*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵لقيت الطبطة* *❴🔢❵الـــبـــــــــــ❴الثالث❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #لقيت_الطبطبة.🔐 #الجزء_التالت💜 بقلم الثنائي.. #لارا_عبد_القادر و #اسراء_عبد_الحميد _♡____„„____♡_____„„„♪♪ تركتو منى ودخلت على صفها بتركض بعد ما اطلعت عالساعة وشافت انها تأخرت والحصة الاولى بلشت .. دقت الباب واجاها الرد من جوا الصف بالدخول الانسة:تفضلي منى:صباح الخير الانسة:صباح النور وين لهلأ؟ منى:جاية من بكير بس المديرة طلبت مني اسقي كل الورود الي حوالين المدرسة بالمي وما انتبهت للوقت وتأخرت الانسة:يعطيكي العافية تفضلي مكانك ابتسمتلها منى ودخلت وقعدت جنب رهف رهف :يخرب بيتك ما اكزبك منى:اخرسي هالانسة هبلة انا شو دخلني الانسة:ايي بما انو العدد اكتمل خلينا نبدا درسنا لليوم بمادة الثقافة رح ناخد عن العالم آينشتاين .. شو بتعرفو عن آينشتاين؟ اخذت الانسة جولة بعيونها على الطلاب ما حدا رفع اصبعو الانسة:منى جاوبي منى : اناا؟؟؟ الانسة اي انتي شو بتعرفي عن آينشتاين اطلعت منى على رهف وهي متلبكة منى بصوت خافت:مين انشتان رهفف ؟؟ رهف : ما بغشش كزابين الانسة:اي منى انا بانتظار اجابتك؟ منى بتوتر:ممممم ءءء انشتان شخص كزاب الانسة :كزاب؟ شو السبب!! منى:اي كزااب شخص غبي حكولنا عنو عالم بس هو طبيعي متلنا يعني وغير هيك نظرياته مسروقة مني كلهن سرقهن مني (اطلعت على الكتاب لتقرأ بمقدمة الدرس عبارة قالها اينشتاين) هو قال انو باستطاعة اي شخص احمق مثله يعني جعل الأشياء تبدو أكبر وأعقد في حين أنها بسيطة ولا تحتاج إلا الفهم الانسة:هاد يلي بتعرفي عن اينشتاين؟ منى:بعرف كمان انو شعرو ابيض الانسة: عنجد؟..وشو بتعرفي كمان؟ منى: اممم مانو حلو كتير يعني شفت صورته وهو مختير ما بعرفه وهو شب مشبشب. الانسة: حلوو..كأنو كنتو رفقات؟ منى: لا كان معجب فيي بس انا ما عطيته وجه. الانسة: نزلي لعند المديرة. منى: لاا انسة شو مديرة ما مديرة والله انا وهي مو كتير رفقة. الانسة: عم قلك نزلي لعند المديرة لعماا شو قلة التربية هي. نزلت على المديرة وتبهدلت وتشرشحت بس ما بتوب وهي حليمة دائما ترجع لعادتها القديمة.. بالحديقة العامة قاعد رامي وكل شوي يتطلع على ساعته وهو ينطر وينطر لحتى نقزه صوت منى من وراه.. منى: يلي يشوفك يفكر عم تستنى حبيبتك. رامي: واخيرا شرفتي كأنك انتي الانسة وانا الطالب. منى: هاهاها على اساس انت مو طالب. قعدت جنبه على الكرسي ولفت رجل على رجل.. رامي: ليش تأخرتي؟؟ منى: رجعت على البيت بدلت تياب المدرسة واجيت يعني مستحيل اقدر اتحمل اني اظل لابستها. رامي: لهالدرجة بتكرهي الدراسة؟ منى: بكره الدراسة والمدرسة ويلي خترعها..يا اخي شوف الحياة ما احلاها بدون دراسة بتنام ايمت مابدك وتفيق ايمت مابدك بتلعب وبتضحك وبتطلع وتتسلى ما بتلتزم بشي..لك يقطع عمر كلشي اسمه دراسة بكره هالشي و.. ظلت تحكي بدون انقطاع وهي تعبر عن كرهها لحتى حط ايده على تمها بهدوء وسكتت.. رامي: خدي نفس..والله هي مو عدوتك هي مستقبلك. قرب راسه لعندها وهو حاطط عينه بعينها..