*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *حبيبتي.الخائنة.البريئة.❤‍🩹.tt* *❴🔢❵☟الـــبـــــــــــ❴2️⃣1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ #حبيبتي_الخائنة_البريئة #بقلم_سديم #الجزء_الثاني_عشر ‌ حاول يهدء نفسه ويتمالك أعصابه ..... سارة : شو ح تعمل ... نبيل ببرود : ولاشي ... لارين : كيف يعني ولا شي بتقلك اخوك مخطوف .... نبيل : معليه هو قد حاله بعدين انا بعرف الي اخده ما ح يقدر يأذيه .... روحو من هون تركوني أرتاح ... سارة : شو برودة هالدم الي عندك مو معقول صرخ بصوت عالي : قلت روحو من هون يلاا طلعو من عنده وضل لحاله وشه تلون بالأحمر من شدة عضبه .. بس عنده يقين انو غسان ما بيأذي لا الو ولا لأخوه لان بغياب أبوهن كان حنون وعطوف معن لدرجه قدر يعوضن جزء من الي فقدوه ..... نبيل : شو لازم اعمل ... رب العالمين عم يعاقبني بسبب الي عملته برهف ... انا خيرتا بين ابوها ويزن وهلق انا مخير بين رهف وأيهم ... والتنين اغلا من بعض ... انا ما فيني لسا أعذبا اكثر من هيك لازم شوف يزن واحكي معه .... طلع فجر نهار جديد وكان حاسس الدنيا ضايقة فيه.....عرف يمسكه من نقطة ضعفه اللي هو اخوه .....حاول يركز ويفكر شو بدو يعمل....ما قدر...قطع شروده دخول لارين لعنده ... لارين : صباح الخير....كيفك اليوم.. نبيل : منيح.. لارين : رح غيرلك للجرح....واليوم ان شاء الله ح نخرجلك.... نبيل: اخيراً لارين : لو تكون قاعد عاقل كنت طلعت من زمان بس كل يوم جرحك بنزف....وشكلن اعدائك كتار نبيل : لا تتدخلي....خليكي بشغلك لارين : هه حدا قلك قاتله حالي....خلصت معافا استاذ نبيل .. نبيل : يارب الصبر...انتي مين مسلطك عليي لارين : القدر يا معلم....لك اليوم عيد لان ح يخرجلك لدكتور....شوفة خلقتك كل يوم لحالا نكد ... نبيل : لارين... لارين : خير.. نبيل : ممكن تساعديني لارين : انتي عقلك من شو مصنوع....هلق كنت مو طايقني نبيل : خلص ماعاد بدي شي.. لارين : لااا احكي شوو نبيل : .............. بعد فترة من الوقت.....دخلت لعندو لارين ومعها شنتة فيها ثياب... لارين : هي اللي طلبتو...غيرو نبيل : بدي عنوان بيت اخوكي يزن لارين : شووو....ليه بدك ياه...لهالدرجة حقود وبدك تأذي يزن نبيل : يارب رحمتك....مين حكا بدي أأذيه... لارين : معناها بروح معك... نبيل : قال يعني ح تحميه بوجودها لو ناوي اقتلو....بكف واحد بتكوني خالصة لارين : وانت كمان بوكس على جرحك بخليك تتمردغ بالارض.. نبيل : لعمى ما اقواكي....خلصيني منروح بس سكري تمك لانو راسي صار يوجعني... لارين : سعيدة جدا انو صوتي زاعجك وجكر فيك ما ح اسكت... نبيل : طيب طلعي برا....ولا بدك بدل ثيابي قدامك....لا بأس بالمساعدة لانو لسا جرحي واجعني.... لارين : منحرف... نبيل: ما حكيت شي... طلعت لارين وسكرت الباب وراها....اما نبيل كان يطلع عالباب وهو مبتسم متل الأهبل.... نبيل : لعما انا شو صرلي.....اخي مخطوف وعم ضيع وقتي معها.....اووف لازم اتحرك بسرعة .. انفتح الباب وطلع نبيل ولابس ثياب وطاقية باللون الاسود والنظارة كذلك الامر.... لارين : بدونن انت غراب.....بس هلق قطعت الشك باليقين نبيل: انتي ما عندك شغل....بضلي بخلقتي مو خايفة تنفصلي من المشفى .. لارين : يارييييت.....اصلا توظفت غصب عني نبيل : ومين هاد اللي غصبك... لارين : يزن....ما بحب التزم بس جبرني الله يسامحه.... نبيل : الله يجزيه الخير....عبا وقتك وريح البشرية منك.. لارين : انت ليه هيك متوشح بالسواد نبيل: لاني مراقب....مابدي يعرفو اني رايح لعند يزن لارين : الله يستر.....ما بجي من وراك غير المصايب....ما بكفيني ظفري اللي انكسر نبيل : ريتو راسك اللي انكسر وارتحنا منك... لارين : هههههههه سكوت كرمال الله كنت تتخبط تحت ايديه وهو بخنقك....