*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *الزوجة.الثانية.💔🥺.tt* *❴🔢❵☟الـــبـــــــــــ❴9️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ .#الزوجة_الثانية_بقلم_جمايكا_احمد الجزء التاسع الحكي اختفي ..شو بدي قول ..او شو بدي اوصف ..انا هي ريما ..ريما يلي خدعت حالا من حالا..خدعت نظرها وعقلا وقلبا مستحيل يلي كنت متخيلتو كان واقعي انا صرلي اشهر عايشة بوهم..كنت عم كذب الاحداث والحقيقة..واقول مستحيل ترجع لبنى ومستحيل يرجعلا..نديم..لاء مو نديم هاد عمار ..هاد الكذبة يلي اوهمت عقلي وموتت احساسي..كان كلامو معها اهانة لالي لا كان قدران يوقفها..ولا حتى مستعطف لامري.. عمار :- بابا وين موبايلي احمد :- مع خالتو ريما عمار :- ريما (( كنت كامشة الموبايل بايدي ع نفس صفحة المحادثة وعيوني كانو عم يبكو دم مو دمع..قرب لعندي اخد الموبايل وطفاه وخباه بجيبتو ..وقفل علينا الباب.. رفعت عيوني وخليتا على مستوى نظرتو لالي ..اضحكت على غبائي ..كانو دمعاتي ع خدي عم يركضو ويسابقو بعض.. ريما :- صرت مسخرة لبنى ومسخرتك عمار :- بغض النظر كان فيكي ماتقربي موبايلي بدون اذني ريما :- من متى موبايلك بكمشو بإذنك . عمار :- ريما هاي لبنى بضلا مرتي ريما :- اي مرتك بس انا ماني مسخرتكن فهمان.. عمار :- لاتعلي صوتك ..مابدي الصغار يسمعو صراخنا.. ريما :- انا ماعم صارخ انا عم احكي طبيعي معك.. عمار :- طيب شو يلي برضيكي زعلتي من كلامها حقك..وهي كمان كانت زعلانة هي الاساس وانتي الدخيلة انتي فتي اخدتي زوجا واولادها وحياتها ومن حكت ..حكت من باب الغيرة وحرقة القلب..وانا سايرتها لاني بدي مشي سنة الحياة.. ريما :- وانا مابدي دايقكن..مشي سنة الحياة بدون ما تنخنقو بوجودي..انت اتغزل بجمالا ورشاقتها واشتياقك لالها وهي تبرد قلبا باستهزائها فيني .. عمار :- ريما انتي ماعم تفهميني .. ريما :- بلا فهمتك.. عمار :- شو عم تعملي . ريما :- عم جمع اغراضي..لانو تقريبا ماعاد لالك وقت كلهن يومين ..يادوب تلحق ترتب امورك لزوجتك الاساس .. عمار :- حاجي تصرفات اولاد صغار مابدي احكي بالموضوع الف مرة.. ريما :- وانا مابدي واجه المواضيع الف مرة بالمختصر .. عمار :- شو يعني ريما :- كل واحد بطريق..واياك تخوفني بيمين الطلاق لاني رح روح ورح اطلق سواء قلت اي او لاء.. عمار :- اقعدي ضبي تيابك وحاجتك لعب ولاد صغار هالوضع انا فهمتك اياه من قبل لادخل عليكي وتصيري مرتي شرعا..وبدل المرة قلتو الف لهيك ما الك اي مبرر وعذر .. ريما :- بس انا كمان لالي عذري وحاجتني ضحك على حالي.. عمار :- شو قصدك لالك عذرك.. ريما :- يعني عرفت مين عمار.. عمار :- بلشنا نخبص..ومين عمار ست ريما ريما :- اتركني كفي ضب تيابي.. عمار :- انتي ليكون كنتي لهلاء عايشة معي كرمال شايفة فيني خطيبك الميت.. ريما :- لو كنت شايفتو فيك ماكنت اتحملت كل شي كرمالك وكرمال اولادك عمار :- انتي مريضة..