وهي ساكتة وتتطلع عليه بتوتر وحدقات عيونها متوسعة.. رامي: والله عيونك حلوين ومبين الطيبة فيهم ما يبين انك قاسية لهالدرجة لتكرهي الدراسة. بعد عنها واخد الكتاب من ايدها وفتحه ليغير الموضوع ويبلش بالدرس.. منى: سؤال ليش بدك تعطيني الدرس هون؟..يعني ليش مو بالبيت ما بكفي اهلي عم يدفعولك مصاري كمان جايبني لهون.؟ رامي: قلت بلا ما اجي على البيت وتخجليني واتبهدل قدام اهلك. خجلت ونزلت راسها على الارض من التصرفات يلي بتحطو فيها دائما والمواقف والحكي.. منى: يعني...انت بتجبرني انو ابهدلك..هلأ ليك عندي حل رح يناسبنا نحنا التنين. رامي: خير يا طير؟ منى: مهما تعبت ما رح افهم عليك واستوعب لانو مخي عاطل..يعني عاطل عن العمل وبلا ما اتعبك خلص بطل تعطيني دروس انا مابدي والله ما بفهم ما بفهم. رامي: البصلة السيسائية مو ناوية تعطي المفتاح للمخيخ ليفتح باب مخك؟ منى: لا..بنووب مو ناوية ولا بتفكر بهالشي. رامي: انسة منى يلا نبلش بالدرس وركزي معي. منى: يالله يالله لك مابدي افهم عليي بقى.. شرحلها وهي بس تأشر براسها على اساس فهمانة بس بالواقع تركيزها مو عنده.. وبعد ما خلصوا قاموا ليروحوا.. رامي: اوصلك بسيارتي؟ منى: الله خلقلي رجليين لامشي فيها مو محتاجة سيارتك. رامي: براحتك. فجأة مر من جنبهم واحد يبيع غزل البنات وهي صارت تتطلع بفرح.. منى: يااااي غزل البنات شو بحبوو.. تطلع عليها رامي شافها بتضحك ومبتسمة متل الطفلة يلي بدها شي..و وقف وشتراهلها منو وعطاها ياه.. رامي: تفضلي.. منى: هي اليي...؟ رامي: لكن الي؟ صارت تنط بفرح وتلوح بايدها وبدون وعي باست رامي على خده.. منى: شكراا كتيرر والله كتير كتير بحبها. رامي ظل واقف ومصدوم حس بنبضات قلبه صارت سريعة ومنى مو حاسة على حالها بس بتضحك وتاكل غزل البنات يلي بايدها.. منى: يلا لازم روح..بنلتقي بكرا صح؟ رامي: اي ان شاء الله. منى: يلا بااي..وشكرا يا ضفد ع.😁 راحت وهو ظل واقف يتطلع عليها ويضحك بدون وعي لحتى اختفت من قدامه.. رامي: هههه والله هي مجنونة برخصة عنجد. المسا كانت قاعدة منى بغرفتها وتلف باصبعها خصلة شعرها وحاطة بتمها العلكة وهي بتحكي اتصال مع رهف.. منى: يا غبية لشو تهتمي لحكيو هاد انسان تافه..اصلا كيف بتطيقي توقفي معو وتحكي لك انا بس شوفه لا اراديا بشتهي اشلح البوت واضربه فيه. رهف: لك بحبو وانتي ما بتفهمي شو يعني حب. منى: ههههه قال حب قال..المهم بكرا عندنا مذاكرة درسي منيح هاا لتنقليني. رهف: درسي انتي لك اعتمدي على حالك شوي منى: حبيبتي انا ما بحب اعتمد على حالي لانو ما بعرف شو يعني حب..المهم اذا ما غششتيني رح خرب علاقتك انتي وكرم هاا. رهف: لك لااا خلص متل مابدك. منى: اوكيه يا حب..طبعا ما بعرف شو يعني حب..هههه يلا باي. سكرت المكالمة وحطت ايدها على خدها وصارت تتخيل.. رامي: على فكرة انا حبيتك. منى: بس انا ما بعرف شو يعني حب؟ رامي: حب يعني متل لما تحبي غزل البنات او الملوخية..او لما تحبي الشيبس هيك يعني. منى: انا بحبك متل ما بحب العلكة. رامي: وانا بحبك متل ما بحب الانكليزي. ضربت على راسها وتعوذت من الشيطان.. منى: يارب تستر شو هاد؟..