*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵لقيت الطبطة* *❴🔢❵الـــبـــــــــــ❴الرابع والاخير❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #لقيت_الطبطبة.🔐 #الجزء_الرابع_والاخير💜 بقلم الثنائي.. #لارا_عبد_القادر و #اسراء_عبد_الحميد _____♡____„„____♡_____„„„♪♪ طلعت من المدرسة وهي مزعوجة والدموع بعيونها بدها تبكي خايفة لا ترسب..ولما طلعت شافت رامي واقف بستناها جنب سيارته..ولما شافته ركضت لعنده وصارت تضربه على اكتافه وصدره.. منى: كله بسببك كله بسببك ما درستني منيح عامللي حالك استاذ وانت ما بتفهم شي. مسك ايدها يلي كانت عم تضربه و وقفها قدامه باستعداد.. رامي: لك شبك جنيتي شو صرلك؟..ما قدمتي منيح؟ منى: سحبوا مني الورقة سحبوهاا ما كملت الموضوع. رامي: مين قلك ما تحفظي الموضوع؟..مين قلك تنقليه؟..بعدين اكيد حكيتلك شي لحتى سحبوا منك الورقة. منى: يخرب بيتها هي المراقبة يقطع عمرها واصلا يقطع عمر يلي كاتب الأسئلة مو مترجم شي. رامي: هههه طولي بالك اذا بس سحبت الورقة عادي واذا حالة بقية الأسئلة ان شاء الله تنجحي. مسحت وجها بايديها ورجعت خصلات شعرها لورا وبعدين تطلعت على رامي بعصبية.. منى: وانت ليش ما اجيت جبتني على المدرسة هااا؟؟ رامي: ليش انا سواقك مثلا؟ منى: مادام هي مادتك انت مسؤول عني..وعقاب الك رح تصير يوميا تجي تاخدني يلا لاشوف. رامي: حدا قلك انو انتي مصيبة بتجي على حياة الناس؟ منى: انا نعمة اجيت على حياة الناس يلي الله يحبهم بسبب كترة حسناتهم..المهم يلا خدني شتريلي بوظة لانو معصبة هاا. رامي: ههههه اي شرفي انسة منى. ابتسمت وفتحت باب السيارة ركبت وهو ركب وساقها وراحوا.. بعد ما وصلها رامي على البيت طلعت ودخلت وهي مرتاحة بسبب الامل والتفاؤل يلي عطاها ياه رامي.. منى وهي تشلح من رجلها: ماميي انا اجيت. دخلت على الصالون لقت هناء وامها قاعدين بشربوا قهوة وسميح بتفرج على التيليفزيون.. هناء: هه الله جابها كيف قدمتي ولييه اكيد صفر على شمال. منى: والله تمام التمام. نصدموا امها وهناء وهي قعدت مبتسمة قدامهم ولفت رجل على رجل.. ام منى: عنجد كيف قدمتي حليتي كم سؤال؟..شوفي ابوكي قال اذا حليتي اربع اسئلة يمكن تنجحي امانة قليلي انك حليتي اربع اسئلة حتى لو غلط. منى: شبك امي عم قلك تمام التمام شو مو معبية عينك انا يعني؟ هناء: على قد مانك قليلة زوق وادب وناقصة مو معبية عينها للمخلوقة ومو مصدقين انك حليتي منيح. فجأة نقزت هناء وصرخت لما سميح سكب عليها فنجانها القهوة.. سميح: لا تحكي على اختي هيك ماشي..واصلا انتي يلي ما بتعبي العين. ام منى شهقت: عيب عليك شو قلة هالادب هي؟ هناء: اي طبعاا اذا اختو منى كيف ما يكون هيك؟ منى: كفك شريكك.. ضربوا ايد بعض هي وسميح.. ودخل ابوهم على البيت وهي ركضت لعنده وحضنته.. منى: بابا باباا انا رح انجح متأكدة. ابو منى: عنجد؟..كيف قدمتي؟ منى: منيح يعني شيل الصفر وحطه على اليمين بدال الشمال وحط جنبه عدد مرتب هاد رح يكون علامتي. ابو منى: اي امين يارب ترفعيلي راسي. مرت ايام ومنى خلصت الامتحانات كلها كان رامي كل يوم ياخدها ويرجعها ويعطيها امل انو رح تنجح وبعد الامتحان تخسرو حق بوظة او غزل البنات او شيبس وهالاكلات.. باخر يوم امتحانات رجعت وهي ترقص وتغني انو خلصت فرحتها كانت فرحة العروس..وبعد الغدا ظلت نايمة محدا استرجى يصحيها لصحيت هي لحالها المغرب..ودخلت على المطبخ ما خلت شي ما اكلته وبعدين رجعت على غرفتها ودقت اتصال على رهف وصاروا يحكوا.. منى: رهووف فرحتي مو وسعانتها الدنيا..تخيلي ماظل شي اسمه دراسة او دوام اي اي شي..لك الحياة صارتلي اكل ونوم وبس. رهف: انا عكسك يعني بالوقت يلي دخلنا بعلاقة انا وكرم ماظل في مدرسة لنشوف بعض. منى: ههههه لك احسن اصلا يقطع عمره شوفته بتلعي النفس..ههه وتعرفي انا خلصت من شوفة استاذ الانكليزي يلي بالاسم استاذ. رهف: اي صحيح كيف قدمتي بالانكليزي.؟ منى: منيح هاد رامي الله يوفقه والله علمني كتير شغلات. رهف: لسا هلأ كنتي تحكي عليه. منى: لك ايي بحكي عليه بس والله كربوج ويجنن يعني ساعدني و وقف معي..خلص انا لقيت الصديق الوفي.. رهف برأيك عادي اذا بقله نكون اصدقاء مو؟ رهف: انا حاسة رح يصير الحب تبعك. منى: حبك ابو ملعون الهي شو حب ما حب؟..نقلعي نقلعي لا تخربيلي مزاجي. سكرت المكالمة منى وهي معصبة وقامت وقفت وفجأة سمعت اغنية بالشارع.. الاغنية: اه لقيت الطبطبة..واقوى لو مانتش بعيد...ضحكتك فيها كهرباا..ببقى زي وحد جديدد.. ضحكت ولفت شال على خصرها وصارت تتمايل وترقص وهي تغني وتتخيل رامي قدامها برقص معها..ومرة ترمي شعرها لورا وتهز باكتافها وايديها يلي تحركهم بابداع وتتمايل.. منى: اه لقيت الطبطبةة..اههههه.. تخيلت رامي قاعد قدامها بسفقلها..وهي بتتطلع عليه وتضحك.. منى: يا طبطبتي.. بعدها فاقت من خيالها: شو طبطبتي ما بعرف شو لعماا..يعني هي مجرد اغنية بس. صارت تتطلع على حالها بالمرايا وكملت تمايل ورقص وهي تضحك.. اجى صباح اليوم الموعود..اليوم يلي رح يحدد مصير كتير طلاب.. منى قعدت قدام التيليفزيون وركزت نظرها وسمعها على قناة الاخبار وهي متوترة.. منى: لك يلااا يلا طالعوهاا. اجت امها وقعدت جنبها وهي خايفة.. ام منى: شو ما طالعوا النتائج؟ منى: لسا لسا لساا..هفف. ام منى: يلا هلأ بيطالعوها. بعد انتظار من الدقائق صارت تتطلع النتائج بشريط الاخبار وظلوا مركزين لحتى طلع اسم منى..فتحوا عيونهم بصدمة وصاروا يتطلعوا على بعض..وفجأة تصرخ منى بأعلى صوتها.. منى: يااالله...لك نجحت نجحت نجحت..ياربي لك نجحت.. هجمت على امها وحضنتها بقوة وهي تصرخ وتضحك وامها مو مستوعبة هالشي.. ام منى: لحظة؟..عنجد يعني؟..نجحتي؟..ليكون قرأنها غلط؟ منى: ما قرأنا غلط امي نجحت نجحت. دخلت على غرفتها وهي تنط وتسفق وتصرخ وتصفر من الفرح وطلعت على البرندا وصارت تصرخ.. منى: لك خلي الكل يعررف..