فعلا اتأكدلي انك مريضة نفسيا وهالحكي مابيطلع الا من مجنونة..ومافي بعقلا وزانة..وانا مفكرك فهمانة وعاقلة طلعتي عايشة حياتك بخيال اني خطيبك.. ريما :- لو سمحت ماتغلط فيني عمار :- فيقي على حالك ..انا عم احكي الحقيقة انتي مريضة نفسيا..انتي بدك علاج نفسي لتفيقي من صدمة الماضي يلي عايشتيها لهلاء.. (( قلي الكلمتين..وطبق الباب وطلع وانا قلبي من جوا مو بس انحرق حسيت وقتا نديم فتح قبروا ودفني معو..ماكنت اتصور انو عمار ينعتني بالجنون والمرض النفسي من القهر والغلب..كفيت ترتيب تيابي..ويادوب اخدت يلي بقدر احسن احملو .. ام عمار :- ريما بنتي وين رايحة واخدة شنتايتك..نازلة عند اهلك زيارة ..مو من عادتك تحملي هالتياب.. ريما :-..... ام عمار :- شبك عم تبكي صاير معك شي..تعي تعي ريما :- تركيني مرت عمي ..انا رايحة ام عمار :- لوين رايحة مين مزعلك بس فهميني عمار :- اتركيها امي خليها تروح ام عمار :- وين تروح ..شو عم تحكي عمار اتخانقتو شي ريما :- رايحة اتعالج من مرضي النفسي .. عمار :- بكون احسن كرمال اولادك .. ام عمار : استغفر الله اسكت ابني اسكت شو عم تحكي انت فوت لغرفتي فوت..بنتي تعي برضاي عليكي..تعي اذا لالي عندك خاطر ريما :- ابوس ايديكي اتركيني روح مشان خاطري مرت عمي ام عمار :- والله مابتروحي خلص حلفت يمين ..انا مابحسن اتخلى عنك شو مزعلك انا رح حلو وحقك عليه انا بس فهميني برضاي عليكي.. ريما :- هو بقلك مرت عمي ليش لتسأليني انا ام عمار :- بدي اسمع منك رضاي عليكي وعلى اولادك عمار :- لك امي اتركيها ريما :- رح روح عمار لاتستعجل ..اساسا صار وقتا يامرت عمي ..بلش يستقلعني كرمالا ام عمار :- لاء شو هالحكي انتي ماحد بياخد مكانك..لك ابني فوت مرتك وين مطالعها هيك بالبرد.. ريما :- لاتقلقي بروح هالبرد ادفى من قلوب كتير عالم ام عمار :- وانا وين بدي لاقي ادفى من قلبك..الله يسعدك لاتخليني طخي كرمال ارضيكي ريما :- اعوذ بالله مرت عمي لاتعملي هيك بس والله تعبت.. ام عمار :- تعي فوتي احكيلي شو مزعلك. ريما :- خليني هون ام عمار :- بنفوت ع غرفتي وبنحكي .. ريما :- مرت عمي انا بحبك والله وبحب الاولاد موانانية.. يمكن اول مرة قلك هالحكي..بس يشهد الله قلبي موجوع..انا بنت بتعرفي كنت خاطبة .. ام عمار :- اي قلي عمار الله يرحمو ريما :- تعيشي..وانا حبيت عمار لانو فيو شبه من نديم..وماحبيت اتخلى عنو..صح كان تفكيري اول ماشفتو اني بدي اياه بدون مايفرق عندي اذا متزوج او لاء..بس كنت بدي ريح قلبي شوي متت بال 3 سنين..بس يشهد الله ماكان عندي نيه خراب بيتو..ومن وافقت على زواجي منو انا ماضربتو ع ايدو ماغصبتو ليتزوجني ..مابكذب عليكي وقت عرفت انو مطلق انفتحت لالي ابواب السما كلا بس مرت عمي انا كنت موجوعة ..ولقيتو دواء..بس مع الايام كنت عم اوعى اني عايشة مع عمار..ماني عايشة مع خيال نديم..صرت حس اني مرت شخص جديد..وحامل باولادو..صرت اعرف اني يلي عم فكر فيه مانو صح..وانو هيك عم خونوا بعقلي..