*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵لقيت الطبطة* *❴🔢❵الـــبـــــــــــ❴الثاني❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #لقيت_الطبطبة.🔐 #الجزء_التاني💜 بقلم الثنائي.. #لارا_عبد_القادر و #اسراء_عبد_الحميد _____♡____„„____♡_____„„„♪♪ رجعت منى على البيت وفورا توجهت على غرفتها وهي تصرخ.. منى: اميي جهزي الغدا رح موت من الجووع. ام منى: بس يجي ابوكي تحملي. منى: هففف... زتت شنطتها على الارض ورمت حالها على التخت.. منى: الله ياخد الدراسة ويلي خترع الدراسة ويلي قال في شي اسمه دراسة..لك الله ياخد يلي بدرس كمان ياربي ايمت بدي اتحرر من هالدراسة والمدرسة وعيش حياتي. رفعت راسها ولقت سميح واقف قدام باب غرفتها وبياكل كيس شيبس وبضحك عليها.. سميح: يلي بسمعك بفكر انك اكلة الكتب اكل. منى: على قد مو جوعانة لو الكتب بتشبعني كان اكلتها تعال لهون تعال. قامت لعنده واخدت كيس الشيبس وصارت تاكل منو.. سميح: ههه اليوم رح يجيكي استاذ الانكليزي يا حرام. تشردقت بالشيبس من الانزعاج.. منى: شو عم تحكي ما اتوقع. سميح: توقعي..لانو بابا قبل ما يروح على دوامه قال رح يحكي مع الاستاذ يجي اليوم. منى: الله لا يسامحك يا سميح على هالخبرية هاد يلي كان ناقصني..دراسة بالبيت. سميح: ههههه صايرة تحكي متل جارتنا هناء قال الله لا يسامحك. منى: ييي لا تذكر قدامي هديك الحسودة اصلا بسببها وعلى قد ما بتقلي انتي نحيفة حسدتني وحياتي عم تصير مو حلوة. بعد ما اكلت الشيبس اعطت الكيس لسميح فاضي.. منى: خود مابقى بدي..رح اروح على المطبخ اكل شي احسن لانو معدتي عم تفرز عصارات عم تخليني اعصب من الجوع. سميح: طيب كان خليتيلي على الاقل كم حبة اكلها. راحت على المطبخ لتاكل وسميح راح يشتري كيس شيبس جديد من ابو مأمن على حساب هناء.. المسا قاعدة منى بالصالون وبتاكل بزر وتتفرج على التيليفزيون وبتجيها امها يلي رح تموت منها وتصرخ عليها.. ام منى:قومي غيري تيابك وليي هلأ بيجي الاستاز مو منطق تضلي بالبيجاما متل الشراشيح منى:هو جاي يدرسني مو جاي يتزوجني ما رح اغيرها ام منى:طيب عالاقل البسيها صح يا بتلبسي الكنزة الصح للسروال او السروال الصح للكنزة منى:امي خلص انا هيك مرتاحة يوه ام منى:تسطفلي مو انا يلي رح يقول عني شرشوحة دق باب البيت ركضت منى بسرعة جوا غرفتها وقعدت على الكرسي قبال الطاولة يلي حطتها امها حتى تدرس مع الاستاز ، حطت ايدها على قلبها كان يدق مليون دقة من التوتر بلعت ريقها بخوف منى: وليي لو يشوف اديش انا حمارة انكليزي بنتحر قامت عن الكرسي ومشيت على روس اصابها تتسمع على حكي ابوها مع الاستاز ابو منى:يعني متل ما شرحتلك وضع البنت بالانكليزي صعب صعب كتير الاستاز:المفروض انو ما سكتو على وضعها من اول ..رح يكون صعب شوي انو تتقدم بس بإذن الله رح اتعب معها لتنجح بهالمادة ابو منى:ان شاء الله مع اني بعرف شو مخ بنتي وقديش هو سميك وصعب الاستاز:ما في حدا مانو شاطر بالدنيا بس المشكلة انهم ما بحبو الدراسة ولا برغبوها وبمنعو حالهن عنها يعني انت استاز وبتعرف ابو منى: اه والله صدقت الاستاز:خلص انت لا تقلق انا درست ناس كتير ما كانو بعرفو يقرأو حرف وصارو من الشطار الحمد لله ابو منى : ان شاء الله .. الله يهديها منى بقلبها : كإنهم بتقاتلو مين يهين فيني اكتر ويمسح بكرامتي الارض اول؟ ابو منى:تفضل من هون رجعت منى بسرعة قعدت على الكرسي متل الشاطرات والاوائل على صفهن بكل ادب ،،، لفت وجهها لجهة الشباك واعطت ضهرها للباب حتى ما تشوف الاستاز ابو منى:منى يا بنتي هاي الاستاز وصل قامت منى عن الكرسي بخجل وهي منزلة راسها على الارض منى بصوت ناعم :اهلا استاز فتحت ام منى عيونها على الاخر من الصدمة ام منى:قرصني لاصدق انو هاي بنتي اقرصني ابو منى:اسكتي فضحتينا رفعت منى راسها تطلع بوجه الاستاز واول ما شافتو الخجل تبخر مع حرارة الجو منى:لك هاد انت يا ضفدع با ابو عيون مخضرة ام منى:اي هاي بنتي الي بعرفها منى تابعت:وانا يلي فكرتك ختيار مكحكح على حفة قبرك ابو منى بصراخ:منننى بدووون قلة اددددب الاستاز:مو مشكلة عمي ابو سميح صار معنا موقف قبل هيك وكانت قليلة زوق اكتر منى: انت المفلسف والي بتحشر انفك بكلشي ابو منى: منى اخرسييي لا تخليني اعمل شي اندمك على كل كلمة قلتيها (اطلع على الاستاز وقال) بعتزر بالنيابة عنها الاستاز:ههه مو مشكلة بتقبل كل شي بروح رياضية انا رح بعرف اتعامل معها طلع ابو منى وام منى من الغرفة وقعد الاستاز وعلى قبالو منى ليدرسها الاستاز : اسمك منى يعني منى:لا اخد كتابها عن الطاولة وقرأ الاسم كمان مرة الاستاز:اوكيه يا منى انا الاستاز رامي وفيكي تناديني رامي لحالها عادي منى:لا رح اناديك ضفدع ابو عيون مخضرة وما دخلك بلساني رامي:هههه تمام تمام براحتك بحصة اليوم ما رح ندرس شي بس رح تحكيلي شو الثغرات الي بتعاني منها بمادة الانكليزي منى:اول ثغرة انك انت واحد كزاب لانك مو استاز انت طالب جامعة وعم تضحك على ابي رامي:كإنك زودتيها شوي؟ يا ست منى انا الاول على دفعتي واشطر واحد بالجامعة كلها لهيك بدرس الطلاب والكل بعرف مين رامي وشو تدريسو منى:نننن نننن نننن نننن حسستني انك فاتح القسطنطنطنطنطيطنينة رامي:ههههههههههههه شو اسما؟؟ منى بعصبية:هففف ما دخلكك بلساني قلت رامي:الواضح انو عقلك سميك مو بس بالانكليزي منى:شو قصدك رامي:ما قصدي شي افتحي الكتاب لنبدأ ندرس احسن ما نتقاتل منى:افتحو انت مانك ماخد فلوس من ابي حتى افتح الكتاب انا رامي:امري لا الله فتح الكتاب وصار يقرأ بالفقرة ويحط خطوط تحت الكلمات المهمة ويشرح كل شي بالتفصيل ومنى عقلها ما كان معو ابدا رامي:اي عيدي يلي قلتو منى: .... رامي:ياا منى Repeat again منى: احكي معي عربي عشان افهم رامي باستياء:يا الله ارحمني شو رح اتعزب معك .. لا لازم احكي انكليزي وانتي مضطرة تفهميني عشان يضل الكلام معلق براسك اندق باب الغرفة ودخلت ام منى ومعها صينية الشاي وجنبها صحن بسكويت منى بفرح:اجى الفرج ام منى:اهلا وسهلا فيك استاز كيف شفت منى رامي:كويسة بس لو تركز معي شوي ام منى:منى ركزي مع الاستاز احسن ما والله احرمك من الاكل منى:مركزة والله مركزةة طلعت ام منى من الغرفة بعد ما تركت صينية الشاي والبسكويت يلي عيون منى ما انشالو عنهن ... اخد رامي شفة من كاسة الشاي رامي:مرة كتير اغلبك تجيبيلي ملعقة سكر منى:تكرم حطت منى اصبعها جوا الكاسة وهي تتبسم منى:تفضل رامي بقرف:خلص شكرا ما عاد بدي اشرب شاي. منى: بعد ما حطيت شوي من حلاتي بالكاسة هلأ مابقى بدك؟ رامي: لانو لازم روح هلأ وبعد بكرا رح اجي ونبلش بالدروس لازم نلحق ننهي المنهاج. منى: على اساس نجاحي موقف على دروسك. رامي: هههه نجاحك موقف وشكله مستحيل يمشي اصلا..يلا عن ازنك. منى: مصدق حاله وعامل نفسه استاذ عنجد..هههه. طلع رامي من الغرفة و ودعه ابو منى اما منى سندت ايدها على الطاولة وحطتها على خدها وهي ترمش بعيونها.. منى: اااه..يلا احسن من واحد ختيار ما بقدر اخد راحتي بالحكي قدامه..خليه يكون هيك صغير احسن..بلكي عقولنا تتفق وما يعطيني دروس يصير بس يجي ونحكي وهيك. ضبت كتابها وقامت زتت حالها على التخت لتنام بس دخل ابوها على الغرفة.. ابو منى: كيف شفتي الاستاذ منيح؟ منى: منيح ومو منيح..يعني منيح لانو مو مختير ومو منيح لان مخه مختير. ابو منى باستغراب: ما فهمت..؟ منى: ممكن تطلع وتسكر الباب لانام تعبت من الدراسة..باليزز. ابو منى: لا حول ولا قوة الا بالله. طلع من الغرفة وهي حضنت مخدتها ونامت.. …………… بحديقة كبيرة لابسة فستان ابيض و واقفة بتصرخ.. منى: ياا فاارس احلامي وينك تعال انقذني لك الدراسة رح تنهي عمري ساعدنيي.. واقفة وبتطلب النجدة من الدراسة يلي عم تعتم ظلامها على حياتها..وفجأة اجى على الحصان الابيض فارس شجاع وقف قدامها بكل ثقة.. ...: يا اميرتي طلعي رح انقذك..مستحيل خلي الدراسة الشريرة تاكل عمرك. منى: هههه يا فارس رامي يا بطل..بعرف رح تساعدني. ركبت وراه على الحصان الابيض وساقه وهربوا لبعيد.. فجأة فاقت من نومها وحطت ايدها على قلبها.. منى: بسم الله هاد من وين طلعلي؟..ما كان ينقصني غير انو يطلع بحلمي لعماا. شربت مي من جنبها ورجعت تسطحت على ظهرها تتطلع بالسقف وتتخيل وجه رامي.. منى: يا ضفدع والله رح خليك تترك التدريس وما تدرسني لانو مستحيل تنقذني..انا بعرف بس بالحلم هيك كنت اما على الواقع انت شخص شرير متل الدراسة.. سحبت نفس ورجعت غرقت بنومها.. اجى الصبح وكان هاليوم يوم عطلة..وصارت الدنيا ظهر ومنى لسا غارقة بنومها وتشخر..وكالعادة دخلت امها بشكل هجومي على غرفتها.. ام منى: يا كسووولة قومي يا دب قطبي مانك دبة لتنامي كل هالوقت..رح يصير الغدا وانتي لساتك نايمة ما درستي شي اليوم. فتحت عيونها بنعس وقعدت تفرك فيها.. منى: احترمي هالدبة النايمة مشان الله امي. ام منى: لك قومي درسي ولييه قوميي..اليوم معزومين على عرس جيرانا ما رح تلحقي تدرسي المسا. منى: الله ينعن عن عن عن..يعني ينعن او يلعن الدراسة هففف.. ام منى: الله يصبرني بسس. المسا كانت منى واقفة قدام المرايا تزبط بفستانها يلي مو لابسته منيح.. منى: امييي هاد كيف ينلبس تعي ساعديني شوفي هيك منيح؟ ام منى: لك شقفة فستان ما تعرفي تلبسي زبطتلها ياه امها وتطلعت عليها وشهقت.. ام منى: يلي اصغر منك عم يعبي حاله مكياج وانتي مو حاطة شي على وجهك. منى: هدوك الزرقات الصفرات كل وحدة فيهم جعفر مشان هيك يحطوا مكياج..انا انسة انسانة حلوة وجميلة ما بلزمني. ام منى: ابوس جمالك بس حطي شوي حمرة على الاقل. منى: اووف اميي.. حطتلها امها شوي مكياج بسرعة ولما كانوا طالعين من البيت كان ابو منى راجع..والتقوا على الدرج. ابو منى: شو رايحين؟ ام منى: اي والله وينو سميح تحت صح؟ ابو منى: اي واقف بيستناكن..صحيح منى انتي ما عندك درس اليوم مو؟ منى: لا بابا الحمدلله ماعندي وياريت تتصل على هاد يلي عامل حاله استاذ وتخبره مابقى يجي بنوب. ابو منى: رح يجي ورح تدرسي متل الالف وغصب عنك عصبت ونزلت على الشارع لقت سميح واقف مع هناء وصواتهم معبية الحارة.. هناء: والله والله لامسح فيك الاراضي اذا مرة تانية بتروح تشتري من ابو مؤمن وتخلي الحساب عليي. سميح: سؤال خالة هناء..انتي ليش بخيلة يعني عادي اذا اشتري على حسابك. هناء: الله ياخد من جيبتك ويحط بجيبتي منيح هيك؟ تقدمت منى لعندهم وهي تضحك.. منى: شو هناء خانوم شايفتك بكامل اناقتك. هناء: هههه حبيبتي تسلمي..طالعة حلوة صح؟ منى: ممم تؤ..مع الاسف..فستانك كتير بشع مو لابقلك. هناء: الله يقرب منيتك ويخلصني منك. منى: تفي من تمك بعيد الشر وقفوا تاكسي وركبوا فيه وراحوا على العرس.. اصوات اغاني وزغاريد النسوان كلها كانت مسموعة من اخر الشارع ،، نزلو من السيارة ودخلو القاعة بعد ما اخدو ضيافتهن عن الباب منى بصوت واطي:اسمع سموحي هاد البغل اعطاني هاي الشوكولاتة بس انا نفسي بهديك الحمرا روح بسرعة بدون ما يشوفك اسرق تنتين وتعال هيني بستناك سميح:طيب راح سميح بطولو يلي ما بتجاوز الربع متر وتخبى بين رجلين الناس وكمش بإيدو من الشوكولاتة وركض عند منى سميح:خدي 3 الك و 3 الي منى:يخليلي سموحي تعال ندخل بلا ما امك تشتلق علينا هلأ دخلو جوا كان العرس فخم فخم بكل ما تعنيه الكلمة وغير الضيافة يلي كانت عن الباب في اكل وحلويات على الطاولات ، ركضت منى بسرعة وقعدت جنب امها نسيت العرس وبلشت تاكل وكإنها اول مرة بتشوف اكل بحياتها والمعازيم تركو العروس والعريس وعيونهم كلها توجهت على منى يلي خلصت كل الاكلات الي على طاولتها وانتقلت على طاولة الناس الي قاعدين جنبها هناء:كل الناس بتطلع علينا شو هالفضيحة عزاا رايحة اقعد مكان تاني ام منى:ان شاء الله بنزلو ببطنك سم فضحتيني يا حقيرة وصارت ام منى تزيح كرسي منى برجلها وتبعدها عنها منى:امي حااج تزقي الكرسي بدي اعرف اكل يووه ما قامت منى عن طاولة الاكل الا لما تأكدت انو ما ضل ولا ذرة ولا فتفوتة بالصحون،، سمعت صوت اغاني الدبكة وقت دخلت فرقة خاصة للدبكة ليقدمو عرض نزلت معهم عالساحة هي وسميح يدبكو وكل العالم تطلع عليهم ويضحكو الا ام منى يلي كانت طامة راسها بالارض من خجلتها منى:يلا سمييح يلااا الحركة يلي عملها محمد عساف بعرب ايدول وقت فاز يلا سميح:اه تذكرتها حطي اجر لقدام ووحدة عالارض ونطي مرة وحدة منى:اييي يلا يلااا الله حيوووووووو قامت ام منى بسرعة