انا نجحت نجحتت يا جماعةةة انا نجحتتت.. سميح يلي كان بالشارع صار يسفق ويصرخ باسم منى وهناء طلعت على الباب مصدومة.. هناء: ولك شو عم تحكي هالبنت؟..مستحيل..سمييح لك سمييييح يكفي تصفر سمعني.. سميح: اختي نجحت اختي نجحتت لك منى نجحت. هناء: لازم السقف ينزل على راسي لاصدق. منى ظلت واقفة وتتطلع على السما وهي تضحك...وبايدها الناعمة مسحت الدموع يلي بعيونها وهي مو قدرانة تستوعب هالشي..وشافت ابوها وصل على الحارة وصارت تنهدله.. منى: بابااا بابااا انا نجحت رفعتلك راسك.. نجحتتت.. ابو منى: ش..شو عم تحكي؟..لك عنجد؟؟ الفرحة كانت مو معقولة ولا يقدروا يصدقوها..منى يلي كانت نسبة نجاحها واحد بالمية نجحت..هالفرحة كانت كبيرة كتير بالنسبة للكل..خصوصا لمنى يلي خلصت من المدرسة والتوجيهي.. ظل النهار كله ضيوف يجوا ويباركوا لمنى وهي فرحانة وكأنها عروس..لبست فستان زهري فاتح وحطت مكياج حلو لاول مرة..وفلتت شعرها لعند خصرها وطلعت بتجنن وكتير كيوت..بس كالعادة ما بتقدر تحافظ على ادبها..ورا هالاميرة يلي طالعة على هيئتها في بنت قليلة ادب وزوق😂.. المسا راحوا الضيوف وشالت صينية القهوة على المطبخ وحطتها على الرف وامها بتجلي وترتب... منى: ماميي مسكي اجلي هي كمان. ام منى: حاضر بس روحي فتحي الباب صوته ندق. منى: يلاا.. توجهت لباب البيت وفتحته وهي مبتسمة بس راحت ابتسامتها لما استغربت بوجود رامي على الباب.. رامي: كيفها الناجحة؟ منى: م..منيحة... توسعت عيونه يلي غرقت بجمال منى وعفويتها يلي مسيطرة عليها وهي بس ظلت واقفة وتتطلع عليه وهي متوترة..واجتها امها من وراها ام منى: مين على الباب يا بنتي؟ منى: ااا...رام...قصدي الاستاذ رامي. ام منى: اي بعديله خليه يفوت..اهلا وسهلا استاذ رامي. رامي: اهلين فيكي..والف مبروك ان شاء الله الشهادات العليا. ام منى: تسلم يارب..اي ابو منى طلع على الشارع يجيب غرض تفضل انت تفضل..وانا رح كمل هالجليات.. رامي: خدي راحتك. منى: تفضل على البرندا الهوا برا حلو. دخلوا على البرندا وزبطتله الكرسي ليقعد وهي ظلت واقفة..تطلعت عليه كانت نظراته غريبة عليها..وفجأة سحبها من ايدها وقربها لعنده..تخالطت انفاسهم وهي نصدمت من يلي عمله.. منى: ش..شو عم تعمل بعد عني.. رامي: بدي قلك شي بمناسبة نجاحك. منى: اي بعد عني هلأ اذا اجت امي وشافتنا رح ننفصح شو عم تعمل بعد..ولك يا ضفدع تركني بعد.. حاولت تبعد عنه بس هو كل ما زاله يشدها لعنده لحتى ظل ماسكها من ايدها و دار راسها لعنده وصارت عيونهم قدام بعض.. رامي: اسمعيي..عم قلك بدي خبرك المفاجأة. منى بتوتر: شو هي..؟ رامي: انا..اناا.. كان بده يحكي وهي زادت دقات قلبها وحاطة عينها بعينه ومصغية عليه بلهفة..وهو كان بده يحكي بس متوتر وما يعرف كيف.. رامي: يعني اناا.. منى: اي.. فجأة حست بشفافه يلي لزقت على شفافها بكل حنية..وظل يبوسها لحتى بعدته عنها.. منى: لك شو عم تعمل؟؟ رامي: منى انا بحبك. منى: انت مجنون شي؟ رامي: انا مجنون بجنانك..انا حبيتك بكل تصرفاتك. سكتت منى وهو رجع قرب عليها وشال ايدها وحطها على قلبه.. رامي: شوفي قلبي كيف بدق بسرعة لانك قدامي. توترت وسحب ايدها ودارت ظهرها.. منى: شو عم تحكي انا طالبتك. رامي: هههه طالبتي؟..بنشبه كلشي الا الاستاذ والطالبة. قرب لعندها ولف ايديه على خصرها وحضنها من وراه ظهرها وقرب انفاسه على اذانها وصار يهمسلها.. رامي: انا بحبك.. ما قدرت تقاوم الشعور يلي تبادله ياه..ما قدرت تسكت نبضات قلبها المتسارعة وتوترها ولهفتها لحبه..والتفتت عليه وصارت تتطلع بعيونه.. منى: وانا.. رامي: وانتي شو؟؟ منى: ب... رامي: اي قوليهاا.. منى: بحبك... رامي: دخيل تمك العسل يلي حكى هيك شي. دفن راسه برقبتها وطبع عليها بوسة وبعد عنها شوي وهن غارقين ببعض.. ...: منى منى جبنالك شوكولا واندومي.. فورا بعدوا عن بعض وهن متوترين ويضحكوا لما سمعوا صوت سميح.. منى: ااا...اي يسلموا...اجى بابا؟ سميح: اي اجى..هاد مو استاذك شو عم يعمل هون.؟ رامي: ااا..وانت شو دخلك؟ طلع ابو منى على البرندا لعندهم.. ابو منى: يا اهلا وسهلا نورت والله. رامي: تسلم يارب..صراحة اجيت مشان..ايي يعني اباركلكن بهالمناسبة الحلوة. ابو منى: الله يبارك فيك.. اجاهم صوت ام منى تندهلهم: تعالوا نتعشى العشا صار جاهز. ابو منى: اي يلا تعالوا نتعشى. رامي: شكرا انا لازم اروح. ابو منى: شو تروح والله ما بتطلع من هون بدون عشا يلا تفضل. تطلع على منى يلي كانت تتطلع عليه بخجل والحب يطلع من عيونها..فجأة وبلحظة وحدة تغيرت منى القليلة ادب ومافيها زوق ولسانها طويل لبنت هادية مقطوع لسانها خجولة ما بتحكي شي.. قعدوا تعشوا وظل قاعد رامي شرب قهوة وبعدها راح على البيت.. اول ما طلع رامي من البيت ركضت منى عند البرندة لتشوفو وهو طالع ما كانت عارفة سبب هالشعور يلي خلى رجليها يركضو عند البرندة لتودعو بعيونها ، لمحها قبل لا يدخل سيارتو وعمللها بوسة بالهوا ولا ارادي عملتلو بوسة كمان ، ركب سيارتو ومشي فيها منى بقلبها :معقول يا منى انتي هييك لك شو هالاحساس يلي عم يوجعلي قلبي شو هااد والله حاسة قلبي رح يطلع من مطرحو ..هاد هو الشعور الحلو يلي قالت عنو الغبية رهف حست بنسمات هوا باردة دخلت وتغلغلت جوا جسمها ، حضنت حالها بإيديها وهي تتبسم وبعدها دخلت على غرفتها ،، كان سميح قاعد على تختها وبياكل من الحلو يلي ضل من حفلتها ابتسمتلو وما ضربتو وهاد الشي يلي خلى سميح يصفن بمنى ويحس بان هناك شيئا غريبا يجهله 😂 سميح:وليي منى كإنك لاقيتي حدا غبي متل هناء تتسلي في لحالك وما خبرتيني لاتسلى معك منى بابتسامة:اي لقيت الطبطبة سميح:شو هي الطبطبة؟ جمع بطة؟ منى:ههههه سموحي احكيلي كلمات اغنية حسين الجسمي الجديدة سميح بغني :حبيبي بالبنط العريض .. غالي وئرب من الوريد .. حالتي تتشخص جنون ... بيئلولي انا بيك مريض منى:بدووون ما تلحن بس الكلمات سميح:اوكيه حبيبي بالبنط العريض .. غالي وئرب من الوريد .. حالتي تتش.. منى:يا بني ادمم بدووون تلحيين صوتك بخزي سميح:طيب اخر مرة حبيبي بالبنط العريض .. غالي وئرب من الور.. منى:قووم انقلع برا صووتك وجعلي اذنيي صار عندي شلل بعضلات السمع اخدت منى موبايلها وفتحت على كلمات الاغنية وهي تحلل فيها لحتى وصلت عند جملة "حالتي تتشخص جنون وبيقلولي انا بيك مريض " تنهدت وفتحت على قائمة الاتصال بسرعة وهي مفزوعة رامي:لحقتي تشتاقيلي؟ منى:اخرااس نحنا بورطة حتى لا انا يلي بورطة مو نحنا رامي بخوف:يووه ليش شو يلي صار؟ منى:انا بيك مريضة؟ هيك بيقول حسين الجسمي شو العلاج رامي:ههههههههه بكرا بخبرك شو العلاج منى:ليش ما تقول هلأ؟ رامي:خلص بكرا يعني بكرا احسبي حسابك عازمك على الفطور رح اجي اخدك من بكير منى:وليي شو بدي قول لاهلي رامي:قوليلهن انو بدي ساعدك شو تسجلي بالجامعة منى:اسكت اسكتت قال جامعة قال ما صدقت وانا اخلص من التوجيهي رامي:اي براحتك بداوم لحالي وهناك في كتير بنات حلوين اشكال الوان منى:هههههه لا لا تفكر انك عم تغيظني واني عم اغار حاكم كرهي للدراسة اكبر من حبي الك رامي:هههههه اتس اوكيه يلا كود نايت ماي هارت منى:اعععععع انكليزي اععع تصبح على خير سكرت المكالمة ورمت الموبايل على جنب حضنت مخدتها وغطت بالنوم والفرحة مو واسعتها وماعم يروح من بالها وخيالها الموقف الي صار بينها وبينو على البرندة صحيت على صوت موبايلها وهو يرن فتحته بنعس وردت.. منى: نعم...؟ رامي: صباحو لحبيبتي اولا..وللناجحة ثانيا. منى: اهلين شو بدك مني من هالصبح فيقتني؟ رامي: هلأ هيك بتردي عليي يعني؟..الله يسامحك. منى: مين قلك تحبني بتصرفاتي؟ رامي: ههههه بلشتي تطرقيني مانية على حبك..المهم يلا جهزي حالك جاي اخدك. منى: لويين؟؟ رامي: على المطعم مو اتفقنا مبارح. منى: هفف طيب ماشي..بعد ساعة تعال لبينما خلص فطور. رامي: لا تفطري انا جاي اخدك على المطعم لنفطر سوا. منى: لك رح اجوع وافطر فطورين..يلا ناطرتك باي. سكرت المكالمة وصارت تشد حالها وتمط لحتى تغلبت على نعسها وقامت فطرت...وبعدها بدلت تيابها وزبطتت حالها لحتى اجى رامي واخدها بسيارته وصلوا على مطعم يطل على البحر وقعدوا على طاولة قدام بعض ونسمات الهوا العليلة تلعب بشعرهم وتطير ريحة الحب يلي بيناتهم..وظلوا يتطلعوا على بعض رامي كان غارق فيها علـى الاخر.. منى: ايي رح نظل هيك ما رح نطلب اكل؟ رامي: مو فطرتي بالبيت؟ منى: اي جعت. رامي: ههههه طيب تكرمي شو تطلبي؟ منى: اندومي. رامي: اندومي على الفطور؟؟مو منيحة. منى: اي وشو دخلك يعني بدك تتدخل باكلي؟ رامي: ههههه مو هيك..يا كاارسوون.. اجى الكارسون وقف عند طاولتهم.. الكارسون: تفضلوا؟ رامي: اندومي وانا بدي بس قهوة. منى: مع الاندومي جيب مايونيز..وكمان كولا. رامي: قلبتيلي معدتي. منى: اي اذا مو عاجبك قوم. رامي: ياربي صبرك..