*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵لايا* *❴🔢❵الـــبـــــــــــ❴الثاني❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #لايا #بقلم_شامة_و_يمنى_عفيف الحلقة الثانية <<<<<<<••>>>>>>> لايا: خير اللهم اجعله خير.. قربت منها امها وضمتها : ما قدرت امنعهم يا لايا سامحيني .. لايا : ماما امسحي دموعك شو في شو صاير .. توجهت لعند جدها ومسكت ايده وباستها وحطتها على راسها.. شوفي جدو؟ ليش العيلة كلها هون؟ قاسم : قلتيلي ما بدك تيم ؟ تطلعت لايا على تيم بطرف عينها : لا جدو، ما عمره حد جبرني على شي وبقيت معه .. قاسم : امممم .. طيب بعتتيلي مبارح سيارتك .. لايا: صح قاسم:وبدك تحوليلي كل رصيدك اللي بالبنك…وتعطيني مفتاح شقتك لايا: تمام.. مو هاي شروطك لاترك تيم ؟ التفت الجد وراح قعد ببرود وهي عم تغلي لتعرف الشي يلي جاي جدها مشانه .. جية كل العيلة مو لخير أبداً…دخلت عغرفتها جابت مفتاح الشقة وعطته لجدها عم السكوت لدقائق والكل قعد وبقيت لايا واقفة وجنبها امها .. لايا: ما بدك تحكي جدو ؟ بدي اطلع على شغلي ما بحب اتأخر ! قاسم : مافي شغل من اليوم ورايح لايا : نعمممممم!!!!! قاسم : متل ما سمعتِ لايا .. ما عاش يلي بده يكسر كلمتي .. المكتب ما حتروحي عليه…خلي المحاميين اللي بتشتغلي معهم يكملوا شغل لحالهم فيه مافي شغل .. ولتيم رح ترجعي يعني رح ترجعي .. حست حالها داخت من الخبر يلي صعقها، شغلها هو اول شي بحياتها وما بتسمح لأي حد يتدخل فيه .. تطلعت بحجر عينها على تيم يلي كان عم يبتسم باستفزاز .. لايا : ج …جدو شو عم تحكي ؟ قاسم : يلي لازم يصير .. انا ماعندي بنات يطلعوا عن طوري .. لايا : ما بصير .. ما بقبل .. على جثتي ما بقبل .. قاسم : عم تتحديني لايا ! لايا فاتت على غرفتها وطالعت فرد مخبيته بمكان سري .. طلعت لبرا والكل استغرب .. قاسم : نزلي السلاح من ايدك .. قمر : لايا ماما شو عم تعملي نزلي السلاح من ايدك .. مشيت لايا لعند جدها وفتحت ايده ومسكت السلاح : تفضل جدو اقتلني .. اقتل لايا بس لا تحرمها من شغلها. . دار وجهه عنها .. تحركت بسرعة لعند تيم يلي وقف بسرعة ووقفت قدامه امه بمحاولة لتحميه .. صرخت لايا وهي عم تفتح ايده : خددد.. يلا اقتلني .. وارتاح مني يلااا .. مو انت بدك اياني .. انا مارح كون لالك .. اقتلني يلا واخلص مني قمر : لايا ارجعي لوعيك شو صرلك لك امي ؟ لايا : ليييش .. لييش لايا ليشش اللي خلق الكون وبسط الأرض اني قوية .. اقوى منكم كلكم .. مو خايفة منكم أبداً، وما بتقدروا تعملوا شي بدون اذني .. والا نسيتوا.. اني *المحامية لايا* راحت باتجاه جدها وحكت : هيك لكن .. طيب الله يسامحك يا جدي .. فاتت على غرفتها وسكرت الباب وراها وقفلته .. صوت بكاها انسمع برا .. قاسم بصوت عالي.: مافي مكتب لحتى تسمعي كلامي ست لايا .. طلعوا الكل من البيت واتجهت امها عالباب وبلشت تدقه .. فتحت لايا الباب وفاتت قمر وهي عم تبكي .. وتفاجأت بلايا عم تضحك قمر باستغراب : لايا؟ شوفي حبيبتي جنيتي ؟ لايا : ههههههههههه الله يسعدك يا امي شو انك نهفة .. ليش بدي جن قمر : مشان الشغل ..! ولا كأنك لايا يلي فتتي من شوي لايا : ماما انا اكيد مارح اكسر كلمة جدو بس ما بقدر اتخلى عن شغلي قمر : شو يعني لايا فتحت جوالها واتصلت برفيقتها : كيفك سُرى سرى : هلا لولو لايا : قلتلك اسمي لايا مو لولو سرى~بتضحك~ : بعتذر آنسة لايا .. لايا : مشان الرسائل يلي بعتلك اياهم .. سرى : شفتهم شو صاير بغيابي لايا كلهم يومين يلي غبتهم لايا : اااخ ..بحكيلك بالتفصيل بكرة بالمكتب .. بس اختصاراً صرت مغصوبة على تيم وجدو منعني م‌ـــِْن الروحة عالمكتب وقلي مافي طلعة عليه لحتى اعقل وارجع لتيم سرى: ورح ترجعيله ؟ لايا : لا طبعاً، يلي بيغصبني عشي وبمد ايده علي ما بيلزمني .. هلأ انا اتصلت فيك لتساعديني .. ماعندي غيرك هلأ سرى : ها يعني انا الاحتياط لايا. : اوف سرى اوف .. متى بدك تبطلي تفكري هيك سرى : هههههه بمزح .. يلا قوليلي لايا : رح اطلع عالمكتب بالسر تطلعت عليها امها باستغراب وهي ابتسمتلها: وبدي منك انت تطلعيني وترجعيني سرى : اي بتؤمري .. الف طلب متل هالطلب .. يعني كل يوم رح اتصبح فيك لايا.: اذا وافقت سرى : اكييد .. يكرموا عيونك العسليين يلي بحبهم لايا : سرى سرى : اي لايا لايا. : ما حدا لازم يعرف .. يعني لازم تشتغليلي بمهنتك ك محققة تمام … سرى : عندك شك لايا…اجي اوخدك؟ لايا : لا يا عمري ما عِنـ.‌‌‌‌‌ـديّ شك…وما تيجي اليوم ما رح اروح …م‌ـــِْن بكرة رح اروح… يلا بنحكي .. سلام سرى : سلام *-*-*-*-*-*-*-*-*-*-**-*- دخلت اسراء عبيتها…بعد ما تركت كل حدا م‌ـــِْن اهلها يروح عبيته و ابوها رجع عالفيلا مشان يتناقشوا بموضوع لايا وتيم…لانهم ميقنين انه حتى قرار منعها م‌ـــِْن الشغل مكتبها ما رح ينفع …دخلت عالمطبخ لتشرب كاسة مي…شربت وحطت الكاسة…وقبل ما تلف لتطلع اجاها صوت عمران:امي اسراء~خافت وحطت ايدها عقلبها~:بسم •اللّـہ‌‌ …ليش هيك عملت ؟…خوفتني …بعدين انت ليش مو بشغلك؟ عمران:امي ب تمزحي …الشركة لجدي وانا المدير العام فيها…فعادي متى ما بدي بداوم ومتى ما بدي بقعد اسراء:عمران ما تجنّني …انت من متى بتعطل عن شغلك أإأذأإأ ما في اشي طارئ عمران ~تنهد~:امي بصراحة قررت ما اروح لحتى اعرف شو صار بخصوص لايا وتيم اسراء:جدك منع لايا تروح عشغلها لترضى ترجع لتيم…وطبعاً انت بتعرف كيف لايا متعلقه بشغلها عمران~لمعوا عيونه~:يعني لايا ما رح ترجع لتيم؟ اسراء:هبك الظاهر…وحملت فرد وعرضت عتيم يقتلها لانه هي ما بدها تكون اله عمران~ضحك~:حلو كتير هلأ احلوت اللعبة اسراء:عمران ما تتصرف تصرف غبي عمران~وقف~:بدي اروح لعند جدي واحكيله اني بدي لايا وشاريها اسراء~هبت بسرعة~:لأ عمران اوعى تعمل هيك …رح تشعل النار بالعيلة ورح تعمل مشاكل بيني وبين جدك وخالك وتيم ولايا…ابني البنت مو الك اقتنع بنصيبك خلص عمران~توجه لعند الباب~:انا رح احاول ما رح اترك لايا بسهولة اسراء:عمران ارجع وما تتصرف تصرفات عواقبها وخيمة عمران:انا حسمت امري …بخاطرك امي طلع عمران واسراء دب الرعب بقلبها …لانها عارفه ابنها وقت