*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *حبيبتي.الخائنة.البريئة.❤‍🩹.tt* *❴🔢❵☟الـــبـــــــــــ❴4️⃣1️⃣ والأخير❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ #حبيبتي_الخائنة_البريئة #بقلم_سديم #الجزء_الرابع_عشر_والأخير . مياسة : تعالي ياقلبي ما حدا غريب...ح اتركن تاخدو راحتكن دخلت مياسة عالمطبخ....اما شهد بقيت واقفة بتطلع ع يزن بأستغراب .. شهد : ممكن اعرف مين انت ...عندي أحساس اني بعرفك من زمان. مشي بأتجاها وهو عيونه بتلمع بفرح ومبتسم ... يزن : اخوكي .... شهد : نعم مافهمت يزن : انا اخوكي يزن...انتي مو وحيدة عندك عيلة بس ما ضل منها غيري انا وما كنت بعرف بوجودك.. شهد : مستحيل....عارف شو بتحكي...ماما تعالي مياسة : ليه عم تصرخي ... شهد : انتي كنتي بتعرفي....احكي ...بتعرفي انو عندي عيلة ومخبية عني هالشي ... مياسة : غصب عني....حياتك كانت بخطر وكان لازم تبعدي لتعيشي بسلام... شهد : كذبة.. يعني حياتي مجرد كذبة يزن : شهد اسمعي القصة كاملة بالاول وبعدين احكمي.... قرب منا ومسكلا أيديها يزن: اهدي ياروحي.. شهد : انت عنجد اخي.....شو كنت اتمنى يكون عندي اخ... قاطع كلامها يزن لما ضما لصدرو بشوق وهي انفجرت بالبكي....كانت متمسكة فيه وخايفة يهرب منها.... يزن : لا تبكي شهودة ... كانت مياسة واقفه ع جنب بتراقبن وتبكي بصمت .... بعد فترة كانت ساندة راسها ع كتف يزن وهو محاوط كتافها.... شهد : يعني بابا بعدنا عن بعض مشان يحمينا... يزن : صح....واكيد انتي مسامحتيه...لان عمل هيك لمصلحتك.. شهد : مسامحته ...بس ياريت لو شايفته قبل ما يموت... يزن : لما بننزل عالبلد بتزوري قبره....اتفقنا...وقتا بتحكيلو كلشي بقلبك اكيد هو بكون سامعك... مياسة بحزن: يعني ح تبعدها عني.... يزن : لا ح تنزلي معنا....حسب معرفتي مالك حدا هون....انتي من العيلة وحسبي حسابك رح يكون عندك بنت تانية لما ننزل....بتمنى تقدري تسيطري بوقتا عالوضع شهد : عندي لسا اخت.... يزن : لارين اختي بالرضاعة هي بعمري بس مدللة كتير...الله يستر.. شهد : مرتبط شي ؟ يزن : اي خطبت قبل ما اجي....بنت حلوة كتييير اسمها رهف..تعي ورجيكي صورتا .. فتح تلفونه ورجاها صورتها اجا مسج عالشاشة من رهف أبتسمت وبعدت نظرها ضحك يزن وفتح المسج... (صباح الخير لتُلك المدينة التي نائم بها الآن، أحبها جدًا رغم عدم زيارتي لها، فأنتَ كافيًا لتجعلني أرى العالم جميعهُ بينما أنا ساكنة بأضلعِكَ. ) شهد : ياااه قديه متشوقة ايمتا ح نسافر يزن : اليوم ح اسحب وراقك من الجامعة عشان تكملي دراستك بالبلد....وننهي كلشي هون....يعني السفر اما بكرى او اللي بعدو ... شهد : اليوم عطلة... يزن :ممم نسيت ...اااي شو ح نعمل اليوم .. طلعت عليه شهد بحب وأبتسمتله ... شهد : لحد الأن مو مصدقه أنك اخي ... يزن : حبيبة قلبي تعي لعندي ... .................. باليوم التالي راح يزن وسحب وراق شهد من الجامعه وهو طالع ركب سيارته مسك تلفونه ورن لنبيل ... يزن : كيفك .. نبيل : منيح وانت شو صار معك .. يزن : انا ع أحسن ما يرام .. حابب تعمل شي منيح بحياتك .. نبيل : اي بعمل .. شو هو .. يزن : ح ارسلك وراق شهد الجامعيه وبدي تستخدم مكانتك لتسجلا بسرعه ... نبيل : تكرم وصلت ... يزن : مشكور سلفا .. نبيل : اهلا اهلا ... ................... رجع يزن ع بيت شهد وكانو رفقاتها عندا بودعوها بعد ما خبرو بسفرها ... يزن : مرحبا... شهد : اهلا نورت ... تفضل خليني عرفك ... يزن : شكلي جيت بوقت غير مناسب .. شهد : لا ولو تعال .. دخل يزن وهو خجلان وقعد جنب شهد .. شهد : هي ( هبة ) وهي ( نور ) أعز صديقات عندي ... ما بعتبرن الا متل اخواتي أصدقاء الطفولة ... هبة و نور : تشرفنا سيد يزن ... محظوظة شهد فيك ... يزن : شكراا هاد من ذوقكن ... هبة : هيك جيت بليلة وضحاها وبدك تاخد شهد مننا ... يزن : ههه ما بكفي كنت محروم منها كل هالسنين ... نور : شو دارس ... يزن : انا كاتب ... هبة : واااو عطيني اسم شي من اعمالك ... يزن : رواية نس... قاطع كلامه تلفونه لما رن بأسم رهف...