هي بدل ما تشكرني...ح نطلع بسيارتي نبيل : اوكي... وصلو ع بيت يزن....دقت لارين الباب واستنت يزن يفتح وهيه بتطلع ع نبيل نبيل : خير... لارين : سلامتك.. نبيل : كان جيبي سلاح معك مشان تدافعي عن اخوكي مدت ايدها ع جيبا وطالعت مشرط... نبيل : اوووه... قوية فتح يزن الباب واستند عليه .. لارين : شبك سديت الباب بعد هيك ... يزن : تفضلو لنشوف ... دخلو لجوا ولارين قعدت ع اول كنب طلع بوشها وتكتفت وهيه بتطلع ع نبيل باستفزاز نبيل : كرمال الله صرفها من هون ما ح اعملك شي... يزن : شايف بس قعدت هيك....لو بدك تموت ما ح تتزحزح من مكانا برأيي وفر وقت احسنلك.. نبيل : طيب...ابوك خطف ايهم وعم يهددني يزن : شووو....يعني ما ح طلق رهف نبيل : لا مضطر كمل معها....لان حياة اخي بخطر وكمان حياة رهف بخطر.....شو هي الاوراق يزن : هه اوراق مشرفة كتير ....بس اللي استنتجتو انو ابي هو اللي قتل عمها ل رهف نبيل : معقول!! يزن ؛ واحتمال يكون هو اللي قتل ابوك كمان نبيل : مستحيل انت شو عم تحكي... يزن : مو اكيد....مجرد تخمين...بس بعمره احساسي ما خاب ...اتصل عليه واحكيلو ح تكمل معه للاخر....وقلو انك ح تخبرني انو عايش اذا ما ترك ايهم .. اتصل نبيل على غسان وفتح السبيكر غسان : شو يانبيل...ان شاء الله رجعلك عقلك نبيل : ح كمل متل ما بدك....رهف ما ح طلقها واللي بدك ياه بصير....بس اذا من هون للمسا ما كان ايهم عندي ح خبر يزن انو بعدك عايش و ح خبرو انك السبب بزواجي من رهف... غسان : هههههه وبرأيك ح يصدقك...بس ماشي ح سايرك واليوم ايهم برجع....انت عارف اني باي لحظة فيني ارجع اخطفه وفيني اقتل رهف لهيك لا تلعب بذيلك ... نبيل : حاااضر سيادة اللواء بتأمر بشي تاني ... غسان : رجاع لنبيل القديم ... نبيل : صعب بس رح حاول .. سكر الخط وطلع بيزن الي تبدلت ملامح وشه لمن سمع صوت أبوه .... نبيل : اااي وبعدين شو ح نعمل ... يزن : تركا عليي بس أمنت ع أخوك صار معك منتصرف ... نبيل : طيب .. يزن : كيف فيني شوفه ... نبيل : مين هو ؟! يزن : الي كنت تحاكيه من شوي ... نبيل : أبوك ..مممم ما بعرف صعب توصله ما حدا بعرف مكانه سري ... يزن : ولا مرة شفته انت ... نبيل : كثيررر شفته بس بأماكن هو يختارها او ياخدوني لعنده وهنن معصبينلي عيوني ... لارين : يا حرااام ... نبيل : بلا مسخرتك خرسي ... يزن : شو خرسي مين سمحلك تغلط معها... طلعت لارين بنبيل بشماته وضحكت ... طلع نبيل بيزن نظره فوقية وحكا : قديه عمرك ؟؟! يزن : 27 ... نبيل : وانتي يا خانم ... لارين : برضو 27 .... نبيل : انا عمري 30 مين لازم يحترم التاني ااا انت وهيه ... شو رأيكم علمكم الأحترام ع أصوله ... لارين : ااااا ... يزن : ...... ____________________ المسا كان قاعد قدام بيته ع حرف الدرج وناطر أيهم .... طلع بساعة أيده نبيل : تأخرو عن الموعد 5 دقايق يا ويلك اذا بتلعب معي ... رفع راسه شاف ضوء سيارة جاي من بعيد ... نزل منها أيهم و مشي بأتجاه البيت ... وقف نبيل وتنهد بأرتياح بعد ما شافه ... نبيل: وين كنت أيهم بيك ... أيهم : قال يعني ما بتعرف وين كنت ... انت شو عامل لهالبشر لحتى عم يتفششو فيني ... نبيل : حدا لمسك شي ... أيهم : لا .. بالعكس قعدوني بسجن خمس نجوم ... نبيل : كويس تعال فوت ... دخلو عالبيت وبعدها نبيل راح ع غرفته تذكر أنه تاركها مقفولة .. أبتسم لما شاف الدرج مكسور ... تأكد انها رهف لمن لقا الأوراق مو بالدرج .... طلع من الغرفة وهو مهموم ومشي لعند غرفتا دخل عليها كانت لساتا ثيابها مرمية عالسرير ... مسك بلوزة بجامتا رفعا وشم ريحتا وهو مغمض عيونه .. نبيل بهمس : يا الله ..