هفف يخرب بيته صار يطلع بخيالي صرت اتخيله وين ما اروح..يضرب هو والانكليزي..اصلا يلا حرام بلا ما احكي عليه اليوم شترالي غزل البنات..بس اليوم ما رح احكي عليه ماشي يا منى الحلوة..دخيلك شو بحبك. ثاني يوم الصبح حملت شنتايتها بعد موشح الفطور وطلعت من البيت بكسل وهي تتثاءب.. منى: ااه..ما بعرف ليش هالقد نعسانة مع انو نمت منيح.. يلاا هلأ اول حصة عندنا ديانة تجي الانسة تحكيلها قصة كالعادة وانا رح اغفيلي شوي. نقزها صوت هناء وهي طالعة على درجهم.. Telegram: @rwayate هناء: لك والله كنت قول هالبنت مجنونة هلأ لصدقت..عم تحكي مع حالك ولك غبية؟ منى: مدام هناء مو ناقصتك بعدي عن طريقي. هناء: على اساس انا يلي ناقصتك...صحيح زائد ضرب ناقص شو بيطلع يا توجيهي؟؟ منى: اي لاااا هي الرياضيات انا ما الي شغل فيها بنووب..هي بطريق وانا بطريق. هناء: ههههه ليش شو يلي بطريقك بس فهميني؟ منى: كرم..يقطع عمره ما اغلظه. هناء: ومين هاد كرم ولييه؟ منى: ااا..وانتي شو دخلك؟..هاد يلي كان ناقص تتدخلي فيي. هناء: ايي على اساس متشوقة لاتدخل فيكي..على كل حال وينها امك بدي شوي سكر للشاي ماظل عندي. منى: ليكني قدامك. Telegram: @rwayate هناء: شو بدي فيكي؟ منى: انا السكر. هناء: ييي يقطع عمرك بعديي.. بعدت منى ونزلت من الدرج وهناء دقت الباب على ام منى لتاخد منها سكر.. منى باول حصة الديانة غفيت طبعا بس تاني حصة كان عندهم مذاكرة..وهي كالعادة مو حافظة بس كاتبة اسمها على الورقة وتحاول تغش من رهف يلي جنبها.. الانسة: انتي ليش ورقتك فاضية رح يخلص الوقت؟ منى: عم استجمع افكاري..بعدين انتي شو دخلك خلص انتي عليكي تحطي علامات وبس. الانسة: حترمي حالك. Telegram: @rwayate منى: محترمة وكتيرر اصلا..وساكتة ومتحملة..لانو مو معقول شو هالأسئلة هي اووف. الانسة: حطي هالمقعد باسمك لانو انا شايفتك السنة الجاية رح تكوني قاعدة عليه وما رح تنجحي. منى: ممكن تروحي تراقبي بقية الطلاب وتخليني اعرف افكر. زورتها الانسة ومشت من جنبها وهي حاولت تنقل كم شغلة من رهف.. المسا لافة رجل على رجل وقاعدة قدام التيليفزيون وتاكل بزر وسميح يعمل طيارة بالورق.. سميح: رح زت هالطيارة لبيت هناء ههه.. منى: ستنى ستنى..هات احط فيها قشور البزر ههههه والله رح تجي تصيح وتنوح. دخل ابو منى على الصالون ولقاها قاعدة. ابو منى: ليش ما بتدرسي والله انتي رح تجيبيلي البلا..بكرا الكل بحكي بنت استاذ ورسبت. Telegram: @rwayate منى: هششش بابا بعيد الشر..وحدة شاطرة متلي ما بترسب لا تخاف. ابو منى: لك وين الشطارة وينن؟؟ منى: يالله يعني مايصير ريح راسي شوي ييي.. ابو منى: يا بنتي بعد اسبوعين الامتحانات. منى: اي والله وانا كتير فرحانة لهالشي..يعني بكرا رح نوقف دوام للمدرسة وبعد اسبوعين نقدم الامتحانات وبعدها بحح...ماظل دوام وهييي.. ابو منى: بس لخوفي ترجعي تداومي السنة الجاية. منى: يالله منكن ليش هيك تظلوا متشائمين..عطوني شوي امل شوي. زتت البزر من ايدها وقامت وهي معصبة ودخلت على غرفتها وسكرت الباب..