*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *الزوجة.الثانية.💔🥺.tt* *❴🔢❵☟الـــبـــــــــــ❴2️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ .#الزوجة_الثانية_بقلم_جمايكا_احمد الجزء الثاني في الطرف الاخر.. الساعة 10 مساءا.. عمار :- ها فايقين الحلوين..شو يامرتي ليش الصغار لهلاء مانن نايمين لبنى: - جننوني ماعم يقبلو ينامو ..احمد ناطرك تجبلو يلي وعدتو فيه..ومرام ماعم تقبل تنام نامت بالنهار احمد :- بابي وين الكادو عمار :- اووف والله نسيت احمد :-😔 لبنى :- مع اني ذكرتك اكتر من مرة..وبعدين شو سبب تأخيرك لهلاء عمار :- كان عندي زيارة علاج منزلي لبنى ؛- اي ولمين هالعلاج هالمرة ..ست ولا رجال عمار :- ست لبنى :-😑 عمار :- قد امك معها جلطة لبنى :- اي الله يشفيها عمار :- مافي عشا لبنى :- بلا بس والله تعبانة من الصغار قوم بس انت اسكب لالك.. عمار :- اتعيشتو لبنى :- اي اكلت انا واحمد ومرت عمي اجت لعنا من شي ساعتين . عمار :- امي اي والله ذكرتيني ..صحيح بدي مر لعندا لبنى : شو يلي اخد عقلك ..بعدين هلاء مرت عمي بتكون بسابع نومة.. عمار :- اعطتيها يلي وصيتك عليه لبنى :- بصراحة لاء عمار :- ليش من الصبح وانا عم قلك لاتنسي لبنى :- صرفت منهن شي 200 عمار :- 200 ..ليش صارفة من مصريات امي لبنى :- احتجهن ..يعني بصراحة طلعت اتمشى وعجبتني هالسكربينة..والله صرلي فترة ما جبت شي جديد.. عمار :- لبنى شو صرلك..انا من اسبوع عاطيكي 1000.. لبنى :- راحو تياب واغراض لاولادك عمار :- بربك لا اطالعي جناني وصيتك بدل المرة مليون لاتقربي مصريات امي..مسكينة جاية اليوم تاخدهن..اتاخرت عليها فكرتني ناسيتا..لك هلاء بتقول ابني نسي يعطيني حق الدوا لبنى :- خلص كفي 200 من عندك عمار :- من وين كل يلي معي حق مواصلات للشغل.. شو بدي قلك هاي اول مرة واخر مرة بكمشك مصاري لبنى :-😏😏. عمار :- بسيطة يالبنى لبنى :- لوين عمار :- رايح لعند امي لبنى :- نايمة هلاء عمار :- قومي هاتي باقي المصاري بدي كفي من عندي وحطهن جنب راسها لبنى :- وحق مواصلات شغلك عمار :- بدبر حالي الله كريم لبنى :- شلون عمار :- اتحركي حاجي علاك...بدي ارجع لاقي مجهزة العشا.. لبنى :-😏 اتفضل ... (( عنيدة متل العادة..بتصرف تصرفات تجبرني ما اتحمل..بكون موصيها بشي بتعمل شي تاني..وخبرتها كتير يالبنى امي شي بعد الله ..لا اتعبيني فيها..لكن ابد مصرة تنزعلي مراقي..شي تاني امي بتحب ابني احمد..كتير معلق قلبها فيه ..حفيدها الاول ..لهيك بتتحملها كتير لمرتي كرمال احمد وكرمالي..وبصراحة انا بحبها اي بحبا لبنى انا اتزوجتا عن حب..ودائما في شغلات بقلبي بتغفر لالها زلاتا..وعنادها..رغم اني شايف تقصير كثير منها تجاهي وتجاه اولادي..صفات مرتي متل كل صبية..بتحب تلبس وتكشخ على حساب اي ظرف سواء كنت بخير او ظروفي صعبة مابتقدر هالشي..ثانيا ..مافي نظام ولا ترتيب بحياتي عشوائية..الاطفال ما إلهن موعد لنومهن..البيت دائما مكركب..يعني مابترتب البيت الا بوجود زيارة لحدا من رفيقاتها او عائلتها او اخواتي..بصراحة لان اختي وامي كتير ازعجهن هالامر ...انا شغلي بمدينة تانية..واوقات من يكون عندي شغل متواصل بضطر غيب عن البيت 3 ايام..بالكثير...