ومسكت منى وسميح من شعراتهم وطلعت فيهم برا القاعة ام منى:فضحتوني فضحتوني الله يعدمني ياكن ان شاء الله منى:يعني حرام الواحد ينبسط لعرس غيرو شو عملت غير انو دبكت ام منى:ما كنتي تدبكي يا روحي كنتي ترقصي جنو نطو منى:هفففف لا تتمسخري امي ام منى:رايحة انده على هناء لنرجع عالبيت ما عاد بدي اضل بالحفلة بعد هالفضيحة دخلت ام منى على القاعة وسميح صار ينطنط بالشارع ومنى تمشي وهي تبربر بصوت واطي وفجأة طلعت قدامها سيارة راحت ما تدعسها منى بصراخ:غبييي اعمممى رحت ما تدعسني يا مفطس رحت ما اموت يا كلب ان شاء الله بتموت انت رفعت راسها بعد ما اطمنت على رجلها وانو ما فيها اي اصابات منى:انت؟ رامي:انتي؟ منى:ييييع مبشع هالصدفةة شو جاي تعمل هون رامي:العرس بكون لابن خالي انتي شو عم تعملي هون منى:العروس جارتنا رامي: مممم بدك تروحي عالبيت؟ منى:ما دخلك رامي:ازا بتحبي بوصلك منى:حل عني ياه لا تضل تعمل فيها صاحب الاخلاق الرفيعة والمحترم يا ضفدع يا ابو عيون مخضرة طلعت ام منى من القاعة ومعها هناء واول ما شافتها منى دفشت رامي جوا السيارة بسرعة عشان ما تشوفو امها وتفتح معاه مقابلة صحفية الها بداية وما الها نهاية ، اول ما دفشتو تفركشت ووقعت معاه جوا السيارة منى:ريحة عطرك قتلتني قوم قوم الله لا يوجهلك الخير هلأ بنصير فرجة للعالم رامي:انتي يلي قومي مفكرة وزنك خفيف حاسس جسمي صار مليون شقفة منى:فستاني معلق بجاكيتك مو راضي يفك شلون اقوم رامي:رح اشلح الجاكيت صرخت منى بوجه رامي وعبت كل وجهه قطرات مائية 😂 : لااا عيييب وبالنص الشارع كمااان بدك تفضحنيي رامي:لكان استني قربها عليه بزيادة ومسك اكتافها ودفشها مرة وحدة بقوة ووقعت من السيارة عالارض 😂 وهو ساق السيارة ومشي للجهة التانية منى:ان شاء الله بنشلو ايدييك حاسة حوضي انكسر يا واطي ام منى:وليي انتي بدك تضلي فاضحتيني هيييك قومي عن الارض قومي الصغار استحو يعملو عمايلك التكسي عم بستنى فينا ركبو بالتاكسي ورجعوا عالبيت.. ثاني يوم كان كمان عطلة..ومنى قاعدة على البرندا وحاطة كتاب العربي بحضنها وتحاول تحفظ.. منى مغمضة عيونها: ايا ليت ال..ال..ااا اي اي..ايا ليت الشباب يعود يوما..من اجل..يالله شو كانت شو كانت..اووف.. فتحت عيونها وتطلعت على الكتاب.. منى: ايا ليت الشباب يعود يوما لاخبره بما فعل المشيب..يالله نحنا شو دخلنا بمشيب هاد الحيوان...الشاعر.. اجى سميح لعندها يندهلها.. سميح: يا منى استاذك اجى يلا بتقلك امي دخلي. منى صارت تضرب على راسها: هؤهؤهؤهؤ والله مابدي يالله مابدي.. قامت فتحت باب الغرفة ودخلت وهي معصبة وعاقدة حواجبها..كان رامي قاعد على الطاولة وبتطلع عليها وببتسم بخسرية..وهي قربت سحبت كرسي وقعدت قدامه... منى: شوف يا طالب او يا استاذ..اختصر علي وعليك..هات عطيني كم معلومة وتفضل روح..ومن هلأ رح قلك مهما حاولت ما رح تقدر تدخل المعلومات لمخي..لانو باب المخيخ يلي تحت المخ مسكر..والمفتاح عند البصلة السيسائية وهي معندة مابدها تفتح الباب. ظل يتطلع عليها باستغراب وهو يضحك: سؤال...انتي شو مستواكي بالعلوم؟ منى: صفر على يمين مو على شمال لانو الصفر يلي على شمال هو مستوايي بمادة الانكليزي. رامي: هههه طيب..نبلش بمادة الانكليزي. منى: اووووف.. هزت راسها بطفر وضجر وهو يتطلع عليها ويضحك..وفجأة حست بايده الحنونة يلي عم ترجع خصلات شعرها لورا بعد ما اجت على وجها.. رامي: لا تتأففي..لازم تركزي مشان تنجحي. قرب كرسيه جنب كرسيها وبلش يشرحلها وهي صافنة فيه وفاتحة عيونها بدون تركيز.. Telegram: @rwayate خلص شرح الدرس وهي ما فهمت شي لانو تركيزها بغير مكان.. رامي: وهي خلصنا اليوم..ان شاء الله بكرا رح اجي ونكمل بدي تحفظي يلي عطيتك ياه هاا. منى: حفظت ولا ما حفظت انت شو دخلك؟..خلص من يوم ورايح تجي بس تشرحلي ما بهمك اذا حفظت. رامي: حفظي مشان ما احكي لابوكي عن اهمالك..اووك. قام وهي ظلت تحكي عليه بصوت واطي هو سمعها بس ضحك وطنشها..وفتح الباب ليطلع من الغرفة وشافه ابو منى.. ابو منى: يعطيك العافية استاذ. رامي: الله يعافيك..ان شاء الله بكرا اجي ونكمل. ابو منى: اي بس مايصير تطلع بهالظهرية بدون غدا..ما بسمح بهالشي تفضل الغدا عم يجهز. منى: ااا بابا؟..ليش ما عنده بيت يتغدا فيه؟ ابو منى: عيب عليكي.. رامي: احم..والله مافي داعي لازم روح. ابو منى: والله ما بتروح بدون غدا هي عم يجهز..منى يلا بنتي روحي ساعدي امك بالمطبخ. منى تأففت وراحت على المطبخ ورامي ضحك وقعد هو وابو منى.. Telegram: @rwayate بعد ما جهز الغدا وقعدوا على سفرة الاكل كانت عاملة ام منى مقلوبة وسلطة..وقعدوا على سفرة الغدا ومنى قعدت قدام رامي يلي كان خجلان وبتطلع عليها ويبتسم.. منى: امي حطيلي بصحني والله رح موت من الجوع وهي الاكلة كتير بحبها. ام منى تهمسلها: عيب عليكي عندنا ضيف. منى: ااا اي واذا ضيف؟..هو يلي ببيتنا مو نحنا ببيته. ام منى: يالله على هالفضيحة. ابو منى: اي كيف لقيت منى صح هي عقلها صعب وما بتستوعب بس يعني بدك تحاول معها. رامي: لا لا بالعكس هي بتفهم فورا وشاطرة. اتطلعت منى عليه باستغراب وهو غمزلها.. منى: على كل حال غيرولنا هالموضوع وقت الاكل ما بحب ينفتح موضوع الدراسة. رامي: معك حق على قد ما بتتعبي وبتدرسي. Telegram: @rwayate منى: يا استاذ يا ضفدع اتوقع انت هلأ معزوم على الغدا مانك معزوم على تقييمي. رغم انو رد منى كان يخجل رامي بس هو كان يتطلع عليها بانبهار وهو مبتسم بنظرة اعجاب على تصرفاتها العفوية وطريقة اكلها الغريبة 😂.. *** تاني نهار صحيت منى على صوت صراخ ولطش امها ام منى:اصحي ولييه اصحيي حاجتك كسل اليوم عندك حصة اضافية قومي منى:بكفيي بكفيي لسا على حصص اضافية وحصص بطيخية يا امي اقسم بالله راسي رح يفقع ما بكفي هداك الحيوان متل الكلب بضل يشرحلي كل يوم كل يوم كل يوووم وانا متل الحمارة ما مقلعتو لحد هلأ مشان الله شو اعمل راسي بوجع Telegram: @rwayate ام منى:شو تعملي؟ روحي قدمي انتي وياه على قناة ناشونال جيوغرافيك ... قوميي ولييه قووميي ما ضل كتير للامتحنات النهائية قومي غصب عنك بدك تنجحي منى: انتي يلي مقدمة توجيهي ولا انا ؟ ليش زعلانة نفسي افهمم ام منى:كل بنات الحارة يلي نجحو وخطبو وتزوجو وتخرجو رحت باركتلهن وانا حاملة محملة بكياس رز وسكر وكولا وكاسات وتحف وفازات مستكترة علييي فوتتة الناس عندي يباركولي بنجاحك ويردولي شوي من الهدايا يلي قدمتها ولييي منى:ازا عالسكر والكولا بخلي سميح يجبلك من عند ابو مؤمن وبلا من الدراسة والنجاح ام منى:اه يجيبهم على حساب هناء وتفضحنا بالحارة لا تغيري الموضوع قومي غسلي وجهك لبينما جهز الفطور منى:اعملي شي زاكي عشان اركز بالحصص افطرت منى وجهزت حالها واخدت شنتتها وطلعت من البيت على المدرسة وهي بتردد بك لمات القصيدة تبعت العربي منى:اه يا ليت ليت ليت هففف ليت شوو .. اه ليت الشباب الشباب الشباب هناء قاطعتها:شبهم الشباب منى:يالله منكك طيرتيلي كل افكااري .. شبهم الشباب عم تسألي؟ بدهم يعملو من لحمك اكل للحيوانات الي حابة تعمل دايت هههههه هناء:الي حابة تعمل دايت لاني نحيفة بعرف منى:انا كم مرة قلتلك انتي متل بقرة ام محمود ؟ هناء:وانا كم مرة قلتلك سدي بوزك ما لحقت هناء المسكينة تخلص جملتها الا جايتها خبطة من حيث لا تحتسب 😂 Telegram: @rwayate هناء:الله لا يسامحك يا سميح والله لامسح فيك الاراضي يا نذل ضهريي رااح يماا ضهري ااخخخ سميح:انا كنت اركض وانتي واقفة بنص الشارع شو دخلني راحو منى وسميح عالمدرسة وهني يضحكو على هناء ومنظرها ..وصلت منى شارع المدرسة وشافت رهف واقفة جنب كرم منى بقلبها:الله يهني سعيد بسعيدة .. بس وحياتك يا رهف الا توقعي على راسك ما عرفتي تحبي الا خاروف البنات هاد ...:شو وين شاردة؟ لفت منى اتجاه الصوت ووفتحت عيونها مصدومة بس شافت مين هاد منى:لا لا لا هييك كتيير والله كتيير كمان بالمدرسة بدي اشوف هالخلقةة حل عنييي عااد رامي:اسمعي شو بدي قول منى قاطعته:انت الي اسمعني معك 5 ثواني بس قبل ما اصرخ صوت الم عليك كل اهل هالحي رامي:اسمعيني بقول Telegram: @rwayate منى:ما بدي اسمع ما بدي دفشتو من صدرو جوا السيارة بقوة وهو مسك بايدها ووقفت فوقو جوا السيارة متل امبارح 😂 منى:ولكك غيرهاا لريحة عطركك بتخنقنييي وااااع قلبت معدتي بدي استفرغ رامي بقرف:ببوس ايدك مو هون قومي عني ولكك قوومي استفرغي برا سيارتي ما لحق المسكين يخلص كلامو الا منى عاملة عملتها السودة 😂😂 رامي :الله يقرفك الله يقرفك الله يقرفك منى ببراءة:معك فاين؟ رامي:اطلعيي براا سيارتييي طلعت منى من السيارة واطلعت على حالها وانبسطت كتير بس شافت انو ما اجى على تيابها شي وكلو كان على رامي المسكين منى:عن اذنك بدي ادخل عالمدرسة رامي بعصبية: شو بدي اعمل بحالي هلأ يربيي شوو هاد كلوو Telegram: @rwayate منى:تقلت اكل عالفطور لهلسبب رامي:روحيي من هون منى لا توريجني خلقتك بالمرةةة منى بفرح:يعني مافي حصة اليوم؟ رامي:امبلا اصلا نكسرت وجيت عالمدرسة لاخبرك انو حصتنا اليوم بالحديقة العامة مو بالبيت منى:شايفني سرلنكية عندك بنفذ كلشي بتطلبو مني؟ رامي بصراخ:منى قلت الي عندي وخلصص نقزت منو اول ما صرخ لانو اول مرة بصرخ بوجهها هيك طول الوقت مفكرتو هادي ورايق #يتبع #بقلم_لارا_واسراء