وصارت تلف بالغرفة روحة رجعة وهي تفرك بايدها من التوتر.. منى: لعمااا معقوول؟..شو رح يصير معقول ارسب؟.. لا لا مالازم خلي حدا يلعب بعقلي..لازم خلي معنوياتي مرفوعة. قعدت على طرف التخت وحطت ايدها على راسها وهي تفكر بخوف.. Telegram: @rwayate منى: ياربي مستقبلييي..صح ما بدرس كتير ومو شاطرة بس والله حرام ارسب ويضيع مستقبلي..هففف... مسكت موبايلها وحطت على اسم رامي وهي محتارة.. منى: دقلو ولا لاا..خلص رح دقلو بلكي يعطيني شوي امل. ضغطت على زر الاتصال وظل يرن ويرن لحتى رد.. رامي: الووو؟.. منى: رامي انا منى..قصدي الاستاذ رامي. رامي: ههه ه استاذ؟..شو المناسبة شو صار لحتى تدقيلي بهالوقت وتحاكيني بكلمة استاذ؟ منى: اخدت رقمك اليوم من بابا..المهم محتاجة مساعدتك كتيرر كتيرررر..واذا ما ساعدتني احتمال نام وانا مزعوجة وانجلط وموت بعيد الشر. رامي: له له طولي بالك شو صار؟ منى: الكل عم يقلي رح ارسب يعني والله حراام..صح مو شاطرة بس يعني بلكي كان الي نصيب ونجحت؟ Telegram: @rwayate رامي: اي اكيد ممكن تنجحي ليش لاا؟.. منى: طيب شو اعمل عطيني امل ولا تخليني اتشاءم. رامي: طيب لسا قدامك ايام وبتقدري تدرسي..مثلا كل يوم حاولي تدرسي مادة. منى: طيب.. رامي: خدي نفس وارتاحي وركزي وانا بكرا رح اجي واعلمك كلشي مهم بالانكليزي لا تروحي على المدرسة. منى: ماشي..شكرا كتير الك. رامي: ولوو يا طالبتي..يلا روحي وحاولي تدرسي. منى: تمام..باي. سكرت المكالمة واخدت نفس وفتحت كتابها وسمت باسم الله وصارت تدرس..لحتى تعبت وتمددت عالتخت وحضنت مخدتها ونامت *** واقفة بنص الصالون بتصرخ على كل الناس الي قاعدين على الكراسي وبتبكي بقهر ، دموعها عم ينزلو بغزارة لدرجة بياض عيونها صار احمر منى بتكبي:لكك حاااج اتركووني بحالي نجحت او رسبت انتو ما دخلكن افهمووو بقى ما دخلكنن Telegram: @rwayate ام منى: اطلعيي من البيت ما بدي اشوف وجهك بحياتي يا راسبة يا ساقطة كسرتي بخاطري الله لا يوفقك منى بصراخ:بتعرفيي شوو بدي اطلع وما عاد ارجع هون ابدااا ابدااا ما بدي ارجعلكك عالبيت فاهمةة بتعبدي العلامات عبادةة حملت درب طريقها ونزلت لتحت وهي مقهورة وتبكي وكان رامي عم يستناها بسيارتو ... اول ما شافها بهالحالة نزل من السيارة بفزع وحضنها بقوة .. باس راسها وصار يملس على شعرها ليهديها رامي:خلص يا روحي خلص لا تبكي منى:رامي في نار وشاعلة بقلبي ما حدا حاسس فيني رامي:تعالي اركبي بالسيارة وما فشر حدا فيهم يحكي معك كلمة والله بحرقهم وما بسأل ركبو بالسيارة ونزلو ببيت رامي ،وقف قدامها وتطلع على عيونها يلي يلمعوا و مسك ايديها وباسهم وبعدها قرب عليها و طبع بوسة خفيفة على شفافها خلتها تمسح دموعها وتبتسم رامي:صرتي احسن منى بابتسامة:اي رامي:تعي ندخل جوا دخلو جوا بيت كبير ببدايته حديقة فخمة فيها مسبح واول ما مرقت منى من جنب المسبح رماها رامي جواتو منى وهي عم تحاول ما تغرق : بق بق بق ولاااك ما بعرف ما بعرف أسبح تعال بق بق بق طلعنيي ولااك شلح رامي جاكيتو ونط جوا المسبح .. حملها بين ايديه وطلعها كانت غايبة عن الوعي رامي بخوف:منى منى ما صرلك شي صح ؟ منى فيقي مشان الله اطلع حواليه وبعدها بدون تفكير قرب يعمللها تنفس اصطناعي اول ما قرب عليها صحيت وطبعت بوسة على شفافو رامي:يا حيوانة عم تخففي دم منى:هههههههه هربت منى وهو لاحقها لينتقم منها والضحكة مالية وجوههم *** صحيت من نومها وهي بتلهث بفزع منى:لا ياربي شو هااد شو بوسة وما بوسةةة رامي اطلاااع من راسييي اطلااع ولاك يا ضفدع يابو عيون مخضرة.. شربت مي ورجعت نامت لتاني يوم ..صحيت بنشاط وامل فتحت شباكها واخدت نفس عميق وقعدت على الفطور بكل هدوء وابوها وامها مصدومين منها.. ام منى: شو فيكي بنتي؟ منى: مافيي شي ليش؟ ابو منى: من وين جبتي كل هالهدوء ما من عادتك؟ منى: بعدين بعدين..هلأ مخي مو فاضي مضطرة كون هادية..يلا دايمة. ام منى: لك ما اكلتي شي كتير اكيد صايرلك شي. منى: والله شبعت داخلة على غرفتي ادرس شوي لبينما يجي الاستاذ رامي لانو ما رح روح على المدرسة هو رح يجي ويدرسني. ام منى: اليوم اخر يوم ما تروحي؟؟ منى: لا لانو اخر يوم ما رح روح..يلا بالعافية. دخلت على غرفتها وابوها وامها مو مصدقين انو هي منى بذاتها..سكرت الباب وراها وقعدت تدرس لحتى نفتح بهدوء بعد دقة خفيفة وهي رفعت نظرها ولما شافته ابتسمت.. منى: راميي...؟ رامي: اي اجيت..ادخل؟ منى: اي اي تعال يلا بسرعة..متحمسة وخايفة وكلشي ما بعرف بشو عم حس. سحب كرسي وقعد جنبها وهي منزلة راسها على الارض..مد ايده الحنونة ورفع راسها و ودارو ناح وجهو.. رامي: لا تخافي..رح تنجحي صدقيني..بس ركزي. هزت براسها وبلش يشرحلها وهي مركزة وتحاول تستوعب كلشي ب0يحكيه..حست بالامان والامل معو..حست بشي غريب تدفق لقلبها ودخل حياتها فجأة..بس طنشت هالاحساس وركزت على دراستها.. بعد مرور أسبوعين صحيت منى بكير كتير غسلت وجهها وفرشت أسنانها وراحت على المطبخ تعمل ساندويتش لتفطر قبل ما تدرس الامتحان للمرة التانية متل ما وصاها رامي تعمل لان اليوم هو يوم مصيري .. اليوم اول امتحان نهائي لمنى ... عملت الساندويش مع كاسة عصير برتقال وراحت على غرفتها تدرس .. رن موبايلها منى:صباح الخير رامي رامي:صباح النور كيف المعنويات منى:خايفة شوي ومتوترة رامي:لا تخافي ان شاء الله ربنا ما بيضيعلك تعب بس انتي اعملي متل ما قلتلك اشربي مي سمي بالله لا توتري واهم شي لا تتنمري على حدا ولا تقلي ادبك على حدا وانتي رايحة عالامتحان منى:بس هناء بس بلييز نهاري ما بكمل بدون ما اتنمر عليها رامي:لا لا ولا حداا منى:طيب كرم ؟ رامي:ومين هاد بالله منى:خاروف حاطط عينو عليي وانا بكرهو كره العمى رامي:اسمعي منى منى:اي رامي :انا رح اخدك على الامتحان وانا برجعك عالبيت عشان اراجعك بالمعلومات منى بفرح:اي اي تمام يلا رح اسكر واجهز حالي رامي:يلا باي جهزت منى حالها ولبست تيابها وتأكدت أنها حافظة كل المعلومات يلي جوا الكتاب كويس رن موبايلها عرفت انو رامي وصل تركت رسالة لأهلها لتقلهم انها طلعت على الامتحان ونزلت بسرعة لعند رامي رامي:يلا اركبي منى:كيفك رامي:رح اكون منيح ازا نجحتي بهالامتحان منى:لا تخاف عدتو كتير حاسة حالي حافظتو بصم ورح اجيب