بتصادف الاطباق بالمجلى من قبل 3 ايام..الاكل برا البراد وصايبو العفن..تياب الاولاد والعابهن بالارض..الحفوضات بالحمام من ايام ما انشالت.. مستعدة تترك طبق قشر الفاكهة بالايام على الطاولة..وتطلع مشوار ..والحجة والمبرر مابتلحق طفلين فوق راسها..وشغل وتعب الاولاد مابينتهي..اوقات بعذرها وبساعدها بإجازتي بترتيب البيت..واوقات بطبخ عنها واوقات انا بحمم الاطفال لانها مشغولة باتصال مع رفيقتها....ام اولادي ووضعي معها محرج مافيني زعلها لاني لو زعلتا اول شي بتعملو بتترك لالي الاطفال وبتزعل لبيت اهلا..وانا مضغوط بالشغل..وامي مريضة ماقدرتها تعتني ببنتي الصغيرة وابني..لهيك بالنسبة لالي ضرب الحبيب اكل زبيب..بتذكر الاحداث اليومية والصراعات مابتنتهي..مشاكل صغيرة مابتخلى من البيت..وانا رجال اكثر شي بزعجني التطنيش.مثلا كون احكي شي..وهي ادير ضهرا وكأنها ماسمعتني..مو بس بزعجني بطالع لالي جناني..لهيك هاد دوا لبنى معي..نقطة ضعفي وهي بتستغلا ع طول..نزلت لعند امي المسكينة حطيتلا مصرياتها جنب راسها وبوستها وارجعت على بيتي بعرف مقصر معها وبالايام ممكن ماتشوفني لاني بطلع من الصبح وبرجع للمسا واوقات بغيب..وماحد ساكن بالبيت الا انا وهي..واخواتي كلهن متزوجات وانا وحيدها..لهيك مافيني فارقها بالبداية كنت ساكن عندها كنت شوفها مبسوطة ومرتاحة فيق افتح باب غرفتي لاقيها بوجهي بايدها فنجان القهوة وناطرتني لتقلي صباح الخير يامو..والله اشتهيتا من ايديها..ببوسلا ايدها وبتقلي مرتك فايقة قلا تجي تشرب قهوة عاملة حسابها..رغم حنية امي وطيبتها..الا انها مرتي ماتحملت العيشة في بيت العيلة..وبلش موال بدها سكن لحالا..بدها تعيش في بيت مستقر ..مابتتحمل بدها تلبس وتتفرع..بالاول كنت رافض ..والمبرر القوي يلي كانت كامشتها انو خواتي بس يزوروا امي بيجو معهن ازواجهن لهيك مابتاخد راحتها. امي :- يامو معلش حقها متل اي ست بتحب تلبس..وانا مافيني امنع زواج خواتك.. عمار :- امي هي وافقت من البداية هلاء صارت الحجة بدها تسكن لحالا امي :- معلش حامل ونفسيتها تعبانة..بعدين مارح تبعد ليكك فوقي ساكن..الله يرضى عليك روح رجعها لمرتك..كرمال ابنك ..والله حرام يامو بعدو صغير ..وعم يفقدها عمار :- مابتزعلي انتي امي :- ليش لازعل من الحق عمار :- والله ماهاين عليه فيكي كيف بدي فيق وما اتصبح بالوجه السموح هاد امي :- الله يرضالي عليك تعا كل يوم ياعمري واشرب قهوتك من ايدي . (( يوم يلي نقلت سكني للشقة يلي فوق امي..كانت لبنى حامل بالبنت..وعلى وجه ولادة..لهيك ماحبيت بنتي تجي بعيدة عني..قررت رتب الشقة ونقلت عليها..ورجعت مرتي العنيدة..مرقت الايام والدني اخدتني والمسؤولية كبرت والشغل وقتو طويل والحمد لله راتبي ع القد..بيتي وبيت امي شايلهن انا..دخيل قلبا..حتى ريحة هالبيت بتريح قلبي رغم كبرتا الا انو بعدها قوية والبيت مرتب وريحتو حلوة..تقبري قلبي يا امي.. ..قفلت الباب بهدوء..وكفيت باتجاه شقتي..ما اسمعت صوت الاطفال قلت اكيد حبيبتي نيمتهن..فتحت بابي بهدوء.. كان البيت متل ماتركتو مو مشكلة يادوب لحقت انزل لاطلع..وبصوت همس عمار :- لبنى (( ماكانت عم ترد..قلت يمكن بالمطبخ كان المطبخ متل ماهو ولا سفرة اكل ولا شي مجهز..