أبتسم ومسك تلفونه وقام وقف .... يزن : بعتذر تلفون مهم ... تابع بقلبو : شكلا حست اني قاعد بحكي مع بنات ... طلع عالبلكون وصار يحكي معها .... نور : اووويلي نيال خطيبته ... ينعنك يا شهد ليه ما طلع قبل ما يخطب .... شهد : لو تشوفي خطيبته متوقعه يطلع بوحدة متلك ... نور : شبني وليه حيوانه .... شهد : ههههه ما بكي شي بس رهف احلا منك ... ..................... مر أسبوع وأخيرا نهو كل أمورن بالكويت وتجهزو للسفر ... كانت رهف قاعده وسارحه فجأة نطت جنبا سارة ونقزتا .... رهف : ييي عليكي نقزتيني ... سارة : وين شارد الحلووو ... تنهدت بحزن : صرلي اسبوع ما شفتو لك والله شتقتلو .... سارة بتغني : شتقتلو لحبيبي شتقتلو ... يا قلبي مني طلاع وروح قلووو ... رهف : بلا مسخرتك يااا سارة : بدل ما عم غنيلك فعلا خيرا تعمل شرا تلقى .... رهف : سارة طلعي من راسي ... روحي لعند خطيبك شو جابك لعندي ... سارة : صح والله لروح شوف ايهم انا شو جابني لعند شكلك بجيب أكتئاب ... رهف : نقلعي ... رجعت سارة تغني بأستفزاز : لا والله ما بيعك لرميك بلاش ... رهف : هههه لك المشكلة صوتك نشاز ... سارة : خلص معناها غني انتي اتحفيني بصوتك الأبهى ... رهف : ما بدي غني .. بكرا راجع يزن قديه متشوقه شوف اخته ... رح روح عالمطار استقبلو ... سارة : بروح معك كمان انا بدي شوف بنت خالتي ... رهف : اتفقنا .... _________________ صحيت الصبح بنشاط وعملت شور سريع ... لبست بنطال جينز أسود وقميص أنيق باللون الأبيض مع بوط سبور و نظارات شمسية و تركت شعرا مسدول براحته ... رشت من عطرا المفضل وقفت قدام المراية اخدت نظرة اخيرة وبعدين راحت هيه وسارة عالمطار ... كانت واقفه وعيونا عم دور عليه بين الناس ... رهف : تأخر مووو ... سارة : هههه انتي بصلتك محروقة ... توسعت أبتسامتا لما لمحته جاي من بعيد وماسك أيد شهد .... لتقت عيونن ببعض وهو بادلا الأبتسامه وفتحلا أيديه لمن شافا جاي بتركد لعنده ضمته بشوق وهو شد عليها بين ايديه وريحه عطرا تغلغلت بصدره .... يزن : يا روحي انتي .. رهف : شتقتلك ... بعدت عنه بعد ما نكزتا سارة بأيدا .... مدت أيدا وصافحت شهد بحرارة ... شهد : انتي الي اخدتيلو عقلو لاخي والله بتستاهلي ... رهف : ههههه شكرا ... مشيو سوا وهنن بحكو وبضحكو ... رهف لسارة بهمس : لك شوفي طلعت متل اخوها ضحكتا شلل ... قديه بتشبهه ... سارة : فعلا كثير .. حتى شبهها لخالتي اكثر .. راحو ع بيت يزن و وكانت لارين ناطرتن هناك هيه ونبيل .... استقبلتن بالاحضان ... لارين : نوووورتي البلد كلا يا حلوة ... شهد : شكرا كثير انتي لارين موو .. لارين : بذاتا ..حكالك عني يزن اكيد ... شهد : طبعا ... قعدو فترة ويزن كان فرحان باخته كثير وشوفة رهف نسته تعب السفر ... اما لارين كانت قاعدة ومبتسمة.. بس قلبها كان يوجعا وهيه شايفة يزن جنب شهد ومحاوطها من كتافها وبطلع عليها بحب....فضلت تنسحب قبل ما تنزع عليهن فرحتن ببكاها.... قامت بهدوء بدون ما يحسو عليها وطلعت من البيت....بس نبيل انتبه عليها و لحقها ... لما طلع لبرا كانت ماشي بسيارتها....اتوجه ع سيارته بسرعة ومشي وراها .... نبيل : المجنونة وين رايحة بهالليل بقي لاحقها لوصلت لشط البحر...ونزلت...راقبها لما قربت عالمي وكان المكان خالي مافيه حدا...قعدت الرمل بصمت وهيه سارحة بالبحر.....ماتحمل يشوفها هيك....وهالة الحزن والكآبة محيطة فيها....لاول مرة بحس انها عنجد بنت يتيمة محتاجة لحد يحتويها ويعوضها الحنان اللي نحرمت منو....تصرفاتها بتدل على الغيرة....وضعفها بدل على انها كانت تستمد قوتها من يزن ولما انشغل يزن عنها ضعفت نبيل : شو مطالعك بهالوقت لحالك....