شو بحب هالريحه ... .................. باليوم التاني نقلوها ع غرفة عادية بعد ما تحسن وضعها وستقر .... كانت سارحه بتراقب العصافير الي ع غصن شجره مقابل الشباك وأمها قاعده جنبا ... زينب : شو يا روحي وين سارحه ... حكت و هيه لسا نظرها معلق بالشباك ... رهف : هيك منظهرهن بيعطي أمل وتفائل وصوت تغريدن بنعش قلبي .... دق الباب ودخل لعندا ... نبيل : مرحبا ... زينب : اهلين صهري كيف صرت ... نبيل : الحمدلله منشكر الله ... مشي لعندا وقعد جنبا عالسرير ... وأمها طلعت من الغرفة لحتى ياخدو راحتن ... نبيل : كيفك رهف ... رهف ببرود : منيحه ... نبيل : بتوجعك رجلك .. رهف : لاااا والله مو حاسة بشي بنوب غير الحقد ولكره ... تنهد وطلع ع العصافير : حلوين مو هيك ... رهف : مبلا ... نبيل : بتكرهيني كثير ... رهف : لا أكثر من الكثير بشوية ... وقف وحط إيديه بجيابه وطلع عليها بحزن بقي يتأملا شوي وهيه متجاهله نظراته ... نبيل : رهف .. انتي .. رهف : شوو ... نبيل بتردد : انتي ... رهف : شو عم يصير معك ... غمض عيونه وحكا بصوت مخنوق .... نبيل : انتي طالق .. طالق .. طالق ... بقيت بتطلع عليه بأستغراب ...فتح عيونه وطالع ورقه من جيبته قرب منها وعطاها ياها .... نبيل : هي ورقة طلاقك ...(نحنى لعندا وباس راسا ) : ديري بالك ع حالك ... انا أسف ع كلشي يا ريت تسامحيني ... رهف :.... طلع من عندا و دموعه بتلمع بعيونه ..... اما هيه من فرحتا ما كانت مصدقة الي سمعته والي صار .. بس حست بضيق ع نبيل الي كان مبين مهموم و زعلان كثير ... اما فرحتا كانت أكبر ... طلع من الغرفة وهو حاسس بضيق والدنيا سودت بعيونه ...طلعت قدامه لارين ابتسملها بحزن وكمل مشي... لارين : استاذ نبيل... نبيل : خير.. لارين : انت منيح... نبيل : اي منيح كثير لارين : طلقتها...؟؟ نبيل : اي... لارين : طيب عازمتك ع فنجان قهوة...ولا مو قد المقام نبيل : لارين صدقاً مو متحمل كلمة من حدا....لهيك بعتذر ممكن مرة تانية لارين : براحتك مع انو هي اول مرة بعزم حدا وقابلتني بالرفض شكلو ماعاد عيدها لا معك ولا مع غيرك.....(يارب تسامحني...صايرة كذب كتير)... نبيل : رح حاول صدقك....بس ليه دمك ثقيل اليوم.... لارين : يزن مشغول ومالقيت حدا اتثاقل عليه غيرك...بدك تروح معي نشرب قهوة...ولا بدك تذلني لان عزمتك نبيل : لا امري ل الله بروح معك....بس من هلق الغيها لهي استاذ لان لصبري حدود لارين : حاضر سيدي...اتفضل قدامي لشوف نبيل : امرك...لعما شو بلوة الله يعين اللي بدو يبتلى فيكي لارين : هههههه قول نياله...مشاعيري راعيها شوي ........ وصلو ع كافيه وقعدو ونبيل كل الوقت صافن بفنجان القهوة ولارين مراقبته لارين : لهالدرجة بتحبا.. نبيل : مين.. لارين : مين يعني رهف... نبيل : انتي شو عم تحكي ...ما بحقلي حبها اصلا....انا كنت سبب بتفرقتن عن بعض لارين : بس انت مجبور...والدليل لما تراجعت خطفو ايهم... نبيل : بالاخر كلو نصيب....ويزن بحبها ل رهف كتير...حرام هدول التنين يفترقو لارين : يزن بهالفترة كتير تعذب....يعني تخيل كانت حياته خالية وكئيبة ودخلت رهف ع حياته واخدت قلبه....ضافت عليها الوان الفرح وغيرته كتير.....صار يضحك وعيونو دائما عم تلمع....ولما تزوجت انت ورهف...تعب كتير..ورجع للسواد بحياته.... نبيل : هي رجعتله وماعاد يتعذب...وزواجي منها كان مجرد امر...ومافي داعي تحكيلي شقد بحبو بعض لان كنت مراقبهن دائما وعارف تماما مقدار الحب اللي بقلوبن لبعض....بس. انتي ليه عم تحكيلي هيك لارين : حتى ما ضل تفكر فيها وتلتفت لحياتك... نبيل : ريحي حالك انسة لارين مو بحاجة لنصائحك...وفري ع حالك هالحكي....شكرا عالقهوة دفع الحساب وطلع من الكافيه ولارين بعدها مكانها... لارين : هه القلب وما يهوى....اضرب انا وحظي..انا بورجيك اذا ما خليتك تحبني ما بكون لارين...