبره مو قدران يحكي ولا كلمة .... دفن وشه بين أيديها وصارت تنزل دموعه بصمت .... شو كانت صعبة بالنسبة أله هالصدمات المتتاليه و ضعفه هاد كان أصعب بعمره ما ضعف قدام حدا وبكي الا قدامها .... صارت تنزل دموعا وهيه بتمسحله ع شعره ... حست بروحا بتحترق وكانها هيه الي مكانه رهف بتعب : يا عمري شبك ليه مدايق كثير .... رفع راسه و هيه مسحتله دموعه ... غمض عيونه وتنهد بحاول يستجمع شتات نفسه ... بعدين فتح عيونه أبتسملا وباس ايدا ... رهف : رتحت هيك ... يزن : كثير ..كيف ما بدي ارتاح وانا جنبك ... رهف : شو صاير .. يزن : ما في شي بس اشتقتلك كثير ايمتا بدك تتعافي وترجعيلي ... رهف : مو لأخلص من نبيل بالاول ... يزن : عن قريب وحياة عيونك ... رهف : احساسي عم يقلي في شي ... أبتسم يزن : أحساسك الأمني عالي جدا ... ضحكت من نص الوجع ونسته همه ... يزن : تقبرني هالضحكة هيه وصاحبتا ... رهف : بعيد الشر عنك حبيبي ... يزن : قوليلي هالكلمة مرة تانيه .... رهف : انو منن ... يزن : احلا شي وقت بتتصعني عدم الفهم ... وانتي اكثر حدا بفهمني ... رهف : حبيبي .. حبيبي .. حبيبي ... يزن : هههه بس بكفو هدول .. _____________ كانت قاعدة بالكافيه وسرحانة بفنجان القهوة... ناطرته يجي مرو ١٥ دقيقة وهيه قاعدة لوحدها.... تأففت بعصبية وقامت وهيه بتبربر.....بهالوقت دخل مستعجل وعم يتلفت حوالية ويدوور بعيونه عليها.....لما شافتو حطت ايدها ع خصرها وهيي عم تزورو..... ايهم : اسف عالتاخير بس زحمة سير....ليه واقفة تفضلي ارتاحي... سارة : صرلي ربع ساعة ناطرتك....واخر شي بتقلي زحمة سير ايهم : صدقا كنت علقان بالزحمة....حتى اني اتصلت ثلاث مرات عليكي ومارديتي.... طلعت سارة عليه باستغراب وفتحت شنطتها كان الجوال صامت وثلاث مكالمات فائتة من ايهم.... سارة : طيب حصل خير.....هي قعدت..فيني اعرف ليش طلبت نلتقي ايهم : سارة انا من اول ما شفتك لفتتي انتباهي... انا معجب فيكي وحابب نتقرب من بعض اكتر ولو كان في توافق بيننا بتقدملك لان انتي البنت بالموصفات الي بدي ياهت بصراحه .....مابدي تقرري بسرعة فكري وخذي راحتك....ممكن نكون اصدقاء هالفترة لبين ما تقدري تحددي مشاعرك تجاهي... سارة : ممكن...بس ما بيعني اني قلبت كون صديقتك معناها حبك.... لا تتأمل كتير ايهم : ههههه واثقة من حالك...اصدقاء؟؟ سارة : يس اصدقاء... كيفه نبيل...ان شاء الله تحسن ايهم : بخير الحمد لله....بس عم يضل سارح ومهموم.....قومي ح اخذك بمشوار حلو سارة : اوكي.... طلعو سارة و ايهم بالسيارة وعم الصمت للحظات قبل يقطعو ايهم.... ايهم : رح تبقي ساكتة هيك.....احكيلي عن طفولتك سارة : بصراحة طفولتي ما كانت بريئة ابدا وخاصة لما تكون رهف معي.....كنا كتير نعمل مشاكل....وانتي كيف كانت طفولتك... ايهم : ...... سارة : ايهم عم احكي معك...وين سارح... ايهم : فيه حدا ملاحقنا... سارة : كيف يعني...مين بدو يكون ايهم : ما بعرف.....رح زيد السرعة وحاول توهن عننا.. زاد سرعتو وسارة كانت ساكتة ومرعوبة..... بس اللي ملاحقينو عرفو انو انتبه لوجودن...وصلو لطريق خالي من السيارات وكانت الشمس بدأت تغيب......بدات السيارة تقرب اكتر عليهن لصارت جنب سيارة ايهم تماما.....