موخايفة يخطفك حدا او تواجهي شباب سكرانين التفتت عليه وهيه متفاجئة بوجوده....حس بسكينة انغرزت بقلبه لما شاف دموعها وعيونا الحمر لارين : ما دخلك بروح وين مابدي....ليه لحقتني...لاتقلي صدفة لاني مو بوضع اقدر ساير كذبك.. نبيل : لا موصدفة....لحقتك لان كنتي زعلانة قرب وقعد جنبها.... نبيل : حلو هالمكان هون والجو بجنن... لارين : تعودت اجي لهون من سنة تقريبا....لما رجعنا عالبلد انا ويزن.....كل ما يعصب مني يزن اجي لهون....المكان الوحيد اللي اتخبا فيه ومايلاقيني....اقعد كل النهار هون واستمتع بصوت الهاتف وهو برن باسم يزن... وما ارجع لحتى يبعتلي صوت يعتذر مني لمرة تخانقت معه وطلعت معصبة....لما وصلت كان قاعد ناطرني هون تفاجئت بوجوده...كان مبتسم بانتصار انو واخيرا لقا مكاني الخاص.... نبيل : ليه كنتي تجي هون تحديدا.... لارين : لاني حس هلمكان كئيب متلي.....هو مهجور وانا وحيدة....اليتم صعب نبيل : صعب كتير... لارين : عم غار ... نبيل : بعرف... لارين : كنت الوحيدة بحياته واهتمامه كله فيني....بدك تقلي انو انانية...بس كمان هو اخي ومالي غيرو....بالاول دخلت رهف حياته وهلق شهد...وح ينساني وحدة بتكون خطيبته وبيعشقها والتاني بتكون اخته الحقيقية واكيد ح يحبها كتير.....اما انا ولاشي....قررت سافر نبيل : نعم؟؟؟!! لارين : متل ما سمعت....بدي ارجع ع امريكا وعيش هناك... نبيل : مجنونة لاتفكري حتى تفكير بهالشي....ازا يزن سمحلك انا ما ح اسمحلك.... لارين : بصفتك شو ح تمنعني.... نبيل : بصفتي نصفك الثاني...وغصب عنك... لارين : ههههه انت اكل ضربة ع راسك اليوم....بالعادة انا بلحقك وبس بدي كلمة منك....خير ان شاء الله نبيل : والله اكل ضربة ع قلبي.... مبتلي بوحدة مجنونة بس قوية....وحلوة كتير.....عيونها لوحدن حكاية عشق....بس المشكلة لسانها طويل وبكيها يا ويلي....واظافرها رح يكونو اغلا من اولادها.... لارين : ههههه هي انا نبيل: واثقة كمان لارين : يا بتحكي متل الخلق يا اما ح افقع عيونك باظافري.. بعدين شو فيه بكيي نبيل : هههههه يلعن عمري انا بشو ابتليت....بدك كاتم صوت لما تبلشي بكي... لارين : يي مفكر حاله بتعامل مع قطعة سلاح....حل عني ولوو قامت بعصبية ومشيت بعيد عنه.... نبيل : لك وين رايحة استني... لارين : روح من هون بدي ضل لحالي... نبيل : ما حزرتي ما رح اتركك.....بدي ضل كل العمر جنبك...ونعيش سوا نأسس عيلة حلوة لارين : انتي بتلعب بمشاعري....عارف اني بحبك وبدك تنتقم من يزن لان اخذ رهف منك نبيل : لسا بتقلي رهف....اصلا نسيتها... من ايام ما عم نام لاحقتيني حتى ع احلامي...كل ما بغمض عيوني بشوف عيونك اللي لونن بلون السما....ضحتك شقاوتك وعنادك اللي ماله مثيل....يا مجنونة انا بحبك...بحبك لارين : من قلبك ... نبيل : اي من قلبي ... لارين : ما بعرف ليه ما عم صدقك ... مسكا من ايدا وشدا لصدره وضما بحنان ... بس سرعان ما استخدمت حركة كرتيه بعدتو عنها ... نبيل : اااخ يا لئيمة ليه عم تضربي... لارين : بدي كسر راسك لسا .. نبيل : شوووووو راسي هههه يا امي .. لارين : قلتلي من ايام وانت بتفكر فيني وتاركني اتعذب وانا مفكرة حالي حب من طرف واحد نبيل : لا وحياتك من كل الجهات هههه لارين : لازم فش غلي فيك... نبيل : تفضلي انا قدامك بدك تضربيني تعي ... ركدت وقفزت بالهوا وجهتله ركله لنبيل رمته عالارض ...