وغصب عنك يا نبيل تقبرني هالشبوبية انا ... قامت بهدوء وهيه مبتسمة وطلعت برا الكافيه.... لحقته بخطوات سريعه لحتى صارت جنبه ... لارين : خدني ع شي مكان حلو ... نبيل : حلي عني .. لارين : والله ما بزعجك دايق خلقي ... وقف وطلع فيها وصار يضحك ... نبيل : ههه حدا خبرك اني فاتح رياض اطفال ... لارين : لا بس قلبك كبير وأبيض يا ميس ... نبيل : الله ياخدك امشي قدامي ... لارين : لوين بدنا نروح ... نبيل : ع مسشتفى المجانين بدي قلن يقتلوكي قبل ما تتكاثري ... عقدت حواجبا وطلعت فيه بطريقة كيوت ... لارين بدلع : بدي شوكلا .... نبيل : هههههه تكرم عيونك ... لارين : شفت كيف خليتك تضحك ..... __________________ رن الجرس ووقف لثواني بعد اجا قصي وفتحله .... قصي : اهلين يزن تفضل ... يزن : وين العم جمال ... قصي : جوا فوت .. جمال : اي عمو خير شو القصة الضرورية ... يزن : شوف هدول الوراق بالأول ... مسكن وتفاجئ بالمحتوى ، رفع راسه وطلع ع يزن بدهشة ... جمال : شو هاد ... يزن : مو انت الي قتلته ... جمال : مو لكون بعرف مين هاد بالاول شو عم تخبص انت .... يزن:معناها احساسي بمحله ... انا ما عم خبص بس هدول الوراق هدد فيون نبيل رهف كرمال تتزوجه ... قصي ونبيل بدهشة : شووووو ... يزن : متل ما سمعتو رهف ونبيل زواجن عالورق بس ... قصي : لك شو عم تخبص انت مستعوب الي بتحكيه .. يزن : أهدى وروق وخلينا نتفاهم ...العصبية ما ح تفيدك بشي ... جمال : اهدى قصي واقعد مكانك ، اي يزن انت كيف خبرت بهالشي ... يزن : رهف هيه الي جابتلي ياهن وحكتلي انه هددا تتزوجه والا بحكمك اعدام وهيه خافت عليك لهيك وافقت ... جمال : وليه رهف لتحكيلك الك مو النا ... طلع بعيونه وحكا بثقة ممزوجه بالحزن ... يزن : لان نحنا كنا نحب بعض و ع اساس ح نتزوج بس صار الي صار ... قصي : هه كنت عارف والله .. جمال : طيب هاد كله كذب انا ما قتلت حدا هالوسخه نبيل والله لاقتله ... يزن : طلقها ... قصي : لك والله لأشرب من دمه لهالسافل ... يزن : انا خبرتكن لأتاكد من شغلة .. لو سمحتو ما لازم حدا يخبر انه رهف طلقا نبيل لحتى نمسك الي هدده كرمال حياة اخوه وحياة رهف ح تكون بخطر ... جمال : مين هاد الي عم يهدده وشو بدو من بنتي ... يزن : شخص سيئ كثير تركولي الباقي بوعدك من هون لبكرا كون حالل كلشي ... قصي : وينه هاد نبيل ... يزن بغضب : قصي نبيل ما بتقرب عليه عم قلك مهدد بحياة اخوه وايهم مبارح نخطف... قصي : لك اختي تعيش كل هالشي وانا مالي خبر وبدك مني اهدى ... يزن : اذا حابب تفيد بشي روح وخليك جنب رهف حميها ودير بالك عليها منيح ... قصي : مو بحاجه حدا يوصيني بأختي .. يزن : كويس معناها روح لا تنطر اكثر ... _________________ تركا واقفة ع جنب بعد عنها شوي مسك تلفونه ورن ليزن ... يزن : اي نبيل ... نبيل : ايمتا فيني شوفك ... يزن : انا هلق كنت ح اتصل عليك وين انت ببيتك ... نبيل : لاا 5 دقايق وبكون ببيتي ح انطرك هناك انت بتعرف العنوان ولا ارسلك ياه ... يزن : لا مافي داعي بعرفه ... سكر التلفون ونفخ بضجر ... نبيل بحنق : هه اكيد ح تكون بتعرفه ...طلع ع لارين وأشرلها تجي لعنده ... : يلا خلينا نروح ... ______________ كان متسطح ع الكنبة ورافع رجيله لفوق وبحكي معها ... أيهم : اي شو عاملة ... سارة : ولا شي بدرس ... أيهم : ايمتا بقدر شوفك مرة تانيه ... سارة : لااا دخيلك ناقصني عيش الأكشن مرة تانيه ... صرت احس حالي غراب وانا أزفله لنبيل من أخبار الشؤم ... أيهم : ههههههههه الله عليكي ... فتح باب البيت ودخل وسمع صوت ضحكته بتصدح باركان البيت .. مسك مخده وضربه فيها ... أيهم : يلا سلام بشوفك ... نبيل : مع مين بتحكي ولاااا ... أيهم : مع أم عيون المها ... نبيل : ياااا عين .. رن جرس الباب ... نبيل : خليك انا ح افتحله ... أيهم : ناطر حدا .. نبيل : تفضل فوت ... دخل قعد وشعل سيجارة وحكا بدون مقدمات.... يزن : شو عندك شي تخسره غير أيهم ... نبيل : مافي شي غير منصبي .... يزن : حدد أنو منن اهم اخوك ولا منصبك .. نبيل :اخي طبعا ... يزن : منيح وهي اخوك جنبك ... اتصل عليه وحكيله اني بخبر انه لسا عايش ... نبيل : مممم ... يزن :خايف من شي ... نبيل : لا ما خايف من شي ح اتصل ب ع الله يرد ... مسك تلفونه واتصل عليه .... غسان : خير نبيل ... اخد التلفون من ايده بسرعه ورد هو عليه ... يزن بنبرة غضب : كيفك ياااا ... أبي .. غسان : ...... يزن : شو ما ح ترد عليي شكلا ما عجبتك كلمة أبي ... ممم منبدلها ... يا ظالم افضل مو .. غسان : يزن لا تغلط لزام حدك ... وينه الكلب نبيل ... يزن : بدي شوفك ... كيف.. غسان : وقت بدي شوفك انا بجيبك لعندي ... يزن : بس انا هلق بدي شوفك ... غسان : بسيطة طلاع وقف بالشارع وانا ببعت حدا يجيبك ... بس عطي التلفون لنبيل ال...... نبيل : هات لنشوف ... غسان : هيك يا واطي بتعمل ..صدق لتندم والله لخليك تتمنى الموت وما تلاقيه ... نبيل : ابنك هو الي عرف كلشي... وبعدين انا مو خايف منك ... اعلى ما بخيلك ركبه ... سكر الخط بوشه وطلع نبيل ع يزن وضحك ... نبيل : هي اول مرة بشوفه معصب هيك ... بدك تروح لعنده بلكي عملك شي ... يزن : لا شو بده يعمل ... بضل ابنه ... نبيل : خليك لا تروح بس شوي راجع ... دخل ع غرفته وطالع صندوق صغير فتحه كان داخله جهاز ناعم وصغير كثير قد الظفر ... يزن : شو هاد .. نبيل : جهاز تنصت وتعقب بنفس الوقت مشان اذا صار معك شي اعرف واتصرف فورا ... يزن : مممم طيب .. اخد الجهاز وحطه بجيبه وطلع .... وقف قدام البيت ... بعد مرور دقايق ركن فان أسود ع جنب نزلو منه شخصين طول الحيط وعراض منظرهن بخوف ... .... : تفضل سيد يزن ... اجا ليركب بس وقفه ... ... : اربط هي ع عيونك .. يزن : ضروري ... .... : طبعا .. ربطا وطلع ركب وهو بتخيل كيف ح يكون لقائه مع أبوه وكيف ح يكون صار شكله بعد هالسنين .... نزل وفكوله العصابه عن عينه ... دايق من الضو وبعدين شاف نفسه واقف قدام فيلا كبيرة متل القصر .... ....... : تفضل أمشي معنا ... مشي معهن ودخل لجوا بقيو يطلعو وينزلو دراج وممرات طويلة لحتى وصلو لغرفته ... دق الباب واحد من العناصر وستنى الرد .... غسان : أدخل ... فتح الباب ودخل لعنده خبره انه يزن برا وسمحله يدخله ..... كانت نبضات قلبه سريعه وشعور مو عارف كيف يوصفه ممزوج قهر ع شوق ع صدمة .... دخل وسكر الباب وراه بقي واقف وعيونه معلقه ع ابوه .... كان غسان قاعد ورا مكتبه و لابس بدلة عسكرية هيبته وحسن منظره ما كان بدل ع عمره الحقيقي ... قام وقف ومشي وهو مبتسم أتجاه يزن ... يزن الي كان لسا واقف مصدوم ومو مصدق عيونه .... مو عارف يركد لعنده ويضمه ولا يبقى هيك يستوعب صدمته شوي شوي ... غسان بصوت برجف : أبني ... يزن : وين كنت كل هالوقت ... غسان : تعال لعندي خليني ضمك ... يزن : ما تقرب مني بنوب انا بسألك وين كنت كل هالسنين مختفي وشو السبب ... غسان : جاي تفتح معي تحقيق ...طيب تعال قعود لنتفاهم ... يزن : كيف اجا من قلبك تتركني كل هالسنين هي ولا كمان تحرمني من البنت الي حبيتا ... غسان : انا بعمري ما تركتك انا ع طول جنبك ... بس كنت مضطر اختفي ... يزن : هه قلتلي معي ... مع الأسف ما حسيت بهالشي عشت وحيد ... غسان بحزن : اول ما توفت امك كان عمرك 5 سنين ونص من وقتا ما مر يوم بدون ما شوفك فيه او اعرف شو عملت ... بقي يطلع عليه بجمود و هو بعتبر كل كلامه كذب .... يزن بسخرية : هه منيح والله غسان : لما كان عمرك 9 سنين وبلشت تاخدت تدريبات ...