روح اخي روح..جيب يلي قلنالك عليه. بعد ما جابلهم الكارسون الاكل هو شرب قهوة وهي قعدت تاكل مرة من هاد ومرة من هاد ورامي مصدوم بقدرة تحملها على الاكل.. وهي تاكل بكاسة بوظة خطرت على بالها افكار وصارت تحكي بقلبها.. منى: معقول متل الافلام حاطلي خاتم الخطوبة بالبوظة بدال الكيك؟..لك معقوول يكون بدو يتزوجني؟..لا لا مستحيل.. لاحظ رامي نظراتها وتوترها يلي مو طبيعية.. رامي: شبك صرلك شي؟ منى: لا لا هههه.. صارت تقلب بكاسة البوظة بالمعلقة وتنبشها لتشوف اذا فيها خاتم ولا لا واخر شي عصبت وزتتها على الارض.. منى: هففف يااا مابقى اعرف فيها ولا مافيها. رامي: شو هي شبك منى؟ منى تصرخ: مافي شي مافي شي. اجى الكارسون ليمسح البوظة يلي صارت على الارض ورامي حط ايده على وجهه من الخجل.. طلعو من المطعم وركبو بالسيارة ومشي رامي من طريق غير طريق دار اهلها لمنى منى:ما رح ترجعني عالبيت؟ رامي:ليش انتي مفكرة سبب هالطلعة عشان تفطري وبس؟ منى:لكان؟ رامي:5 دقائق وبنوصل منى:وين رح نوصل لا تحكي بالالغاز هفف رامي:مو بدك العلاج؟ منى:هههههههههههههه اي طبعا ولا اضل مريضة بيك رامي:هههه لكان استني لنوصل وقف رامي السيارة جنب الحديقة يلي اخدو الدرس فيها هداك اليوم منى:لا تقول في حصة ! Telegram: @rwayate رامي:ههههه لا انزلي نزلت منى وهي مكتفة اديها وتستنى رامي يلي نزل ياخد شي من صندوق السيارة الخلفي منى:شوو هااد رامي: هون حبيتك اول مرة منى:اي؟ رامي:لهيك جبتك هون خدي افتحي العلبة اخدت منى العلبة بلهفة وفتحتها منى:غزل بنات؟ رامي:اي متل اول مرة بس هالمرة غير منى:شو الي غير ليكو زهري ومكنفش 😂 رامي:كليه شوي شوي ما لحق رامي يخلص جملته الا منى اكلة نص الغزلة رامي:قلتلك شوي شوييي منى:ليش شو... كان رح تحكي بس وقفت حكي وقت علق شي بسنانها منى:اااخخخ شووو هااد حط رامي ايدو على راسو باستياء .. وطالت منى الشي يلي علق بسنانها منى:خاتم؟ رامي:اي منى:هههه انو حركات رومنسية وكزا؟ رامي:اي رومنسية هو ضل رومنسية 😂😂 حطت منى الخاتم بإيدها وهي تتبسم متل الاطفال منى:يعني هاد رابط حبنا ؟ اخد رامي الخاتم منها وغير نبرة صوتو بالكلام رامي:ما رح تاخديه ولا رح اتقدملك او اطلب ايدك الا ازا كملتي جامعة منى:بس يا رامي.. رامي قاطعها:بس شوو؟؟ اختاري اي كلية بتحبيها او شي بتحبيه متل ما انا بحب الانكليزي ودرستو منى:ممم في كلية اسمها رامي؟ رامي بضحكة:اي موجودة بجامعة قلبي 😂 لا تغيري الموضوع بدك تسجلي بالجامعة غصب عنك منى:طيب طيب شيلنا من هالموضوع هلأ شو العلاج لان طول الوفت وانا بفكر وما عرفت انام امبارح رامي:هههه كملي كلمات اغنية حسين الجسمي " بدمنك وبقيت مزاج ... اتلحق بقى دي فايديك .. ما انت في لقاك العلاج" @rwayate ضحكت منى وميلت براسها لصدر رامي وهي عم تتبسم منى:وانا بدي هالعلاج طول العمر ❤️ #انتهت #بقلم_لارا_عبد_القادر #واسراء_عبد_الحميد