*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *الزوجة.الثانية.💔🥺.tt* *❴🔢❵☟الـــبـــــــــــ❴1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ .#الزوجة_الثانية_بقلم_جمايكا_احمد الجزء الأول صبية وبمرحلة العشرينات انيقة ومن عائلة ميسورة متعلمة..لكن ارملة قبل ما اتزوج ..صعب هالمصطلح بس المفهوم سهل..انا انسانة عادية طبيعية وطيبة..هيك العالم بيحكمو عليه ..وانتو هيك رح تحكمو عليه ..بعد ماتسمعو شهادتي..يومي كان ببلش برسالة صباحية.. ..صباح الخير حبيبة قلبي..انا حبيت ابعتلك هالصباح قبل لاروح شغلي..انتبهي ع حالك وادعيلي.. (( هالرسالة كنت حبها وماحبها..الجزء الاول لانها كانت من خطيبي والجزء التاني لانها كانت للمكان اللي خطفو مني ..#نديم..هيك كانو اسمو قبل ما هالتراب تلمو تحتا..😢..عشنا قصة حب مستحيل قابل شخص عاش متلا..العفة والنقاء والاحترام كانو اشياء لا تنذكر قدام اخلاقو العالية..الوسامة والثقافة والعقل والقلب شغلات كانت بس لنديم وحدو ..خطيبي يلي عشنا قصة حب شي 7 سنين..واجت هالقذيفة واخدتو مني..كنا على وجه زواج مابقيان كثير يعني جهزت كل شي تيابي مكياجي واستاجرت فستاني الابيض كنت عم انشر بالقروبات شوفي اغاني حلوة وستايلات تااعملها بفرحي كنت ناطرة اليوم يلي تجمعنا غرفة وينقفل علينا باب..بس هالغرفة ماكان لالها باب كان لالها حجر وفوقو تراب وهو بقي لوحدو فيه وقفلو على حالو..3 سنين ماكانت كفيلة تجفف دمعتي يلي كنت ابكيها كل يوم على مخدتي كرمالو..يوم يلي اسمعت انو استشهد هيك روحي من جوا ماتت ماعاد لالي قلب ينبض ..ميتة هيك متل وقتي.. امي :- ريما امي الله يرضى عليكي حزنك مرق عليه بدل السنة ..ثلاثة عم تقتلي حالك هيك ادعيلو بالرحمة ياروحي وحاجي تصفني بصوروا وتعيدي بفيدوهات صوتوا برضاي عليكي تطلعي من هالحالة كبرت يا عمري على همك ارحميني.. .. هالندائات كلها ماكنت استجيب لالها..كنت صحيح عم اقتل حالي..بدي الحقو ..كنت لدرجة ادعي على حالي بالموت..بس مافي فايدة..مافي نتيجة لصبري..لوقت ما الدنيا دارت وضاقت بصحتها على امي..فقت على صوت صراخ ابي عم ينادي ع اخواتي اتصلو على الاسعاف..الكل كان عم يركض وانا ركضت لغرفة امي لاعرف شو في..وكانت قاعدة وتما ع جنب..كمشت ايدي ..وطلعت معهن بالاسعاف..عم يقولوا جلطة..هاي جلطة ..هيك كنت اسمع ..شلل نصفي يا دكتور..بدها فترة لتطلع من العناية..بعد مرور اسبوعين..الحمد لله على سلامتها بدها وقت لترجع لنصف الطبيعي باذن الله وهالشي عن طريق العلاج الطبيعي.. ..العلاج الطبيعي على اقوال ابي ..رح يكون بالبيت ..رح يجي رجال متخصص يعمل لامي علاج طبيعي مساج ..وعلاج بالادوية ببيتنا..انا للعلم البنت الكبيرة يعني المسؤول الاول والاخير في البيت من بعد امي وابي..لهيك ابي يومها وكلني باستقبال المدعو..الممرض عمار .. ..حممت امي وجهزت الغرفة ..ونطرتوا دقت باب البيت لاستقبل يلي رح يرجعلي امي على طبيعتها لان ماكنت بدي اخسرها متل نديم.. ضربتين على الراس كفيلة بقتلي.. ..