قام وهو بضحك ومسكا من ايدا وفتلا ياها لورا ضهرا وقرب من وشا وصار يحكي وهيه ضربات قلبا تتزايد .... نبيل : ع طول بقولا وهلق رح ارجع عيدا ... وليي عليكي شو قوية ... لارين : تركني ... نبيل : بحبك ... خلص حليها سلمية بلا العنف ... لارين : .... نبيل : من كم يوم كنت عم اتفتل بالسوق وشفت شغلة عجبتني وحبيت جبلك ياها ما بعرف اذا ح تقبليها بس خليني جرب ... لارين بفضول : شو هيه بس بالاول تركني ... ترك ايدا ووقف مقابيلا طالع خاتم من جيبه طلع فيها وابتسم وعيونه بتلمع ... نبيل : بتقبلي تتزوجيني ... خجلت وحمرو خدودها من العرض المفاجئ ... لارين : مممم خليني فكر ... نبيل : بالله ... خلص بطلت هلق بشوف وحده تانيه ... لارين بدلع : فكرت ... خلص موافقة ... نبيل : ههههه لبسا الخاتم وهو طاير من الفرحه وهيه دايب قلبا ومو مصدقه انه كان مخبي حبه عنها ... قرب منا وسند جبينه ع جبينا ... نبيل بهمس : بتحبيني ... لارين : اي .. نبيل : شو اي ... لارين : بحبك ... نبيل : طالعه منك عسلل .. رن تلفونها باسم يزن للمرة التاسعه بس كانت قصدا تتجاهل مكالماته .... نبيل : ما بدك تردي ... لارين : هئ خليه ينحرق دمه .... ________________ رهف : شبك حبيبي ليه مزعوج ... يزن : هي لارين بدا تجيب اخرتي لما بطنش ... ما كمل كلامه الا كان جرس الباب برن قام وفتحه كانت لارين مبتسمه ووراها نبيل ... يزن : وين كنتي يا انسه وما بتردي ... مدتله ايدا بغرور وورجته الخاتم ... لارين : من يوم ورايح ما دخلك فيني ... يزن : عفواااا ... طلع عليه نبيل رقص حواجبه وضحك بشماته .. نبيل بسخرية : بوووم في منتصف الجبهة وين الجبهة مو شايفها ... لارين : هههه طارت ... يزن : مممم هيك لكن ... وقف نبيل قدام يزن وهو بحاول يكتم ضحكته زبط قميصه وحكا ... نبيل : بتقبل تعطيني اختك ع سنه الله ورسوله و تعوضني بمبلغ مرتب لان ح اخلصك منها .... ضربته لارين ع كتفه بغضب وهيه عاقده حواجبها .. نبيل : شايف وهي اثبات أنها ح تضربني كمان يزن : الله يكمل علينا العقل مو ناهين كلشي الظاهر... لارين : تركنالك العقل الك مو هيك حبيبي ... نبيل : مو هيك يا عمري ... رهف : هههه يلا انا تأخرت صار لازم روح ... يزن : تعي خليني وصلك ... رهف : بروح لحالي ... يزن : لااا قلت انا بوصلك .. رهف : ااوكي ..باي شهد لارين خليني شوفكن .. شهد : اكيد يا عمري .. طلعت بالسيارة جنبه و بقيت بتتأمله بدون ما تشيل عيونا عنه ... يزن وهو عينه عالطريق : لهدرجة اشتقتيلي ... رهف : حاسة الي سنة مو شايفتك ... أبتسم ومسك أيدها رفعا وطبع عليها قبلة دافية ... رهف : لحظة شكلك ضيعت الطريق هاد مو طريق بيتي ... يزن : ومين قال بدي اخدك ع بيتك ... بدي اسهر معك عند البحر لوحدنا ... مفكرة اتركك بهالسهولة تروحي ... رهف : لا ما بقدر و اهلي .. يزن : بس نص ساعه منقعد وبوصلك ع بيتك ..بعدين كلا اسبوع وح تصيري مرتي ... رهف : انت بتتحمل المسؤولية اذا اتصل بابا يزن : ااوكي .. ___________________ صحيت الصبح بعد ما كنت نايمة بصعوبة من تغير المكان عليها .... قامت غسلت وشا ولبست بجامة مناسبة للجري .. سرحت شعرا وطلعت من الغرفة ... كان قاعد عالكنبة و بدخن وهو سارح كان الجو بجنن مع طلوع الفجر وصوت زقزقة العصافير .... قربت وقعدت جنبه ... شهد : اخي .. هلق صحيت ولا لسا ما نمت .. يزن : لسا ما نمت ... شهد : واضح من عيونك ...بشو عم تفكر ... يزن : ولاشي .. شو وين رايحه بدك تركدي ... شهد: اي ما فيني هاد الروتين اليومي ... يزن : برافووو ... شهودة تعي ورجيكي طالع صور الها من لما كانت بالمهد لعمرا هلق ... يزن : شوفي هاد الألبوم كان عند أبي كله صور الك و هي الميموري فيا مقاطع فيديو الك بكل مراحل عمرك ... الظاهر كان يهتم بأدق تفاصيلنا ونحنا مو دريانين ... مسكت الألبوم بأيديها ونزلت دمعه كانت عالقة بعيونا ... شهد : مو قلتلي بدك تاخدني زور قبره ... يزن : اليوم جهزي حالك ح تروحي تزوريه وبعدين بدي اخدك لعند خالتك ...من مبارح قالتلي نروح لعندا طايرة عقلا فيكي ... شهد : ههه كمان عندي خالة ... يزن : اي متل امنا حنونة وقلبا طيب .. شهد : ايوا انا رايحه اعمل قهوة بتشرب ... يزن : لابدي قوم نام ... ساعتين وصحيني .. شهد : حاضر .. يلا انا رايحه اركد واتعرف عالمنطقة ... يزن : انتبهي ع حالك ، واصحك ضيعي .. _________________ كانت متسطحه عالكنبة وشعرا منكوش وهيه بتابع ال TV ... ام عمار : سارة ... سارة .. لك ردي يا مقصوفة الرقبة ... سارة : نعم ماما .. ام عمار: وين يا لطيف سارحه هيك ... سارة : ااا ولاشي بتابع الفيلم ... ام عمار : مو تقومي تدرسي احسنلك ...