علامة منيحة رامي:ان شاء الله طول الطريق وهني ساكتين اكتفو بسرقة النظرات بس لحتى وصلو على باب المدرسة رامي :يلا انزلي ولا تنسي يلي قلتلك عليه حاولت تفتح الباب وما كان يفتح معها مد حالو لعندها يفتحو ووسقط راسو بحضنها .. غرزت ايديها بشعراتو وصارت تتبسم منى:شعراتك ناعمين بجننو رامي:هههههه كل شعراتي على حسابك ابتسمتلو ونزلت من السيارة ... صرخ كرم باسمها ولوحلها بايدو ورامي بتفرج كرم: ناوية تنجحي؟ منى: ابعد عن حياتي الف متر بنجح كرم:ولو كل هاد لأن بدي منك تنجحي وترفعي راسي منى:ما في داعي انجح لارفع راسك هلأ باجي بقطعلك ياها لكتلة القرف يلي فوق اكتافك وبرفعها وبوم بوم بوم بحاوية الزبالة كرم:الله يسامحك بس رامي بصراخ:منى الجرس رن يلا عالامتحان ركزييي كويس منى بتوتر :اه اي ماشي اوكيه طيب انو ايه (ومن التوتر عملتلو باي وبوسة بالهواء) ابتسملها وشغل سيارتو ومشي على جامعتو دخلت على المدرسة والبسمة مالية وجهها بسمة في وراها توتر وخوف خصوصا انو هاد اول امتحان ، زبطت ساعتها واكمام القميص ، اخدت نظرة اخيرة على كتاب العربي تتصفحو قبل لا تدخل قاعة الامتحان وهي تعيد وتزيد بالقصائد .. قاطعها صوت الانسة بتصرخ باسمها من اخر الممر منى:يالله شو بدها هالغبية هلأ الانسة:لكك منى الامتحاان بدأ ازا بتتأخري دقيقة تانية ما بتدخلي سمعت منى كلمة ما بتدخلي خافت وركضت بسرعة عالصف الانسة:ازا بنعاد التأخير هاد ما الك اي فوتة عالصف ورح تنحرمي من الامتحان منى:اي انحرم لاني قاتلة حالي وميتة على العلم والتعليم انا بدرس لارضي اهلي واخلص من نقهم بس الانسة:بدون فزلكة على هالصبح خلصي يلاا دخلت منى وقعدت بمقعدها وصارت تتذكر الشغلات الي بتهدي قبل الامتحان ، هالشغلات شافتهن عاليوتيوب ، صارت تاخد شهيق وزفير زفير وشهيق ورا بعض والمعلمة حاملة اوراق الامتحان وعم توزعهن وتدور بعيونها على مصدر الصوت الانسة بصراخ: ميييين هاد الي بلهث متل الكلب اطلع الكل بمنى وهني يضحكو والانسة فهمت انو هالصوت من منى.. الانسة: شو عم تعملي انتي؟ منى: ااا انا؟..شو دخلك؟..يعني عم راجع معلوماتي. الانسة: راجعيها بهدوء. وزعتلهم الاوراق وصاروا يحلوا الاسئلة..ومنى تقرأ الاسئلة بعمق وتفكر..لحتى حلت يلي بتعرفه وطلعت من المدرسة.. كان رامي واقف يستناها برا المدرسة بكل حماس ولما شافها فورا ركض لعندها بلهفة.. رامي: شو صار؟؟..شو كتبتي؟ منى: كتبت الاجوبة. رامي: يعني قصدي كيف؟ منى: شو كيف؟..كتبتها بالقلم على الورقة..بعدين يا ابو عيون خضر شو دخلك جاي تتدخل بحياتي هفف. رامي: هفف هففف شقد تتأففي.. منى: وكمان بتتدخل بطريقة حكيي؟ رامي: لك خلص سكتت يلي ركبي بالسيارة اوصلك. ركبوا بالسيارة و وصلها على بيتها.. المسا كانت حاملة كتابها الانكليزي بغرفتها وبتمشي روحة رجعة وهي بتقرأ.. منى: ياربي لا تسكرلي عقلي بس لاخلص واقدم الامتحان وبعدا سكره وخلي المفتاح يضيع معليش. رن موبايلها وشالته شافت اسم رامي وفورا ردت.. منى: بدون سلام ومقدمات من الاخر كتير متوترة. رامي: ليش شو فيه؟؟ منى: لك شو شو فيه؟..