زهور :- اختي الرجال اجا.. ريما :- امي هاد الممرض اوك حبيبتي رح يبلش العلاج متل ما ابي قلك.. زهور :- شو اختي فوتو ريما :- اي زهور فوتيه لهون.. (( كان ضهري باتجاه الباب ..ووجهي لعند امي عم حاول اسند ضهرا لاجلسها منيح..كانت امي نظرها مركز هونيك ..بالباب..نظرة باتجاهي ونظرة باتجاه الباب..بان على عيونها في شي حلو او سعادة او في شي فيه امل..كانت صعب تحكي او تضحك بس عيون امي وبعرفا.. عمار :- السلام عليكم انا الممرض عمار.. (( بعدني ما التفت لاني مشغولة بترتيب امي..بس رديت قلتو وانا وجهي لامي و ضهري لالو.. ريما :- وعليكم السلام ثواني لاتواخذني بس.. عمار :- اتركيها هيك براحتها بكون احسن .. (( التفت بوجهي..وكانت الصدمة الجديدة او لاء مابوصفها بالصدمة بوصفها بالمفاجئة..مامعقول لاء اكيد هاد حلم..مستحيل.. ريما :- نديم عمار :- عفوا اسمي عمار الظاهر انسيت قلك.. ريما :- نديم بلا عمار :-😊😊 الظاهر مشبه عليه ياستي متل مابتحبي نديم عمار المهم اعمل واجبي.. (( كانت نظرات امي هي لحالا عم تقلي بشبهو..اي والله يا امي بشبه نديم نفس العيون الدقن النحافة الطول..الشعر حتى رسمة الفم والشوارب..هو نفسو نديم بس بصوت واسم مختلف..لدرجة..طلبت.. ريما :- ماتواخذني بدي شوف بطاقتك عمار :- اي حقك وهاي ياستي بطاقة التمريض ..وهاي صورتي .وهاي كمان رخصة السواقة شو مابدك لتاكيد هويتي ماعندي مشكلة..شي متعود عليه على الحواجز 😂.. (( ماكان في شي ينكر انو نديم بشخصية تانية لاء هو عمار بس بملامح نديم ..كنت فرحانة بس فرحة مو هي ..بس شي يسعدني اني عم شوفوا قدامي..نديم معقول هاد انت ..😢 زهور :- ريما تعي حبيبتي شوي (( سحبتني اختي لاني كنت على وشك الجنون..كنت بدي قرب شمو وشم تيابو انا بحسن ميزوا بعرفوا حتى لو تنكر..بس اختي فيقتني من الصدمة.. زهور ؛- اختي شو صرلك..هاد مو نديم..لاتحرجينا دخيلك.. ريم :- شفتي ملامحو وعيونو زهور :- شفت الله بيخلق من الشبه 40.. ريما :- زهور تعرفي هالشخص شو عمل فيني زهور :- مممم يمكن الله بعتلك اياها لتطلعي من يلي انتي فيه ريما :- انا حاسة هيك..بس نديم زهور :- اختي مات اترحمي عليه..مو شفتيه قدامك..روقي حبيبتي كرمال امي خلينا نروح انضل معها.. (( قمت بسرعة لافوت الغرفة كان مشغول عم يضحك ويحكي نكت لامي..ويعملا مساج لرجليها وايديها..صفنت فيه وانا عم اتبسم متلو..بس نديم كان حكيو اهدى من هيك..بس دخيلك ياربي شو بعتلي انت..زهور اختي كانت صح اصغر بس كنت حسها بتفهم عليه بدون ما احكيها.. زهور :- انت هون ساكن عمار :- لا والله بالشمال ..بس شغلي بالمستوصف هون.. زهور :- صرلك زمان بتشتغل عمار :- شي 7 سنين زهور :-انا حابة بس خلص بكالوريا فوت تمريض وعلاج طبيعي عمار :- شي حلو ..الله يوفقك.. زهور :- كم عمرك عمار :- 😂😂 حطي العمر يلي بتحبيه زهور :- 25 سنة عمار :- معقول حطيتي فيني هيك عمر باين اصغر ماهيك زهور :- يعني عمار :- لاء انا عمري 32 سنة..