وبلشت عالج عقلي وعالج نفسيتي .. واصحى من غيبوبة الشي يلي انا فيه.. بس وقت فقت لقيت الشي بلش يتغير وعمار اشتاق لماضيه..بتعرفي فتحت موبايلو عن حديثو معها لقيتا عم تتمسخر عليه وهو عم يسايرها امي..عم يقلا كلام حلو..بتعرفي انها جاي بعد يومين..ووقت قلتو ليش عم تسمحلا قلي انتي مريضة نفسيا.. ام عمار :- لاء حشاكي انتي بنت عاقلة ووازنة ومافيكي شي ..اسم الله عليكي..ماحد بيطلع لالو يتمسخر على اطيب بنت بالدني..انتي لاتتركي لالهن مجال..مو ابني بس والله مابهون عليه فيكي لاتتركي فرصة للبنى تحقق يلي ببالها..هي رجعتها مو كرمال عمار ولا اولادها هي راجعة كرمال تقهرلك قلبك مو كنتي وعشت معها بعرفها عز المعرفة..بعدا طايشة وعم تركض على حالا ماعندا مسؤولية..وانا متأكدة بعد يلي عملو عمار ..ورجعتو لالها وماعمل لالي فيها حساب راجعة اقوى من قبل فبرضاي عليكي قومي غسلي هالوجه السموح..واتركي هالشعرات الحلوين..وشوية بودرة حمرا ع الخدود ..وخليني اسمع ضحكتك..الحلوة.. ريما :- وعمار امي :- طنشيه هلاء وبكرة شوفي شلون رح يكون معك بس يشوفك قوية ومابيضعفك اي كلام.. ريما :- كرمالك بس يامرت عمي ..كرمال خاطرك امي :- الله يجبر بخاطرك..خليها تجي تحمل عنك اولادها تتحمل مسؤوليتهن..بدي تتفرغي لنفسك شوي..لنطلع سوا تروحي وترجعي واسمعت انك حابة تكفي دراستك..سجلي بالجامعة يا بنتي ريما :- بحملي هاد ام عمار :- ادرسي بالبيت وروحي قدمي امتحاناتك .انتي ذكية..وبس يكبروا هالحلوين شوي بتكفي ريما :- صحيح مرت عمي ليش مانروح نعرف جنسهن ام عمار :- والله ماحبيت ادخل بس تركت لتقرروا من حالكن.. ريما :- طيب الله كريم..قليلو بنروح انا وانتي..ولا هلاء مارح يفضى ام عمار :- شو قلنا مالازم تشغلي بالك فيها ريما :- ماشي مرت عمي.. (( اتراجعت لانها طيبة وبعرف مارح تتركني كلامها كان صحيح وبالفعل مالازم اترك للبنى مجال لو في بالها تقهرني..كان عمار رافض يحاكيني..وحتى رفض ينام عندي متل العادة وقرر بهاد اليوم ينام في شقتو عرفت اني رح حارب من يومها عمار كمان مو بس لبنى..لاني ماتوقعت منو هيك تصرف..باليوم الثاني ماناقشت بالامر وماحكيت شي كنت مجهزة مع مرت عمي الفطور متل العادة وبلشت اهتم بحالي شوي..نزل عمار عمار :- صباح الخير امي.. (( مع اني كنت موجودة هالصباح كان لامو بس.. بس رديت معها صباح النور..واحرجتو..مع انو يلي بشوف تصرفي بقول اني خفيفة ومستقتلة عليه. واني بلا كرامة ..بس هالشي ماكان صحيح..بمساء نفس اليوم لقيتو جايب مخدتو ونايم جنبي...وكنت بعرف انو بعد هالليلة رح تتقسم الايام بيني وبينها.. احمد :- ماما رح تجي. تيته ماما جايبة هدايا لالي كتير معها.. ام عمار :- اي حبيبي طيب.. عمار :- يالا احمد..امي بدك شي..رايح جيبها ورح اخد الاولاد ام عمار :- ميسر يامو نحنا انا وريما طالعين عمار :- ماشي خدو راحتكم.. يتبع :* *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```