بتعرف مين كان مدربك ... يزن : مين ؟! غسان : انا .. كنت ع طول مغطي وشي مشان ما تعرفني بس انا الي كنت دربك وضليت سنين أعطيك دروس بفنون الكراتيه والقتال اذا بتذكر ... يزن بغصة : مبلا بذكر ... بس ما كنت بعرف انه انت .. غسان: لمن صارت معك مشكلة بالجامعة وضربت واحد كسرتله ايده بيوما كانو رح يفصلوك من الجامعه بس انا دخلت بسرعه ... معقول ولا مرة ستغربت من ايد المساعده الي كانت تنمدلك كل ما تتعثر بهالحياة ... يزن : ....... غسان : اخر مرة لمن هجمت ع ضابط وضربته بعرس حبيبتك شو كان لازم يصير فيك لو تاركك كان نسجنت 3 سنين واكلت ضرب وانت مربط ... بس انت ابني وانا بعمري ما تخليت عنك ... يزن : لكن ليه هيك عملت فيني ..شو الشي الي خلاك تجبر نبيل بتزوج رهف وياخدا مني ... غسان : عمها خاني بالزمان وهو السبب بموت أمك وانا صرت أكره كلشي من أثره .. يزن : يعني مو انت الي خنته ... طلع فيه بصدمه وبقي ساكت ... يزن : شبك سكتت ، مين الي خان التاني واخد حبيبته ... اااا بعرف كلشي لا تكذب عليي ... غسان : شو بتعرف .. يزن بغضب: بعرف انه أمي وكمال كانو يحبو بعض بس انت فرقتن متل ما عملت فيني ... غسان : وانت مين الي حكالك ... يزن : مو مهم .. عمها لرهف مو هو الي سببلكن الحادث بس انت حاقد عليه كثير وقتلته .... فتح عيونه بدهشة بعد الي سمعه ... غسان : مين قال انا قتلته ... يزن : انا عم قلك ... اذا بدك ياني سامحك بتحكيلي كلشي هلق ...كيف تزوجت أمي وكيف قتلت كمال .... وهي اذا مو انت الي قتلت زياد ابوه لنبيل ... غسان : هههههه انا بلشت خاف منك يا ولد ... يزن ببرود : مافي شي بضحك ع فكرة ... غسان : اي انا حبيتا لامك كثير لدرجه كنت مهووس فيها بس هيه ما كانت أبدا تعيرني أي أهمية ...سرح شوية ولمعت عيونه بحزن .. غسان : كانت تحبه أله متل ما انا كنت حبا وهالشي كان يخليني أفقد عقلي ... يزن : كيف فرقتن عن بعض شو كذبت عليها لتزوجتك ... غسان : ههههه عملته خاين بنظرها نكسر قلبا منه وماعاد صدقته وانا ستغليت الفرصة وخليتا تتزوجني ... يزن : ولما توفت أمي ليه قتلته ما بكفي قتلته وهو عايش ... غسان : لان مرة هددني قلي ما ح خليك تتهنى معها وانا متأكد هو الي دبر الحادث ... يزن : يعني بتعترف أنك قتلته ... غسان : هههههه انت لازم تكون محقق مو كاتب ... يزن : لهدرجة ما عندك قلب انت ... غسان : لا مات قلبي لدرجه قتلت صديق عمري بكل دم بارد ... يزن : الي هو أبوه لنبيل ... غسان : ايوااا اي الي هو أبوه لنبيل ... بس هاد الشي الوحيد الي انا ندمان عليه ... واذا شو ما عملت رح ضل حس بالذنب كل ما شفت نبيل أو أيهم ... كان قاعد ع طرف سريره وعم يسمع من خلال جهاز التنصت سمع كلشي حكاه ... حس بخنقه علقت بروحه مع صدمة كانت أكبر صدمه بحياته .... نبيل بصراخ : انت الي قتلت أبي يا خاين ... لك والله لأدفنك بأيدي هدول ...اذا ما بخليك عبره لكل البشر ما بكون نبيل ... دخل أيهم لعنده فورا لما سمع صريخه ... أيهم : أخي شو الي صار ... نبيل : لك انا قديشني حمار كل هالسنين وانا بشتغل عند قاتل أبي وكلبو الوفي كمان ... لك ااااه شو ببردلي دمي هلق غير أني اقتلك ... حاول يهديه أيهم بس كان بأقصى درجه من الغضب الخذلان والخيبة ... يزن : انسى انه عندك ولد وياريت ما تقرب عليي لا من قريب ولا من بعيد انا ما بشرفني هيك أب ... واذا رهف تنمس شعرا منها بدي أحرقك الدنيا كلا عم تفهم ... دار ضهره ليطلع بس غسان بسرعه نادا للعنصر يوقفه .... غسان : ما تخلوه يطلع من هون .... اجا ليمنعه يطلع بس بسرعه مسكه يزن من أيده وبفتله ياها لورا ضهره ... يزن من بين سنانه : بعيد من طريقي احسنلك .. .... :سيدي شو أعمل ... غسان : مسموحلك تعمل كلشي بس ما يطلع من هون ... لتفت ع يزن وفك حاله منه واجا ليهجم عليه يثبته