من يوم نخطبتي لايهم وانتي معد اهتميتي بدراستك ... سارة : اناااا ام عمار : لااا اناا حاشاكي انتي ...روحي شوفي رهف رغم كلشي مرت فيه المسكينة ومتفوقة بدراستا ... سارة : ماما الله يوفقك ما تقارنيني برهف عم تعبي حالك عالفاضي .. رن جرس الباب ليطقع النقاش الحاد ... راحت فتحت .... سارة : اهلا ..نورتو تفضلو ... يزن : وينا خالتي ... ام عمار : هون يا عيون خالتك ... مشيت بخطوات سريعا وضمت شهد بلهفة .. ام عمار ببكاء : يا روحي انتي من ريحه الغاليه .. شهد : كيفك خالة ما تبكي كرمالي ... ام عمار : يا عمري انتي شو بتشبهيا.... دخلو وقعدو بعد فترة اجا عمار وهو شاف شهد تفاجئ فيها ما كان متوقع لهدرجة حلوة ...وهيه نفس الشي لفت انتباهها من النظرة الأولى بشقاره وعيونه الزرق كان وسيم وخطفلا قلبا من اول لقاء ...رما السلام وقعد معن ... يزن : خالة هي شهد امانه عندك انا عندي مشوار بقضيه وبرجع .... ام عمار : انت ليه عطول بضل هيك مستعجل ما بتخليني اشبع منك ... يزن : بدنا نروح نختار فستان العرس انا ورهف ... ام عمار : الله يهنيكم يا روحي ... طلع وهو مبسوط وعم يطلع ع ساعته تأخر عن الموعد نص ساعه واكيد هلق رهف بتكون معصبة منه ومكشرة ...ركب سيارته وراح اخدا من بيتا .... يزن : تأخرت بعرف ... رهف : لا عادي فداك ... فتلو ع كثير محلات ويزن ما كان يعجبه شي ... رهف : حبيبي ليه هيك زوقك صعب ... يزن : هنن كلن حلوين وبالأحرى انتي محليتيهون بس انتي بدك شي أفخم من هيك ... رهف : اه منك .. وبعدين ... يزن : بقي محل ح نروح لعنده وهناك اكيد موجود طلبنا ... دخلو عالمحل وكانت كلها فساتين بقمة الروعة ... مشي يزن وصار يتفرج عالفساتين .. لفت انتباهه فستان بتصميم مذهل من الساتان والدانتيل ... يزن : شوفي هاد رهف قيسيه .... رهف : حبيبي هاد ثقيل كثير ما ح اقدر اتحرك فيه كيف بدي ارقص اااا .... يزن : ومين قال بدك ترقصي بلكي بدي موتك ... رهف : ايواااه بلشنا ... يزن : هلق عجبك الفستان لما لا ... رهف : بجنننن بس ثقيل كثير ... يزن : قيسيه ... دخلت وساعدتها العاملة بالمحل بلبسه .... وحطت الطرحه الي كانت طويلة كثير ومرصعه بطريقة ملوكية ... طلت قدامه بالفستان بدون ميك اب او تسريحه تظهر جمالا كانت أشبه بالحوريات فاتنه بطريقة لا توصف ... يزن : حلوووووو .. طالعه بتاخدي العقل ... فتلت بصعوبة بالفستان قدامه وهيه مبتسمه ... رهف : أكيد ... يزن : انتي من وين جايبه كل هالحلا ... غطت وشا بأيديها وحكت بأحراج ... رهف : خجلتني ... يزن : هههه اموت بخجلك ... ________________ مشيت تحضيرات العرس على احسن ما يرام ..واجا اليوم الي كانو ناطرينه بفارغ الصبر واخيرا ح يجتمعو ويلمن بيت واحد سوا .... صحيت الصبح بنشاط وهو كذالك الامر ... اتصلت عليه بس ما رد ..رنتلو كثير بس مافي جواب ... رهف : غريب مستحيل يكون نايم لهلق .... رما التلفون من ايده وابتسم ... يزن : ما ح رد خليا تشتقلي اليوم ... رن جرس بيته و طلع وهو بكامل نشاطه فتح الباب .... يزن : اهلللللين ... فوتو ... نبيل : شو لسا ما رحت ع صالون الحلاقة ... يزن : لسا بكير .. معي وقت... نبيل : يا رجل شو برودة هالدم ... يزن : لسا الساعه 10 ... أيهم : جبت بدلة للعرس .. يزن : طبعاً ... نبيل : يلا دركل لجوا جهز حالك لنروح عالصالون ... يزن : ليه مستعجل بالاول بدي زبط البيت وبعدين بدي اعمل شور .. نبيل : شو بدك تزبط بالبيت ليك ما احلاه ... يزن : شغلات انت ما بتفهم فيها ... أيهم : ههههه ورد وشموع وحركات مووو.. يزن : لا انت ما اشبك شي ... نبيل : طيب تعال