واطفالي نايمين بغرفتهن..ومرتي نايمة للاسف بغرفتا..بعدني مالحقت انزل لاطلع لتنام..غطيتا..وقفلت الباب..كنت جوعان..جهزت الغدا لالي يلي كان بايت من اول امبارح..وكان في طبق اكل بالمجلى ..اكيد من طبخات امي متعشين اولادي ومرتي فيه صحة وهنا..طالعت الاكل يلي شبه محمض..وماحسنت اتحمل ريحتو..ومتل العادة قليت بيض..واتعشيت كنت تعبان من الشغل بعدني ما فتحت على نشرت الاخبار الا كنت نايم على الكنباية..ومافقت الا على صوت مرتي عم تصرخ على بنتي .. عمار :- ياصباح يافتاح شبك عم تصرخي لبنى :- انت مانك حاسس عم تروح لشغلك وبترجع حتى جنبي مابتنام..وجاي تقلي ليش بتصرخي.. عمار :- لبنى الدني الصبح شبك..وشو فيها البنت عم تصارخي عليها.. لبنى ؛- خد انت غيرلا ..مسربة ومبهدلة الدني.. عمار :- 😔 اكيد متل العادة منيمتيها بحفوضة قديمة.. لبنى :- نامت شو فيقها ماسدقت تنام امي :- شبكن ياولاد عمار :- امي صباح الخير امي :- نطرتك يامو مانزلت جيت لاجبلك قهوتك قبل لتروح شغلك..اسمعتكن عم تصارخو عمار :- مافي شي امي بس لبنى تعبانة ..خدي لبنى بطني وجعني لبنى :- شفت ما اتحملت المنظر عمار :- خدي بدي فوت شكلي بردان امي :- شبك امي وجهك اصفر لبنى :- قرف من منظر بنتو ما اتحمل عمار :- ياربي هاتيها للبنت ماقرفت (( اخدت بنتي واجت امي ساعدتني بتحميمها..كنت مصفر وماقدران..كفت امي عني واطلعت لارتاح ع الكنباية.. امي :- اعطيني تياب يا لبنى لهالطفلة بدل ماتبرد لبنى :- اي ماشي امي :- عمار ابني والله وجهك مابتفسر لهدرجة تعبان عمار :- اتعشيت بيض امي بكون فتش البرد لبنى :- هلاء صار من البيض..ابنك يا مرت عمي عم تحلا لالو نومة الكنباية..وبنام بلا غطا ..اكيد برد امي :- يوه ليش ماغطيتيه.. لبنى :- نايمة انا شو عرفني انو نايم بلا غطا عمار :- نمت من التعب بلا ما احس ع حالي لبنى :- بلاها شغل امي :- اي امي بلاها اليوم ارتاح لبنى :- الله كريم امي :- وها ليكها القمر صارت حلوة وريحتها بتجنن..تقبري قلبي ياتيته ع الوجه السموح..وينو احمد. عمار :- بعيد الشر عنك ياست الكل لبنى :- نزل ع باص الروضة امي :- ماشفتو لبنى :- نزلتو بكير عمار :- يعني فايقة من بكير ماعرفتي تغطيني لبنى :- تستاهل كرمال ماتتعود تنام برا امي :- الله يسامحك يا كنتي ليش هيك.. لبنى :- مرت عمي انتي مانك شايفة تصرفاتو لعمار ماعاد يسأل فينا ع طول شغل.. امي :- طيب بدو يجيب رزقتو لاولادو. لبنى :- ونحنا..ماعم يطالعني لمشوار متل هالمتزوجات..بيرجع لاخر الليل.. امي :- طالعها يا امي عمار :-😑..بالله في يوم بيمرق بلا ما تطلع ..هاي كل يوم بمكان امي :- الوحدة بتحب تطلع مع زوجها عمار :- اليوم بالمسا بنطلع مشوار بس روحي اعملي لالي كاسة زهورات مرمية اي شي لوجع بطني.. لبنى :- اي تكرم.. امي :- انا نازلة هلاء اختك بتكون ناطرتني ع التلفون.. عمار :- خليكي امي افطري عنا امي :- سبقتك ياعمري بكاسة حليب وساندويشة صغيرة..مشان اشرب دواي.. عمار :صحة وهنا ياطيبة..انا شوي امي ونازل امي :ماشي حبيبي ناطرتك..وشوي شوي ع مرتك..الله يعينا طول اليوم معترة بالاطفال.. عمار :- الله كريم.. يتبع :* *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```