*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *كرهتك.رغماً.عني.💔.tt* *❴🔢❵☟الـــبـــــــــــ❴1️⃣والأخير❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ قصة 💙: #انتقام_السيف بقلمي نور الشمس ⚔️⚔️⚔️⚔️⚔️⚔️ /////// الجزء الاول ///////// ⚔️⚔️⚔️⚔️⚔️⚔️ قمر : يعني خلص ؟ بدك تتركني وتروح سيف الدين : له لك ام سيف ، شو انا رايح انقطع عنك ؟ راح نبقى على تواصل اكيد قمر : والله يا ابني ماني حابه هالروحه ، قلبي مو مرتاحلها سيف : توكلي على الله ، ما راح اتأخر عليكي بإذن الله ولا راح اقطعك ، بس شوفة عينك هالمنحه اجتني من السما ، وما لازم فوتها علي قمر : ماشي يا امي ، قلبي وربي يرضوا عليك سيف : الله يخليلي اياكي ، لكان انا قايم جهز اوراقي شنو بعد اسبوع الطلعه \\\\\\\\\\\\\\\\\\\\\\\\\\\\\\\\\\\\\\ سيف الدين شب عمره 18 سنه عايش مع امه لوحدهم في هنغاريا خلص بكالوريا بمعدل عالي واجته منحه هو ورفيقه ميلاد ليطلعوا يدرسوا في اليابان على حساب الدوله ابوه توفى وقت كان يحضر لامتحانات البكلوريا وطبعاً سبب معيشته في هنغاريا حنعرفه فيما بعد ////////////////////////////////////////////////////// \\\\\\\\\\\\\\\\\\\\\\\\\\\\\\\\\\\\\\ بعد اسبوع بتكون اوراقهم جاهزه وبسافروا ع اليابان بقضوا اسبوعين باليابان وببلش دوامهم هنيك وبكونوا ماخدين سكن طلاب ومعهم 6 شباب تانيين بالغرفه من جنسيات مختلفه ومعهم بنتين المانيات ////////////////////////////////////////////////////// / بالسكن ... / ميلاد : لك انا وين كان عقلي وقت دخلت طب سيف : العمى هالاسبوع يلي داومناه بالمشفى هد حيلي / بسمعهم شب عم يحكوا سوا وبحكي معهم / حسام : متذايقين من اسبوع دوام ومش متحملين ؟ سيف : عم تحاكينا ؟ حسام : اه سيف : لك والله تعب حسام : انتو سوريين ؟ سيف : اي حسام : على راسي سوريا وكل اهل سوريا حبايبنا والله ميلاد : وانتا اردني ولا فلسطيني ؟ حسام : اصلي فلسطيني بس عايش بالاردن من طفولتي ميلاد : اي واضح من لهجتك سيف : نحنا كمان منحبكن كتير حسام : على راسي ، المهم سمعتكوا بتتذمروا من التخصص ، شو مش عاجبكوا ؟ سيف : والله يا اخي تعب حسام : لساتكم سنه اولى ، ما شفتوا اشي ، التعب كله لقدام ميلاد : ليش انتا اي سنه حسام : انا سنه خامسه سيف : كيف قدرت تكمل خمس سنين وانتا مو متحمل التخصص حسام : خاوه سيف : شو ؟ حسام : يعني غصب عني ، عنا الطب بالعيله وراثه ، ولازم ادرس طب غصب عني ، وهيني قاعد بمشي على عادات وتقاليد اجدادي وابوي ميلاد : شو رأيك نغير التخصص ؟ سيف : لا تشجعني ، بتعرفني بدي كلمه بس ميلاد : ما عم امزح سيف : اي شو بعرفني ، بدي ادق لامي اتطمن عليها اشتقتلها ميلاد : عادي انو في معنا بنتين بالسكن ؟ حسام : اه هذول المانيات ، وكل الي هان اجانب ، فش غيري انا وجاسم عرب ، هو من السعوديه ، وهي انتو اجيتو كمان ، صرنا 4 عرب ، وهم 6 اجانب ميلاد : كلن المان ؟ حسام : لا بس البنتين المانيات ، وفي واحد مكسيكي ، وشبين من النرويج ، وهذاك ابو شعر احمر هولندي ميلاد : فيها شي لو صرت رفيقهم ؟ حسام : لا عادي فش فيها اشي ، هم كثير مناح ، بس المكسيكي شوي معادي ومش منيح ////////////////////////////////////////////////////// بعد اسبوع بيجو الشرطه كبسه ع السكن وبياخدوهم هنن العشره على الحبس بتهمة تعاطي وبيع المخـ.ـدرات ////////////////////////////////////////////////////// سيف : لك شو هالورطه ياربي ميلاد : كيف صار هيك كييييف حسام : المشكله انه الشرطه لقوا المخـ.ـدرات باواعينا كلنا سيف : هاي اكيد خطه ، بس مين الو مصلحه مين ميلاد : لك المشكله صارلنا اسبوع هون وما عم يخلونا نحاكي اهلنا ولا نحاكي المحاميين جاسم : بالظاهر يا شباب راح نقضي فتره طويله هني حسام : الله يفرجها يارب ////////////////////////////////////////////////////// بعد خمس سنين .... ////////////////////////////////////////////////////// قمر : لكك اخخخخ اخ ، هي صاروا 5 سنين ولهلأ لا عرفت عنه شي ولا سمعت عنه شي ،، معقول تكون الغربه حلتلك يا ابني ، معقول تكون تزوجت اجنبيه ونستك اياني ... قلبي عم يقلي انك لساتك عايش ، بس وين رحت وين / بهاللحظه بدق موبايلها بتركض عليه وبتكون المتصله صبيه رفيقتها تعرفت عليها جديد / قمر : الو كاريس : مرحبا خالتي قمر : يا هلا حبيبتي كاريس : كيفك قمر : مشتاقه كاريس : شو وينك صارلك يومين ما عم تبيني بالمشغل قمر : والله يا بنتي تعبانه ما فيني اجي كاريس : له يا خالتي سلامتك ، كنتي قولي من قبل ، راح اجي زورك قمر : مية اهلا و سهلا حبيبتي بتنوريني ////////////////////////////////////////////////////// هالخمس سنين هدول بكونوا عذاب على ام سيف خاصه بعد ما ينقطع عنها ابنها بتتعرف على كاريس بالصدفه وبصيروا رفقات كاريس صبيه صغيره كتير حلوه عمرها 20 سنه بنت طموحه ونشيطه بتدرس موسيقى وفنون بتتعرف على ام سيف وبتسجل هي واياها بمشغل خياطه وبصيروا يتعلموا الخياطه والتطريز ليشغلوا وقتهم كاريس يتيمة الاهل وعايشه لوحدها مع جدها عصام جدها ارمل عمره 60 سنه رجل اعمال معروف وعنده املاك ما بتاكلها النيران وكاريس حفيدته الوحيده بتروح كاريس تزور ام سيف ////////////////////////////////////////////////////// قمر : مية اهلا و سهلا حبيبتي تفضلي كاريس : لك وين هالغيبه اشتقتلك قمر : والله يا بنتي كتير تعبانه كاريس : خالتي ، من وقت الي تعرفت عليكي وانتي في بقلبك وبعيونك حزن ، ولهلأ ما عم اعرف السبب قمر : انتي يا بنتي ما صارلك بتعرفيني غير سنه وحده ، هالحزن صارله 5 سنين بقلبي يعني من قبل ما اعرفك كاريس : ليش خالتي ، احكيلي شو في قمر : من خمس سنين سافر ابني ع اليابان ، بعد 3 اسابيع من سفريته فجأه اختفى وما عدت اسمعت عنه شي كاريس : كيف يعني اختفى قمر : ما عاد يدقلي ، ولا يحكيني وما بعرف وين راح وليش راح كاريس : انتي شو متوقعه ؟ قمر : قلبي عم يقلي انه عايش ، يمكن حلتله القعده هنيك يمكن اتزوج ، والله ما بعرف يا بنتي كاريس : معقول يكون انخـ.ـطف ؟ قمر : كل يوم عم اسمع الاخبار ع التلفزيون ، لو كان صاير خطف في اليابان لكنا سمعنا عن هالشي بالاخبار كاريس : طيب بتعرفي رفقاته ؟ قمر : رفيقه ميلاد مسافر معه كاريس : لكان دقيله او دقي لاهله قمر : ما بعرف رقمه ولا رقم اهله ، ولا بعرف مين اهله اصلا كاريس : طيب والحل هلأ ؟ قمر : لا في حل ولا شي ، عم ادعي ربي يحميه ويحفظه ويكون بخير وما بدي شي من هالدني كلا كاريس : قديش عمره ابنك قمر : وقت سافر قبل خمس سنين كان عمره 18 سنه ، هلأ عمره صار 23 سنه ، بس ما بعرف كيف صار شكله كاريس : صورة الشب يلي معلقه ع الحيط هديك صورته ؟ قمر : اي هاد هو وقت نجح بالبكالوريا ، كان نحيف وما ياكل منيح ، كان شب مراهق ، هلأ ما بعرف عنه شي ، ما بعرف ازا سمن ولا لساته نحيف ، ما بعرف كيف صار شكله كاريس : شو كان اسمه قمر : سيف ، سيف الدين كاريس : شو اسم ابوه ، عيلته ، بلكي قدرت اعرفلك شي عنه قمر : سيف الدين ياسر العامري / بتدور على اسمه ع الفيس وبتلاقي حسابه وبتبعتله مسج مكتوب فيها مرحبا / كاريس : خالتي هاد هو ابنك ؟ هاي صورته ؟ قمر : اي اي هو ، هاي صورته بالمطار اول ما سافر ، شوفيلي كمان صور الو كاريس : ليكي هاي كل صوره قمر : ما في الو صور وهو كبير ؟ كاريس : لا خالتي ، ليكي اخر صوره الو منزلها قبل خمس سنين ، وبعدها ما نزل شي على حسابه قمر : اخخخخ يا وجع قلبي 😭 كاريس : لا تبكي خالتي ، لعله خير / بتقرب منها وبتحضنها وهي عم تبكي / ////////////////////////////////////////////////////// المسا في بيت الجد ... كاريس : جدي لساتك بدك تتزوج ؟ عصام : هههههه شو جاب هالموضوع على بالك هلأ كاريس : بتزكر قبل سنتين قلتلي بدك تتزوج ، وعم تمل لوحدك وقت بروح انا على جامعتي ، شو رأيك زوجك عصام : ومين بدك تزوجيني كاريس : رفيقتي عصام : لك بنتي انا عمري 60 سنه بدك تزوجيني بنت بعمرك بعمر ال20 سنه كاريس : لا جدي لا ، مره كبيره ، يمكن عمرها 55 سنه او اقل شوي ، عايشه وحيده ، وهي كتير بتحبني وانا بحبها ، وبشوفها زوجه كتير مناسبه الك عصام : كانت متزوجه ؟ كاريس : اي ارمله عصام : اي يا جدي ، طالما انتي حاببتيها وراح تكونلك متل امك فما عندي اي مشكله اتوكلي على الله كاريس : اي دخيلو جدي الشب عصام : ههههه اسكتي يا بنت ////////////////////////////////////////////////////// كاريس بتعرض على قمر تتزوج جدها وبعد جهد كبير لمدة 4 شهور وهي عم تحاول تقنعها بالاخير بتوافق قمر وبتتزوج عصام وبتنتقل لتعيش بالفيلا مع كاريس وجدها ////////////////////////////////////////////////////// بعد سنتين بتتخرج كاريس من الجامعه بتبقى عم تدور على وظيفه ع شهادتها بس ما بتلاقي بنفس هديك الفتره بطلعوا سيف وميلاد من الحبس بفترة حبسهم الحكومه بتوفرلهم دراسه داخليه بالحبس لحتى ما تروح عليهم المنحه بشرط تكون الدراسه بالسجن وبدون استخدام الانترنت وتكون فترتها قصيره وهنن بختاروا يدرسوا دبلوم محاسبه يعني سنتين بطلعوا من الحبس وبياخدوا شهادات المحاسبه واول شي بساووه وقت يطلعوا وياخدوا جوالاتهم من الامانات بدقوا على اهاليهم ميلاد بحكي مع اهله وبطمنهم عنه وبحكيلهم كل القصه وبكونوا طول فترة هالسبع سنين عم يدوروا على ابنهم بس ع الفاضي اما سيف بدق على امه على رقم الارضي بس بلاقي الخط مفصول ////////////////////////////////////////////////////// ميلاد : اي ماشي يابي ، لكان نحنا اول ما نرجع على هنغاريا راح نبلش دوام فوراً / بخلص ميلاد مكالمه مع ابوه / ميلاد : انبسط يا صاحبي ، ابي دبرلنا وظيفه بشركه كبيره ، راح نشتغل انا وانتا محاسبين بالشركه سيف : اي منيح ميلاد : شبك مو على بعضك سيف : دقيت لامي اكتر من مره بس خطها مفصول ميلاد : شو هالحكي سيف : اي والله ميلاد : بجوز قاطعه الكهربا عندها ارجاع جرب بعد شوي سيف : وهو هيك / المسا ... / سيف : لك ما في حراره ميلاد : ارجاع دق مره تانيه سيف : صارلي من الصبح عم دق ، ما في حراره ميلاد : وانا طلبت من اهلي يدقوا ع الارضي لعندكن كمان ما في حراره سيف : ياربييي شو بدي ساوي ميلاد : طيب دقلها على موبايلها العادي مو ع الارضي سيف : امي ما معها موبايل ، ما في غير الارضي ، ومتل ما بتعرف نحنا ما النا قرايب واهل في هنغاريا ، ما في غير انا وامي ميلاد : ليك انا بعتت عنوان امك لاهلي ، وطلبت منهم يروحوا لعندها ع البيت ليتطمنوا عليها ويطمنوها عنك ، خلينا نستنى شوي ، لنشوف شو راح يطلع معهم من هالروحه سيف : ماشي ////////////////////////////////////////////////////// بروحوا اهل ميلاد على الشقه يلي كانت عايشه فيها قمر بس ما بلاقوا فيها حدن وبخبروا ميلاد سيف بجن جنانه وبقرر يرجع على هنغاريا على اول طياره بكون موعد الطياره بعد 4 ايام بسافروا هنن التنين وبرجعوا على هنغاريا ميلاد بروح يشوف اهله اما سيف بروح فوراً على الشقه يلي كان عايش فيها مع امه بدق الباب وبتفتحله بنت صبيه كتير حلوه ////////////////////////////////////////////////////// سيف : مرحبا شيماء : اهلين سيف : امي وين ؟ شيماء : عفوا ؟ سيف : امي ، قمر ، ام سيف ، ام سيف الدين شيماء : ما عم افهم عليك يا اخي سيف : لك اختي بدي امي انا ، وينها شيماء : اي شو بعرفني مين امك انا سيف : اندهيلي لصاحبة البيت شيماء : انا صاحبة البيت سيف : لك لااا ، المرا الكبيره ، عمرها بحدود ال55 هي بتكون امي ، اندهيلي عليها شيماء : لك يا اخي ما في غيري بالبيت سيف : وامي ؟ امي وين ؟ امي وين اختفت وييين شيماء : شبك اهدا ، انا شو بعرفني وينها امك سيف : هي جوا ، انا اكيد انها جوا ، بعدي بدي شوفها ( ببعدها عن الباب وبدخل لجوا ينده ع امه ) شيماء : لك تعا لهون وقف سيف : ياموووو شيماء : لك ارجاع ، اطلاع من بيتي بلا قلة حيا سيف : يامو وينك ، انا سيف ابنك ، وينك ام سيف وينك شيماء : لك اطلاع لبرا عم قلك ، اطلاع بلا ما جيبلك الشرطه هلأ اطلاع / بكون عم يدور على امه بالبيت بوقف وبتطلع ع الحيط مكان ما كانت صورته معلقه من قبل ما بلاقي الصوره معلقه مكانها بوقف مصدوم ومكسور وبهدا / سيف : صورتي وين ؟ شيماء ( بصراخ ) : ما بعرف ، واطلاع لبرا بسرعه سيف : طالع طالع / بطلع من البيت وهو مصدوم مو شايف قدامه بنزل لتحت وبحاكي حارس العماره / سيف : مرحبا يا اخي محمود : اهلا يا فندم ، اخدمك ازاي ؟ سيف : عم دور على امي ، هي كانت ساكنه هون وينها محمود : اسمها اي ؟ سيف : قمر ، ام سيف الدين محمود : والله معرفش حد بالاسم دا سيف : هي ساكنه بالشقه الاولى يلي بالطابق الرابع محمود : الشقه دي ساكناها صبيه صغيره ، مينفعش تكون امك لا مؤاخذه ، اصلها اصغر منك بالعمر سيف : اي بعرف شفتها للصبيه ، بس انا بدي امي ، المفروض امي هي يلي عايشه هنيك مو هاي البنت محمود : ازاي كدا سيف : كيف ازاي ، عم قلك امي ساكنه هون ، ساكنه هوووون محمود : اسف يفندم مقدرش اخدمك ، مفيش عنا حد بالاسم الي انتا طلبته سيف : ماشي ، انا بدي استأجر الشقه يلي مقابيل شقة هديك الصبيه محمود : تحت امرك يفندم ، اتفضل اتفرج ع الشقه سيف : ما بدي ، بدي اياها متل ما هي محمود : زي ما انتا عايز ، امضيلي على عقد الاستجار دا ، وسلمني الدفعه الاولى على الحساب ، واتفضل دا مفتاح الشقه سيف : الشقه مفروشه ؟ محمود : طبعا سيف : ماشي ////////////////////////////////////////////// بروح لشقته الجديده بقعد فيها وبدق لميلاد ////////////////////////////////////////////// ميلاد : الو سيف : وينك ميلاد : بالبيت ، كنت نايم سيف : قوم تعا لعندي بسرعه ميلاد : ليش سيف : بس تيجي بقلك ، قوم يلا ميلاد : ماشي مسافة الطريق ////////////////////////////////////////////// بجي ميلاد ع الشقه الاولى بدق الباب وبتفتحله شيماء اول ما يشوفها بنبهر بجمالها ////////////////////////////////////////////// ميلاد : مرحبا شيماء : اهلين ميلاد : سيف هون ؟ شيماء : لا اله الا الله ميلاد : خير شو في ؟ شيماء : ما بدكم تحلوا عني ؟ بدق للشرطه والله ميلاد : عفوا انا ميلاد رفيق سيف ، هو دقلي وقلي اجي لعنده شيماء : لا تستلموني ، قلتلكم انا صاحبة البيت ، لا بعرف سيف ولا ام سيف ، حلوا عني بقى ميلاد : طيب اهدي اهدي لا تصرخي ، خلينا نتفاهم شيماء ( بصراخ ) : ما بدي اتفاهم ، اتركوني بحالي بقى / سيف بسمع صوتها وهي عم تصرخ بطلع بسرعه يشوف شو في بلاقيها عم تصرخ وميلاد واقف عندها / سيف : ميلاد ميلاد : بسم الله ، مو كانت هاي شقتك ؟ سيف : اي تعا تعا انتقلت ميلاد : لك كنت قول من قبل انك انتقلت ، ضروري هالفضيحه سيف : تعا فوت لعندي ميلاد : اسفين اختي لا تواخذينا ، حقك علينا سيف : لك تعا انساك منها / بسحبوا وبدخل لجوا وبسكر الباب بتبقى شيماء واقفه على باب بيتها / شيماء : العمى ضربه شو قليل زوق ، لك يعتزر ع القليله ( بتفوت وبتسكر الباب ) ميلاد : شبك يا زلمه ، ما بتعرف تحترم العالم ؟ عم نعتزر من البنت سيف : انا هيك الله خلقني ، قليل زوق ، ماني طايقها ميلاد : لك ليش ، كتير حلوه سيف : يحلي ايامك حبيبي ، لك اخدت مكان امي يا ميلاد ، اكيد بتعرف عنها شي بس ما عم ترضى تقول ميلاد : مو فهمان عليك سيف : ولا انا ، اجيت لقيتها بالشقه ، عم اسألها وين امي قال ما بتعرف ميلاد : لك بلكي عن حق ما بتعرف سيف : كيف ما بتعرف اه ؟ كيف ؟ مهي ساكنه مكانها ميلاد : طيب اهدى واتروك الموضوع علي ، راح حاول اعرفلك منها شو بتعرف بس بالزوق سيف : ماشي ميلاد : لا تبقى مكشر ، خلص افردها بقى سيف : ان شاء الله ميلاد : انا رايح لعندها سيف : لا تتأخر علي ، عم استناك ميلاد : ماشي ////////////////////////////////////////////// بروح ميلاد بدق باب شيماء وبتفتحله ///////// شيماء : هاد انتا مره تانيه ، شو بدك ؟ ميلاد : بعتزر ع يلي بدر مني ومن رفيقي شيماء : .... ميلاد : انا ميلاد شيماء : اهلين ميلاد : فيني احكي معك كلمتين ؟ شيماء : تفضل ميلاد : هون ع الباب ؟ شيماء : اكيد ما راح فوتك تقعد معي هون في بيتي لوحدنا ميلاد : لا العفو مو هيك القصد ، بس بتقبلي عزيمه على فنجان قهوه ؟ شيماء : اسفه ما فيني ميلاد : بس الموضوع ضروري شيماء : ازا بتحب مننزل نقعد تحت في ساحه العماره قدام الكل ميلاد : اي متل ما بدك ما عندي مانع شيماء : ماشي اتفضل ميلاد : اتفضلي يا انسه ... ؟ شيماء : شيماء ، اسمي شيماء ميلاد : اهلا و سهلا ، اتفضلي / بنزلوا بقعدوا تحت بالساحه وبتحاوكوا وبحكيلها كل قصة سيف واختفاء امه المفاجئ / شيماء : والله يا اخي انا وقت اجيت لهون كانت الشقه فاضيه ، بعدين انا ما صارلي اربع ايام ساكنه هون ، يعني ما بعرف وينها امه ولا شو صايرلها ميلاد : ماشي ، نحنا لا تآخذينا ، هو كتير متدايق مشان امه ، وهو وقت يعصب بجحش ، ومشان دخلته لعندك ع البيت ، فانا كتيييير كتير بعتزر منك ، وبتمنى انك تقبلي اعتزاري شيماء : خلص ماشي لا تقلق ، صار لازم ارجع لشقتي انا ميلاد : اي الله معك / بروح ميلاد بخبر سيف بيلي صار / سيف : يعني ما استفدنا شي ميلاد : لا سيف : تعا نروح نسأل الحارس ميلاد : يلا / بنزلوا لعند الحارس / محمود : معرفش انتا بتتكلم عن مين ، اصل انا جديد هنا ، بقالي سنه مستلم الشغلانه دي ، بس ممرش عليا وحده اسمها ام سيف سكنت بالشقه دي لوحدها سيف : يعني شوووو ؟ محمود : وانا اشعرفني سيف : لكان مين بعرف ؟ انا ؟ ميلاد : اسكوت انتا لا تحكي ، اخي انساك منه هاد ، ركز معي انا ، يعني حضرتك صارلك سنه بس عم تشتغل هون ؟ محمود : بالزبط كده ميلاد : وقت جيت لهون مين كان ساكن بهديك الشقه؟ محمود : كانت فاضيه ميلاد : طيب متزكر مين الناس يلي سكنوا فيها من وقت توظيفك هون ؟ محمود : سكن فيها شب مع مراته ومعاهم بنتهم عمرها 3 سنين ، فضلوا بالشقه 8 شهور وبعد كده راحوا ، وبعدهم خدوا الشقه شبين بعمر المراهقه ، فضلوا بالشقه شهرين وراحوا ، واخر حد اخد الشقه دي ، هي البنت شيماء ، وبقالها 4 ايام مستأجره هنا سيف : لك انتا متأكد ؟؟؟؟ متأكد ؟؟ محمود : اوعى يا عم كده متتكلمش معايا انتا ، اصلي بتنرفز منك سيف : ليييك ميلاد : سمعنا بقى سيف ، لا تحكي ،، اخي حاكيني الي ، متأكد انه بس هدول عاشوا هون من وقت توظيفك ؟ محمود : ايوا طبعا متأكد ميلاد : طيب الحارس يلي كان قبلك ، فينك تعطيني عنوانه ؟ محمود : العم ابو شوقي ، مات قبل سنه ، وبعد وفاته جابوني انا اتوظف بداله سيف : ابو شوقي ماااات ؟؟؟ محمود : ايوه مات سيف : لك ابو شوقي هو الحارس يلي كان يشتغل هون وقت كنت عايش انا بهالعماره مع امي ، يعني هو اكيد بعرف وين امي ميلاد : بس هو مات سيف : ما بصير هيك لك ما بصير ميلاد : اخي بتعرف عنوانه ؟ قرايبينه ؟ محمود : لا والله معرفش اي حاجه عنه سيف : ما بصير هيك يا اخي ، لازم نعرف منه شي ميلاد : لك الرجال مات شبك سيف : حتى لو محمود : متلحقه ع القبر يا عم واتفكنا بقى سيف : لا تحاكيني انتا ميلاد : لك سمعونا بقى شباب ، تعا سيف معي تعا / ببقى سيف وميلاد عم يدوروا على قمر وما بلاقولها اثر / ميلاد : هلأ بدك تضلك هيك قاعد ؟ سيف : لك راح طق راح موت ميلاد : صارلنا اسبوع راجعين على هنغاريا وانتا قاعد بهالبيت سيف : شو بدك اياني ساوي ميلاد : قوم ع الشغل ، صارلي اسبوع مداوم بالشركه بلاك ، ما بصير هيك ، قوم واشتغل واطلاع لبرا لحتى تلاقيها سيف : وهلأ شو يعني ؟ ميلاد : هلأ قوم معي على الشركه ، ابي دبرلنا وظيفه نحنا التنين ، وصاحب الشركه كل يوم عم يسألني عنك ، ما بصير يبقى مكانك فاضي ، لازم تيجي سيف : ماشي راح قوم البس واجي معك ع الشركه ميلاد : يا عيني عليك ، بس لا تتأخر / بطلعوا من البيت وبتلاقوا ع الدرج مع شيماء بشوفها سيف وببقى ماشي ومكشر بلا ما يحاكيها / ميلاد : صباح الخير جارتنا شيماء : اهلين صباح النور ميلاد : شلونك شيماء : منيحه ميلاد : بدك شي لازمك شي ؟ شيماء : لا سلامتك مشكور ميلاد : العفو ولو شيماء : عرفتوا شي عن امه ؟ ميلاد : لا والله شوفة عينك ، وهو معصب ما بيتحاكى شيماء : ان شاءالله تلاقوها ميلاد : الله يسمع منك ، بالاذن انا بدي الحقه لتحت شيماء : الله معك / ببلشوا شغل بالشركه وبنسجم سيف هنيك وبقضي اسبوع بالشغل / ///////////////////////////////////////////// عصام : خلص يا جدي لا تزعلي انا راح دبرلك شغل بشي تاني كاريس : بس يا جدي انا كتير حابه اتوظف على شهادتي قمر : هلأ كل المعاهد الموسيقيه يلي بهنغاريا ما قدرت تدبرلها وظيفه على شهادتها يا رجال ؟ عصام : لك والله حاولت كتير ، بس لازم يكون في فترة تدريب اول ، وهي عم ترفض تدرب كاريس : اي لاني عندي خبره ومو بحاجة تدريب ، بعدين التدريب سنتين ، راح يضيع عمري ع التدريب قمر : طيب شو رأيك بوظيفه غير الموسيقى ؟ كاريس : متل شو يعني قمر : جدك بدبرلك اي شي عصام : شو رأيك بالمحاسبه ؟ كاريس : محاسبه ؟؟؟ بس جدي انا ما بفهم شي ببرامج المحاسبه عصام : بدي دق لواحد بعرفه في شركة مبيعات ، بحاكيه وبشوف شو بقلي قمر : المهم موافقة البنت اول كاريس : اي موافقه / بدق عصام لصاحب الشركه / غازي : والله يا استاذ عصام ما في عندي شاغر وظيفي ، بس كرمالك راح جيبها خليها تشتغل مع الموظفين عصام : بس هي معها شهادة موسيقى مو محاسبه غازي : مو مشكله كرمالك راح دبرها ، بخليها تدرب شوي مع الموظفين يلي عندي وبتاخد حمل عن شي موظف عصام : الموظفين ما بعارضوا ؟ غازي : هاي اوامر من مدير الشركه يلي هو انا ، ما بطلعلهم يعارضوا ، وبالنسبه للراتب راح اعطيها نسبه بس مو قد راتب موظف رسمي ، لبينما تصير متمكنه من الوظيفه منيح عصام : لا نحنا ما بدنا اياها تاخد نسبه من راتب اي موظف غازي : لا هاي نسبه من الشركه مو من رواتب الموظفين لا تقلق عصام : فترة التدريب طويله ؟ غازي : شهرين بالكتير وبتخلص عصام : اي كتير منيح غازي : لكان من بكرا فيها تجي وتستلم الشغل عصام : مشكور كتير غازي : ولو يا استاذ عصام ، خيرك سابق ///////////////////////// كاريس : يعني التدريب وراي وراي ؟ قمر : لك بنتي شهرين افضل من سنتين ، بعدين الوظيفه كتير مناسبه الك، وانا قلبي حاسسني انه هالوظيفه راح تغير شي كتييير بحياتك وللاحلى ان شاءالله ،و ليكك حلوه وبتجنني كاريس : حلاة عيونك يا روحي عصام : لك انتي الحلاوة كلها قموره قمره : ☺️☺️ كاريس : ايوه ، بلشنا رومانسيه جدي ؟ لكان لقوم انا خليكن تترمسنوا براحتكن / تاني يوم بتروح كاريس ع الشركه بتشوف المدير وبفرجيها على شغلها / غازي : تفضلي انسه كاريس كاريس : يعطيكم العافيه يا جماعه - الله يعافيكي غازي : شباب ، صبايا ، هاي كاريس ، موظفه جديده ، بس بدها شوية تدريب على برامج المحاسبه - اهلا فيكي يا انسه كاريس : اهلا فيكم غازي : كاريس هدول الموظفين الشباب جوزيف ، اسيد ، ميلاد ، سيف الدين ، نصار ، والبنات هديل ، كاميليا ، حلا كاريس : تشرفت غازي : شباب بدي واحد منكم يتبرع يدرب كاريس على برامج المحاسبه لمدة شهرين سيف : انا بدربها ///// الجزء التاني //////⚔️⚔️⚔️⚔️⚔️⚔️ / سيف : انا بدربها جوزيف : لا انتا جديد ، ما فينك تدربها ، انا بدربها ، انا قديم نصار : مش قصه يا شباب مين يدربها ، عادي يعني سيف : اخي انا ما بحب حدا يعارض عليي بشي ، وانا ازا عصبت كلكم بتعرفوني حلا : بتجحش سيف : اختصري حلا جوزيف : شو بدك تساوي يعني ؟ غازي : شباب هدوء ، خلص ، سيف راح يدربها جوزيف : بس انا اقدم غازي : جوزيف ما فينك تعارض على سيف بكل شي ، سيف الدين خد الانسه كاريس ، عرفها على الشركه ، وطبيعه شغلها ، كاريس راح تشاركك بمكتبك ، لهيك اطلب من المستخدم يجيب كرسي ويحطلها اياه معك ورا طاولتك سيف : ماشي استاذ غازي : جوزيف ما بدي مشاكل جوزيف : ماشي غازي : كفوا شغل ، يعطيكم العافيه / بياخدها بعرفها ع الشركه وكل شي فيها بتكون كتير حلوه وانيقه واول ما يشوفها بتاخد عقله بخلصوا لفتهم بالشركه وبرجعوا على المكتب بتكون الطاوله طويله شوي بتوسع يجي وراها كرسيين جنب بعض عليها كمبيوتر وموبايل ارضي بقعدوا سيف وكاريس جنب بعض ورا المكتب / كاريس : استاذ ازا بتدايق انا بقوم من جنبك وبقعد هنيك سيف : شو قلتي ؟؟ استاذ ؟؟؟ كاريس : انووو اي ، انتا مدربي سيف : نحنا زملاء ، انتي هون موظفه متلك متلنا مو متدربه ، وانا زميلك مو مدربك ، كلنا هون زملاء ، نحنا 5 شباب و3 بنات ومعك صرتو 4 بنات ، شوي شوي راح تتعودي على اجواء زمالتنا وحكينا مع بعض وراح تصيري وحده منا كاريس : اي بس حسيت نظرات البنات الي مو مريحه سيف : غيرانين منك كاريس : ههههه على شو دخيلك سيف : لا تقللي من قيمة حالك ، ماشاءالله عنك كتير حلوه وانيقه كاريس : مرسي من زوقك سيف : المهم انا اسمي سيف مو استاذ كاريس : بس الاستاذ غازي ناداك سيف الدين سيف : اي اسمي سيف الدين ، بس هاد بستعمله بالعلاقات الرسميه ، وما بحبه ، بحب الاختصار ، بعدين نحنا زملاء ، مو علاقه رسميه كاريس : ما صارلنا ساعه منعرف بعض سيف : اي بس راح نصير نشتغل مع بعض على طول كاريس : طيب فينا نبلش شغل من هلأ ؟ سيف : اي لكان ، قربي لفرجيكي كيف بنشتغل على برامج المحاسبه كاريس : اوك / بعد شوي بجي لعندهم ميلاد وكاميليا / ميلاد : وهي 4 فناجين قهوه ، لنستقبل ضيفتنا الجديده كاميليا : انا قلتله خود نسكافيه ازكا بس هو اصر ع القهوه كاريس : مرسي كتير الكم يا جماعه سيف : شفتي حبوكي الموظفين كاميليا : كيف شفتي الشغل كاريس : مبدئياً كتير حلو ميلاد : هلأ سيف راح يخليكي تكرهي الشغل هاه كاريس : بالعكس ، كتير لطيف ومنيح معي كاميليا : شو استاذ سيف، بشوفك صاير لطيف وتضحك بالمكتب سيف : وليه كاميليا اختصري كاميليا : ماشي 😉 سيف : كاريس ، ميلاد اقرب رفيق الي ، هو رفيقي من طفولتي ، والست كاميليا اطيب قلب بكل الشركه ، صحيح مسحوبه من لسانها ، بس بتعجبك كاميليا : لك دخيلوووو سيفو سيف : عندك اسيد شب مصري هادي وما اله بحدا ، جوزيف شب لبناني بس كتير بغار ، وبده يكون احسن واحد وياخد كل شي من الكل وبالذات مني ، نصار شب اردني ، هو رفيقنا كمان من شلتنا بس بالظاهر مشغول ، ولقلك سر (بقرب منها وبهمس) في بينه وبين كاميليا نظرات حب 🤫 كاريس : ياااااي كتير حلوين ولابقين كاميليا : ولا فساد سيف : هههههه في هنيك هديل عراقيه وهاديه ومنيحه ، وحلا سوريه بس بلا من الله وتقيلة دم ما بحبا انا كاميليا : اي حلا بتحب سيف كاريس : شو بشوف كلها قصص حب هون سيف : بس انا ما حبيتها كاميليا : مصدقينك حبيبي مصدقينك / وهيك بتبلش كاريس شغل معهم وبتنسجم كتير وبتحبهم اكتر خاصة سيف وميلاد ونصار وكاميليا بكونوا هنن الخمسه شله مع بعض / / بعد شهر دوام بتكون الدني مطر بتجي كاريس ع الدوام مع جدها ومرته بتنزل من السياره وبنزل معها جدها بس مرته بتبقى قاعده بالسياره ببوس كاريس وبحضنها بعدين بركب السياره وبروح بتطلع كاريس ع الشركه بتفوت وبتلاقي سيف واقف ع الشباك عم يشرب قهوه ويدخن / كاريس : صباح الخير يا جماعه - صباح النور كاريس : سيف ( بتقرب بتوقف جنبه ) صباح الخير سيف : صباح النور كاريس : شبك متدايق سيف : ولا شي كاريس : سيف انتا منيح ؟ سيف : اي منيح ، ابوكي يلي وصلك ؟ كاريس : لا هاد جدي سيف : مبين صغير كاريس : اي هو صغير عمره 62 سنه ، تزوج وهو صغير وجاب ابي على عمر صغير وابي جابني على عمر صغير سيف : ليش مو ابوكي يلي وصلك ؟ كاريس : الله يرحمه سيف : اسف كاريس : مو مشكله سيف : كإني لمحت مرا معكم بالسياره كاريس : اي هاي مرت جدي سيف : جدك متزوج كاريس : اي تزوج من سنتين سيف : امك وين كاريس : الله يرحمها سيف : اسف كتير كتير كاريس : مو مشكله سيف : انا عنجد اسف كاريس : ما عمري شفتك بتدخن سيف : وقت بكون متضايق بدخن بس كاريس : ليش متضايق سيف : ما بعرف كاريس : من وقت الي جيت انا لهون وانا عم شوفك كئيب ، صحيح عم تحاول تحكي وتضحك ، بس في بقلبك حزن كبير سيف : انسي كاريس : وقت تحب تحكي راح اسمعك سيف : شكراً الك ، بالاذن / بطلع برات المكتب مكتبهم بكون عباره عن قاعه كتيير كبيره فيها طاوله لكل واحد من المحاسبين التمانه وفي بين مكاتبهم نص قواطع قزاز بقدروا من وراها يشوفوا بعض ويسمعوا بعض بتكون كاريس بدها تلحق سيف بس ميلاد بوقفها / ميلاد : لا تلحقيه كاريس : نعم ؟ ميلاد : هو بحب يكون لوحده بس يتضايق كاريس : بس هو كتير متضايق ميلاد : هو هيك اهدا من كل مره كاريس : طيب هو شبو ليش على طول متضايق كاميليا ( بتحكي من مكتبها ) : امه مختفيه ميلاد : كاميليا ! كاميليا : شبك خليها تعرف ميلاد : ازا بده هو بقلها مو نحنا كاريس : طيب كيف اختفت يعني كاميليا : ظروف غامضه كاريس : كيف هيك كاميليا : هاد يا ستي وقت... ميلاد : اسكتي يا بنت ، مسحوبه من لسانك ... ( بعلي صوته ) الله يعينك يا نصار على هالبلوه نصار ( من مكتبه ) : اي بلوه ؟ ميلاد : يعني انو بلوه اه ؟ نصار : هههههههه سكر ثمك كاميليا ( بتهمس ) : غبي فضحتني قدامه ميلاد : على اساس انه ما بيعرف انك بتحبيه ؟ مكل الشركه بتعرف انكم بتحبوا بعض بس ما عم تعترفوا لبعض كاريس : هلأ شو مشان سيف ميلاد : انا رايح شوفه كاريس : بتعرف وينه ؟ ميلاد : اي بعرف كاميليا : اي بكون قاعد على درج الطوارئ الخارجي ، دائما وقت يتضايق بقعد يدخن هنيك / بروح ميلاد لعند سيف بلاقيه قاعد على درج الطوارئ وقدامه ع الارض مرمي خمس قموع سجاير وبتمه السيجاره السادسه بياخد ميلاد السيجاره من ايده وبقعد جنبه وبدخنها هو / ميلاد : حرام عليك يا زلمه ، ست سجاير مره وحده !، هاد وانتا ما بتتحمله سيف : ..... ( بطول سيجاره تانيه من جيبه بلا ما يحكي ) ميلاد : هاات ( بسحبها من ايده ) بكفي بقى ، شبك يا زلمه شو صايرلك سيف : ولا شي ميلاد : كل هاد وولا شي ؟ سيف : اشتقتلها ميلاد : بس مو معناته انك تقتل حالك بالدخان سيف : ما بعرف شو صارلي وقت شفت كاريس جايه مع اهلها ، هي عندها اهل وانا ما عندي ميلاد : غيران منها يعني؟ كلنا عنا اهل ، ما بعمرك غرت من واحد فينا سيف : مو غيران ، بس وقت شفتها نزلت من السياره وحضنت جدها ، ما بعرف احساس كتير سيء صابني ، ما بعرف ليش ، كل جسمي ارتعش ميلاد : اي خلص واضحه ، غرت عليها من جدها سيف : وليش لحتى غار ؟؟؟؟ ميلاد : انتا ليش اخترت تدربها من الاساس ؟ طلبت تدربها بسرعه وبلا اي تفكير او تردد سيف : عجبتني اول ما دخلت المكتب جمالها ولبسها كتير ملفته ميلاد : هاي هي ، انتا حبيتها وغرت عليها من حضن جدها سيف : لك لا ولو ، ما في مشاعر حب ، هو بس اعجاب بشكلها ، وقت تغيب عن الدوام ما بتضايق ، وقت بشوفها قلبي ما برجف ، وقت شوفها عم تحاكي الموظفين او تسلم عليهم ما بتضايق ، بس خلص ما بعرف وقت شفت جدها شعور كتير سيء صابني ، دقات قلبي زادت ميلاد : طيب انتا بتعرفه لجدها من قبل ؟ عمرك شفته يعني ؟ سيف : ابدا ميلاد : ما زكرك بحدا وقت شفته ؟ ما بشبه حدا ؟ سيف : كمان لا ميلاد : معقول شفت فيو ابوك مشان هيك تضايقت سيف : لا لا ، ما بعرف ليش بس خلص تضايقت ميلاد : طيب يلا ع المكتب ، البنت كتير خيفانه عليك سيف : خيفانه علي انا ؟ ميلاد : اي سيف : ليش ميلاد : وانا شو عرفني ، قوم قوم بلا ما تاخد برد بهالمطر قوم يلا سيف : شرف ( بمد ايده بسحب السيجاره من ميلاد ، وبدخن آخر نفس فيها وبرميها وبدعس عليها وبمشي معه ) / بمرق شهر تاني وكاريس لسه عم تدرب مع سيف / / بتجي زبونه ع الشركه / رنا : لو سمحت بدي حاسب على هاي الطلبيه سيف : دقيقه شوي ( بنادي بصوت عالي ) يا كاريس ، كاريس كاريس : اي ليكني هوون سيف : تعي لعندي كاريس : ثواني سيف : لك تعي يلا بسرعه كاريس : اي اي جيت شبك سيف : بعدين بتزبطي الروج ، تعي حاسبي الزبونه كاريس : سيفو زابط روجي 😚؟ سيف : بجنن حاسبيها بقى يلا كاريس : اعطيني الغراض لو سمحتي رنا : تفضلي / بتبلش تحاسب وتشتغل بعدين بتوقف شوي وبتطلع بسيف لحتى يساعدها بتطلع فيها وبرفع حاجبه بمعنى كملي شغل لوحدك بتكمل شغلها وهي متوتره / سيف : شوو كاريس : هيك صح ؟ سيف : اعرفي لوحدك كاريس : مستحيل يطلع الحساب هالقد كبير سيف : هيك علمتك انا تشتغلي على هاد البرنامج ؟ كاريس : دقيقه ..... هيك ؟ / بقرب منها وبمد ايده لعندها بمسك ايدها وبشيلها عن الماوس وبصير يشتغل هو وبكون كتفه لازق بكتفها بتكون راح تبعد عنه بس شي بجذبها اله وما بتبعد ريحة عطره لمسة ايده لمسة كتفه بكتفها بتبقى متصنمه مكانها وعم تراقب بشغله / / بكون جوزيف قاعد بمكتبه قبالهم بتقوم لعنده حلا / حلا : شووو عاجبك الوضع هيك ؟ جوزيف : اي وضع حلا : ليك سيف وكاريس جوزيف : يقطع عمره حلا : يقطع عمرك لحالك لا تدعي عليه جوزيف : لكان يقطع عمرك على عمره منيح هيك ؟ روحي عني عندي شغل حلا : بس بدي افهم على شو عاجبيتك جوزيف : احلى منك حلا : تضرب انتا ويلي اجت تحكي معك ، كفي شغلك كفي /////////////////// سيف : وهاي اخر خطوه ، مفهوم يا كاريس ؟ كاريس : اي مفهوم سيف : تفضلي يا اختي هاي فاتورتك رنا : مشكور ، تفضل سيف : شكرا ... كاريس رجعيلها الباقي كاريس : اوك .... تفضلي رنا : شكرا بالاذن كاريس : هفففف سيف : مو مشكله بتتعلمي كاريس : صارلي شهرين وما تعلمت ، خلصت مدة التدريب سيف ( بحط ايده على كتفها ) : انتي عقلك نضيف بس على طول بتضلي مشتته ، ركزي شوي لحتى تقدري تحفظي ، الخطوات سهله مو صعبه كاريس : لك كترة البرامج عم تخربطني ، خاصه البرنامج هاد ، يعني هدول سبع برامج وكلهم معقدات ، شو بدي احفظ لاحفظ سيف : انتي بتعرفي تشتغلي على برنامجين منهم ما هيك ؟ كاريس : اي سيف : خلص الك هدول البرنامجين ، وانا بشتغل ع الباقي كاريس : والمدير ؟ سيف : ما راح خليه يعرف ، بكون حط اسمك بآخر الفاتوره بدل اسمي ، بس مو دائما ، لحتى ما يشك كاريس : عنجد ؟ سيف : اي كاريس : يييي دخيل قلبك يا سيفو ، على بالي بوسك من الفرحه سيف : ههههههههههه بلا ما ينتزع روجك لسه هلأ زبطتيه كاريس : عم امزح معك ما بعملها سيف : بعرف كاريس : سبحان مين خلاني شوف ضحكتك ، ليكك طلعت حلو وقت تضحك ، على طول مكشر سيف : عيونك الحلوه / المسا بكون سيف نايم وبحلم بكاريس بكون واقف بغابه وتايه.... عم يشوف خيال امه قدامه بس ما عم يقدر يمشي بتجي كاريس من وراه وبتحضنه وبتحط راسها على ضهره وبتضمه بقوه / كاريس : سيف انا كتير خيفانه سيف : لا تخافي انا معك ( بمسك ايدها وبشد عليها ) قمر : ابني تعا لعندي سيف : ما عم اقدر امشي يا امي / بجيه صوت بخوف من بعيد / الصوت : اختار امك او كاريس سيف : مين انتا الصوت : اختاااااار سيف : شو اختار ما عم افهم الصوت : وحده بتبقى معك والتانيه بقتلها سيف : لا تقتل حد ، اقتلني الي قمر : لا يا ابني لا الصوت : اختاااار عم قلك قمر : ابقى مع كاريس يا سيف ، هي بحاجتك ، هي وحيده ، اما انا مبسوطه ومرتاحه ، ابقى معها يا ابني الصوت : لكان راح بقتل امك سيف : لاااااا كاريس : مستحيل / هون كاريس بتسحب ايدها من ايد سيف وبتبعد عنه بمد ايده يمسكها بس بتبعد / سيف : كاريس وقفي كاريس : مستحيل خليه يقتل امك سيف : كاريس استني بترجاكي ، انا بروح مكانك كاريس : انا بعدتك عن امك وهلأ صار وقت رجعكن لبعض سيف : بعدتيني عن امي ؟ كاريس : اي سيف : كيف ؟ بس انتي ما دخلك ، هي اختفت لوحدها كاريس : انتا ما بتعرف شي سيف : شو بدي اعرف كاريس : انا بدي رجعلك امك ( وببلش الضباب يغطيها شوي شوي ) سيف : كاريس استني لا تروحي كاريس : انا بدي رجعلك امك انا بدي رجعلك امك ( وبصير صوتها يعمل صدى ) سيف : كاريس ، كاريييييسسسس / بنقز وبفيق مذعور وهو عم ينادي كاريس / سيف : بسم الله الرحمن الرحيم شو هالكابوس / بسمع صوت الرعد والمطر عم يضرب الشباك برفع حاله من تخته بتطلع على الشارع بشوف الدني مطر وضباب وعمدان الشارع مضويه والسما فيها اثر فضا بقوم بصلي الفجر وبقعد ع الشباك يراقب الجو والشروق بحاول يدق لميلاد بس موبايله مغلق / سيف : ما عم يرد ... لازم حاكي كاريس .... لك انا كيف ما جبت رقم كاريس ؟صارلنا شهرين عم نشتغل مع بعض وما بعرف شو رقمها .... لدور على فيسها ، شو كان اسمها ؟اي كاريس المصري / بدور على اسمها ع الفيس بلاقي حساب فيس بوك باسم كاريس المصري بدخل ع الحساب وبشوفها حاطه صورتها عليه بلاقيها كاينه باعتيتله طلب صداقه من زمان / سيف : يي ليكها كاينه باعتيتلي طلب صداقه وانا مو منتبه / بقبل الطلب وبدخل ع المسنجر لحتى يبعتلها مسج بس بتفاجأ انها كاينه باعتيتله مسج من سنيتن مكتوب فيها مرحبا برد عليها برساله بكتبلها فيها حاكيني ضروري هلأ وبسكر الموبايل وببقى طول الوقت كل شوي يتفقد الموبايل والمسنجر لحتى يشوف ازا ردت بس ما بترد بتصبح الدني وبروح على دوامه وبوصل بكير كتير بقعد بالمكتب ينتظر جيتها وجية باقي الموظفين اول ما يجو الموظفين بروح لعند ميلاد وبخبره عن حلمته / ميلاد : عادي ، مو شايف اي تفسير للحلمه ، يمكن من كتر ما عم تفكر بامك ، واكيد عندك ميول لكاريس لهيك حلمت فيهم سوا سيف : مستحيل يا ميلاد مستحيل ، بعدين انا دخلت على فيسها لقيتها باعتيتلي مسج من سنتين ميلاد : مسج شو ؟ سيف : كاتبه فيها مرحبا ميلاد : بس ؟ سيف : اي ميلاد : وانتا هلأ لانتبهت للمسج ؟ سيف : بتعرفني ما بفتح الفيس ، مبارح المسا فتحته لحتى دور على فيسها وتفاجئت بالمسج ميلاد : قولتك شو بتكون بدها سيف : ما بعرف ميلاد : طيب دقلها سيف : رقمها مو معي ولا مع حد من الموظفين ميلاد : بتلاقيه بملفها سيف : المدير ما راح يرضى يعطيني ملفها الشخصي ميلاد : والحل ؟ سيف : عم استناها تجي او ترد ع المسج ميلاد : ماشي ، اجاك زبون على مكتبك روح سلكه سيف : هففف تضرب المبيعات شو شغلها كتير ، نيالك انتا بالمشتريات شغلك اقل من شغلي ميلاد : اي روح روح ما صار الا وحسدتني ، ليكه اجاني الشغل سيف : اي هيك هاه اشتغل متلنا ///////////////////////////////// بمكان تاني بالعماره بتكون شيماء عم تمسح باب بيتها وبهالوقت بتمرق عنها مرا كبيره بالعمر شوي /// ام موسى : يي واخيرا شفنا هالباب مفتوح ، ع العافيه يا بنتي شيماء : اهلين خالتي الله يعافيكي ام موسى : شو بالظاهر ام سيف قررت ترجع تعيش هون شيماء ( بينها وبين حالها ) : رجعنا لنفس الموضوع .. ( بعدين بتحاكي المرا ) لا خالتي هاد البيت الي ام موسى : يعني ام سيف مو هون ؟ شيماء : لا خالتي هي مو هون ، انا ساكنه لوحدي ام موسى : اي ، لا تواخذيني يا بنتي ، انا جارتك ام موسى ، ساكنه بالطابق السادس فوق اي شي بتحتاجيه انا متل امك هون شيماء : بالسادس ؟ وكيف عم تقدري تطلعي وتنزلي ام موسى : طلعاتي ونزلاتي قليله شيماء : انتي قديش صارلك عايشه بهالعماره خالتي ام موسى : من زمااان كتييير شيماء : يعني انتي بتعرفيها لام سيف ؟ ام موسى : اي لكان بعرفها شيماء : طيب هي وين هلأ ام موسى : في بيت زوجها شيماء : وين بيت زوجها ام موسى : والله يا بنتي ما بعرف وين ، بس يلي بعرفه انها تزوجت من سنتين من رجل اعمال كبير ، اسمه عصام ، بس ما بعرف عصام شو شيماء : طيب خالتي كيف فيني زورها ام موسى : اسألي عن بيت عصام صاحب شركة تصنيع الالماس ، هو معروف بكل البلد شيماء : ماشي خالتي ، مشكوره كتير ، تفضلي لنشربك فنجان قهوه تفضلي ام موسى : لغير مره ان شاءالله ، بدي اطلع على بيتي هلأ شيماء : متل ما بتريدي /////// في الشركه .../ سيف : صارت الساعه 11 وهي لهلأ ما اجت حلا : قلقان عليها يا بعدي سيف : هلأ انتي مركزه بشغلك ولا مركزه بكلامي ؟ حلا : التنين سوا سيف : ميلاد انا رايح اقعد بمكتبي تعا لهنيك ميلاد : جيتك / بروحوا يقعدوا بمكتب سيف بهالوقت بدق موبايل ميلاد بتكون شيماء عم تدقله / ميلاد : الو شيماء : صباح الخير ميلاد ميلاد : صباح الورد شيماء : بدي قلك على شي ميلاد : تفضلي قولي شيماء : ام سيف عرفت وينها ميلاد : وين شيماء : متزوجه من سنتين وهي في بيت زوجها ميلاد : شوووو ؟؟؟ مين هو شيماء : فيني شوفك ؟ ميلاد : اي اكيد ، جايك هلأ انا / بسكر معها الخط / سيف : شبك شو في ، شو صايرلها شيماء ميلاد : شيماء لقت امك سيف : امي ؟؟ ميلاد : اي / بقوم سيف يركض لبرا وبلحقه ميلاد وهو عم ينادي عليه بس ما برد بركب سيارته وبسوق بسرعه كبيره وميلاد بركب سيارته وبلحقه بوصل سيف ع الشقه وبطلع يركض ويخبط على باب شيماء متل المجنون بتفتحله شيماء الباب وهي مرعوبه // شيماء : بسم الله شو في سيف : وينهاااا ميلاد ( بهاللحظه بوصل ميلاد ) : سيف اهدا سيف : اندهي عليها بسرعه شيماء : هي مو عندي سيف : لكان وين شيماء : حاجتك صريخ هلأ بتلم علينا الحاره ميلاد : اهدا يا زلمه ، انا راح بحكي مع شيماء اهدا ... شيماء نحنا بدنا امه ازا بتريدي شيماء : امه تزوجت ، هي مو عندي سيف : تزوجت ؟؟؟؟؟ امي ما بتتزوج عم تفهي ميلاد : لك يا اخي فوت لشقتك خلصنا بقى اهدا ، شيماء قولي كل شي بتعرفيه لو سمحتي شيماء : تزوجت من رجل اعمال معروف اسمه عصام وهو صاحب شركة تصنيع الالماس سيف : مين هو ؟ عصام شو ؟ وين ساكن شيماء : ما بعرف ، كل شي عندي قلتلكن اياه سيف : ماشي ،،،، ماشي ( بنزل يركض ع الدرج ) ميلاد : لك سيف تعا سيف ... شيماء اسف كتير ع يلي صار شيماء : مو مشكله ميلاد : شكرا كتير الك، بالاذن ( بنزل يركض وراه وينادي عليه ) سييييف يا سيييف / بنزل سيف لتحت وبدق باب غرفة محمود / محمود : ايوه ايوه جاي اهو ... اهدا يا عم ... جاي جايي ( بفتحله الباب ) هوه انتا ؟ عاوز ايه ؟ سيف : بدي تجيبلي عنوان شخص محمود : مين ؟ ميلاد ( بوصل ميلاد ) : مرحبا محمود محمود : اهلين يا عم ، شوفلي صاحبك عاوز ايه سيف : في رجل اعمال اسمه عصام هو صاحب شركة تصنيع الالماس بدي عنوانه محمود : هوا في حد ميعرفش فيلا الاستاذ عصام ؟ سيف : لكان اعطيني العنوان محمود : ماشي هكتبهولك دلوقتي // بياخد سيف الورقه وبروح بركب بسيارته بلا ما يستنى ميلاد بركب ميلاد سيارته وبلحقه بوصل للفيلا وبصير ينده بصوت عالي بلا ما يهتم للحراس // سيف : عصااااام ،يا عصاااااام يامن الحارس : هي انتا شبك سيف : بعد عني ... عصااااام تعا يا عصام يامن : لك اخراس انقلع من هون سيف : سد حلقك ولا ( بهجم على يامن وبضربه ، مع وصلة ميلاد ) ميلاد : سيف اهدا ، اتروك الشب يا سيف / كاريس بتكون عم تتمشى بالحديقه بتسمع صوت صريخ من عند البوابه الرئيسيه وبتروح تركض لهنيك وبتتفاجأ بيلي عم تشوفه / /////// الجزء التالت //////⚔️⚔️⚔️⚔️⚔️⚔️ كاريس : سيف شبك شو في ... سيف رد عليي ... يامن سيف اتركوا بعض بقى / ببعدوا عن بعض وبوقف سيف يتطلع فيها مصدوم / كاريس : تفضل لجوا سيف سيف : كاريس ؟؟؟؟ كاريس : اي شبك استغربت سيف : وين عصام ؟ كاريس : شبك معصب هيك سيف : عصااااام كاريس : اهدا لا تصرخ ... يامن روح نادي لجدي بسرعه سيف وميلاد : جدك ؟؟؟؟ كاريس : اي جدي ، شبك سيف ، شبو جدي سيف : هلأ بس يجي بتعرفي شبو كاريس : طيب تفضل لجوا سيف : ما بدي فوت كاريس : مو حلوه وقفتك ع الباب ، اتفضل ميلاد : فوت سيف فوت / بفوت ع الحديقه وما برضى يدخل لجوا الفيلا بهالوقت بجي عصام مع يامن ليشوف شو في /// عصام : خير شو صاير هون كاريس : جدي هاد سيف ، زميلي بالشغل ومدربي عصام : اهلا و سهلا يا ابني تفضل سيف : ...... ( بكون عم يلهت ويتطلع فيو بنظرات حقد ) عصام : احكي يا ابني قول ، كيف فيني ساعدك سيف : تساعدني ؟ انا ما حد بساعدني وما بطلب المساعده من حد عصام : لكان ليش عم تصرخ وتنادي ، خير شو في سيف : ليش انتا خليت فيها خير ؟ كاريس : سيف شبك ؟ ليش عم تحاكي جدي بهالطريقه عصام : اتركيه يا بنتي ، خليه يحكي كيف ما بده ، المهم نفهم شو بده سيف : بدي امي عصام : امك ؟ مين امك سيف : لا ؟ ( بعلى صوته ) هلأ ما عم تعرف مين امي ؟؟؟؟؟ هلأ عصام : مين امك سيف : لا تساوي حالك ما بتعرف شي ، ولا كإنك ساويت شي كاريس : سيف حاج تصرخ بقى ميلاد : امه بتكون مرتك يا استاذ عصام عصام : قمر ؟؟؟ سيف : لا تنطق اسمها على لسانك عم تفهم ؟ عصام : قمر مرتي متل ما هي امك سيف ( بصراخ ) : قلتلك لا تقول اسمها ، لا تقول مرتك ، هاي امي ، امي لوحدي ، الي لوحدي كاريس : سيف ازا بتريد اهدا شوي عصام : كاريس ، روحي فيقي قمر ، وخليها تجي لابنها كاريس : حاضر جدي عصام : اقليلها جدي بده اياكي ، لا تخبريها عن السبب كاريس : حاضر //// بعد شوي بتجي كاريس مع قمر بوصلوا الحديقه بكون سيف واقف ، وجهه احمر وكتير متوتر عروق ايديه وجبينه ورقبته كتير بارزين واقف جنبه ميلاد وحاطت ايده على كتفه وقبالهم واقف عصام ووراه يامن بتجي قمر من ورا عصام وهي ما بتعرف شو في بتكون شايفه شبين من بعيد واقفين جنب بعض بتقرب وبتشوفهم من قريب سيف ما بشبه حاله ابدا وقت الي سافر سافر وهو مراهق بعمر 18 سنه ، نحيف كتير وطويل ، وجهه رفيع وما عنده لحيه ، وشعراته مرفوعين لفوق وهلأ رجع شب 25 سنه طول بعرض وعضلات وعنده لحيه خفيفه مرتبه وبشرته صافيه ووجهه كتيير حلو وشعراته مرتبين بتشوفه بس ما بتعرفه من اولها بتوقف تتأمله بتتأمل ملامحه حتى لو تغير شكله وجسمه ووجه بس ملامحه نفسها عيونه بلونها ونظرتها الحاده رسمة انفه ورسمة شفافه متل ما هي بتتأمله وبتعرفه فوراً بتوقف مكانها مصدومه وبتجمد بارضها وعيونها بتتعبى دموع بشوفها سيف ودقات قلبه بتصير مليون ببقى واقف مكانه ومو عرفان شو يساوي /// قمر : سيف !! سيف : امي / وقت تسمعه قال امي بتوقع ع الارض وبتفقد الوعي بمسكها عصام بسرعه لانه بكون واقف جنبها وبركض عليها سيف بسرعه بشيل ايد عصام عنها وبحملها //// عصام : طالعها لفوق بسرعه سيف : لا بدي اخدها ع المشفى عصام : في عندي دكتور بالفيلا سيف : لا لا عصام : المشفى بعيد من هون ، ما بدنا يصيرلها شي // بتأمل امه يلي مرميه بين ايديه بحط ميلاد ايده ع كتفه وبأشرله براسه بالموافقه بوافق سيف يطالعها لفوق ع الفيلا وبجي الدكتور بفحصها وبفيقها اول ما تفيق بتنده باسم سيف بكون قاعد حدها بتشوفه وبتصير تبكي وهو بحضنها بسرعه ببقى حاضنها لوقت طويل وهي عم تبكي وهو ماسك حاله لحتى ما يبكي وبكونوا عصام وسيف وكاريس قاعدين عندهم بالغرفه وكاريس كتير متأثره وعم تبكي عليهم /// قمر : وين كنت كل هالمده يا امي وين اختفيت هيك سيف : صارلي مده عم دور عليكي ، يلا امي قومي لنرجع على بيتنا يلا عصام : لوين ؟ قمر : ما فيني اترك بيتي يا امي سيف : هاد مو بيتك ، هداك بيتك ، بيتنا قمر : بس عصام زوجي سيف : لا مو زوجك ( بصرخ ) مو زوجك عصام : لا ترفع صوتك عليها سيف : ما حدا دخله بيني وبين امي ، يلا يامو يلا معي قمر : لا يا ابني ما بصير سيف : هيك يا ام سيف ؟ انا ابنك قمر : بعرف يامو خليك معي هون ، عيش معي سيف : انا ما بعيش ببيت رجال غريب قمر : بس عصام مو غريب ، هو رجال حنون كتير وحاطتني على راسه شايلني على كفوف الراحه ومعوضني عن كل الاسا يلي شفته بحياتي ، هو راح يكونلك سند واب سيف : انا ما بدي اب بحياتي وما بدي سند ، انا بسند حالي لحالي ، انا عشت طول عمري بلا اب ، ماني بحاجته هلأ ، ماني بحاجة رجال غريب لحتى يلعب دور الاب بحياتي قمر : لا امي لا ، لا تقول هيك سيف : اختاري يا انا يا هو ، اما بترجعي معي او بتبقي معه قمر : ما فيني يا سيف افهمني عصام : خليك معنا يا ابني انتا من غلاوة قمر ، عيش معنا ، وراح تكون متل ابني واعز سيف : ...... انا مو ابن حدا ، بدك تبقي هون ؟ ماشي خليكي هون ، خليكي يا ... يا امي قمر : لا يا سيف لا سيف : لك اساسا كيف عملتي هيك ، كيف قدرتي تتزوجي كيف ، كيف قدرتي تصيري مرت رجال غريب كيييف ، لك كييف كيف /// بضرب ايده بالحيط وبطلع لبرا بسرعه بتصير تنده عليه بس ما برد بلحقه ميلاد وبتطلع كاريس تركض وراه كمان وهي عم تنده عليه بنزل يركض لتحت وراه ميلاد ووراه كاريس بشوفوه الحراس عم يركض وبسكروا البوابه بسرعه بوقف يضرب ع البوابه ويصرخ لحتى يفتحوله بوصلوا لعنده كاريس وميلاد //// كاريس : سيف بترجاك اهدا شوي ، ارجاع لعند امك سيف : قوليلن يفتحوا البوابه كاريس : سيف حاكيني اول سيف ( بصراخ ) : ما بدي حاكي حدا ما بدي شوف حدا قوليلن يفتحوا البوابه بسرعهههه ميلاد : كاريس ما فيكي تحاكيه وهو معصب هيك ولا فيكي تتفاهمي معه ، بس يهدا بتحاكيه كاريس : ........ يامن افتاح البوابه يامن : حاضر /// بفتحوله البوابه وبطلع هو وميلاد بترجع كاريس لفوق بتلاقي قمر قاعده عم تبكي وقاعد حدها عصام وحاضنها //// كاريس : ما رضي يسمعني ، بس بوعدك يا خالتي بكرا ما برجع من دوامي الا وهو معي //// //////////////////////////////////// تاني يوم بتروح كاريس ع الدوام بس ما بتلاقيه موجود ////// كاريس : قرب يخلص الدوام وهو لهلأ ما اجا ميلاد : بالظاهر ما بده يجي اليوم كاريس : بس انا لازم حاكيه ميلاد : لا تحاولي ع الفاضي ، هو راسه يابس ويلي بباله بده يساويه لو بعادي الكل كاريس : دلني على مكانه واتروك الباقي علي ميلاد : ما بعرف مكانه كاريس : مو معقول ميلاد : عم كزب عليكي يعني؟ كاريس : عم تخبي ميلاد : صدقيني ازا عرفت عنه شي فورا بخبرك كاريس : ماشي عم انتظر ///// بمرق شهر سيف ما عم يرضى يروح ع الشغل ولا عم يرضى يحاكي حد كاريس كل يوم عم تسأل عنه بس ما حدا فايدها وامه طول الوقت نايمه ولا عم تاكل ولا عم تشرب ولا عم تحكي //// /////// بليله من الليالي بشقة سيف... //// سيف : لك يقطع عمرك ، ارفاع صوت التلفزيون كمان شوي ارفعه ، مو كل الجيران سمعونا ميلاد : انا ما بعرف احضر التلفزيون غير وصوته عالي هيك ، عجبك اهلا وسهلا ما عجبك بالناقص سيف : هي هي انتا يلي جاي تنام عندي ودابقني كل ليله ، مو انا ميلاد : بذمتك مانك مبسوط من وجودي عندك ؟ سيف : اي مبسوط خيرات الله ميلاد : شفت شلون سيف : يقطع عمرك ميلاد : قوم قوم شوف هالفيلم ، كل بنت احلى من التانيه ، من الجمال الروسي يلي بحبه قلبك سيف : قلبي ما بحب شي ، بدي فوت نام احسن شي ///// تاني يوم بالشركه بتكون كاريس عم تحاكي جدها بالموبايل مع جية كاميليا وبتسمع كلامهم //// كاريس : والله يا جدي حاولت معها كتير الصبح ما رضت تحط لقمه بتمها ، وانا كتير خيفانه عليها .... وليكه حتى اليوم مو مداوم ولا عم اقدر لاقيه .... ماشي جدي ... ان شاء الله خير .... مع السلامه كاميليا : خير كاريس شو في كاريس : امه لسيف حالتها بالويل وما عم تاكل ولا عم تشرب ، بس نوم وإبر كاميليا : ولي ، شو هالحكي كاريس : اي والله ، وانا مشان هيك صارلي شهر عم دور على سيف بس ما عم لاقيه كاميليا : دلك على مكانه بس ما تقولي لحدا اني انا يلي دليتك ؟ كاريس : اي بوعدك ما قول لحد كاميليا : خدي هي الورقه مكتوب عليها عنوانه كاريس : يسلمو ، ما راح انسالك هالمعروف بنوب كاميليا : ان شاءالله يطلع بإيدك شي كاريس : الله كريم /////// بتروح كاريس لشقة شيماء بتدق الجرس وبتفتحلها شيماء // كاريس : مرحبا شيماء : اهلين كاريس : انا كاريس ، زميلة سيف بالشغل ، فيني شوفه ؟ شيماء : سيف ؟؟ سيف مو عندي كاريس : اختي انا بعرف انه هو هون ، بليز اندهيلي عليه ، الموضوع كتير ضروري ، امه بين الحياة والموت شيماء : اختي انتي مخربطه ، هاي الشقه الي ، ازا قصدك سيف المجنون فهو عايش مقابيلي ، بالشقه هاي كاريس : المجنون ؟ شيماء : بقصد انه عصبي كاريس : اي اي هو عصبي وما بيتحاكا شيماء : اي شفتي شلون مجنون، هاي شقته يلي مقابيلي كاريس : ماشي شكرا كتير الك ////// بتفوت شيماء لبيتها وبتبقى واقفه ورا الباب عم تراقب من العين الساحره شو عم يصير وبتروح كاريس بتدق باب سيف بجي بفتحلها الباب وبتفاجأ كتير بشوفتها // سيف : هادا انتي ؟ شو جابك لهون كاريس : فيني فوت ؟ سيف : ليش كاريس : بدي حاكيك سيف : ما في داعي كاريس : لا في داعي سيف : كاريس ازا بتريدي روحي من هون كاريس : لا ما بريد ، دخت السبع دوخات للقيتك سيف : وانا ما بدي شوف حدا ولا حاكي حدا ، بعدين شو عرفك اني هون ؟ كاريس : ما بدها تعب ، شو ما في تفضلي ؟ سيف : الله يساهل عليكي كاريس : ما حزرت ///// بتحط ايدها على صـ.ـدره وبتبعده عن الباب وبتفوت بعصب وبتلفت حواليه ع الدرج وشقة شيماء بلا ما يكون حدا شافهم بسكر الباب وبدخل لجوا شيماء بتستغرب كتير من يلي بتشوفه بس بتضل واقفه ورا الباب عم تستنى طلعة كاريس من عنده /// سيف : لك انتي غبيه شي ؟ شلون بتساوي هيك حركه اه ؟ افرضي حدا من الجيران شافنا ، شو بدهم يقولوا عني ؟ كاريس : ما حدا شافنا اتطمن سيف : كاريس ازا بتريدي خليني رايق واطلعي لبرا كاريس : لك انا بس بدي افهم ليش ما عم تحاكيني شو ساويتلك سيف : بالله ؟ ليش عصام مو جدك ؟ كاريس : امبلا جدي بس شو دخلني بجدي انا سيف ( بصوت عالي ) : لانك كنتي من البدايه عرفانه كل شي وشايفتيني عم حوص ولوص ودور على امي ، بس ما قلتي شي ، ما دليتيني عليها كاريس : ااا .... سيف : لا تحكي ولا كلمه ،،، وامي كمان ، لك امي كيف بتساوي هيك شي كيييف ، كيف بتتزوج ، ما راح سامحها ،بحياتي ما بسامحها كاريس : لا سيف لا تحكي هيك ، امك ما دخلها ، انا السبب ، هي ما كانت بدها ، بس انا بقيت شهور وانا عم اقنع فيها لوافقت سيف : يعني انتي يلي زوجتي امي ؟؟؟؟ انتي ؟ ( بمسكها من ايدها بقوه وبهزها ) كاريس : لك ايي اتروك ايدي ، اي انا زوجتها لانها كانت وحيده ، وهي ما دخلها ، وكانت عم تستنى فيك بس انتا ما كنت مبين ، وبهداك اليوم قبل سنتين بعتلك مسج ع الفيسبوك لحتى اتواصل معك مشان امك بس حضرتك ما رديت ، وانا ما تحملت شوف امك وحيده ومكسوره ، قلت بطالعها من الحزن وبزوجها سيف : والله لخليكي تندمي يا كاريس والله كاريس : هلأ تعا معي لامك سيف : جيبيها هون كاريس : لك انتا ما عندك قلب ؟ امك لا عم تاكل ولا عم تشرب وعايشه ع الابر من بعد هداك اليوم يلي طلعت فيو من بيتنا وما بقى رجعت سيف : شووو ؟ لك ليش هلأ لقلتي ليش كاريس : صارلي شهر عم دور عليك بس ما عم لاقيك سيف : مشي معي يلا ( بسحبها من ايدها وبطلع يركض لعند السياره ، وبتشوفهم شيماء وهنن طالعين عم يركضو وهو عم يسحبها وراه ) شيماء : لك العمى ، شو في، كل يوم بجيني واحد منن بده سيف وام سيف، المفروض حط يافطه على بيتي اكتب عليها هاد مو بيت سيف، لك بس لازم اعرف شو في، لازم صاحبهن كلن واعرف شو في فضولي عم يقتلني ///// بوصلوا للفيلا بنط سيف بسرعه من السياره وبروح بوقف عند البوابه وبتبقى كاريس قاعده بالسياره ما بتنزل // ////// سيف : افتاح البوابه بسرعه ، كاريس تعي احكيله يفتح البوابه كاريس : ماشي ( بتنزل من السياره وبتجي لعنده ) يامن افتاح البوابه يامن : حاضر //// بفتحلهم البوابه بتاخده لغرفة امه بتوصل الغرفه بكون الباب مفتوح امه متسطحه بالتخت ومغمضه عيونها وبايدها ابرة كيلو وقاعده عندها ممرضه بالغرفه وجدها لكاريس قاعد جنب راسها وماسك ايدها وحاطت ايده التانيه على راسها وعم يقرأ عليها قرآن بوصلوا ع الغرفه وسيف بتضايق كتير من المنظر يلي بشوفه قدامه اما عصام بتفاجأ بشوفة سيف بقرب وبقعد حد امه ع التخت بسحب ايدها من ايد عصام وببوسها اما عصام فما بعطي اي ردة فعل وبكفي قراية سورة البقره //////// سيف : دكتوره شبها ؟ الممرضه : نقص تغذيه سيف : طيب شو فينا نساويلها الممرضه : عم اعطيها مغذيات ، بس حضرتك دكتور وبتعرف المغذيات ما بتكفي لتستعيد المريضه صحتها سيف : حضرتي دكتور ؟ الممرضه : اي سيف : طيب ما بتفيق ؟ الممرضه : امبلا بتفيق بس ما بتحاكي حد ولا بتساوي شي ولا بترضى تاكل وفورا بترجع بتنام سيف : طيب ايمت بدها تفيق الممرضه : ما الها موعد محدد يا دكتور فجأه بتفيق وفجأه بتفقد الوعي سيف : ( بتطلع بكاريس) وهاي ليش عم تقلي دكتور ؟ شو قلتيلها عني ؟ كاريس : وانا شو بعرفني الممرضه : وقت كانت امك تتعب كنت اجي اهتم فيها وكانت تقلي عن ابنها الدكتور يلي راح يدرس باليابان طب سيف : احمم ايوه / بهالوقت بخلص عصام قرايه وبحاكي سيف /: كيفك يا ابني سيف : كيف بدي كون وامي بهالوضع عصام : طول ما انت جنبها راح تكون بخير لا تقلق يا ابني سيف : ممكن تشيل ايدك عن راسها ؟ عصام : ماشي كاريس : سيف !! عصام : اتركيه يا بنتي سيف : شبك انتي التانيه عصام : خلص انهوا الموضوع ////////. //////////////. ///////////// ببقوا ساعه وهنن قاعدين على نفس القعده وما عم يحكوا شي بعد شوي بحس سيف بإيد امه عم تضغط على ايده //////////// سيف : فاقت .... يامو ، يامو فتحي عيونك حاكيني يامو قمر : سسسس ..... سيييف سيف : اي يامو ليكني جنبك فتحي عيونك يلا عصام : جيبيلها مي يا كاريس كاريس : حاضر جدي سيف : هاتي هاتي كاريس : تفضل //////////. //////////////// ////////////. بياخد الكاسه من ايدها وبشرب امه بتتجاوب معه وبتشرب وبتفتح عيونها بتنبسط كتير وقت تشوفه وبتصير تبكي بقرب بحضنها بسرعه وبعدين بحاكيها والكل بنصدموا منها انها واخيرا حكت وتجاوبت /////////////. سيف : يامو لا تبكي انا ليكني جنبك قمر : لا تزعل مني سيف : انتي يلي لا تزعلي مني ، انا كتير اسف حقك على راسي ارضي عليي يامو قمر : ربي وقلبي يرضو عليك يا حبيبي سيف : قالولي انك ما عم تاكلي شي ، يلا يامو كلي كرمالي ، احكيلي شو جاي على بالك وفوراً بجبلك اياه الممرضه : لا ما بصير لازم تاكل شي خفيف متل الشوربه عصام : لكان روحي قولي لوحده من البنات يلي بالمطبخ تساويلها شوربه وتزبطها منيح الممرضه : ماشي سيف : يامو انتي منيحه ؟ قمر : اي حبيبي بشوفتك صرت منيحه سيف : هلأ راح طعميكي بإيدي قمر : الله يرضى عليك سيف : وبعد ما تاكلي راح باخدك وبنرجع لبيتنا نعيش سوا قمر : لوين ؟ سيف : على شقتنا عصام : خليك هون يا ابني سيف : ما بدي قمر : يامو برضاي عليك سيف : امي هاد مو بيتنا هاد مو مكانا قمر : بس هاد صار بيتي سيف : لا يامو لا .. بيتك بس مو بيتي قمر : كرمالي يا سيف ابقى هون سيف : كرمالي انتي تعي معي قمر : بس انا حبيت هالبيت كتير حبيت كل شي فيه وحبيت سكانه وعصام زوجي ما فيني اتركه وروح سيف : لكان انتي حره ابقي هون وانا راح برجع لهنيك قمر : بدك ترجع تتركني مره تانيه سيف : لا ما راح بقطعك وراح كون طل عليكي كل فتره والتانيه قمر : بس انا بدي شوفك كل يوم سيف : راح بجيكي كل يوم قمر : بدي تعيش عندي قدام عيوني بكفيني قد ما انحرمت منك سيف : خلص يامو خلص هلأ بقعد معك وبطعميكي وبروح وبكرا برجع بشوفك وهيك قمر : ما بدي اكل سيف : كيف ما بدك تاكلي ؟ لازم ترجعلك صحتك قمر : ازا ابني بعيد عني فما بدي صحتي ولا بدي حياتي كلها سيف : ارجعي معي لكان قمر : ما فيني اختار بينك وبين زوجي وبيتي انا بدي اياكن كلكن سيف : بس يامو عصام : ابقى معنا يا ابني هاد بيتك ونحنا اهلك وانا متل ابوك واعز قمر : هي كلمه وحده ازا ما بدك تبقى معي هون فما راح اكل ولا راح اقبل العلاج وراح تخسروني كلكن سيف : لك امي شو هالحكي ؟؟ قمر : يلي عندي حكيته سيف : .... قمر : شو قررت //////////// الجزء الرابع ////////////⚔️⚔️⚔️⚔️⚔️⚔️ قمر : شو قررت سيف : خلص متل ما بدك راح ابقى معك هون وراح عيش هون بس كلي يلا قمر : ربي من عالي سماه يرضى عليك ويوفقك يا ابني /////// بعد شوي بجي الاكل بياخد سيف الصحن من الشغاله وببلش يطعمي امه // عصام : ليلي خدي معك كزا بنت وجهزو غرفة لسيف ، تكون غرفه كبيره فيها مكتب وصوفا وحمام داخلي ليلي : حاضر يا بيك سيف : ما في داعي حد يخدمني ، انا بخدم حالي لحالي عصام : لا ما بصير يا ابني ، هاي ليلي وفينك تناديها ليلى ، هاي اقرب وحده للعيله وكتير منيحه وازا طلبت منها شي راح تفشلك قلبك ، وهلأ راح خلي الشباب يروحو يجيبوا غراضك من البيت سيف : اهلا و سهلا بس انا ما بحب حد يخدمني بحب اخدم حالي ، وهلأ بروح بجيب غراضي من البيت وبس ارجع برتب الغرفه ، بالاذن قمر : سيف لا تروح سيف : راجع يامو راجع قمر : اوعدني ترجع وما تتأخر سيف : خلص بوعدك ، نص ساعه وراجع //////// //////// كاميليا : لك انو بس بدي افهم ، مين طالع قرار انه وقت نركب بسياره لازم الشب يركب قدام والبنت ورا ميلاد : لك هلأ اركبي من تم ساكت خلصينا بقى اتأخرنا على سيف كاميليا : ماشي ماشي وهي ركبت ، ركبت ورا ، وخليلكن قدام انبسطو فيو انتو التنين نصار : ست كاميليا ايش رأيك تصيري الشب وانا اصير البنت ؟ خلص بكفي نق كاميليا : هلأ انا نقاقه ؟ نصار : اه نقاقه ميلاد : وفساده كمان لا تنسى كاميليا : ولا ميلاد نصار : معه حق كاميليا : لا ما معه ميلاد : خلصنا بقى تخانقتوا بالمكتب وبدكن ترجعوا تتخانقوا بالسياره كمان ، هلأ بنزلكن انتو الجوز هاه ///////////////////////////// بوصلوا للعماره يلي فيها شقة سيف بتشوفهم شيماء من الشباك وبتركض ع الباب بتفتح باب شقتها مع طلعتهم ع الدرج وبتلاقوا هنيك ميلاد : لك اهلييين بجارتنا والله شيماء : اهلا ميلاد شلونك ميلاد : منيح وانتي شيماء : منيحه شو بالظاهر جاي لعند سيف ميلاد : اي وهدول رفقاتنا نصار شب اردني وهاي كاميليا سوريه متلنا بس نقاقه ، وهاي شيماء جارته لسيف شيماء : هههه اهلا و سهلا فيكن ، بس سيف مو بشقته ميلاد : كيف يعني ؟ شيماء : اي والله متل ما عم قلك نصار ( بقرب من ميلاد وبهمسله ) : لتكون هاي حبيبته لسيف ومخبي عنا ميلاد ( بهمس ) : لك سيف ما بطيقها اصلا شيماء : اي مزبوط هو ما بطيقني ميلاد : عفواً ؟ كاميليا : تضربوا انتو و هالهمس، صوتكن واصل لحارس العماره ميلاد : لا تفهميني غلط يعني والله هو ما بحب كل البنات نصار : اه والله مزبوط كاميليا : اي بس بتراهنوا انه بحب كاريس نصار : ولك مَ بطيقهاش هي الثانيه ميلاد : حتى انتي ما بطيقك كاميليا : اي دخيلك ودخيله شيماء : انا شفته طلع مع بنت ميلاد : بنت ؟؟؟ مين هي شيماء : ما بعرف بس هي دقت بابي وسألت عنه ، وبعدين هو اجاها وصاروا يتحاكوا ع الباب، انا كنت شايفتن من العين الساحره بس ما قدرت اسمع شو عم يحكوا بعد هيك البنت حطت ايدها على صدره وبعدته شوي عن الباب وفاتت لجوا وهو طالع راسه من الباب اتأكد انه ما في حدن بالبنايه شايفهن وبعدين لحقها لجوا وقفل الباب، وبعد شوي طلعوا مستعجلين وهو ماسك ايدها وعم يسحبها وراه كاميليا : اي وشو ساوو جوا؟ شيماء : علمي علمك كاميليا : واخيرا لقيت شخص فضولي متلي، خلص حبيتك راح تصيري من شلتنا شيماء : لك دخيل قلبك نصار : مش ليكون في شله تقبلك الاول؟ ميلاد : طيب مين البنت شيماء : ما بعرف بس كتيييير حلوه نصار : اوصفيها كاميليا : اي صرت بدك وصف لانها حلوه😒 شيماء : طولها وسط وجسمها حلو ونحيف شوي وبيضا وعيونا عسلي شفافها حمر وانفها صغير وشعرها طويل ناعم ومايل ع اللون البني ورافعته ديل حصان لابسه بنطلون جينز مع جاكيت رسمي كرميدي وتحته سترابلس سودا نصار : عرفتها؟ ميلاد : لا والله نصار : ولا انا كاميليا : لك هاي كاريس هيك مواصفاتها وهيك كانت لابسه اليوم ميلاد : لا كانت لابسه خمري اليوم مو كرميدي نصار:لا يا زلمه كانت لابسه احمر مش خمري كاميليا : امبلا كرميدي شو بعرفك انتا وهو /////////////////// بهاللحظه بوصل سيف وبشوفهم واقفين عم يحكوا سيف : خير شو في ليش هيك مجتمعين هون كاميليا : ولا مين البنت يلي كانت معك سيف : نعم ؟؟ كاميليا : شيماء قالتلنا على كل شي شيماء : هسسس سيف : ايوا عم تراقبوني كمان ميلاد : سيف شو في قلقتنا عليك سيف : ما في شي هاي كاريس كاميليا : وشو ساويتو جوا لوحدكن سيف : كنت عم بوس فيها 😒... شو ساوينا يعني مثلا؟ ما ساوينا شي كنا عم نتخانق مشان امي ميلاد : صار شي جديد؟ سيف : اي راح انتقل لهنيك كاميليا : وتعيش هنيك؟؟ سيف : اي كاميليا : واخيرا عقلت يلا بدنا نجي معك نشوف بيتك سيف : لك لوين تجي؟شو سيران الشغله؟ كاميليا : اي ولووو ///////////////////////// وهيك بنتقل سيف ليعيش في بيت عصام وهو كتير متضايق من هالشي بس عم يكابر كرمال امه بعد يومين بكون قاعد بغرفته وبندق الباب عليه سيف : اتفضل ليلي : مرحبا يا بيك سيف : ليلي بلاها بيك هاي ما بحبها ليلي : ما بصير سيف : لا لازم يصير انا ماني بيك وما بحب هيك كلمات ليلي : متل ما بدك كنت بدي خبرك انه في شب تحت عم يستناك اجا ليزورك اسمه ميلاد سيف : احكيله يطلع لعندي ازا ما فيها غلبه ليلي : اي حاضر بجي لعنده ميلاد ////////// ميلاد : لك يا رجل شو هالنعيم يلي عم تعيش فيو كله نسواااان كل وحده احلى من التانيه سيف : يقطع عمرك انتا والنسوان انا بشو وانتا بشو ميلاد : ولا هاي يلي جابتني لعندك لك دخيل الله سيف : قصدك ليلي ميلاد : لا ليلى مو ليلي بس ما في مانع تعرفني على ليلي برضو سيف : لك يقطع عمرك م ليلي نفسها ليلى يا غبي ميلاد : وليش الها اسمين واحد عربي والتاني اجنبي سيف : اي شو بعرفني ميلاد : كيف الوضع طيب سيف : متل يلي برجلك ميلاد : له يا رجل ليش سيف : لك امي انا، امي انا يتضحك عليها ختيار ويقنعها تتزوجه!! ميلاد : قال ختيار قال لك بطلع اصغر مني ومنك سيف : م هاد القاهرني لك مو مبين عمره عليه مو مبين 62 سنه، بس انا بفرجيه ميلاد : شو بدك تساوي فيو سيف : ما بعرف لسه بس ناويله على نيه ميلاد : ماشي وبتخبرني على شو ناوي تاني يوم بالشركه كاريس : صبااحو يا شعب - يسعد صباحك كاريس : هاه سيف مداوم //// بتمشي باتجاه مكتبها هي وسيف // كاريس : صباح الخير سيفو، لك كيف هيك طالع من البيت بلا ما شوفك وبلا ما تاخدني معك سيف : ... كاريس : شبك ساكت عم حاكيك سيف : شو بدك كاريس : ليش عم تنتر فيني هيك سيف : شوو بدك كاريس : شبك سيف سيف : ما بدي شوف خلقتك كاريس : يو شو في سيف : لو سمحتي كاريس روحي من عندي كاريس : انا مو جايه لعندك انا جايه على مكتبي سيف : هاد مكتبي مو مكتبك كاريس : هاد مكتبنا نحنا التنين سيف : ماشي انا بعرف كيف حل هالموضوع من جذوره بهاللحظه بتجي لعندهم كاميليا كاميليا : وهي احلى 3 كاسات نسكافيه بمناسبة رجعت الاخ سيف للدوام لك والله نورت الشركه واخيرا رجعت تداوم معنا سيف : يسلمو ما بدي انا كاميليا : لك تعا لهون ارجاع لوين رايح ... العمى شبو كاريس : شو بعرفني لك لو شفتي شلون نتر بوجهي من شوي تقولي بنت صغيره قدامه كاميليا : اكيد متضايق منك مشان موضوع امه كاريس : وانا شو دخلني شو انا يلي تزوجتها؟ بعدين يحمد ربه اني جمعته فيها كاميليا : انسي سيف قلبه طيب وبكرا بروق كاريس : ان شاءالله كاميليا : المهم نحنا صرنا 3 بنات بالشله كاريس : انو شله كاميليا : لك شلتنا انا ونصار انتي وسيف ميلاد وشيماء كاريس : مين شيماء كاميليا : هاي جارة سيف راح عرفك عليها كاريس : ماشي /////////////////////// /////////////// سيف بروح لعند مدير الشركه وبطلب منه ينقل كاريس من عنده بس المدير برفض وبهيك بصيروا ينجبروا يشتغلوا سوا وهنن مو طايقين بعض كاريس : استاذ سيف حاسب هاي الزبونه عندك سيف : حاسبيها انتي مو رايق للشغل انا كاريس : اي بس هاي على برنامجك مو برنامجي سيف : المفروض تكوني بتعرفي تشتغلي على كل البرامج كاريس : هلأ تاخدها ولا شو؟ سيف : اضغطي ع الايقونه الزرقا هديك كاريس : انو وحده منن سيف : هديك يلي فوق كاريس : لك في اكتر من وحده سيف : لك هديك هديك كاريس : ما عم اعرف تعا انتا ساويها / بمد ايده لعندها وبسحب الماوس من ايدها بكون كتفه لازق بكتفها وبضغط بكل تقله عليها مخصوص لحتى تتوجع كاريس : لك خف عني شوي وجعتني سيف : ما ساويتلك شي كاريس : لك كتفتك كتير ضاغط عليي سيف : ليكها الايقونه كاريس : هلأ هاي زرقا ؟ سيف : اي زرقا كاريس : تركواز هاي سيف : ما فرقت نفس الشي، ركزي بالخطوات بقى كاريس : لك والله كتير صعب سيف : وهي آخر خطوه، فهمتي كيف؟ كاريس : لا ما فهمت كنت مركزه بالوجع من كتفك سيف : اي احسن، تفضلي اختي هاي فاتورتك ///////////////. /////////////////// بتبلش تمرق الايام وسيف مو طايق كاريس ولا جدها وهي عم تتجنبه //// سيف : لك يا اخي راح طق راح جن ميلاد : لك روق بقا خلص ارضا بالامر الواقع سيف : ما فينييي ميلاد : خططت لشي؟ سيف : ما عم اعرف نقطة ضعفه لسا ليلي : تفضلو القهوه سيف : يسلم هالايدين يا ليلي، ليكي بدي اسألك الخدم والحرس لوين عم يروحوا، شايفن عم يركبوا الباص ليلي : اي اليوم نهاية الشهر هاد، يعني الشفت يلي هون بتبلش اجازتهم وبجي بدالهم شفت جديد، وهلأ وقت تبديل الشفتات سيف : وانتي ليش ما بتاخدي اجازه معهم؟ ليلي : ما الي اهل روح لعندهم سيف : اسف ليلي : لا مو مشكله انا تعودت على هادا الشي، والفيلا صارت بيتي وصحابها اهلي سيف : طيب امي وعصام ما قالولك ايمت راح يرجعوا من السوق؟ ليلي : لا والله سيف : ماشي يعطيكي العافية ليلي : بتريدوا شي تاني؟ سيف : سلامة قلبك ليلي : الله يسلمك بالاذن - الله معك ميلاد : لك ولي على قلبي ولي على هالعيون لك مو حرام هاي تكون وحدانيه اخ بس اخ سيف : تضرب بهالماركه مو على اساس شيماء عاجبتك وعم تتقرب منها؟ ميلاد : لك اي بس هاي كمان حلوه سيف : سد حلقك ميلاد : له له لك لتكون حاببها ولا سيف : هففف لك انا بشو وانتا بشو، قايم جيب جاكيتي بردت ميلاد : نادي حد من الخدم يجيبها سيف : ما في حد هون غير ليلي وكاريس وما بحب اطلب شي من ليلي بستتقلها ميلاد : ماشي لا تتأخر سيف : شو رايح على كوكب تاني؟ ليكني هون ثواني راجعلك ////////////////////////////////// بطلع سيف لفوق ليجيب جاكيته من غرفته غرفته بتكون بالطابق التاني بآخر الممر وقبل منها بتجي غرفة كاريس بأول الممر قريبه من الدرج بكون سيف عم يطلع الدرجات وهو طالع بسمع صوت موسيقى رياضيه بكفي مشي ووقت يوصل لعند غرفة كاريس بكون الصوت كتير قوي بوقف عند باب الغرفه وبشوف كاريس بغرفتها عم تلعب تمارين رياضيه ولابسه لبس رياضه كتير مغري عباره عن شورت ضيق طوله لنص فخداتها لونه اسود مع بلوزه شباح كتير ضيقه وكمان سودا ولفوق السره ومكشفه جزء من صـ.ـدرها ورافعه شعرها ديل الفرس بكون اللبس مبرز تفاصيل انوثتها بطريقه كتير حلوه ومغـ.ـريه ولأول مره بحياته سيف بشوفها بهالمنظر بوقف يتأمل جـسـ.ـمها من ورا وهي عم تلعب سيف : ولي على كلي انا لك مين هاي ببقى واقف عم يتأملها شي دقيقتين بعد هيك بتفتل وجهها تجاه الباب لحتى تعمل التمرين التاني بتنصدم بشوفته وهو بنصدم انها هاي كاريس بصير قلبه يدق بسرعه وبحس شي عم يقله روح لعندها وامتلك جسـ.ـمها كاريس : لك انتا شو عم تساوي هون 😳 سيف : هاي انتي !! كاريس : اي انا ، روح من هون، لف وجهك لا تطلع عليي وانا بهالمنظر العمى //// بتكون عم تحاول تخبي جسـ.ـمها بس هو ببقى واقف مكانه بتقرب لعند الباب لحتى تسكره وتطالع سيف لبرا بس هو بسرعه بمسك الباب وبدفشوا وبفوت لعندها وبقفله بالمفتاح /// كاريس : لك شو عم تعمل !!! شبك سيف اوعى على حالك بقى سيف : وين كان كل هالجمال، كنتي عم تخبيه باللبس الرسمي الواسع والفضفاض، لك طلعتي عليكي جسم بهد جبال كاريس : احترم حالك بقى واطلاع من الغرفه احسنلك بلا ما يصير شي ما يعجبك سيف : هه شو بدك تساوي يعني؟ بدك تصرخي وتفضحيني؟ اي اصرخي براحتك الخدم والحرس مو هون كاريس : بعرف انه ما في حدن هون ومشان هيك انا مأمنه ولابسه هاللبس وفاتحه الباب، ما بعرف انه حضرتك هون، لهيك بليز اطلاع من هون سيف : ما حزرتي ( وببلش يقرب منها شوي شوي وهي ترجع لورا) كاريس : لك سيف شبك؟ احترم صحبتنا ع القليله احترم زمالتنا سيف : لك انو صحبه وزماله هاي، تعي لهون لك تعي /// بضل عم يقرب منها وهي عم ترجع هيييك لحتى توقع ع التخت بتحاول تقوم بسرعه بس بهجم عليها وبثبتها ع التخت بصير عم يبـ.ـوس فيها متل المجنون وهي عم تبكي وتحاول تبعده عنها /// كاريس : سيف بعد عني، كرمال الله اتركنييي، لا تغلط سيف لا تساوي شي تندم عليه سيف : انا بعمري ما اندمت على شي كاريس : سيف بترجاك سيييف، لك فيق على حالك سيف الدين فيق على حالك سيف : سيف الدين؟ // هالاسم بخليه يوعى على حاله برفع حاله عنها وبقعد ع التخت وبحط ايديه على راسه بترفع حالها بسرعه وهي عم تبكي // كاريس : اطلاع لبرا بسمع صوتها عم تحكي وتبكي برفع راسه وبتطلع عليها بتكون رقبـ.ـتها وصـ.ـدرها كلهم بقع حمرا منه بنصدم وقت يشوف هالمنظر وبنصدم اكتر وقت يشوفها عم تبكي بقرب منها وبسحبها لصـ.ـدره بتصير تبكي وتحاول تفلت حالها منه بس هو بضغط عليها اكتر // سيف : انا اسف كاريس : اتركني واطلاع لبرا ازا بتريد سيف : ( ببعد عنها شوي ) عم توجعك رقبتك؟ كاريس : ما دخلك /// بطلع من الغرفه وهو مصدوم من حاله ومن يلي ساواه برجع ع الحديقه لعند ميلاد وبقعد حده وبحط ايديه على راسه /// ميلاد : شبك؟ شايفك رجعت متل ما انت، وبلا جاكيت سيف : ..... ميلاد : لك سيف شو في، لك رد عليي يا زلمه شبك سيف : شبك ميلاد : انت يلي شبك مو انا، صارلك تلت ساعه غايب وراجع بلا جاكيت، ولونك مخطوف وعم تلهت سيف : قالتلي سيف الدين ميلاد : مين هي سيف : كاريس ميلاد : هلأ كل هالصدمه لانها قالتلك سيف الدين سيف : اتهجـ.ـمت عليها ميلاد : شوووو؟؟ انتا تتهـ.ـجم عليها؟؟ لك كيف هيك سيف : ما قدرت، ما بعرف كيف هيك صار، كانت لابسه لبس كتير مغـ.ـري، جسـ.ـمها كان عم يناديني ميلاد : لك اصحى على حالك بقى، انتا مو بعينك البنات شبك، ما بعرفك هيك، ولا لتكون بدك تنـ.ـتقم من جدها فيها؟ سيف : انتـ.ـقم من جدها فيها!! ميلاد : اي سيف : لك لا لا ///// بعد شوي ببلشوا الحراس والخدم الجداد يوصلوا الفيلا وبتستقبلهم ليلي /// *الـــــــــ͢ـོ͓ـــنهـــــــــــايـــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```