يصر بده الشغلة مستحيل يوقف عن المحاولة ليكسبها…ما كان عندها خيار غير انها تطلع وتلحقه قبل ما يتهور " " " " " " " " " " " " "" " "" " """" " "" " " " " " " " اسراء عمرها 46 سنة ارملة م‌ـــِْن سنين طويلة عندها بنت وولد عمران شب مسؤول وواعي عمره 24 سنة وهو المدير العام بشركة من شركات جده <<<<<<<••>>>>>>> عند قاسم .. وصلوا عالفيلا بعد ما طلعوا من بيت لايا .. تفرقوا كل واحد على بيته وفات قاسم وفاطمة ونسمة عالفيلا .. نسمة: بابا قاسم: نعم نسمة نسمة : بابا انت غلطت باللي عملته قاسم : نعم؟ نسمة : قلتلك غلطت لما منعت لايا من شغلها بس لانها رفضت تيم .. معها حق .. يلي بمد ايده ع انثى اكيد رح ترفضه .. قاسم : جاية تعلميني شغلي ولي نسمة.: لا بابا مو هيك قصدي .. بس هي حياة مو لعبة .. قاسم : انقلعي من وجهي نسمة .. بسرعةةة نسمة : ليش انقلع بابا ليش ؟ لاني حكيت كلمة حق ؟ مو انت ربيتنا نحكي كلمة الحق لو على قطع رقبتنا .. انت غلطت بابا.. ما حست غير بحرارة على وجهها من اثر الكف يلي اكلته .. نسمة : عم تضربني بابا .. عم تضربني قاسم : ماعاش يلي بده يرفع صوته على صوتي ويرد جواب .. طلعت نسمة على غرفتها عم تبكي وحكت فاطمة : حسبي الله ونعم الوكيل. لك من متى انت بتمد ايدك على اولادك يا قاسم قاسم : هي طلعتني عن طوري .. فاطمة : طيب روق روق .. حسبي الله ونعم الوكيل .. طلعت فاطمة لعند نسمة ودقت الباب اجاها صوت نسمة الباكي من جوا .. فتحت الباب وتوجهت لعندا وضمتها .. : لا تبكي امي الله يرضى عليك نسمة : امي انا ! ابي يضربني كرمال تيم ؟ لك بعمره بابا ما مد ايده علي، هلأ لانه حكيت انه غلط بتصرفه بيضربني؟ فاطمة : وانت ما بتعرفي ابوكِ ؟ واديش لايا بتهمه وما بده ياها تطلع من تحت جناحه .. بكفي اخوك راح وتركهن .. نسمة : لك امي ليش ؟ اتركوا البنت تختار حياتها .. ما بكفي انا كل عريس اجاني ترفضوه ؟ هي صار عمري 35 وماعاد حدا دق بابي .. كله منكم .. فاطمة : يا بنت.... نسمة : امي بدي ضل لحالي .. لو سمحت .. طلعت فاطمة وهي عم تدعي لنسمة بهداة البال *-*-*-*-*-*-*-*-*-*-*-* نسمة عمرها 35 سنة …دارسة رياضيات بس ما بتشتغل…ما تزوجت لانه ابوها كان يرفض كل عريس يجيها…بعد ما مات ابن عمها اللي كان خاطبها م‌ـــِْن سنين بحادث سير ~°~°~°~°~°~°~°~°~°~°~°~°~ ببيت تيم فات تيم هو واهله عالبيت وركضت عليهم نوران وحكت : شو صار معكم؟ تيم : جدك منع لايا م‌ـــِْن الشغل بالمكتب.. لنشوف هلأ شو رح تعمل .. رح تركض لعند صرمايتي .. هههههههه عمار : تيم .. تأدب .. تيم مسك ضحكته وامه طلعت وهي مو عاجبها وطلعت وراها نوران : شو هدا امي ؟ من متى جدي وتيم هيك ؟ والله ما بصير سناء : هو انا بعرف، شو بعرفني انا التانية لو تشوفي لايا اديش بكت .. لدرجة طلعت سلاحها وقالت لجدك يقتلها .. نوران : والله هالبنت طيبة وما بصير هيك يعملوا فيها .. يعني اذا انا غصبني جدي هيك بترضوا انتو ؟ تيم بيرضى؟ بابا بيرضى؟ سناء: اكيد لا نوران : لكن كيف رضيانين هالشي على لايا امي؟ سناء : انا مالي رضيانة نوران نوران : طيب عملي شي ومنعي جدي .. سناء : شو بيطلع بايدي لك امي .. اذا لايا حفيدته المدلله هيك عم يغصبها .. شو بدنا نقول احنا .. نوران : انا رايحة .. سناء : لوين ؟ نوران : بدي روح زور شجن ووسن سناء : اسألي ابوك نوران : هفف حاضر نزلت نوران بعد ما لبست وكانو عم يحكو تيم وعمار بخصوص لايا .. نوران : بابا عمار : عيونه نوران : فيني روح لعند شجن ووسن؟ عمار : لا بابا .. هلأ الأمور متأزمة مو منيح تروحي .. نوران : اف بابا بس لبست ! وبعدين منه بشوف لايا وبسلم عليها .. لمعت عيون تيم وحكى: اي معلش بابا خليها تروح بتتسلى خطي .. نوران دبلت عيونها : اي بابا عمار : طيب روحي .. بس لا تطولي ... نوران : حاضر حاضر .. ببيت لايا دخل براء عالبيت لانه نام عند صاحبه قبل بيوم ولقي امه بغرفة القعدة بتبكي وجنبها نبأ بتهديها…رمى براء الكتب م‌ـــِْن ايده وركض بسرعة لعندها براء:خير شو في امي شو صاير حكتله نبأ كل شي صار وركض لعند لايا عالغرفة فتح الباب لقي لايا مبسوطة وبتضحك براء:شكلك انجنيتِ بعد اللي صار وخف عقلك لايا:ما ابردك …لا لَيش ؟ براء:انتِ بتقدسي شغلك كيف هيك ببرودة اعصاب بتضحكي بعد ما انمنعتِ منه؟ لايا:حكيت مع سرى رح روح وارجع عالشغل بلا ما حدا يعرف سرى رح توخدني وتجيبني …اما تيم مستحيل ارجعله براء:طبعا تيم ما رح ترجعيله انا مش كرسي هون لحتى يغصبوكِ عشي ما بدك اياه ~طال التلفون من جيبته ورن عأبوه~ طول جاسم لحتى رد وحكى:الو…مرحبا براء براء:اهلين بابا …كيفك جاسم:انا الْحٍمَدٍ للـّہ منيح …انت ليش متصل بهالوقت مو عارف انه التوقيت بختلف وعندي هلأ ليل؟ براء:بعرف بابا…بس الموضوع ما بتحمل يتأجل جاسم:ليش… شو صاير؟ براء:جدو منع لايا تكمل شغلها لحتى ترضى بتيم مع انها تركته لانه كان بده يضربها لحتى تترك مكتبها وهي رفضت وانا كنت ناوي اقتله لتيم قتلة اربيه بس ما رضيت لحتى ما خرب العلاقات …وبصراحة لايا ما بدها تيم و… قاطعه جاسم:بعرف بكل اللي صار حكالي وانا حكيتله كسر راسها وخليها ترجع لتيم البُـنًتٍ ما بتروح غير لابن عمها واختك بدها تتمرد عالعرف بتستاهل كانت لايا قاعدة جنب براء ووقت سمعت ابوها شو حكى انكسرت وزعلت بس سحبت التلفون م‌ـــِْن ايد براء وحكت:عمرك ما كنت اب النا غير بالاسم ورح تبقى هيك …الله يسامحك بس…سلام سكرت التلفون مباشرة وما سمعت رد جاسم لايا~والدموع بعيونها عوشك تنزل مدت ايدها وناولت التلفون لبراء~:براء حبيبي ممكن تتركني شوي قام براء طلع وسكر الباب وراه بدون رب احرف وما زعل م‌ـــِْن اخته لانه عارف انها حابة تبقى لحالها لتفرغ عن نفسها *-*-*-*-*-*-*-*-*-*-*-*-* وبالفيلا طلع صوت صراخ فجأة كسر الصمت اللي كان مسيطر عالمكان …:لااااااا موووووتي رح يكوووون عااايدييييكم بكفييييي …: هي الييييييي يعنيييي اليييي مشااان •اللّـہ‌‌ ما تحرمووووني ‏​‏​منها هبوا كل الخدم بالقصر ليشوفوا شو صار هنيك بس اول ما انفتح الباب وطلعوا اللي جوا لفوق انصدموا م‌ـــِْن شكل الغرفة #للرواية_بقية #بقلم_شامة_و_يمنى_عفيف