بس بحركه سريعه من يزن كان راميه عالأرض ... غسان : ههههه هاد هو أبني .. مؤازرة يا شباب .. دخلو تنين بسرعه ووقفو بوش يزن ... بس هجم عليهن بشراسه و كانت حراكته سريعه و بخفة كان يألمن بضربه ويرميهن عالأرض ... مشي غسان لعنده و هو بضحك مسك أيده وفتله ياها ورا ضهره كان بنيه جسمه قوية مع عزم حديد رغم كبر سنه ... يزن : تركني روح شو بدك مني ... غسان : لا تقلي بدك تضرب أبوك الي رباك وعلمك ... يزن : انا ما عندي أب ... لو ميت ومو عارف انك عايش وبعمايلك ع الأقل كان ضليت بعيني منيح ... ااااخ أيدي تركني.... غسان : قعود عاقل أحسن ما كسر راسك وسماع كلامي ....ممنوع تطلع من هون لحتى انا اسمحلك بهالشي ... يزن : قلي شو بدك تعمل .. نبيل ما تأذيه أكثر ما بكفي حرمته من أبوه .... غسان : ما فيني أأذيه هو بغلاوتك أصلا... يزن : ههههه قال يعني انت عندك غالي ورخيص انت شخص أناني بحب نفسه وبس ... مسك غسان التلفون وطلب 2 من عناصر القوات الخاصة ... كان هو لسا مثبت يزن من أيديه ... دخلو كانت أشكالن مرعبة ضخامة وملامح جامده لما ضربو تحيه الأرض هزت تحتن ... ... : امرك سيدي ... غسان : خدولي يزن وحطوه بغرفتي قفلو الباب عليه وبضلكن واقفين قدام الغرفة لحتى يوصلكن خبر مني أوعكن يهرب ... .... : حاضر سيدي ... يزن :لك ليش هيك عم تعمل فيني شو عاملك انا ...يا الله طلع من غرفته كان لابسه بدلة عسكرية سودة وجعبة فيها رصاص وسلاح ... أيهم : أخي وين رايح لسا جرحك ما تعافا مزبوط .. نبيل : أيهم انت مو صغير لحتى ضل شايل همك خود هاد المسدس وانتبه لنفسك منيح ... ما تروح لمكان واذا فيك تختفي بشي محل بكون ممنونك بس بينما ما ارجع .... أيهم : أمرك بس انتبه ع حالك منيح ... مشي وبعدا وقف ولتفت لعند أيهم ... نبيل بحزن : اذا ما رجعت بدير بالك ع حالك وبتسافر من هون وبتسلملي ع رهف وبتقلا تسامحني واني حبيتا من كل قلبي .... أيهم : أخي الله يوفقك ما تحكي بهالطريقة لبس قناع وطلع ركب سيارته وشغل أشعار جهاز التعقب ليحدد مكان يزن .... كان يسوق وهو قهر الدنيا كله بطعن بقلبه نار كانت تاكله أكل حس بالخيانه من أكثر حدا وثق فيه بالدنيا .... اخدو يزن ع الغرفة وقفلو عليه الباب بعد ما فتشوه واخدو تلفونه وكلشي معه بس من حسن حظه محدا شاف جهاز التعقب ... مشي وهو مثقل بالهموم وقف قدام الشباك وصار ياخد نفس عميق ليهدي نفسه شوي ... يزن : أكيد سمع كلشي بكون جانن هلق الله اعلم شو ح يعمل بس ما بلومه لو شو ما عمل .. ________________ كانت قاعده وحاسه بملل وفراغ كبير دخلت لعندا لارين .... طلعت فيها بغيظ ... رهف : خير .. لارين : سلامتك عندي مناوبة وقلت بجي لعندك منتسلا اذا لسا صحيانه ... رهف : بس انا ما بطيقك .... لارين : شكرا لصراحتك هي طعجتيني بس انا بحبك ع قد ما بحبك أخي يزن ... رهف بدهشة : أخوكي!! لارين : اي أخي ( وحكتلا كلشي بالتفصيل) رهف : طيب وينه من يومين ما شفته ... لارين : مشغول كثير بس تعرفي الي بعمله ما ح تلوميه لان غاب عنك .. تنهدت بألم : شو كنت حابة خبره اكيد ح ينبسط .. لارين : اذا قصدك بطلاقك فهو بخبر ... رهف : جد وهو شو خبره ... لارين : نبيل حكاله كلشي .... قعدو سوا وحكتلا كلشي صار من لمن عملت الحادث ... بعد مرور ساعه فتح الباب ودخل لعنده ... غسان : جوعان ... يزن : لا مو جوعان تركني بحالي ... غسان : تعالوا شحطولي ياه عازمه عالعشا معي ... يزن : خلص لا حدا يقرب بروح بكرامتي ... طلعوا بنفس الفيلا ع مكان مفتوح وكان في سفرة أكل أنيقة وجو حلو ومنعش ... قعدو سوا وكان في حراسة مشددة بالمكان ... يزن : شو لزوم كل هالحراسة ... غسان : انت مفكر أبوك شخص عادي يعني .. انا مستلم أصعب المهمات بالبلد وناجح فيها .. يزن : وبحياتك