بكرا اصعب واكره مادة عندي.. رح طقق.. رامي: ما تخافي مافي شي رح تكون الاسئلة سهلة هيك متوقع. منى: وشو انت منجم وخبير بالابراج ولا وزير التربية لتعرف انو الأسئلة سهلة؟ رامي: يالله عم حاول اعطيكي امل. منى: اصلا انت عم تضيعلي وقتي وبدك ارسب. رامي: انااا؟؟ منى: اي بس انا رح سكر المكالمة وادرس ما رح اسمحلك تضيع وقتي. سكرت المكالمة قبل ما يحكي شي وكملت دراسة.. ثاني يوم كالعادة فاقت وجهزت حالها وحطت العلكة بتمها وقبل ما تمشي وقفت قدام المرايا تحاكي حالها.. منى: وات از يور نيم؟ تطلعت على حالها وصارت تأشر اتجاه المرايا.. منى: ماي نيم از منى. ضحكت وصارت تسفق وهي فرحانة.. منى: هيهيهيهي..لك تقبري قلبي يا انا بعيد الشر..شو شاطرة طالعة على حالي..مادام عرفت اجاوب على هالسؤال يعني انا حافظة. فرقعت بالعلكة لما كانت امها داخلة على الغرفة وشافتها تعلك.. ام منى: رايحة على امتحان وعم تعلكي؟؟..هاد العلك هو يلي يشوشلك عقلك. منى: هفف امي انتي رح يجي يوم وتجلطيني هاا. منى طالعت العلكة من تمها ولزقتها على المرايا.. ام منى: ليش حطيتيها هون كبيهاااا... منى: بس ارجع من الامتحان رح ارجع اكلها. ام منى: ييي يالله شقدك مقرفة. ضحكت منى وباست امها بقوة واخذت قلمها وطلعت من الغرفة.. منى: دعواتك يا حجة. ام منى: الله يسرلك وينجحك وتبيضيلنا وجهنا. لبست بوتها ونزلت من الدرج وهو ببالها انو رامي ينطرها تحت البيت..ولما نزلت على الشارع تطلعت يمين وشمال وما لقته.. منى: لعماا وينو هاد؟..اليوم المادة بتخصه لازم ياخدني بايديه على الامتحان. تطلعت على الساعة يلي بايدها وشافت الوقت عم يمضي وفورا راحت على المدرسة.. بعد نص ساعة كانت منى قاعدة وحاطة ايدها على راسها وصافنة بالورقة..وبالايد التانية شايلة قلمها وبتفكر.. منى بقلبها: يالله شو هاد السؤال الله لا يسامحك يا رامي ما درستني ياه..اوف اوف ولا هاد السؤال العاشر شو يعني مو فهمانة شي. رفعت راسها عن الورقة وتطلعت بالمراقبة وهي تتأفف.. منى: احكو لترامب يجي يترجملنا يلي مكتوب والله مو فهمانين شي. المراقبة: كيف مو فهمانة شي شو كنتي تعملي كل هالسنة ليش ما درستي؟..بعدين شو ترامب رفيقك ليجي يترجملك؟ منى: حبيبتي انا لو بدي كان هلأ باتصال مني اطلع مو كاتبة شي وترامب رح يخبرهم انو ينجحوني. المراقبة: لك شو هالوقاحة هي؟..كتبي يلي عندك وسلمي الورقة خلصيني. منى: ياربي هديني ولا تعصبني. ظلت تفكر لحتى خطرلها يلي فيه خير وكتبته..وظللها اخر الشي التعبير طالعت من تحت كمام ايدها ورقة مصغرة كاتبة عليها الموضوع..وخبت الورقة وصارت تنقل منها كلمة كلمة.. منى بقلبها: يلاا منى حبيبتي ما ظللك بس كم كلمة. Telegram: @rwayate وهي مدموجة وعم تنقل نقزتها المراقبة لما سحبت الورقة منها.. المراقبة: شو هااد؟؟ منى: ش...شو هاد؟..هي ورقة. المراقبة: طلعي براا. منى: عم اكتب الامتحان اذا طلعت ما رح انجح و.. المراقبة: عم قلك طلعي براا مشان تعرفي كيف تغشي. منى: على اساس قاتلة حالي لابقى اتطلع على خلقتك.. زورتها منى وظلت المراقبة واقفة مصدومة من قلة ادبها.. #يتبع #بقلم_لارا_واسراء