وكانت تصدمها صدمات خفيفة ليجبروه انو يوقف..... ايهم فقد توازن سيارته بسبب الصدمات واضطر يوقف سارة : ليش وقفت.....ليكن نزلوا ايهم : مابدي عرض حياتك للخطر اكتر من هيك لو ضلين ماشي رح نعمل حادث..... هنن بدن ياني انا.... خذي هاد المسدس لما حدا منن بيحاول يقرب منك قتيلة... سارة : لك شو عم تحكي.... ايهم : انتبهي ع حالك....بحبك طلع من السيارة وكان فيه ثلاث رجال واقفين ومصوبين اسلحتن عليه..... ايهم : انتو شو بدكم مني ......: بلا كلام فاضي....بتمشي معنا بهدوء احسن ما نقتلا لهالحلوة قدام عيونك.. ايهم : تمام اول شي تركوها تمشي....وانا هون موجود .....: وعم تتشرط كمان... ايهم : مشكلتك معي مو معها خليها تروح .....: ماشي....احكيلها تشغل سيارتها وتمشي ايهم : سارة...شغلي السيارة وارجعي ع بيتك سارة : شووو وانتي ايهم (بعصبية) : مابدي عيد كلامي يلا بسرعة.. مشيت سارة وايهم مراقبها...سحبوه لجوا السيارة... ايهم : لا تعذبو حالكم بطلع لحالي....بامر الحكومة انا... عم تتقمصو دور المجرمين بس واضح متل عين الشمس انكم شرطة.... ......: خليك ساكت احسنلك.. ايهم : حاضر سيدي....والله انكم مجرمين متحضرين... .......... اجت لارين لمن صار وقت دوا وأبر نبيل لارين : انتي لايمتا بدك ضل هون....ماعاد تعرف تقعد عاقل ويلتئم جرحك ونرتاح منك بقى... نبيل : مادخلك...بضل قد ما بدي...بعدين مافي غيرك هون يجي يكشف عالجرح.. لارين : هه يصحلك وبعدين لا تفكر قاتلة حالي اجي وشوف خلقتك بس هي اوامر الدكتور... نبيل : خلص اسكتي كرمال الله...ممكن تفسيريلي كيف انتي اخته ل يزن لارين : حكيتلك اختو بالرضاعة...امي وام يزن كانو صديقات ولما ولدتني امي توفت ورضعت مع يزن وصرت اختو....لسا اشرحلك...بعدين انتي شو دخلك... الله...وع اساس اسكت ليش عم تسال لكن.....انتي لازمك مصح... نبيل : لعما شقد بتردحي...اااخ لك لئيمة.. لارين : اسكت احسنلك لاني ما طايقتك بس يزن وصاني عليك نبيل : مشكور والله....ع كتر ما بكرهني سلطك عليي... لارين : يااارب الصبر.. نبيل : هههه امين. لارين : ليه عم تضحك. نبيل : بحب ازعجك...مو بايدي طلعت عليه لارين وسرحت بعيونه.. نبيل : شو مضيعة بوجهي... لارين : ولاشي خلصت معافا استاذ نبيل.. مسكها من ايدها وشدها وصار قريبة عليه....حكا من بين سنانه وهو بطلع فيها نبيل : شو حكيتي.. لارين : قليل زوق...قلت معافا استاذ نبيل.....ااخ لك وجعتني تروك ايدي...شبك نبيل : لا تستفزيني...مو لمصلحتك... لارين : خفت كتير على فكرة... اندق الباب ودخلت سارة بسرعة....بهاللحظة ترك ايدها نبيل والتفتو ع سارة اللى كان وجها شاحب وبترجف... نبيل : سارة رهف فيها شي سارة : لا.....ايهم انخطف.. نبيل : شوووو....انتي متاكدة.. سارة : اي متاكدة وهي مسدس ايهم نبيل : كنتي معو سارة : اي...لاحقونا ثلاث رجال وخطفوه بهالوقت اجت رسالة ل نبيل فتحها بسرعة /أخوك الغالي صار عندي .... مو حرام يموت كرمال ذنب مو ذنبه ... فكر منيح نبيل بيك ..ولا تتهور كرمال غرورك حط ببالك انا الي سويتك ووصلتك لهون وقادر هلق اخفيك عن وجه الأرض / نبيل : حيوااان...رح ندمك ع كلشي عم تعمله...... #يتبع *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```