العادية ما قدرت تنجح مع الأسف لا قدرت تحافظ ع مرتك ولا ع أبنك غسان : عطيني فرصة غير كلشي وسامحني بتقاعد ومنسكن سوا وفي شي مهم بدي خبر ياه ... يزن : أولا ما ضل فرصة لان أنت قاتل وذنبك لا يغفر وثانيا شو ما كان الشي مهم ما بدي أعرف بكفيني الي عرفته لحد هلق ... غسان: بس هالشي حلو ممكن يخليك تنبسط ... يزن : هات لشوف اتحفني ... غسان : بتذكر لمن كنت صغير وحطيناك انا وأمك بالروضة وخبرناك انو نحنا رايحين عالدكتورة أمك بدا تجبلك أخت ... انت صرت تنط من الفرحه وبيوما وقت رحنا وصار الحادث ... يزن : مزبوط بس هيه ماتت قبل ما تجي ع هالدنيا ... غسان : لا ما ماتت بس بعد ما خبرت بوفة أمك طلبت من الدكاترة يقولو ماتت وعطيتا لمرة عايشة بالكويت ما عندا ولاد وهيه ربتا .... انت شب بتتحمل قسوة الحياة بس هيه ما حبيت انها تربا وتحس حالا يتيمه بدون أم وتتعذب ...هيك كان أفضل ألها ... يزن : اااه لك شو لسا مخبى شغلات .. بس قلي ليه هيك عملت فينا... انا وانت واختي كان ممكن نعيش حياة حلوة سوا ونستقر انت ليه هيك دمرت وخربت كلشي خليتني عيش وحيد وهيه الله عليم كيف بتكون حياتها هلق ... أبتسم غسان وحكا بحزن : هيه مو بومة متلك بالعكس بتجنن مرحه وحلوة عم تدرس طب أسمها شهد ...بتشبه أمك كثير وعيونا متل عيونك ... يزن : انا بومة ... غسان : اي بومة ... .......................... وقف نبيل برا سور الفيلا وكان ماسك منظار بأيده مشط المكان كله وعرف عدد الحراس حط خطة ليدخل بدون ما حدا يكمشه ... كان هدفه يقتله وبعدا اذا مات ما ح تفرق معه ... قدر يدخل لمحل مو قاعدين ببراعته وخفته ...ولباسه الأسود ساعده لحتى ماحدا ينتبهله ... غسان : اي أبني شو بدك تعمل بس تركتك تروح من هون ... عمض عيونه وسند راسه بأيديه وحكا ... يزن : اول شي بدي روح شوف رهف وبعدين نبيل وبعدها بدي شوف أختي ..صح كيف بدي أوصلها .... غسان : بغرفتي في ملف فيه عنوانها بالزبط وشو بتعمل واسم المرة الي ربتا وكلشي بخصا ...ياريتني شي شغلة مهمة من هدول الي ذكرتن ... طلع عليه يزن بحزن وحكا بقلبه : اه يا أبي لو بس مو موسخ أيديك بالدم الا كان لحطك فوق راسي بس شو طالع بأيدي ... انا كيف بدي طلع بعيون نبيل هلق ... غسان : وين سرحت ... تهند بألم : قديشا الدنيا صغيرة شوف بهالسنة شو مر علي شغلات ولهلق انا مو مصدق اني قاعد معك ت نفس الطاولة ... بدي دخن مافي سجاير معك ... غسان : لا وبلا لك الدخان بضر صحتك كثير صرت بهالعمر ولا مرة شربت سيجارة يزن : اي هاد انت مو انا في فرق كبير بيننا كان غسان يراقب أبنه بحب وهو مبتسم مو مصدق أنه قريب منه وجتمع معه بعد كل هالسنين ... فجأة طلع نبيل ووقف قدامن ... وقف يزن ع حيله : نبيل!! نبيل : بذاتووو وجه مسدسه ع غسان الي ضل قاعد مكانه بثقة وهدوء ... نبيل : ليش حاسس الموت قليل عليك ... غسان : عميل الي بريحك انا اصلا ماعاد بدي هالحياة .. ومو خايف من الموت ... وكنت متوقع جيتك وكلشي ح يصير مو غبي انا حط ببالك ...اعمل الي بريح قلبك وخود انتقام ابوك بعدين صرخ : هاد نبيل شو ما عمل ما حدا بقرب عليه حتى لو قلتني فاهمين هاد أمر ..... : حاضر يزن : نبيل اهدى شوي بترجاك ... نبيل : فات الأوان لأهدى ... يزن : لاااا نبيل تروى الله يوفقك ضغط ع الزناد وطلعت رصاصة ستقرت بصدر غسان مكان قلبه خلته يرتمي بالأرض ... بسرعه جتمعو العناصر ... أخد أنفاسه الأخيرة وهو بين أيدين يزن ... غسان بتعب : اليوم كان احلا يوم بوجودك معي ... سامحني وانتبه لأختك .... نزلت دموعه بللت خده غمضله عيونه بعد ما فارق الحياة وضمه ع صدره وهو ببكي بصمت ... اما نبيل جثه عالأرض ع ركبه وهو مكسور قلبه .... #يتبع *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```