نزينو سوا ... أبتسم يزن وطلع ع نبيل الي عم يتصرف متل اخوه الكبير وفرحانله ... زين مدخل البيت بالورد الجوري والصالون ولما وصل لغرفة النوم ... يزن : هي تركوني انا بعملا لوحدي ... ايهم : انا ح اعمل قهوة بينما ما تخلص ... خلصو أمورن وبعدا راحو عالصالون ... ورهف كمان كانت عند الكوافيرة وهيه كل شوي تتصل وترسله مسج بس مطنشها ... . نبيل : انت الكوافير ... ... : اي ... نبيل : خود جبنالك هاد المتشرد زبطلنا ياه ... يزن : هههههه متشرد واحد متلك ليك مليان مرايه طلع ع حالك ... نبيل : العين تحرسني والله اني بجننن... ....................... قامت رهف وقفت قدام المراية وطلعت ع حالا .... رهف : سارة لارين بربكن شلون طالعه... لارين : مافي كلمة بتوصف جمالك ماشاءالله... سارة : بتجنننني هههه بس شافك يزن ح يطير عقله وقلبه سوا ... كانت ملكة للجمال عاطيه كلمه عاروس حقها فستانها والاكسسوار الخفيف زايد من رقتا وانوثتا .... رهف : ولي قلبي ما عم يهدا ... سارة : ههههه وشلون بدو يهدا ... ....................... سرح شعراته بطريقة حلوة ورش من عطره وطلع لمحل مو ناطره نبيل ... نبيل : الله الله .. فعلا انك حليوة ... يزن : بعرفا هي بدي شي جديد ... نبيل : تتزوجني .. يزن : يععععع نبيل : هههههههه ليك صدق حاله .. يلا نروح تاخرت ع عروستك .... يزن : يلا .. اه صح قصي هو الي ح ياخدها عالصالة .. مو انا .. نبيل : ليه .. يزن : هيه هيك بدا ... ....................... بالصالة ..... نزل قصي عالدرج وهو ماسك رهف من ايدا ويزن بنهاية الدرج ناطرها ... وقف الكل وصفقلن بحرارة ... نزلت بخطوات بطيئة وهيه مبتسمه وطلتها متل الملكات سحرت الكل .. قصي : تعي نلف ونطلع لفوق مرة تانيه .... رهف : ههههه مشان يطلع ورانا ركد ... يزن : واخيرا وصلتو ... مدلا ايده بس قصي طلع فيه وحب يستفزه ... قصي : تركها انا باخدا عالكوشة ... يزن : هههه شكلا عجبتك الشغلة مسكت أيده ووقفت مقابيله رفعلا الطرحه ونذهل بكمية الجمال الي قدام عيونه ... زاح نظره عنها وهو بضحك ... يزن : وليي شو كل هالحلا .... رهف : عنجد ... يزن : بتجنني يا قلبي ... قرب طبع قبلة ع جبينا وشنكلا من ايدا ومشيو سوا والمعازيم كلا مذهولة بالثنائي إلي بياخد العقل ....وسامته وجاذبيته الي مالها مثيل وجمالها الفاتن ... قعدوا بالمكان الي مخصص الهن وهو ماسكلا أيدها وشادد عليها .... بعد شوي دخل نبيل بكامل أناقته بسرعه اجت عيون لارين عليه ... مشيت لجنبه وهو أبتسملا وقعدو عالطاولة جنب بعض ... نبيل : يا ويلي محلاكي ما بتعرفيني بغار ليه هيك لابسة ... لارين : وانا بغار ليه هيك لابس هاللون راميلك كثير .... نبيل : ما بدي انزع فرحتك هلق بس هي اخرة بتلبسي هيك فاهمة ... لارين : أمرك ... دخيل رب السمر لأجلك ... نبيل : ستحي ... لارين : مابدي ... نبيل : ودخيل الشقر كلن لاجلك ... بقيت تطلع فيه بجمود وعيونا ذبلانه نبيل : شبك حاسك ح تغمي ... لارين : ريحه عطرك دوبتلي قلبي ... نبيل : هههههه ... عرسنا بعد اسبوع يكون بمعلومك ... فتحت عيونا بدهشة وطلعت فيه .. لارين : لاااا ليه مستعجل .. نبيل : هيك مخ .. _________________ شتغلت موسيقة حماسية ورهف تحمست وسارة أشرتلها بأيدها لتقوم ... قامت رهف ورفعت الفستان بأيديها رمت باقة الورد بحضن يزن .... يزن : وين رايحه ... رهف : ارقص ... يزن : بدي ادبحك ... قبل ما يكمل كلامه كانت بوسط ساحه الرقص عم ترقص والكل تجمع حاوطوها بشكل دائري..