ومتزوج وعندي طفلين زهور :- متزوج 😲 من زمان عمار :- ههه هيك شي فيكي تقولي 6 سنين..عندي صبي عمروا 5 سنين والبنت سنة ونص.. ((زاورتني اختي بنظرات حزن.. زهور :- اها الله يخليهن لالك عمار :- عقبال ماتكبري وتتعلمي وتتوظفي وتتزوجي ويصير عندك اولاد زهور :- اها انا لاء مابدي اتزوج .. عمار :- هيك البنات بيحكو دايما حتى مرتي قبل لاتزوجها كانت عنيدة تقول مابدها تتزوج بس من حبينا بعض تغيرت فكرتها . (( من بعد هاداك الجواب سكتت زهور وانا كنت صافنة عم اتخيل انو نديم وانا زوجتو واطفالي ..وتين والياس هيك كنا بدنا نسمي اطفالنا ..كنت عم اتبسم لا اراديا اعمل حوارات بعقلي مثلها اتخيلها..وطبقها بعيوني..كان مشغول بأمي وكل مارفع عيونوا..كان عم يشوفني صافنة فيه راقب حركاتو واتبسم..بالاول ماعاجبو كان وضعي اكيد في شوية اعاقة من نظراتي..بس بالاخر حس على حالو اني شخص معجب.. عمار :- تمام هيك حاجتنا لليوم .يوم الاثنين الجاي بنكفي ام طارق ..شدي حيلك لا اتعبي حالك..واتغذي منيح والادوية في ميعادا.. نطقت وقت قال الاثنين الجاي يعني رح انطر كمان اسبوع.. ريما :- كمان اسبوع مو كتير عمار :- بلا هيك الصحي مشان الاعصاب والاوتار ماتشد.. ريما :- طيب اذا صار شي مع امي عمار :- ان شاء الله مابصير الا كل خير معافاية ..رقمي مع ابو طارق ..والف سلامة ع الحجة ..انا رح غادر يادوب لحق اخد السرفيس واطلع ع بيتي..بالاذن.. ( ركضت وراه بدي ودعو هيك كنت بودع نديم وقفلو ع الباب بوسوا وضمو لعندي شم تيابو ..وقلو بحبك حبيبي. زهور :- اختي بشو صافنة الرجال طلع تعي.. ريما :- امي امي زهور :- يمكن نامت من المساج.. ريما :- شفتيه يازهور بشبهو هو نديم متلو يالله ماعم اقدر سدق واستوعب..لك من فرحتي بدي اطلع من تيابي لاء مامعقوووول ياربي بدي انزل اسجد لالك ولكرمك.. زهور :- ريما هاد مو نديم ريما :- بعرف بعرف بس اكيد الله بعتلي اياه ليفرحني ابوس ع ايدك لاتفيقيني ..خليني احلم زهور :- ريما بس متزوج وعندو اطفال ريما :- انا مرتوا انا ام اولادو زهور :- حاجي اجنان اختي شو عم تحكي ريما :- انا موافقة زهور ؛- ع شو ريما :- اكون زوجتو زهور :- اختي شبك متزوج وقال بحبا لمرتوا ريما :- مامهم الا يحبني. زهور :- الله لايبلينا يارب لطفك.. ريما :- شفتي وقفتو .. زهور :- اي شفتا ريما :- متخيلة شلون ردة الروح لالي زهور :- الله يفرحك حبيبتي 😢 صرلنا زمان ما اسمعنا ضحكتك.. ريما :- بدي اتقرب منو بأي طريقة زهور :- واذا مرتوا عرفت ريما :- تعرف زهور :- ريما مابصير اختي شو ذنبا مرتوا ريما :- وانا زهور قليلي شو ذنبي بس يجي القدر يحرمني من نديم ويرجع القدر يبعتلي متلو زهور :- رح تتحملي حدا يشاركك فيه ريما :- ااه مممم مابعرف زهور :- لاء بتعرفي اكيد مارح تتحملي.. (( تركتا تحكي وفتت غطيت امي وقعدت مقابيلا..يمكن بس تفتح عيونا تضحك لالي...مامهم رأي زهور المهم انا بدي قلبي يرتاح حاجتو اوجاع وهموم.. يتبع :* *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```