وهنن بصفقولا .... صارت ترقص بفرح وتهز كتافها ... يزن : دخيل ربك شو برميلك الفرح ... أشرتله بأيدها ليجي يرقص معها بس هز راسه بالنفي وهو بضحك ... قصي بمزاح : عم تخجل اختي يا واطي .... مشي قصي لجنب رهف... قصي : تعي رهوف ... عيني ربك عيني .. مسكلا أيدها وصار يرقص معها بفرح وهو بغني مع المطرب .... علي صوت التصفيق وحماسهن سوا ... قصي : أحلا رهف وربي تسلميلي يا روحي انتي ... اما يزن كان واقف مكانه وغشيان من الضحك ع منظرهن .... يزن : بربي مجانين .... سارة : يا الله محلاهن ، حبيبي ايمتا عرسنا نحنا انا غرت ... أيهم : بس يتزوج البيك نبيل .... ماهله شهر مو اكثر .. سارة : بمزح معك لا تتحمس ... عطا يزن أشارة للديجي ليبدل الموسيقى متل ما كان متفق معه .... شتغلت موسيقة هادية وتبدلت أضائت الصالة مع مؤثرات رومانسية .... مشي لنعدا ومدلا أيده لتشاركه برقصة... مسكت أيده وصارو يرقصو بتناغم مع الموسيقة .... رهف : حاسة حالي برقص فوق القمر ... يزن : انا مو حاسس بشي غير اني اذا بضل عم اتأملك هيك العمر كله ما ح مل .... رهف : تقبرني شو راميتلك هالبدلة ، ما عم صدق انك صرت ملكي ... أبتسم وشدا لعنده أكثر وتابعو رقص وهنن عيونن معلقة ببعض و ذابو بحبهن ومشاعرن المتبادلة ونسوا كل الموجودين ...... كان نبيل واقف براقبن وهو مبستم سمع صوت بنات بتهامسني .... .... : هه كل مرة ببتزوج واحد احلا من التاني ... .... : اي والله صدقتي ، حظها قوي وجمالها فوق الخيال كيف ما بدن ينغرمو فيها ... .... : بس الي مستغربته كيف زوجا القديم حاضر زواجها ... عقد حواجبه بغضب وحس هالكلام طعن بقلبه .... مشي لعند الدي جي ..مسك المايك ... نبيل : احم ..( تنهد ) في شي بدي احكيلكن ياه .... توجهت الأنظار عليه بفضول ... نبيل : متل ما الكل بعرف انا ورهف تزوجا قبل شهور و انفصلنا ... بس الشي الي ما بتعرفوه انو زواجنا كان عالورق وبس كنا مضطرين نعمل هالتمثيلية لان حياتها كانت بخطر لحتى تخلصنا من العائق الي كان بوجها هيه ويزن انفصلنا ... انا بشوفا متل اختي ويزن هو أكثر حدا بستحقا وبستحق حبها .. ( وجه نظره ع البنات الي كانو يحكو وحكا بنبرة حادة ) نبيل : واذا بسمع حدا بلت وبعجن بحكي فاضي ما يلوم الا نفسه ... وبالاخر ان شالله الف مبروك للعرسان والله يهنيكم ويكتبلكم السعادة مدة الحياة .... أبتسمتلو رهف بأمتنان لان فعلا هيه كانت حاسة بشوية أحراج من نظرات الناس ألها ... يزن : فعلا أنه قبضاي ... رهف : اي والله خلصني من ألسنتن .... مشيت لارين لعند نبيل وهيه بتتمايل ... لارين بدلع : حبيبي نبيل : عيونووووو لحبيبك لارين : انت بتجننن شدا لحضنه وصارو يرقصو سوا .... كانت شهد قاعده جنب ام عمار وعمار وبتراقب أخوها قديه فرحان والدنيا مو واسعته .... شهد : خالة قديه بحبا يزن لرهف يا الله نيالن ع بعض ... ام عمار : بحبا كثير وهيه نفس الشي ... عمار : بس انا بحبك أكثر ... فتحت عيونا بدهشة وطلعت عليه بخجل ... شهد : احم.. شوو قلت ... ام عمار : ههههه الله عليك خجلتها ... شو رأيك فيه شهودة ما اشبو شي ما هيك ... نزلت راسا بخجل وتلونو خدودها بالأحمر ... عمار : دخيلو الخجول ... _________________ كانت أمها قاعده بتتأملها ودموع الفرح بتلمع بعيونها ... زينب : بدفع عمري كله بس ضل شوفك هيك مبسوطة يا روحي انتي ... جمال : دخيل عمرك ان شالله ايامها كلها سعادة .... قصي : انا كنت شاكك من اول انو هدول التنين بحبو بعض بس بارعين بالتمثيل .... جمال : اه يا خطير انت ... وصل قالب كيك كبير مزين بورد من الكريمة باللون الابيض والزهري ومكتوب عليه أسمائن ...قربو ومسكو السكين سوا وقطعوه .... مسكت سارة قطعه كيك وحاولت تضرب فيها رهف بس بحركه سريعه من يزن كان ماسكلا أيدها ومخبي رهف وراه ... يزن : هههههه اوعك سارة : ينعن نزعتا عليي .. يا محامي الدفاع .. رهف : حيوانه بدك تبهدليني .. سارة : هههههه كنت لولا ما يدخل يزن وينقذك ... رهف : بتشوفي يا سارة بعرسك إذا ما بردلك ياها .... بعد فترة ... يزن بهمس : رهف شو ضل ما عملناه هي رقصنا و وقطعنا الكيك شو لسا ... رهف : ما بقي شي ليه .. يزن : خلينا نهرب ... رهف : هههه شوووو .. بسرعه بكمشونا ... يزن : هاتي ايدك مسكي ايدي مزبوط وخليكي ماشيه معي بدون ما تردي ع حدا .... رهف : يلاااا مشيو سوا وهنن بضحكو وبلوحو بأيدهن بمعنى باااي أيهم : لك وين رايحن هدول ... سارة : شكلن ح يهربو ... لارين : رمي باقة الورد رهف قبل ما تروحي ... وقفت رهف ورمتا لوراها بدون ما تطلع .. ركد أيهم قفز بالهوا و مسك الباقة عطاها لسارة .... نبيل : ههههه الله لا يوفقك سودت وشي ... متل الولاد الصغار ... ضحكو الكل ع أيهم وعفويته ... رهف ويزن تابعو ع السيارة فتحلا الباب ركبو واتجهوا ع بيتهن....وصلو ع البيت نزل فتحلا الباب وحملا بين ايديه ودخلوا لجوا ..... رهف : ههههه نزلني الفستان لحاله ثقله طوون يزن : كذابة انتي بتخافي من المرتفعات ... نزلا وحاوطا بأيديه ونضبات قلبن صارت مسموعه ...سند جبينه ع جبينا ..... يزن : هلق اذا بتخرب الدنيا مو سأل صرتي ألي .... طلع عليها شاف خدودا حمر من الخجل ... أبتسم وغمرا بحنان ع صدره ليحسسا بالأمان ..... _________________ كانو أسعد تنين بالدنيا القدر جمعن مرة تانيه بعد كل العذاب الي مرو فيه ع كبر عذابن كانت فرحتن ببعض عاشو بحب وتفاهم وكل واحد فيهن بعرف قيمة التاني بالنسبة اله وانه ما بقدر يعيش من دونه ..... نبيل تزوج لارين وكانت متل طفلته المدللة .... وهيك مرت الأيام عليهن وكل واحد أسس حياة مستقرة مع الشخص الي اختاره قلبه ... رهف صارت مدعية عام بارعة وماهرة بمهنتها اما يزن أعماله انشهرت أكثر وصار كاتب مشهور فتح مجلة و كان هو يديرها .... ____________________ طلعت من الحمام الي بغرفة النوم وقعدت ع طرف السرير مقابيلن صارت تتأملن بحب ورتسمت ع وشا أبتسامة وهيه بتقارن بينن ....نايمين بنفس الطريقة و نفس العيون والانف والشعر والتم ... رهف : سبحان الله نسخه من أبوك ... انحنت وطبعت قبلة ع خد ابنا غسان ... وبعدها يزن .... حس عليها وفتح عيونه بكسل ... يزن : ايمتا صحيتي ... رهف : من شوي يلا قوم عشان ما تتاخر عن دوامك انا ح حضر الفطور ... يزن : تمام .. لاحقك ... طلع ع أبنه الي نايم جنبه متل الملاك وحضنه بين أيديه بحنان ... يزن : بابا ... قوم يا روحي .. بتحب النوم متل أمك ... فتح عيونه الصغيرة ببراءة وصار يرمش فيون وأبتسم لابوه بشقاوة .... صار يزن يدغدغه وهو يضحك بطريقة بذوب القلب ... قام حمله وحطه ع كتافه وهو بمشي فيه .... يزن : يلا قعود هون راجع انا ... قعود يفطرو سوا وهنن يلقمو أبنهم بالدور .... يزن : اليوم ح اخد إجازة شو رأيك ... رهف : ليه تعبان شي ... يزن : لاا اليوم الجو حلو بدي اخدكن عالبحر ... نقضي اليوم ونغير جو .. رهف : تماااام ... بعدين عقدت حواجبا وطلعت بيزن ... رهف بغيظ : مبارحه قريت جزء من الرواية الي عم تكتبا .... يزن : ااااي رهف : ليه هيك عم تتغزل بالبطلة ... يزن : هههههههه مجنونة ما عم اتغزل عم اوصفا بس ... رهف : بس حلوة ... يزن : خلص هلق بحطا بشعه بس روقي ... رهف : ااممممم روقت _____________________ جهزو عدة الرحلة وانطلقو ليقضو يوم عائلي سعيد .... كانو ماسكين أيديه كل واحد من جنب وعم يمشوه عالرمل وهو بضحكو بفرح ... غسان : بابا .... ماما رهف : دخيل قلبك يا روحي.. يزن : ابني البطل .. مسكه يزن وصار يرميه بالجو ويرجع يمسكه وغسان يغشى من الضحك ... رهف بخوف : حبيبي لا يوقع من ايدك ... يزن : ما بيوقع يا جبانه شوفي كيف عم يضحك دخيل الله الي خلقو ... دفعت رهف يزن ليوقع بالمي .... يزن : هههه كنتي قوليلي اشلح قميصي بالاول ... رهف :اااوعك مليان بنات هون .. اذا ناوي يمر النهار بسلام خليك لابس ... قرب منها وسحبا من ايدا ليرميها معه بالمي ... رهف : ههههه يا مجنون بغرق يزن : غرقي فيني .... قضو نهار حلوو كثير ورجعو عالبيت وهنن مبسوطين ..... _______❤️❤️_______ النهاااااااية *الـــــــــ͢ـོ͓ـــنهــــــــــــايــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```